TITUS
Rg-Veda: Rg-Veda-Samhita
Part No. 261
Previous part

Hymn: 27_(261) 
Verse: 1 
Halfverse: a    prá vo vā́jā abʰídyavo havíṣmanto gʰr̥tā́cyā /
   prá vo vā́jā abʰídyavo
   prá vaḥ vā́jāḥ abʰídyavaḥ
   prá vo vā́jā abʰídyavo

Halfverse: b    havíṣmanto gʰr̥tā́cyā /
   havíṣmantaḥ gʰr̥tā́cyā /
   havíṣmanto gʰr̥tā́ciyā /

Halfverse: c    devā́ñ jigāti sumnayúḥ //
   devā́ñ jigāti sumnayúḥ //
   devā́n jigāti sumnayúḥ //
   devā́ñ jigāti sumnayúḥ //


Verse: 2 
Halfverse: a    ī́ḷe agníṃ vipaścítaṃ girā́ yajñásya sā́dʰanam /
   ī́ḷe agníṃ vipaścítaṃ
   ī́ḷe agním vipaścítam
   ī́ḷe agníṃ vipaścítaṃ

Halfverse: b    girā́ yajñásya sā́dʰanam /
   girā́ yajñásya sā́dʰanam /
   girā́ yajñásya sā́dʰanam /

Halfverse: c    śruṣṭīvā́naṃ dʰitā́vānam //
   śruṣṭīvā́naṃ dʰitā́vānam //
   śruṣṭīvā́nam dʰitā́vānam //
   śruṣṭīvā́naṃ dʰitā́vānam //


Verse: 3 
Halfverse: a    ágne śakéma te vayáṃ yámaṃ devásya vājínaḥ /
   ágne śakéma te vayáṃ
   ágne śakéma te vayám
   ágne śakéma te vayáṃ

Halfverse: b    yámaṃ devásya vājínaḥ /
   yámam devásya vājínaḥ /
   yámaṃ devásya vājínaḥ /

Halfverse: c    áti dvéṣāṃsi tarema //
   áti dvéṣāṃsi tarema //
   áti dvéṣāṃsi tarema //
   áti dvéṣāṃsi tarema //


Verse: 4 
Halfverse: a    samidʰyámāno adʰvarè 'gníḥ pāvaká ī́ḍyaḥ /
   samidʰyámāno adʰvarè
   samidʰyámānaḥ adʰvaré
   samidʰyámāno adʰvaré

Halfverse: b    'gníḥ pāvaká ī́ḍyaḥ /
   agníḥ pāvakáḥ ī́ḍyaḥ /
   agníḥ pavāká ī́ḍiyaḥ /

Halfverse: c    śocíṣkeśas tám īmahe //
   śocíṣkeśas tám īmahe //
   śocíṣkeśaḥ tám īmahe //
   śocíṣkeśas tám īmahe //


Verse: 5 
Halfverse: a    pr̥tʰupā́jā ámartyo gʰr̥tánirṇik svā̀hutaḥ /
   pr̥tʰupā́jā ámartyo
   pr̥tʰupā́jāḥ ámartyaḥ
   pr̥tʰupā́jā ámartiyo

Halfverse: b    gʰr̥tánirṇik svā̀hutaḥ /
   gʰr̥tánirṇik svā̀hutaḥ /
   gʰr̥tánirṇik súāhutaḥ /

Halfverse: c    agnír yajñásya havyavā́ṭ //
   agnír yajñásya havyavā́ṭ //
   agníḥ yajñásya havyavā́ṭ //
   agnír yajñásya havyavā́ṭ //


Verse: 6 
Halfverse: a    táṃ sabā́dʰo yatásruca ittʰā́ dʰiyā́ yajñávantaḥ /
   táṃ sabā́dʰo yatásruca
   tám sabā́dʰaḥ yatásrucaḥ
   táṃ sabā́dʰo yatásruca

Halfverse: b    ittʰā́ dʰiyā́ yajñávantaḥ /
   ittʰā́ dʰiyā́ yajñávantaḥ /
   ittʰā́ dʰiyā́ yajñávantaḥ /

Halfverse: c    ā́ cakrur agním ūtáye //
   ā́ cakrur agním ūtáye //
   ā́ cakruḥ agním ūtáye //
   ā́ cakrur agním ūtáye //


Verse: 7 
Halfverse: a    hótā devó ámartyaḥ purástād eti māyáyā /
   hótā devó ámartyaḥ
   hótā deváḥ ámartyaḥ
   hótā devó ámartiyaḥ

Halfverse: b    purástād eti māyáyā /
   purástāt eti māyáyā /
   purástād eti māyáyā /

Halfverse: c    vidátʰāni pracodáyan //
   vidátʰāni pracodáyan //
   vidátʰāni pracodáyan //
   vidátʰāni pracodáyan //


Verse: 8 
Halfverse: a    vājī́ vā́jeṣu dʰīyate 'dʰvaréṣu prá ṇīyate /
   vājī́ vā́jeṣu dʰīyate
   vājī́ vā́jeṣu dʰīyate
   vājī́ vā́jeṣu dʰīyate

Halfverse: b    'dʰvaréṣu prá ṇīyate /
   adʰvaréṣu prá nīyate /
   adʰvaréṣu prá ṇīyate /

Halfverse: c    vípro yajñásya sā́dʰanaḥ //
   vípro yajñásya sā́dʰanaḥ //
   vípraḥ yajñásya sā́dʰanaḥ //
   vípro yajñásya sā́dʰanaḥ //


Verse: 9 
Halfverse: a    dʰiyā́ cakre váreṇyo bʰūtā́nāṃ gárbʰam ā́ dadʰe /
   dʰiyā́ cakre váreṇyo
   dʰiyā́ cakre váreṇyaḥ
   dʰiyā́ cakre váreṇiyo

Halfverse: b    bʰūtā́nāṃ gárbʰam ā́ dadʰe /
   bʰūtā́nām gárbʰam ā́ dadʰe /
   bʰūtā́nāṃ gárbʰam ā́ dadʰe /

Halfverse: c    dákṣasya pitáraṃ tánā //
   dákṣasya pitáraṃ tánā //
   dákṣasya pitáram tánā //
   dákṣasya pitáraṃ tánā //


Verse: 10 
Halfverse: a    ní tvā dadʰe váreṇyaṃ dákṣasyeḷā́ sahaskr̥ta /
   ní tvā dadʰe váreṇyaṃ
   ní tvā dadʰe váreṇyam
   ní tvā dadʰe váreṇiyaṃ

Halfverse: b    dákṣasyeḷā́ sahaskr̥ta /
   dákṣasya iḷā́ sahaskr̥ta /
   dákṣasyeḷā́ sahaskr̥ta /

Halfverse: c    ágne sudītím uśíjam //
   ágne sudītím uśíjam //
   ágne sudītím uśíjam //
   ágne sudītím uśíjam //


Verse: 11 
Halfverse: a    agníṃ yantúram aptúram r̥tásya yóge vanúṣaḥ /
   agníṃ yantúram aptúram
   agním yantúram aptúram
   agníṃ yantúram aptúram

Halfverse: b    r̥tásya yóge vanúṣaḥ /
   r̥tásya yóge vanúṣaḥ /
   r̥tásya yóge vanúṣaḥ /

Halfverse: c    víprā vā́jaiḥ sám indʰate //
   víprā vā́jaiḥ sám indʰate //
   víprāḥ vā́jaiḥ sám indʰate //
   víprā vā́jaiḥ sám indʰate //


Verse: 12 
Halfverse: a    ūrjó nápātam adʰvaré dīdivā́ṃsam úpa dyávi /
   ūrjó nápātam adʰvaré
   ūrjáḥ nápātam adʰvaré
   ūrjó nápātam adʰvaré

Halfverse: b    dīdivā́ṃsam úpa dyávi /
   dīdivā́ṃsam úpa dyávi /
   dīdivā́ṃsam úpa dyávi /

Halfverse: c    agním īḷe kavíkratum //
   agním īḷe kavíkratum //
   agním īḷe kavíkratum //
   agním īḷe kavíkratum //


Verse: 13 
Halfverse: a    īḷényo namasyàs tirás támāṃsi darśatáḥ /
   īḷényo namasyàs
   īḷényaḥ namasyàḥ
   īḷéniyo namasíyas

Halfverse: b    tirás támāṃsi darśatáḥ /
   tiráḥ támāṃsi darśatáḥ /
   tirás támāṃsi darśatáḥ /

Halfverse: c    sám agnír idʰyate vŕ̥ṣā //
   sám agnír idʰyate vŕ̥ṣā //
   sám agníḥ idʰyate vŕ̥ṣā //
   sám agnír idʰyate vŕ̥ṣā //


Verse: 14 
Halfverse: a    vŕ̥ṣo agníḥ sám idʰyaté 'śvo ná devavā́hanaḥ /
   vŕ̥ṣo agníḥ sám idʰyaté
   vŕ̥ṣā u agníḥ sám idʰyate
   vŕ̥ṣo agníḥ sám idʰyate

Halfverse: b    'śvo ná devavā́hanaḥ /
   áśvaḥ ná devavā́hanaḥ /
   áśvo ná devavā́hanaḥ /

Halfverse: c    táṃ havíṣmanta īḷate //
   táṃ havíṣmanta īḷate //
   tám havíṣmantaḥ īḷate //
   táṃ havíṣmanta īḷate //


Verse: 15 
Halfverse: a    vŕ̥ṣaṇaṃ tvā vayáṃ vr̥ṣan vŕ̥ṣaṇaḥ sám idʰīmahi /
   vŕ̥ṣaṇaṃ tvā vayáṃ vr̥ṣan
   vŕ̥ṣaṇam tvā vayám vr̥ṣan
   vŕ̥ṣaṇaṃ tvā vayáṃ vr̥ṣan

Halfverse: b    vŕ̥ṣaṇaḥ sám idʰīmahi /
   vŕ̥ṣaṇaḥ sám idʰīmahi /
   vŕ̥ṣaṇaḥ sám idʰīmahi /

Halfverse: c    ágne dī́dyatam br̥hát //
   ágne dī́dyatam br̥hát //
   ágne dī́dyatam br̥hát //
   ágne dī́diyatam br̥hát //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.