TITUS
Rg-Veda: Rg-Veda-Samhita
Part No. 252
Previous part

Hymn: 18_(252) 
Verse: 1 
Halfverse: a    bʰávā no agne sumánā úpetau sákʰeva sákʰye pitáreva sādʰúḥ /
   bʰávā no agne sumánā úpetau
   bʰáva+ naḥ agne sumánāḥ úpetau
   bʰávā no agne sumánā úpetau

Halfverse: b    sákʰeva sákʰye pitáreva sādʰúḥ /
   sákʰā iva sákʰye pitárā iva sādʰúḥ /
   sákʰeva sákʰye pitáreva sādʰúḥ /

Halfverse: c    purudrúho hí kṣitáyo jánānām práti pratīcī́r dahatād árātīḥ //
   purudrúho hí kṣitáyo jánānām
   purudrúhaḥ hí kṣitáyaḥ jánānām
   purudrúho hí kṣitáyo jánānām

Halfverse: d    práti pratīcī́r dahatād árātīḥ //
   práti pratīcī́ḥ dahatāt árātīḥ //
   práti pratīcī́r dahatād árātīḥ //


Verse: 2 
Halfverse: a    tápo ṣv àgne ántarām̐ amítrān tápā śáṃsam áraruṣaḥ párasya /
   tápo ṣv àgne ántarām̐ amítrān
   tápa u sú agne ántarān amítrān
   tápo ṣú agne ántarām̐ amítrān

Halfverse: b    tápā śáṃsam áraruṣaḥ párasya /
   tápa+ śáṃsam áraruṣaḥ párasya /
   tápā śáṃsam áraruṣaḥ párasya /

Halfverse: c    tápo vaso cikitānó acíttān ví te tiṣṭʰantām ajárā ayā́saḥ //
   tápo vaso cikitānó acíttān
   tápa u vaso cikitānáḥ acíttān
   tápo vaso cikitānó acíttān

Halfverse: d    ví te tiṣṭʰantām ajárā ayā́saḥ //
   ví te tiṣṭʰantām ajárāḥ ayā́saḥ //
   ví te tiṣṭʰantām ajárā ayā́saḥ //


Verse: 3 
Halfverse: a    idʰménāgna icʰámāno gʰr̥téna juhómi havyáṃ tárase bálāya /
   idʰménāgna icʰámāno gʰr̥téna
   idʰména agne icʰámānaḥ gʰr̥téna
   idʰménāgna icʰámāno gʰr̥téna

Halfverse: b    juhómi havyáṃ tárase bálāya /
   juhómi havyám tárase bálāya /
   juhómi havyáṃ tárase bálāya /

Halfverse: c    yā́vad ī́śe bráhmaṇā vándamāna imā́ṃ dʰíyaṃ śataséyāya devī́m //
   yā́vad ī́śe bráhmaṇā vándamāna
   yā́vat ī́śe bráhmaṇā vándamānaḥ
   yā́vad ī́śe bráhmaṇā vándamāna

Halfverse: d    imā́ṃ dʰíyaṃ śataséyāya devī́m //
   imā́m dʰíyam śataséyāya devī́m //
   imā́ṃ dʰíyaṃ śataséyāya devī́m //


Verse: 4 
Halfverse: a    úc cʰocíṣā sahasas putra stutó br̥hád váyaḥ śaśamānéṣu dʰehi /
   úc cʰocíṣā sahasas putra stutó
   út śocíṣā sahasaḥ putra stutáḥ
   úc cʰocíṣā sahasas putra stutó

Halfverse: b    br̥hád váyaḥ śaśamānéṣu dʰehi /
   br̥hát váyaḥ śaśamānéṣu dʰehi /
   br̥hád váyaḥ śaśamānéṣu dʰehi /

Halfverse: c    revád agne viśvā́mitreṣu śáṃ yór marmr̥jmā́ te tanvàm bʰū́ri kŕ̥tvaḥ //
   revád agne viśvā́mitreṣu śáṃ yór
   revát agne viśvā́mitreṣu śám yóḥ
   revád agne viśvā́mitreṣu śáṃ yór

Halfverse: d    marmr̥jmā́ te tanvàm bʰū́ri kŕ̥tvaḥ //
   marmr̥jmá+ te tanvàm bʰū́ri kŕ̥tvaḥ //
   marmr̥jmā́ te tanúvam bʰū́ri kŕ̥tvaḥ //


Verse: 5 
Halfverse: a    kr̥dʰí rátnaṃ susanitar dʰánānāṃ sá gʰéd agne bʰavasi yát sámiddʰaḥ /
   kr̥dʰí rátnaṃ susanitar dʰánānāṃ
   kr̥dʰí rátnam susanitar dʰánānām
   kr̥dʰí rátnaṃ susanitar dʰánānāṃ

Halfverse: b    sá gʰéd agne bʰavasi yát sámiddʰaḥ /
   sá gʰa ít agne bʰavasi yát sámiddʰaḥ /
   sá gʰéd agne bʰavasi yát sámiddʰaḥ /

Halfverse: c    stotúr duroṇé subʰágasya revát sr̥prā́ karásnā dadʰiṣe vápūṃṣi //
   stotúr duroṇé subʰágasya revát
   stotúḥ duroṇé subʰágasya revát
   stotúr duroṇé subʰágasya revát

Halfverse: d    sr̥prā́ karásnā dadʰiṣe vápūṃṣi //
   sr̥prā́ karásnā dadʰiṣe vápūṃṣi //
   sr̥prā́ karásnā dadʰiṣe vápūṃṣi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.