TITUS
Rg-Veda: Rg-Veda-Samhita
Part No. 251
Previous part

Hymn: 17_(251) 
Verse: 1 
Halfverse: a    samidʰyámānaḥ pratʰamā́nu dʰármā sám aktúbʰir ajyate viśvávāraḥ /
   samidʰyámānaḥ pratʰamā́nu dʰármā
   samidʰyámānaḥ pratʰamā́ ánu dʰárma+
   samidʰyámānaḥ pratʰamā́nu dʰármā

Halfverse: b    sám aktúbʰir ajyate viśvávāraḥ /
   sám aktúbʰiḥ ajyate viśvávāraḥ /
   sám aktúbʰir ajyate viśvávāraḥ /

Halfverse: c    śocíṣkeśo gʰr̥tánirṇik pāvakáḥ suyajñó agnír yajátʰāya devā́n //
   śocíṣkeśo gʰr̥tánirṇik pāvakáḥ
   śocíṣkeśaḥ gʰr̥tánirṇik pāvakáḥ
   śocíṣkeśo gʰr̥tánirṇik pavākáḥ

Halfverse: d    suyajñó agnír yajátʰāya devā́n //
   suyajñáḥ agníḥ yajátʰāya devā́n //
   suyajñó agnír yajátʰāya devā́n //


Verse: 2 
Halfverse: a    yátʰā́yajo hotrám agne pr̥tʰivyā́ yátʰā divó jātavedaś cikitvā́n /
   yátʰā́yajo hotrám agne pr̥tʰivyā́
   yátʰā áyajaḥ hotrám agne pr̥tʰivyā́ḥ
   yátʰā́yajo hotrám agne pr̥tʰivyā́

Halfverse: b    yátʰā divó jātavedaś cikitvā́n /
   yátʰā diváḥ jātavedaḥ cikitvā́n /
   yátʰā divó jātavedaś cikitvā́n /

Halfverse: c    evā́néna havíṣā yakṣi devā́n manuṣvád yajñám prá tiremám adyá //
   evā́néna havíṣā yakṣi devā́n
   evá anéna havíṣā yakṣi devā́n
   evā́néna havíṣā yakṣi devā́n

Halfverse: d    manuṣvád yajñám prá tiremám adyá //
   manuṣvát yajñám prá tira imám adyá //
   manuṣvád yajñám prá tiremám adyá //


Verse: 3 
Halfverse: a    trī́ṇy ā́yūṃṣi táva jātavedas tisrá ājā́nīr uṣásas te agne /
   trī́ṇy ā́yūṃṣi táva jātavedas
   trī́ṇi ā́yūṃṣi táva jātavedaḥ
   trī́ṇi ā́yūṃṣi táva jātavedas

Halfverse: b    tisrá ājā́nīr uṣásas te agne /
   tisráḥ ājā́nīḥ uṣásaḥ te agne /
   tisrá ājā́nīr uṣásas te agne /

Halfverse: c    tā́bʰir devā́nām ávo yakṣi vidvā́n átʰā bʰava yájamānāya śáṃ yóḥ //
   tā́bʰir devā́nām ávo yakṣi vidvā́n
   tā́bʰiḥ devā́nām ávaḥ yakṣi vidvā́n
   tā́bʰir devā́nām ávo yakṣi vidvā́n

Halfverse: d    átʰā bʰava yájamānāya śáṃ yóḥ //
   átʰa+ bʰava yájamānāya śám yóḥ //
   átʰā bʰava yájamānāya śáṃ yóḥ //


Verse: 4 
Halfverse: a    agníṃ sudītíṃ sudŕ̥śaṃ gr̥ṇánto namasyā́mas tvéḍyaṃ jātavedaḥ /
   agníṃ sudītíṃ sudŕ̥śaṃ gr̥ṇánto
   agním sudītím sudŕ̥śam gr̥ṇántaḥ
   agníṃ sudītíṃ sudŕ̥śaṃ gr̥ṇánto

Halfverse: b    namasyā́mas tvéḍyaṃ jātavedaḥ /
   namasyā́maḥ tvā ī́ḍyam jātavedaḥ /
   namasyā́mas tvéḍiyaṃ jātavedaḥ /

Halfverse: c    tvā́ṃ dūtám aratíṃ havyavā́haṃ devā́ akr̥ṇvann amŕ̥tasya nā́bʰim //
   tvā́ṃ dūtám aratíṃ havyavā́haṃ
   tvā́m dūtám aratím havyavā́ham
   tuvā́ṃ dūtám aratíṃ havyavā́haṃ

Halfverse: d    devā́ akr̥ṇvann amŕ̥tasya nā́bʰim //
   devā́ḥ akr̥ṇvan amŕ̥tasya nā́bʰim //
   devā́ akr̥ṇvann amŕ̥tasya nā́bʰim //


Verse: 5 
Halfverse: a    yás tvád dʰótā pū́rvo agne yájīyān dvitā́ ca sáttā svadʰáyā ca śambʰúḥ /
   yás tvád dʰótā pū́rvo agne yájīyān
   yáḥ tvát hótā pū́rvaḥ agne yájīyān
   yás tvád dʰótā pū́rvo agne yájīyān

Halfverse: b    dvitā́ ca sáttā svadʰáyā ca śambʰúḥ /
   dvitā́ ca sáttā svadʰáyā ca śambʰúḥ /
   dvitā́ ca sáttā svadʰáyā ca śambʰúḥ /

Halfverse: c    tásyā́nu dʰárma prá yajā cikitvó 'tʰa no dʰā adʰvaráṃ devávītau //
   tásyā́nu dʰárma prá yajā cikitvó
   tásya ánu dʰárma prá yaja+ cikitvaḥ
   tásyā́nu dʰárma prá yajā cikitvo

Halfverse: d    'tʰa no dʰā adʰvaráṃ devávītau //
   átʰa+ naḥ dʰāḥ adʰvarám devávītau //
   átʰa no dʰā adʰvaráṃ devávītau //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.