TITUS
Rg-Veda: Rg-Veda-Samhita
Part No. 247
Previous part

Hymn: 13_(247) 
Verse: 1 
Halfverse: a    prá vo devā́yāgnáye bárhiṣṭʰam arcāsmai /
   prá vo devā́yāgnáye
   prá vaḥ devā́ya agnáye
   prá vo devā́ya agnáye

Halfverse: b    bárhiṣṭʰam arcāsmai /
   bárhiṣṭʰam arca asmai /
   bárhiṣṭʰam arca asmai /

Halfverse: c    gámad devébʰir ā́ sá no yájiṣṭʰo barhír ā́ sadat //
   gámad devébʰir ā́ sá no
   gámat devébʰiḥ ā́ sá naḥ
   gámad devébʰir ā́ sá no

Halfverse: d    yájiṣṭʰo barhír ā́ sadat //
   yájiṣṭʰaḥ barhíḥ ā́ sadat //
   yájiṣṭʰo barhír ā́ sadat //


Verse: 2 
Halfverse: a    r̥tā́vā yásya ródasī dákṣaṃ sácanta ūtáyaḥ /
   r̥tā́vā yásya ródasī
   r̥tā́vā yásya ródasī
   r̥tā́vā yásya ródasī

Halfverse: b    dákṣaṃ sácanta ūtáyaḥ /
   dákṣam sácante ūtáyaḥ /
   dákṣaṃ sácanta ūtáyaḥ /

Halfverse: c    havíṣmantas tám īḷate táṃ saniṣyántó 'vase //
   havíṣmantas tám īḷate
   havíṣmantaḥ tám īḷate
   havíṣmantas tám īḷate

Halfverse: d    táṃ saniṣyántó 'vase //
   tám saniṣyántaḥ ávase //
   táṃ saniṣyánto ávase //


Verse: 3 
Halfverse: a    sá yantā́ vípra eṣāṃ sá yajñā́nām átʰā hí ṣáḥ /
   sá yantā́ vípra eṣāṃ
   sá yantā́ vípraḥ eṣām
   sá yantā́ vípra eṣãaṃ

Halfverse: b    sá yajñā́nām átʰā hí ṣáḥ /
   sá yajñā́nām átʰa+ hí sáḥ /
   sá yajñā́nām átʰā hí ṣáḥ /

Halfverse: c    agníṃ táṃ vo duvasyata dā́tā yó vánitā magʰám //
   agníṃ táṃ vo duvasyata
   agním tám vaḥ duvasyata
   agníṃ táṃ vo duvasyata

Halfverse: d    dā́tā yó vánitā magʰám //
   dā́tā yáḥ vánitā magʰám //
   dā́tā yó vánitā magʰám //


Verse: 4 
Halfverse: a    sá naḥ śármāṇi vītáye 'gnír yacʰatu śáṃtamā /
   sá naḥ śármāṇi vītáye
   sá naḥ śármāṇi vītáye
   sá naḥ śármāṇi vītáye

Halfverse: b    'gnír yacʰatu śáṃtamā /
   agníḥ yacʰatu śáṃtamā /
   agnír yacʰatu śáṃtamā /

Halfverse: c    yáto naḥ pruṣṇávad vásu diví kṣitíbʰyo apsv ā́ //
   yáto naḥ pruṣṇávad vásu
   yátaḥ naḥ pruṣṇávat vásu
   yáto naḥ pruṣṇávad vásu

Halfverse: d    diví kṣitíbʰyo apsv ā́ //
   diví kṣitíbʰyaḥ apsú ā́ //
   diví kṣitíbʰyo apsú ā́ //


Verse: 5 
Halfverse: a    dīdivā́ṃsam ápūrvyaṃ vásvībʰir asya dʰītíbʰiḥ /
   dīdivā́ṃsam ápūrvyaṃ
   dīdivā́ṃsam ápūrvyam
   dīdivā́ṃsam ápūrviyaṃ

Halfverse: b    vásvībʰir asya dʰītíbʰiḥ /
   vásvībʰiḥ asya dʰītíbʰiḥ /
   vásvībʰir asya dʰītíbʰiḥ /

Halfverse: c    ŕ̥kvāṇo agním indʰate hótāraṃ viśpátiṃ viśā́m //
   ŕ̥kvāṇo agním indʰate
   ŕ̥kvāṇaḥ agním indʰate
   ŕ̥kvāṇo agním indʰate

Halfverse: d    hótāraṃ viśpátiṃ viśā́m //
   hótāram viśpátim viśā́m //
   hótāraṃ viśpátiṃ viśā́m //


Verse: 6 
Halfverse: a    utá no bráhmann aviṣa uktʰéṣu devahū́tamaḥ /
   utá no bráhmann aviṣa
   utá naḥ bráhman aviṣaḥ
   utá no bráhmann aviṣa

Halfverse: b    uktʰéṣu devahū́tamaḥ /
   uktʰéṣu devahū́tamaḥ /
   uktʰéṣu devahū́tamaḥ /

Halfverse: c    śáṃ naḥ śocā marúdvr̥dʰó 'gne sahasrasā́tamaḥ //
   śáṃ \!\ naḥ śocā marúdvr̥dʰó
   śám naḥ śoca+ marúdvr̥dʰaḥ
   śáṃ naḥ śocā marúdvr̥dʰo

Halfverse: d    'gne sahasrasā́tamaḥ //
   ágne sahasrasā́tamaḥ //
   ágne sahasrasā́tamaḥ //


Verse: 7 
Halfverse: a    nū́ no rāsva sahásravat tokávat puṣṭimád vásu /
   nū́ no rāsva sahásravat
   nú+ naḥ rāsva sahásravat
   nū́ no rāsva sahásravat

Halfverse: b    tokávat puṣṭimád vásu /
   tokávat puṣṭimát vásu /
   tokávat puṣṭimád vásu /

Halfverse: c    dyumád agne suvī́ryaṃ várṣiṣṭʰam ánupakṣitam //
   dyumád agne suvī́ryaṃ
   dyumát agne suvī́ryam
   dyumád agne suvī́riyaṃ

Halfverse: d    várṣiṣṭʰam ánupakṣitam //
   várṣiṣṭʰam ánupakṣitam //
   várṣiṣṭʰam ánupakṣitam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.