TITUS
Rg-Veda: Rg-Veda-Samhita
Part No. 250
Previous part

Hymn: 16_(250) 
Verse: 1 
Halfverse: a    ayám agníḥ suvī́ryasyéśe maháḥ saúbʰagasya /
   ayám agníḥ suvī́ryasya_
   ayám agníḥ suvī́ryasya
   ayám agníḥ suvī́ryasya

Halfverse: b    _ī́śe maháḥ saúbʰagasya /
   ī́śe maháḥ saúbʰagasya /
   ī́śe maháḥ saúbʰagasya /

Halfverse: c    rāyá īśe svapatyásya gómata ī́śe vr̥trahátʰānām //
   rāyá īśe svapatyásya gómata
   rāyáḥ īśe svapatyásya gómataḥ
   rāyá īśe suapatyásya gómata

Halfverse: d    ī́śe vr̥trahátʰānām //
   ī́śe vr̥trahátʰānām //
   ī́śe vr̥trahátʰānãam //


Verse: 2 
Halfverse: a    imáṃ naro marutaḥ saścatā vŕ̥dʰaṃ yásmin rā́yaḥ śévr̥dʰāsaḥ /
   imáṃ naro marutaḥ saścatā vŕ̥dʰaṃ
   imám naraḥ marutaḥ saścata+ vŕ̥dʰam
   imáṃ naro marutaḥ saścatā vŕ̥dʰaṃ

Halfverse: b    yásmin rā́yaḥ śévr̥dʰāsaḥ /
   yásmin rā́yaḥ śévr̥dʰāsaḥ /
   yásmin rā́yaḥ śévr̥dʰāsaḥ /

Halfverse: c    abʰí yé sánti pŕ̥tanāsu dūḍʰyò viśvā́hā śátrum ādabʰúḥ //
   abʰí yé sánti pŕ̥tanāsu dūḍʰyò
   abʰí yé sánti pŕ̥tanāsu dūḍʰyàḥ
   abʰí yé sánti pŕ̥tanāsu dūḍʰíyo

Halfverse: d    viśvā́hā śátrum ādabʰúḥ //
   viśvā́hā śátrum ādabʰúḥ //
   viśvā́hā śátrum ādabʰúḥ //


Verse: 3 
Halfverse: a    sá tváṃ no rāyáḥ śiśīhi mī́ḍʰvo agne suvī́ryasya /
   sá tváṃ no rāyáḥ śiśīhi
   sá tvám naḥ rāyáḥ śiśīhi
   sá tváṃ no rāyáḥ śiśīhi

Halfverse: b    mī́ḍʰvo agne suvī́ryasya /
   mī́ḍʰvaḥ agne suvī́ryasya /
   mī́ḍʰvo agne suvī́ryasya /

Halfverse: c    túvidyumna várṣiṣṭʰasya prajā́vato 'namīvásya śuṣmíṇaḥ //
   túvidyumna várṣiṣṭʰasya prajā́vato
   túvidyumna várṣiṣṭʰasya prajā́vataḥ
   túvidyumna várṣiṣṭʰasya prajā́vato

Halfverse: d    'namīvásya śuṣmíṇaḥ //
   anamīvásya śuṣmíṇaḥ //
   anamīvásya śuṣmíṇaḥ //


Verse: 4 
Halfverse: a    cákrir yó víśvā bʰúvanābʰí sāsahíś cákrir devéṣv ā́ dúvaḥ /
   cákrir yó víśvā bʰúvanābʰí sāsahíś
   cákriḥ yáḥ víśvā bʰúvanā abʰí sāsahíḥ
   cákrir yó víśvā bʰúvanābʰí sāsahíś

Halfverse: b    cákrir devéṣv ā́ dúvaḥ /
   cákriḥ devéṣu ā́ dúvaḥ /
   cákrir devéṣu ā́ dúvaḥ /

Halfverse: c    ā́ devéṣu yátata ā́ suvī́rya ā́ śáṃsa utá nr̥ṇā́m //
   ā́ devéṣu yátata ā́ suvī́rya
   ā́ devéṣu yátate ā́ suvī́rye
   ā́ devéṣu yátata ā́ suvī́riya

Halfverse: d    ā́ śáṃsa utá nr̥ṇā́m //
   ā́ śáṃse utá nr̥ṇā́m //
   ā́ śáṃsa utá nr̥̄ṇâám //


Verse: 5 
Halfverse: a    mā́ no agné 'mataye mā́vī́ratāyai rīradʰaḥ /
   mā́ no agné 'mataye
   mā́ naḥ agne ámataye
   mā́ no agne ámataye

Halfverse: b    mā́vī́ratāyai rīradʰaḥ /
   mā́ avī́ratāyai rīradʰaḥ /
   mā́vī́ratāyai rīradʰaḥ /

Halfverse: c    mā́gótāyai sahasas putra mā́ nidé 'pa dvéṣāṃsy ā́ kr̥dʰi //
   mā́gótāyai sahasas putra mā́ nidé
   mā́ agótāyai sahasaḥ putra mā́ nidé
   mā́gótāyai sahasas putra mā́ nide

Halfverse: d    'pa dvéṣāṃsy ā́ kr̥dʰi //
   ápa dvéṣāṃsi ā́ kr̥dʰi //
   ápa dvéṣāṃsi ā́ kr̥dʰi //


Verse: 6 
Halfverse: a    śagdʰí vā́jasya subʰaga prajā́vató 'gne br̥ható adʰvaré /
   śagdʰí vā́jasya subʰaga prajā́vató
   śagdʰí vā́jasya subʰaga prajā́vataḥ
   śagdʰí vā́jasya subʰaga prajā́vato

Halfverse: b    'gne br̥ható adʰvaré /
   ágne br̥hatáḥ adʰvaré /
   ágne br̥ható adʰvaré /

Halfverse: c    sáṃ rāyā́ bʰū́yasā sr̥ja mayobʰúnā túvidyumna yáśasvatā //
   sáṃ rāyā́ bʰū́yasā sr̥ja mayobʰúnā
   sám \!\ rāyā́ bʰū́yasā sr̥ja mayobʰúnā
   sáṃ rāyā́ bʰū́yasā sr̥ja mayobʰúnā

Halfverse: d    túvidyumna yáśasvatā //
   túvidyumna yáśasvatā //
   túvidyumna yáśasvatā //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.