TITUS
Rg-Veda: Rg-Veda-Samhita
Part No. 242
Previous part

Hymn: 8_(242) 
Verse: 1 
Halfverse: a    añjánti tvā́m adʰvaré devayánto vánaspate mádʰunā daívyena /
   añjánti tvā́m adʰvaré devayánto
   añjánti tvā́m adʰvaré devayántaḥ
   añjánti tvā́m adʰvaré devayánto

Halfverse: b    vánaspate mádʰunā daívyena /
   vánaspate mádʰunā daívyena /
   vánaspate mádʰunā daíviyena /

Halfverse: c    yád ūrdʰvás tíṣṭʰā dráviṇehá dʰattād yád vā kṣáyo mātúr asyā́ upástʰe //
   yád ūrdʰvás tíṣṭʰā dráviṇehá dʰattād
   yát ūrdʰváḥ tíṣṭʰāḥ dráviṇā ihá dʰattāt
   yád ūrdʰvás tíṣṭʰā dráviṇehá dʰattād

Halfverse: d    yád vā kṣáyo mātúr asyā́ upástʰe //
   yát vā kṣáyaḥ mātúḥ asyā́ḥ upástʰe //
   yád vā kṣáyo mātúr asyā́ upástʰe //


Verse: 2 
Halfverse: a    sámiddʰasya śráyamāṇaḥ purástād bráhma vanvānó ajáraṃ suvī́ram /
   sámiddʰasya śráyamāṇaḥ purástād
   sámiddʰasya śráyamāṇaḥ purástāt
   sámiddʰasya śráyamāṇaḥ purástād

Halfverse: b    bráhma vanvānó ajáraṃ suvī́ram /
   bráhma vanvānáḥ ajáram suvī́ram /
   bráhma vanvānó ajáraṃ suvī́ram /

Halfverse: c    āré asmád ámatim bā́dʰamāna úc cʰrayasva mahaté saúbʰagāya //
   āré asmád ámatim bā́dʰamāna
   āré asmát ámatim bā́dʰamānaḥ
   āré asmád ámatim bā́dʰamāna

Halfverse: d    úc cʰrayasva mahaté saúbʰagāya //
   út śrayasva mahaté saúbʰagāya //
   úc cʰrayasva mahaté saúbʰagāya //


Verse: 3 
Halfverse: a    úc cʰrayasva vanaspate várṣman pr̥tʰivyā́ ádʰi /
   úc cʰrayasva vanaspate
   út śrayasva vanaspate
   úc cʰrayasva vanaspate

Halfverse: b    várṣman pr̥tʰivyā́ ádʰi /
   várṣman pr̥tʰivyā́ḥ ádʰi /
   várṣman pr̥tʰiviyā́ ádʰi /

Halfverse: c    súmitī mīyámāno várco dʰā yajñávāhase //
   súmitī mīyámāno
   súmitī mīyámānaḥ
   súmitī mīyámāno

Halfverse: d    várco dʰā yajñávāhase //
   várcaḥ dʰāḥ yajñávāhase //
   várco dʰā yajñávāhase //


Verse: 4 
Halfverse: a    yúvā suvā́sāḥ párivīta ā́gāt sá u śréyān bʰavati jā́yamānaḥ /
   yúvā suvā́sāḥ párivīta ā́gāt
   yúvā suvā́sāḥ párivītaḥ ā́ agāt
   yúvā suvā́sāḥ párivīta ā́gāt

Halfverse: b    sá u śréyān bʰavati jā́yamānaḥ /
   sáḥ \!\ u śréyān bʰavati jā́yamānaḥ /
   sá u śréyān bʰavati jā́yamānaḥ /

Halfverse: c    táṃ dʰī́rāsaḥ kaváya ún nayanti svādʰyò mánasā devayántaḥ //
   táṃ dʰī́rāsaḥ kaváya ún nayanti
   tám dʰī́rāsaḥ kaváyaḥ út nayanti
   táṃ dʰī́rāsaḥ kaváya ún nayanti

Halfverse: d    svādʰyò mánasā devayántaḥ //
   svādʰyàḥ mánasā devayántaḥ //
   suādʰíyo mánasā devayántaḥ //


Verse: 5 
Halfverse: a    jātó jāyate sudinatvé áhnāṃ samaryá ā́ vidátʰe várdʰamānaḥ /
   jātó jāyate sudinatvé áhnāṃ
   jātáḥ jāyate sudinatvé áhnām
   jātó jāyate sudinatvé áhnāṃ

Halfverse: b    samaryá ā́ vidátʰe várdʰamānaḥ /
   samaryé ā́ vidátʰe várdʰamānaḥ /
   samaryá ā́ vidátʰe várdʰamānaḥ /

Halfverse: c    punánti dʰī́rā apáso manīṣā́ devayā́ vípra úd iyarti vā́cam //
   punánti dʰī́rā apáso manīṣā́
   punánti dʰī́rāḥ apásaḥ manīṣā́
   punánti dʰī́rā apáso manīṣā́

Halfverse: d    devayā́ vípra úd iyarti vā́cam //
   devayā́ḥ vípraḥ út iyarti vā́cam //
   devayā́ vípra úd iyarti vā́cam //


Verse: 6 
Halfverse: a    yā́n vo náro devayánto nimimyúr vánaspate svádʰitir vā tatákṣa /
   yā́n vo náro devayánto nimimyúr
   yā́n vaḥ náraḥ devayántaḥ nimimyúḥ
   yā́n vo náro devayánto nimimyúr

Halfverse: b    vánaspate svádʰitir vā tatákṣa /
   vánaspate svádʰitiḥ vā tatákṣa /
   vánaspate svádʰitir vā tatákṣa /

Halfverse: c    té devā́saḥ sváravas tastʰivā́ṃsaḥ prajā́vad asmé didʰiṣantu rátnam //
   té devā́saḥ sváravas tastʰivā́ṃsaḥ
   té devā́saḥ sváravaḥ tastʰivā́ṃsaḥ
   té devā́saḥ sváravas tastʰivā́ṃsaḥ

Halfverse: d    prajā́vad asmé didʰiṣantu rátnam //
   prajā́vat asmé didʰiṣantu rátnam //
   prajā́vad asmé didʰiṣantu rátnam //


Verse: 7 
Halfverse: a    yé vr̥kṇā́so ádʰi kṣámi nímitāso yatásrucaḥ /
   yé vr̥kṇā́so ádʰi kṣámi
   yé vr̥kṇā́saḥ ádʰi kṣámi
   yé vr̥kṇā́so ádʰi kṣámi

Halfverse: b    nímitāso yatásrucaḥ /
   nímitāsaḥ yatásrucaḥ /
   nímitāso yatásrucaḥ /

Halfverse: c    té no vyantu vā́ryaṃ devatrā́ kṣetrasā́dʰasaḥ //
   té no vyantu vā́ryaṃ
   té naḥ vyantu vā́ryam
   té no viyantu vā́riyaṃ

Halfverse: d    devatrā́ kṣetrasā́dʰasaḥ //
   devatrā́ kṣetrasā́dʰasaḥ //
   devatrā́ kṣetrasā́dʰasaḥ //


Verse: 8 
Halfverse: a    ādityā́ rudrā́ vásavaḥ sunītʰā́ dyā́vākṣā́mā pr̥tʰivī́ antárikṣam /
   ādityā́ rudrā́ vásavaḥ sunītʰā́
   ādityā́ḥ rudrā́ḥ vásavaḥ sunītʰā́ḥ
   ādityā́ rudrā́ vásavaḥ sunītʰā́

Halfverse: b    dyā́vākṣā́mā pr̥tʰivī́ antárikṣam /
   dyā́vākṣā́mā pr̥tʰivī́ antárikṣam /
   dyā́vākṣā́mā pr̥tʰivī́ antárikṣam /

Halfverse: c    sajóṣaso yajñám avantu devā́ ūrdʰváṃ kr̥ṇvantv adʰvarásya ketúm //
   sajóṣaso yajñám avantu devā́
   sajóṣasaḥ yajñám avantu devā́ḥ
   sajóṣaso yajñám avantu devā́

Halfverse: d    ūrdʰváṃ kr̥ṇvantv adʰvarásya ketúm //
   ūrdʰvám kr̥ṇvantu adʰvarásya ketúm //
   ūrdʰváṃ kr̥ṇvantu adʰvarásya ketúm //


Verse: 9 
Halfverse: a    haṃsā́ iva śreṇiśó yátānāḥ śukrā́ vásānāḥ sváravo na ā́guḥ /
   haṃsā́ iva śreṇiśó yátānāḥ
   haṃsā́ḥ iva śreṇiśáḥ yátānāḥ
   haṃsā́ iva śrayaṇiśó yátānāḥ

Halfverse: b    śukrā́ vásānāḥ sváravo na ā́guḥ /
   śukrā́ vásānāḥ sváravaḥ naḥ ā́ aguḥ /
   śukrā́ vásānāḥ sváravo na ā́guḥ /

Halfverse: c    unnīyámānāḥ kavíbʰiḥ purástād devā́ devā́nām ápi yanti pā́tʰaḥ //
   unnīyámānāḥ kavíbʰiḥ purástād
   unnīyámānāḥ kavíbʰiḥ purástāt
   unnīyámānāḥ kavíbʰiḥ purástād

Halfverse: d    devā́ devā́nām ápi yanti pā́tʰaḥ //
   devā́ devā́nām ápi yanti pā́tʰaḥ //
   devā́ devā́nām ápi yanti pā́tʰaḥ //


Verse: 10 
Halfverse: a    śŕ̥ṅgāṇīvéc cʰr̥ṅgíṇāṃ sáṃ dadr̥śre caṣā́lavantaḥ sváravaḥ pr̥tʰivyā́m /
   śŕ̥ṅgāṇīvéc cʰr̥ṅgíṇāṃ sáṃ dadr̥śre
   śŕ̥ṅgāṇi iva ít śr̥ṅgíṇām sám dadr̥śre
   śŕ̥ṅgāṇīvéc cʰr̥ṅgíṇāṃ sáṃ dadr̥śre

Halfverse: b    caṣā́lavantaḥ sváravaḥ pr̥tʰivyā́m /
   caṣā́lavantaḥ sváravaḥ pr̥tʰivyā́m /
   caṣā́lavantaḥ sváravaḥ pr̥tʰivyā́m /

Halfverse: c    vāgʰádbʰir vā vihavé śróṣamāṇā asmā́m̐ avantu pr̥tanā́jyeṣu //
   vāgʰádbʰir vā vihavé śróṣamāṇā
   vāgʰádbʰiḥ vā vihavé śróṣamāṇāḥ
   vāgʰádbʰir vā vihavé śróṣamāṇā

Halfverse: d    asmā́m̐ avantu pr̥tanā́jyeṣu //
   asmā́n avantu pr̥tanā́jyeṣu //
   asmā́m̐ avantu pr̥tanā́jiyeṣu //


Verse: 11 
Halfverse: a    vánaspate śatávalśo ví roha sahásravalśā ví vayáṃ ruhema /
   vánaspate śatávalśo ví roha
   vánaspate śatávalśaḥ ví roha
   vánaspate śatávalśo ví roha

Halfverse: b    sahásravalśā ví vayáṃ ruhema /
   sahásravalśāḥ ví vayám ruhema /
   sahásravalśā ví vayáṃ ruhema /

Halfverse: c    yáṃ tvā́m ayáṃ svádʰitis téjamānaḥ praṇinā́ya mahaté saúbʰagāya //
   yáṃ tvā́m ayáṃ svádʰitis téjamānaḥ
   yám tvā́m ayám svádʰitiḥ téjamānaḥ
   yáṃ tvā́m ayáṃ svádʰitis téjamānaḥ

Halfverse: d    praṇinā́ya mahaté saúbʰagāya //
   praṇinā́ya mahaté saúbʰagāya //
   praṇinā́ya mahaté saúbʰagāya //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.