TITUS
Rg-Veda: Rg-Veda-Samhita
Part No. 248
Previous part

Hymn: 14_(248) 
Verse: 1 
Halfverse: a    ā́ hótā mandró vidátʰāny astʰāt satyó yájvā kavítamaḥ sá vedʰā́ḥ /
   ā́ hótā mandró vidátʰāny astʰāt
   ā́ hótā mandráḥ vidátʰāni astʰāt
   ā́ hótā mandró vidátʰāni astʰāt

Halfverse: b    satyó yájvā kavítamaḥ sá vedʰā́ḥ /
   satyáḥ yájvā kavítamaḥ sá vedʰā́ḥ /
   satyó yájvā kavítamaḥ sá vedʰā́ḥ /

Halfverse: c    vidyúdratʰaḥ sáhasas putró agníḥ śocíṣkeśaḥ pr̥tʰivyā́m pā́jo aśret //
   vidyúdratʰaḥ sáhasas putró agníḥ
   vidyúdratʰaḥ sáhasaḥ putráḥ agníḥ
   vidyúdratʰaḥ sáhasas putró agníḥ

Halfverse: d    śocíṣkeśaḥ pr̥tʰivyā́m pā́jo aśret //
   śocíṣkeśaḥ pr̥tʰivyā́m pā́jaḥ aśret //
   śocíṣkeśaḥ pr̥tʰivyā́m pā́jo aśret //


Verse: 2 
Halfverse: a    áyāmi te námaüktiṃ juṣasva ŕ̥tāvas túbʰyaṃ cétate sahasvaḥ /
   áyāmi te námaüktiṃ juṣasva
   áyāmi te námaüktim juṣasva
   áyāmi te námaüktiṃ juṣasva

Halfverse: b    ŕ̥tāvas túbʰyaṃ cétate sahasvaḥ /
   ŕ̥tāvaḥ túbʰyam cétate sahasvaḥ /
   ŕ̥tāvas túbʰya ՙ cétate sahasvaḥ /

Halfverse: c    vidvā́m̐ ā́ vakṣi vidúṣo ní ṣatsi mádʰya ā́ barhír ūtáye yajatra //
   vidvā́m̐ ā́ vakṣi vidúṣo ní ṣatsi
   vidvā́n ā́ vakṣi vidúṣaḥ ní satsi
   vidvā́m̐ ā́ vakṣi vidúṣo ní ṣatsi

Halfverse: d    mádʰya ā́ barhír ūtáye yajatra //
   mádʰye ā́ barhíḥ ūtáye yajatra //
   mádʰya ā́ barhír ūtáye yajatra //


Verse: 3 
Halfverse: a    drávatāṃ ta uṣásā vājáyantī ágne vā́tasya patʰyā̀bʰir ácʰa /
   drávatāṃ ta uṣásā vājáyantī
   drávatām te uṣásā vājáyantī
   drávatāṃ ta uṣásā vājáyantī

Halfverse: b    ágne vā́tasya patʰyā̀bʰir ácʰa /
   ágne vā́tasya patʰyā̀bʰiḥ ácʰa /
   ágne vā́tasya patʰíyābʰir ácʰa /

Halfverse: c    yát sīm añjánti pūrvyáṃ havírbʰir ā́ vandʰúreva tastʰatur duroṇé //
   yát sīm añjánti pūrvyáṃ havírbʰir
   yát sīm añjánti pūrvyám havírbʰiḥ
   yát sīm añjánti pūrviyáṃ havírbʰir

Halfverse: d    ā́ vandʰúreva tastʰatur duroṇé //
   ā́ vandʰúrā iva tastʰatuḥ duroṇé //
   ā́ vandʰúreva tastʰatur duroṇé //


Verse: 4 
Halfverse: a    mitráś ca túbʰyaṃ váruṇaḥ sahasvó 'gne víśve marútaḥ sumnám arcan /
   mitráś ca túbʰyaṃ váruṇaḥ sahasvó
   mitráḥ ca túbʰyam váruṇaḥ sahasvaḥ
   mitráś ca túbʰyaṃ váruṇaḥ sahasvo

Halfverse: b    'gne víśve marútaḥ sumnám arcan /
   ágne víśve marútaḥ sumnám arcan /
   ágne víśve marútaḥ sumnám arcan /

Halfverse: c    yác cʰocíṣā sahasas putra tíṣṭʰā abʰí kṣitī́ḥ pratʰáyan sū́ryo nŕ̥̄n //
   yác cʰocíṣā sahasas putra tíṣṭʰā
   yát śocíṣā sahasaḥ putra tíṣṭʰāḥ
   yác cʰocíṣā sahasas putra tíṣṭʰā

Halfverse: d    abʰí kṣitī́ḥ pratʰáyan sū́ryo nŕ̥̄n //
   abʰí kṣitī́ḥ pratʰáyan sū́ryaḥ nŕ̥̄n //
   abʰí kṣitī́ḥ pratʰáyan sū́riyo nŕ̥̄n //


Verse: 5 
Halfverse: a    vayáṃ te adyá rarimā́ hí kā́mam uttānáhastā námasopasádya /
   vayáṃ te adyá rarimā́ hí kā́mam
   vayám te adyá rarimá+ hí kā́mam
   vayáṃ te adyá rarimā́ hí kā́mam

Halfverse: b    uttānáhastā námasopasádya /
   uttānáhastāḥ námasā upasádya /
   uttānáhastā námasopasádya /

Halfverse: c    yájiṣṭʰena mánasā yakṣi devā́n ásredʰatā mánmanā vípro agne //
   yájiṣṭʰena mánasā yakṣi devā́n
   yájiṣṭʰena mánasā yakṣi devā́n
   yájiṣṭʰena mánasā yakṣi devā́n

Halfverse: d    ásredʰatā mánmanā vípro agne //
   ásredʰatā mánmanā vípraḥ agne //
   ásredʰatā mánmanā vípro agne //


Verse: 6 
Halfverse: a    tvád dʰí putra sahaso ví pūrvī́r devásya yánty ūtáyo ví vā́jāḥ /
   tvád dʰí putra sahaso ví pūrvī́r
   tvát hí putra sahasaḥ ví pūrvī́ḥ
   tuvád dʰí putra sahaso ví pūrvī́r

Halfverse: b    devásya yánty ūtáyo ví vā́jāḥ /
   devásya yánti ūtáyaḥ ví vā́jāḥ /
   devásya yánti ūtáyo ví vā́jāḥ /

Halfverse: c    tváṃ dehi sahasríṇaṃ rayíṃ no 'drogʰéṇa vácasā satyám agne //
   tváṃ dehi sahasríṇaṃ rayíṃ no
   tvám dehi sahasríṇam rayím naḥ
   tuváṃ dehi sahasríṇaṃ rayíṃ no

Halfverse: d    'drogʰéṇa vácasā satyám agne //
   adrogʰéṇa vácasā satyám agne //
   adrogʰéṇa vácasā satyám agne //


Verse: 7 
Halfverse: a    túbʰyaṃ dakṣa kavikrato yā́nīmā́ déva mártāso adʰvaré ákarma /
   túbʰyaṃ dakṣa kavikrato yā́nīmā́
   túbʰyam dakṣa kavikrato yā́ni imā́
   túbʰyaṃ dakṣa kavikrato yā́nīmā́

Halfverse: b    déva mártāso adʰvaré ákarma /
   déva mártāsaḥ adʰvaré ákarma /
   déva mártāso adʰvaré ákarma /

Halfverse: c    tváṃ víśvasya surátʰasya bodʰi sárvaṃ tád agne amr̥ta svadehá //
   tváṃ víśvasya surátʰasya bodʰi
   tvám víśvasya surátʰasya bodʰi
   tuváṃ víśvasya surátʰasya bodʰi

Halfverse: d    sárvaṃ tád agne amr̥ta svadehá //
   sárvam tát agne amr̥ta svada ihá //
   sárvaṃ tád agne amr̥ta svadehá //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.