TITUS
Rg-Veda: Rg-Veda-Samhita
Part No. 253
Previous part

Hymn: 19_(253) 
Verse: 1 
Halfverse: a    agníṃ hótāram prá vr̥ṇe miyédʰe gŕ̥tsaṃ kavíṃ viśvavídam ámūram /
   agníṃ hótāram prá vr̥ṇe miyédʰe
   agním hótāram prá vr̥ṇe miyédʰe
   agníṃ hótāram prá vr̥ṇe miyédʰe

Halfverse: b    gŕ̥tsaṃ kavíṃ viśvavídam ámūram /
   gŕ̥tsam kavím viśvavídam ámūram /
   gŕ̥tsaṃ kavíṃ viśvavídam ámūram /

Halfverse: c    sá no yakṣad devátātā yájīyān rāyé vā́jāya vanate magʰā́ni //
   sá no yakṣad devátātā yájīyān
   sá naḥ yakṣat devátātā yájīyān
   sá no yakṣad devátātā yájīyān

Halfverse: d    rāyé vā́jāya vanate magʰā́ni //
   rāyé vā́jāya vanate magʰā́ni //
   rāyé vā́jāya vanate magʰā́ni //


Verse: 2 
Halfverse: a    prá te agne havíṣmatīm iyarmy ácʰā sudyumnā́ṃ rātínīṃ gʰr̥tā́cīm /
   prá te agne havíṣmatīm iyarmy
   prá te agne havíṣmatīm iyarmi
   prá te agne havíṣmatīm iyarmi

Halfverse: b    ácʰā sudyumnā́ṃ rātínīṃ gʰr̥tā́cīm /
   ácʰa+ sudyumnā́m rātínīm gʰr̥tā́cīm /
   ácʰā sudyumnā́ṃ rātínīṃ gʰr̥tā́cīm /

Halfverse: c    pradakṣiṇíd devátātim urāṇáḥ sáṃ rātíbʰir vásubʰir yajñám aśret //
   pradakṣiṇíd devátātim urāṇáḥ
   pradakṣiṇít devátātim urāṇáḥ
   pradakṣiṇíd devátātim urāṇáḥ

Halfverse: d    sáṃ rātíbʰir vásubʰir yajñám aśret //
   sám rātíbʰiḥ vásubʰiḥ yajñám aśret //
   sáṃ rātíbʰir vásubʰir yajñám aśret //


Verse: 3 
Halfverse: a    sá téjīyasā mánasā tvóta utá śikṣa svapatyásya śikṣóḥ /
   sá téjīyasā mánasā tvóta
   sá téjīyasā mánasā tvótaḥ
   sá téjīyasā mánasā tuvóta

Halfverse: b    utá śikṣa svapatyásya śikṣóḥ /
   utá śikṣa svapatyásya śikṣóḥ /
   utá śikṣa suapatyásya śikṣóḥ /

Halfverse: c    ágne rāyó nŕ̥tamasya prábʰūtau bʰūyā́ma te suṣṭutáyaś ca vásvaḥ //
   ágne rāyó nŕ̥tamasya prábʰūtau
   ágne rāyáḥ nŕ̥tamasya prábʰūtau
   ágne rāyó nŕ̥tamasya prábʰūtau

Halfverse: d    bʰūyā́ma te suṣṭutáyaś ca vásvaḥ //
   bʰūyā́ma te suṣṭutáyaḥ ca vásvaḥ //
   bʰūyā́ma te suṣṭutáyaś ca vásvaḥ //


Verse: 4 
Halfverse: a    bʰū́rīṇi hí tvé dadʰiré ánīkā́gne devásya yájyavo jánāsaḥ /
   bʰū́rīṇi hí tvé dadʰiré ánīkā_
   bʰū́rīṇi hí tvé dadʰiré ánīkā
   bʰū́rīṇi hí tvé dadʰiré ánīkā

Halfverse: b    _ágne devásya yájyavo jánāsaḥ /
   ágne devásya yájyavaḥ jánāsaḥ /
   ágne devásya yájyavo jánāsaḥ /

Halfverse: c    sá ā́ vaha devátātiṃ yaviṣṭʰa śárdʰo yád adyá divyáṃ yájāsi //
   sá ā́ vaha devátātiṃ yaviṣṭʰa
   sáḥ \!\ ā́ vaha devátātim yaviṣṭʰa
   sá ā́ vaha devátātiṃ yaviṣṭʰa

Halfverse: d    śárdʰo yád adyá divyáṃ yájāsi //
   śárdʰaḥ yát adyá divyám yájāsi //
   śárdʰo yád adyá diviyáṃ yájāsi //


Verse: 5 
Halfverse: a    yát tvā hótāram anájan miyédʰe niṣādáyanto yajátʰāya devā́ḥ /
   yát tvā hótāram anájan miyédʰe
   yát tvā hótāram anájan miyédʰe
   yát tvā hótāram anájan miyédʰe

Halfverse: b    niṣādáyanto yajátʰāya devā́ḥ /
   niṣādáyantaḥ yajátʰāya devā́ḥ /
   niṣādáyanto yajátʰāya devā́ḥ /

Halfverse: c    sá tváṃ no agne 'vitéhá bodʰy ádʰi śrávāṃsi dʰehi nas tanū́ṣu //
   sá tváṃ no agne 'vitéhá bodʰy
   sá tvám naḥ agne avitā́ ihá bodʰi
   sá tváṃ no agne avitéhá bodʰi

Halfverse: d    ádʰi śrávāṃsi dʰehi nas tanū́ṣu //
   ádʰi śrávāṃsi dʰehi naḥ tanū́ṣu //
   ádʰi śrávāṃsi dʰehi nas tanū́ṣu //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.