TITUS
Rg-Veda: Rg-Veda-Samhita
Part No. 249
Previous part

Hymn: 15_(249) 
Verse: 1 
Halfverse: a    ví pā́jasā pr̥tʰúnā śóśucāno bā́dʰasva dviṣó rakṣáso ámīvāḥ /
   ví pā́jasā pr̥tʰúnā śóśucāno
   ví pā́jasā pr̥tʰúnā śóśucānaḥ
   ví pā́jasā pr̥tʰúnā śóśucāno

Halfverse: b    bā́dʰasva dviṣó rakṣáso ámīvāḥ /
   bā́dʰasva dviṣáḥ rakṣásaḥ ámīvāḥ /
   bā́dʰasva dviṣó rakṣáso ámīvāḥ /

Halfverse: c    suśármaṇo br̥hatáḥ śármaṇi syām agnér aháṃ suhávasya práṇītau //
   suśármaṇo br̥hatáḥ śármaṇi syām
   suśármaṇaḥ br̥hatáḥ śármaṇi syām
   suśármaṇo br̥hatáḥ śármaṇi syām

Halfverse: d    agnér aháṃ suhávasya práṇītau //
   agnéḥ ahám suhávasya práṇītau //
   agnér aháṃ suhávasya práṇītau //


Verse: 2 
Halfverse: a    tváṃ no asyā́ uṣáso vyùṣṭau tváṃ sū́ra údite bodʰi gopā́ḥ /
   tváṃ no asyā́ uṣáso vyùṣṭau
   tvám naḥ asyā́ḥ uṣásaḥ vyùṣṭau
   tuváṃ no asyā́ uṣáso víuṣṭau

Halfverse: b    tváṃ sū́ra údite bodʰi gopā́ḥ /
   tvám sū́re údite bodʰi gopā́ḥ /
   tuváṃ sū́ra údite bodʰi gopā́ḥ /

Halfverse: c    jánmeva nítyaṃ tánayaṃ juṣasva stómam me agne tanvā̀ sujāta //
   jánmeva nítyaṃ tánayaṃ juṣasva
   jánma iva nítyam tánayam juṣasva
   jánmeva nítyaṃ tánayaṃ juṣasva

Halfverse: d    stómam me agne tanvā̀ sujāta //
   stómam me agne tanvā̀ sujāta //
   stómam me agne tanúvā sujāta //


Verse: 3 
Halfverse: a    tváṃ nr̥cákṣā vr̥ṣabʰā́nu pūrvī́ḥ kr̥ṣṇā́sv agne aruṣó ví bʰāhi /
   tváṃ nr̥cákṣā vr̥ṣabʰā́nu pūrvī́ḥ
   tvám nr̥cákṣāḥ vr̥ṣabʰa ánu pūrvī́ḥ
   tuváṃ nr̥cákṣā vr̥ṣabʰā́nu pūrvī́ḥ

Halfverse: b    kr̥ṣṇā́sv agne aruṣó ví bʰāhi /
   kr̥ṣṇā́su agne aruṣáḥ ví bʰāhi /
   kr̥ṣṇā́su agne aruṣó ví bʰāhi /

Halfverse: c    váso néṣi ca párṣi cā́ty áṃhaḥ kr̥dʰī́ no rāyá uśíjo yaviṣṭʰa //
   váso néṣi ca párṣi cā́ty áṃhaḥ
   váso néṣi ca párṣi ca áti áṃhaḥ
   váso néṣi ca párṣi cā́ti áṃhaḥ

Halfverse: d    kr̥dʰī́ no rāyá uśíjo yaviṣṭʰa //
   kr̥dʰí+ naḥ rāyé uśíjaḥ yaviṣṭʰa //
   kr̥dʰī́ no rāyá uśíjo yaviṣṭʰa //


Verse: 4 
Halfverse: a    áṣāḷʰo agne vr̥ṣabʰó didīhi púro víśvāḥ saúbʰagā saṃjigīvā́n /
   áṣāḷʰo agne vr̥ṣabʰó didīhi
   áṣāḷʰaḥ agne vr̥ṣabʰáḥ didīhi
   áṣāḷʰo agne vr̥ṣabʰó didīhi

Halfverse: b    púro víśvāḥ saúbʰagā saṃjigīvā́n /
   púraḥ víśvāḥ saúbʰagā saṃjigīvā́n /
   púro víśvāḥ saúbʰagā saṃjigīvā́n /

Halfverse: c    yajñásya netā́ pratʰamásya pāyór jā́tavedo br̥hatáḥ supraṇīte //
   yajñásya netā́ pratʰamásya pāyór
   yajñásya netā́ pratʰamásya pāyóḥ
   yajñásya netā́ pratʰamásya pāyór

Halfverse: d    jā́tavedo br̥hatáḥ supraṇīte //
   jā́tavedaḥ br̥hatáḥ supraṇīte //
   jā́tavedo br̥hatáḥ supraṇīte //


Verse: 5 
Halfverse: a    ácʰidrā śárma jaritaḥ purū́ṇi devā́m̐ ácʰā dī́dyānaḥ sumedʰā́ḥ /
   ácʰidrā śárma jaritaḥ purū́ṇi
   ácʰidrā śárma jaritar purū́ṇi
   ácʰidrā śárma jaritaḥ purū́ṇi

Halfverse: b    devā́m̐ ácʰā dī́dyānaḥ sumedʰā́ḥ /
   devā́n ácʰa+ dī́dyānaḥ sumedʰā́ḥ /
   devā́m̐ ácʰā dī́diyānaḥ sumedʰā́ḥ /

Halfverse: c    rátʰo ná sásnir abʰí vakṣi vā́jam ágne tváṃ ródasī naḥ suméke //
   rátʰo ná sásnir abʰí vakṣi vā́jam
   rátʰaḥ ná sásniḥ abʰí vakṣi vā́jam
   rátʰo ná sásnir abʰí vakṣi vā́jam

Halfverse: d    ágne tváṃ ródasī naḥ suméke //
   ágne tvám ródasī naḥ suméke //
   ágne tuváṃ ródasī naḥ suméke //


Verse: 6 
Halfverse: a    prá pīpaya vr̥ṣabʰa jínva vā́jān ágne tváṃ ródasī naḥ sudógʰe /
   prá pīpaya vr̥ṣabʰa jínva vā́jān
   prá pīpaya vr̥ṣabʰa jínva vā́jān
   prá pīpaya vr̥ṣabʰa jínva vā́jān

Halfverse: b    ágne tváṃ ródasī naḥ sudógʰe /
   ágne tvám ródasī naḥ sudógʰe /
   ágne tuváṃ ródasī naḥ sudógʰe /

Halfverse: c    devébʰir deva surúcā rucānó mā́ no mártasya durmatíḥ pári ṣṭʰāt //
   devébʰir deva surúcā rucānó
   devébʰiḥ deva surúcā rucānáḥ
   devébʰir deva surúcā rucānó

Halfverse: d    mā́ no mártasya durmatíḥ pári ṣṭʰāt //
   mā́ naḥ mártasya durmatíḥ pári stʰāt //
   mā́ no mártasya durmatíḥ pári ṣṭʰāt //


Verse: 7 
Halfverse: a    íḷām agne purudám̐saṃ saníṃ góḥ śaśvattamáṃ hávamānāya sādʰa /
   íḷām agne purudám̐saṃ saníṃ góḥ
   íḷām agne purudáṃsam saním góḥ
   íḷām agne purudáṃsaṃ saníṃ góḥ

Halfverse: b    śaśvattamáṃ hávamānāya sādʰa /
   śaśvattamám hávamānāya sādʰa /
   śaśvattamáṃ hávamānāya sādʰa /

Halfverse: c    syā́n naḥ sūnús tánayo vijā́vā́gne sā́ te sumatír bʰūtv asmé //
   syā́n naḥ sūnús tánayo vijā́vā_
   syā́t naḥ sūnúḥ tánayaḥ vijā́vā
   siyā́n naḥ sūnús tánayo vijā́vā

Halfverse: d    _ágne sā́ te sumatír bʰūtv asmé //
   ágne sā́ te sumatíḥ bʰūtu asmé //
   ágne sā́ te sumatír bʰūtu asmé //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.