TITUS
Rg-Veda: Rg-Veda-Samhita
Part No. 245
Previous part

Hymn: 11_(245) 
Verse: 1 
Halfverse: a    agnír hótā puróhito 'dʰvarásya vícarṣaṇiḥ /
   agnír hótā puróhito
   agníḥ hótā puróhitaḥ
   agnír hótā puróhito

Halfverse: b    'dʰvarásya vícarṣaṇiḥ /
   adʰvarásya vícarṣaṇiḥ /
   adʰvarásya vícarṣaṇiḥ /

Halfverse: c    sá veda yajñám ānuṣák //
   sá veda yajñám ānuṣák //
   sá veda yajñám ānuṣák //
   sá veda yajñám ānuṣák //


Verse: 2 
Halfverse: a    sá havyavā́ḷ ámartya uśíg dūtáś cánohitaḥ /
   sá havyavā́ḷ ámartya
   sá havyavā́ṭ ámartyaḥ
   sá havyavā́ḷ ámartiya

Halfverse: b    uśíg dūtáś cánohitaḥ /
   uśík dūtáḥ cánohitaḥ /
   uśíg dūtáś cánohitaḥ /

Halfverse: c    agnír dʰiyā́ sám r̥ṇvati //
   agnír dʰiyā́ sám r̥ṇvati //
   agníḥ dʰiyā́ sám r̥ṇvati //
   agnír dʰiyā́ sám r̥ṇvati //


Verse: 3 
Halfverse: a    agnír dʰiyā́ sá cetati ketúr yajñásya pūrvyáḥ /
   agnír dʰiyā́ sá cetati
   agníḥ dʰiyā́ sá cetati
   agnír dʰiyā́ sá cetati

Halfverse: b    ketúr yajñásya pūrvyáḥ /
   ketúḥ yajñásya pūrvyáḥ /
   ketúr yajñásya pūrviyáḥ /

Halfverse: c    ártʰaṃ hy àsya taráṇi //
   ártʰaṃ hy àsya taráṇi //
   ártʰam hí asya taráṇi //
   ártʰaṃ hí asya taráṇi //


Verse: 4 
Halfverse: a    agníṃ sūnúṃ sánaśrutaṃ sáhaso jātávedasam /
   agníṃ sūnúṃ sánaśrutaṃ
   agním sūnúm sánaśrutam
   agníṃ sūnúṃ sánaśrutaṃ

Halfverse: b    sáhaso jātávedasam /
   sáhasaḥ jātávedasam /
   sáhaso jātávedasam /

Halfverse: c    váhniṃ devā́ akr̥ṇvata //
   váhniṃ devā́ akr̥ṇvata //
   váhnim devā́ḥ akr̥ṇvata //
   váhniṃ devā́ akr̥ṇvata //


Verse: 5 
Halfverse: a    ádābʰyaḥ puraetā́ viśā́m agnír mā́nuṣīṇām /
   ádābʰyaḥ puraetā́
   ádābʰyaḥ puraetā́
   ádābʰiyaḥ puraetā́

Halfverse: b    viśā́m agnír mā́nuṣīṇām /
   viśā́m agníḥ mā́nuṣīṇām /
   viśā́m agnír mā́nuṣīṇām /

Halfverse: c    tū́rṇī rátʰaḥ sádā návaḥ //
   tū́rṇī rátʰaḥ sádā návaḥ //
   tū́rṇiḥ rátʰaḥ sádā návaḥ //
   tū́rṇī rátʰaḥ sádā návaḥ //


Verse: 6 
Halfverse: a    sāhvā́n víśvā abʰiyújaḥ krátur devā́nām ámr̥ktaḥ /
   sāhvā́n víśvā abʰiyújaḥ
   sāhvā́n víśvāḥ abʰiyújaḥ
   sāhvā́n víśvā abʰiyújaḥ

Halfverse: b    krátur devā́nām ámr̥ktaḥ /
   krátuḥ devā́nām ámr̥ktaḥ /
   krátur devā́nām ámr̥ktaḥ /

Halfverse: c    agnís tuvíśravastamaḥ //
   agnís tuvíśravastamaḥ //
   agníḥ tuvíśravastamaḥ //
   agnís tuvíśravastamaḥ //


Verse: 7 
Halfverse: a    abʰí práyāṃsi vā́hasā dāśvā́m̐ aśnoti mártyaḥ /
   abʰí práyāṃsi vā́hasā
   abʰí práyāṃsi vā́hasā
   abʰí práyāṃsi vā́hasā

Halfverse: b    dāśvā́m̐ aśnoti mártyaḥ /
   dāśvā́n aśnoti mártyaḥ /
   dāśvā́m̐ aśnoti mártiyaḥ /

Halfverse: c    kṣáyam pāvakáśociṣaḥ //
   kṣáyam pāvakáśociṣaḥ //
   kṣáyam pāvakáśociṣaḥ //
   kṣáyam pavākáśociṣaḥ //


Verse: 8 
Halfverse: a    pári víśvāni súdʰitāgnér aśyāma mánmabʰiḥ /
   pári víśvāni súdʰitā_
   pári víśvāni súdʰitā
   pári víśvāni súdʰitā

Halfverse: b    _agnér aśyāma mánmabʰiḥ /
   agnéḥ aśyāma mánmabʰiḥ /
   agnér aśyāma mánmabʰiḥ /

Halfverse: c    víprāso jātávedasaḥ //
   víprāso jātávedasaḥ //
   víprāsaḥ jātávedasaḥ //
   víprāso jātávedasaḥ //


Verse: 9 
Halfverse: a    ágne víśvāni vā́ryā vā́jeṣu saniṣāmahe /
   ágne víśvāni vā́ryā
   ágne víśvāni vā́ryā
   ágne víśvāni vā́riyā

Halfverse: b    vā́jeṣu saniṣāmahe /
   vā́jeṣu saniṣāmahe /
   vā́jeṣu saniṣāmahe /

Halfverse: c    tvé devā́sa érire //
   tvé devā́sa érire //
   tvé devā́saḥ ā́ īrire //
   tuvé devā́sa érire //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.