TITUS
Rg-Veda: Rg-Veda-Samhita
Part No. 246
Previous part

Hymn: 12_(246) 
Verse: 1 
Halfverse: a    índrāgnī ā́ gataṃ sutáṃ gīrbʰír nábʰo váreṇyam /
   índrāgnī ā́ gataṃ sutáṃ
   índrāgnī ā́ gatam sutám
   índrāgnī ā́ gataṃ sutáṃ

Halfverse: b    gīrbʰír nábʰo váreṇyam /
   gīrbʰíḥ nábʰaḥ váreṇyam /
   gīrbʰír nábʰo váreṇiyam /

Halfverse: c    asyá pātaṃ dʰiyéṣitā́ //
   asyá pātaṃ dʰiyéṣitā́ //
   asyá pātam dʰiyā́ iṣitā́ //
   asyá pātaṃ dʰiyéṣitā́ //


Verse: 2 
Halfverse: a    índrāgnī jaritúḥ sácā yajñó jigāti cétanaḥ /
   índrāgnī jaritúḥ sácā
   índrāgnī jaritúḥ sácā
   índrāgnī jaritúḥ sácā

Halfverse: b    yajñó jigāti cétanaḥ /
   yajñáḥ jigāti cétanaḥ /
   yajñó jigāti cétanaḥ /

Halfverse: c    ayā́ pātam imáṃ sutám //
   ayā́ pātam imáṃ sutám //
   ayā́ pātam imám sutám //
   ayā́ pātam imáṃ sutám //


Verse: 3 
Halfverse: a    índram agníṃ kavicʰádā yajñásya jūtyā́ vr̥ṇe /
   índram agníṃ kavicʰádā
   índram agním kavicʰádā
   índram agníṃ kavicʰádā

Halfverse: b    yajñásya jūtyā́ vr̥ṇe /
   yajñásya jūtyā́ vr̥ṇe /
   yajñásya jūtiyā́ vr̥ṇe /

Halfverse: c    tā́ sómasyehá tr̥mpatām //
   tā́ sómasyehá tr̥mpatām //
   tā́ sómasya ihá tr̥mpatām //
   tā́ sómasyehá tr̥mpatām //


Verse: 4 
Halfverse: a    tośā́ vr̥traháṇā huve sajítvānā́parājitā /
   tośā́ vr̥traháṇā huve
   tośā́ vr̥traháṇā huve
   tośā́ vr̥traháṇā huve

Halfverse: b    sajítvānā́parājitā /
   sajítvānā áparājitā /
   sajítvānā́parājitā /

Halfverse: c    indrāgnī́ vājasā́tamā //
   indrāgnī́ vājasā́tamā //
   indrāgnī́ vājasā́tamā //
   indrāgnī́ vājasā́tamā //


Verse: 5 
Halfverse: a    prá vām arcanty uktʰíno nītʰāvído jaritā́raḥ /
   prá vām arcanty uktʰíno
   prá vām arcanti uktʰínaḥ
   prá vām arcanti uktʰíno

Halfverse: b    nītʰāvído jaritā́raḥ /
   nītʰāvídaḥ jaritā́raḥ /
   nītʰāvído jaritā́raḥ /

Halfverse: c    índrāgnī íṣa ā́ vr̥ṇe //
   índrāgnī íṣa ā́ vr̥ṇe //
   índrāgnī íṣaḥ ā́ vr̥ṇe //
   índrāgnī íṣa ā́ vr̥ṇe //


Verse: 6 
Halfverse: a    índrāgnī navatím púro dāsápatnīr adʰūnutam /
   índrāgnī navatím púro
   índrāgnī navatím púraḥ
   índrāgnī navatím púro

Halfverse: b    dāsápatnīr adʰūnutam /
   dāsápatnīḥ adʰūnutam /
   dāsápatnīr adʰūnutam /

Halfverse: c    sākám ékena kármaṇā //
   sākám ékena kármaṇā //
   sākám ékena kármaṇā //
   sākám ékena kármaṇā //


Verse: 7 
Halfverse: a    índrāgnī ápasas páry úpa prá yanti dʰītáyaḥ /
   índrāgnī ápasas páry
   índrāgnī ápasaḥ pári
   índrāgnī ápasas pári

Halfverse: b    úpa prá yanti dʰītáyaḥ /
   úpa prá yanti dʰītáyaḥ /
   úpa prá yanti dʰītáyaḥ /

Halfverse: c    r̥tásya patʰyā̀ ánu //
   r̥tásya patʰyā̀ ánu //
   r̥tásya patʰyā̀ḥ ánu //
   r̥tásya patʰíyā ánu //


Verse: 8 
Halfverse: a    índrāgnī taviṣā́ṇi vāṃ sadʰástʰāni práyāṃsi ca /
   índrāgnī taviṣā́ṇi vāṃ
   índrāgnī taviṣā́ṇi vām
   índrāgnī taviṣā́ṇi vāṃ

Halfverse: b    sadʰástʰāni práyāṃsi ca /
   sadʰástʰāni práyāṃsi ca /
   sadʰástʰāni práyāṃsi ca /

Halfverse: c    yuvór aptū́ryaṃ hitám //
   yuvór aptū́ryaṃ hitám //
   yuvóḥ aptū́ryam hitám //
   yuvór aptū́riyaṃ hitám //


Verse: 9 
Halfverse: a    índrāgnī rocanā́ diváḥ pári vā́jeṣu bʰūṣatʰaḥ /
   índrāgnī rocanā́ diváḥ
   índrāgnī rocanā́ diváḥ
   índrāgnī rocanā́ diváḥ

Halfverse: b    pári vā́jeṣu bʰūṣatʰaḥ /
   pári vā́jeṣu bʰūṣatʰaḥ /
   pári vā́jeṣu bʰūṣatʰaḥ /

Halfverse: c    tád vāṃ ceti prá vīryàm //
   tád vāṃ ceti prá vīryàm //
   tát vām ceti prá vīryàm //
   tád vāṃ ceti prá vīríyam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.