TITUS
Rg-Veda: Rg-Veda-Samhita
Part No. 254
Previous part

Hymn: 20_(254) 
Verse: 1 
Halfverse: a    agním uṣásam aśvínā dadʰikrā́ṃ vyùṣṭiṣu havate váhnir uktʰaíḥ /
   agním uṣásam aśvínā dadʰikrā́ṃ
   agním uṣásam aśvínā dadʰikrā́m
   agním uṣásam aśvínā dadʰikrā́ṃ

Halfverse: b    vyùṣṭiṣu havate váhnir uktʰaíḥ /
   vyùṣṭiṣu havate váhniḥ uktʰaíḥ /
   víuṣṭiṣu havate váhnir uktʰaíḥ /

Halfverse: c    sujyótiṣo naḥ śr̥ṇvantu devā́ḥ sajóṣaso adʰvaráṃ vāvaśānā́ḥ //
   sujyótiṣo naḥ śr̥ṇvantu devā́ḥ
   sujyótiṣaḥ naḥ śr̥ṇvantu devā́ḥ
   sujyótiṣo naḥ śr̥ṇuvantu devā́ḥ

Halfverse: d    sajóṣaso adʰvaráṃ vāvaśānā́ḥ //
   sajóṣasaḥ adʰvarám vāvaśānā́ḥ //
   sajóṣaso adʰvaráṃ vāvaśānā́ḥ //


Verse: 2 
Halfverse: a    ágne trī́ te vā́jinā trī́ ṣadʰástʰā tisrás te jihvā́ r̥tajāta pūrvī́ḥ /
   ágne trī́ te vā́jinā trī́ ṣadʰástʰā
   ágne trī́ te vā́jinā trī́ sadʰástʰā
   ágne trī́ te vā́jinā trī́ ṣadʰástʰā

Halfverse: b    tisrás te jihvā́ r̥tajāta pūrvī́ḥ /
   tisráḥ te jihvā́ḥ r̥tajāta pūrvī́ḥ /
   tisrás te jihvā́ r̥tajāta pūrvī́ḥ /

Halfverse: c    tisrá u te tanvò devávātās tā́bʰir naḥ pāhi gíro áprayucʰan //
   tisrá u te tanvò devávātās
   tisráḥ u te tanvàḥ devávātāḥ
   tisrá u te tanúvo devávātās

Halfverse: d    tā́bʰir naḥ pāhi gíro áprayucʰan //
   tā́bʰiḥ naḥ pāhi gíraḥ áprayucʰan //
   tā́bʰir naḥ pāhi gíro áprayucʰan //


Verse: 3 
Halfverse: a    ágne bʰū́rīṇi táva jātavedo déva svadʰāvo 'mŕ̥tasya nā́ma /
   ágne bʰū́rīṇi táva jātavedo
   ágne bʰū́rīṇi táva jātavedaḥ
   ágne bʰū́rīṇi táva jātavedo

Halfverse: b    déva svadʰāvo 'mŕ̥tasya nā́ma /
   déva svadʰāvaḥ amŕ̥tasya nā́ma /
   déva svadʰāvo amŕ̥tasya nā́ma /

Halfverse: c    yā́ś ca māyā́ māyínāṃ viśvaminva tvé pūrvī́ḥ saṃdadʰúḥ pr̥ṣṭabandʰo //
   yā́ś ca māyā́ māyínāṃ viśvaminva
   yā́ḥ ca māyā́ḥ māyínām viśvaminva
   yā́ś ca māyā́ māyínāṃ viśvaminva

Halfverse: d    tvé pūrvī́ḥ saṃdadʰúḥ pr̥ṣṭabandʰo //
   tvé pūrvī́ḥ saṃdadʰúḥ pr̥ṣṭabandʰo //
   tuvé pūrvī́ḥ saṃdadʰúḥ pr̥ṣṭabandʰo //


Verse: 4 
Halfverse: a    agnír netā́ bʰága iva kṣitīnā́ṃ daívīnāṃ devá r̥tupā́ r̥tā́vā /
   agnír netā́ bʰága iva kṣitīnā́ṃ
   agníḥ netā́ bʰágaḥ iva kṣitīnā́m
   agnír netā́ bʰága iva kṣitīnā́ṃ

Halfverse: b    daívīnāṃ devá r̥tupā́ r̥tā́vā /
   daívīnām deváḥ r̥tupā́ḥ r̥tā́vā /
   daívīnāṃ devá r̥tupā́ r̥tā́vā /

Halfverse: c    sá vr̥trahā́ sanáyo viśvávedāḥ párṣad víśvā́ti duritā́ gr̥ṇántam //
   sá vr̥trahā́ sanáyo viśvávedāḥ
   sá vr̥trahā́ sanáyaḥ viśvávedāḥ
   sá vr̥trahā́ sanáyo viśvávedāḥ

Halfverse: d    párṣad víśvā́ti duritā́ gr̥ṇántam //
   párṣat víśvā áti duritā́ gr̥ṇántam //
   párṣad víśvā́ti duritā́ gr̥ṇántam //


Verse: 5 
Halfverse: a    dadʰikrā́m agním uṣásaṃ ca devī́m bŕ̥haspátiṃ savitā́raṃ ca devám /
   dadʰikrā́m agním uṣásaṃ ca devī́m
   dadʰikrā́m agním uṣásam ca devī́m
   dadʰikrā́m agním uṣásaṃ ca devī́m

Halfverse: b    bŕ̥haspátiṃ savitā́raṃ ca devám /
   bŕ̥haspátim savitā́ram ca devám /
   bŕ̥haspátiṃ savitā́raṃ ca devám /

Halfverse: c    aśvínā mitrā́váruṇā bʰágaṃ ca vásūn rudrā́m̐ ādityā́m̐ ihá huve //
   aśvínā mitrā́váruṇā bʰágaṃ ca
   aśvínā mitrā́váruṇā bʰágam ca
   aśvínā mitrā́váruṇā bʰágaṃ ca

Halfverse: d    vásūn rudrā́m̐ ādityā́m̐ ihá huve //
   vásūn rudrā́n ādityā́n ihá huve //
   vásūn rudrā́m̐ ādityā́m̐ ihá huve //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.