TITUS
Rg-Veda: Rg-Veda-Samhita
Part No. 241
Previous part

Hymn: 7_(241) 
Verse: 1 
Halfverse: a    prá yá ārúḥ śitipr̥ṣṭʰásya dʰāsér ā́ mātárā viviśuḥ saptá vā́ṇīḥ /
   prá yá ārúḥ śitipr̥ṣṭʰásya dʰāsér
   prá yé ārúḥ śitipr̥ṣṭʰásya dʰāséḥ
   prá yá ārúḥ śitipr̥ṣṭʰásya dʰāsér

Halfverse: b    ā́ mātárā viviśuḥ saptá vā́ṇīḥ /
   ā́ mātárā viviśuḥ saptá vā́ṇīḥ /
   ā́ mātárā viviśuḥ saptá vā́ṇīḥ /

Halfverse: c    parikṣítā pitárā sáṃ carete prá sarsrāte dīrgʰám ā́yuḥ prayákṣe //
   parikṣítā pitárā sáṃ carete
   parikṣítā pitárā sám carete
   parikṣítā pitárā sáṃ carete

Halfverse: d    prá sarsrāte dīrgʰám ā́yuḥ prayákṣe //
   prá sarsrāte dīrgʰám ā́yuḥ prayákṣe //
   prá sarsrāte dīrgʰám ā́yuḥ prayákṣe //


Verse: 2 
Halfverse: a    divákṣaso dʰenávo vŕ̥ṣṇo áśvā devī́r ā́ tastʰau mádʰumad váhantīḥ /
   divákṣaso dʰenávo vŕ̥ṣṇo áśvā
   divákṣasaḥ dʰenávaḥ vŕ̥ṣṇaḥ áśvāḥ
   divákṣaso dʰenávo vŕ̥ṣṇo áśvā

Halfverse: b    devī́r ā́ tastʰau mádʰumad váhantīḥ /
   devī́ḥ ā́ tastʰau mádʰumat váhantīḥ /
   devī́r ā́ tastʰau mádʰumad váhantīḥ /

Halfverse: c    r̥tásya tvā sádasi kṣemayántam páry ékā carati vartaníṃ gaúḥ //
   r̥tásya tvā sádasi kṣemayántam
   r̥tásya tvā sádasi kṣemayántam
   r̥tásya tvā sádasi kṣemayántam

Halfverse: d    páry ékā carati vartaníṃ gaúḥ //
   pári ékā carati vartaním gaúḥ //
   pári ékā carati vartaníṃ gaúḥ //


Verse: 3 
Halfverse: a    ā́ sīm arohat suyámā bʰávantīḥ pátiś cikitvā́n rayivíd rayīṇā́m /
   ā́ sīm arohat suyámā bʰávantīḥ
   ā́ sīm arohat suyámāḥ bʰávantīḥ
   ā́ sīm arohat suyámā bʰávantīḥ

Halfverse: b    pátiś cikitvā́n rayivíd rayīṇā́m /
   pátiḥ cikitvā́n rayivít rayīṇā́m /
   pátiś cikitvā́n rayivíd rayīṇā́m /

Halfverse: c    prá nī́lapr̥ṣṭʰo atasásya dʰāsés tā́ avāsayat purudʰápratīkaḥ //
   prá nī́lapr̥ṣṭʰo atasásya dʰāsés
   prá nī́lapr̥ṣṭʰaḥ atasásya dʰāséḥ
   prá nī́lapr̥ṣṭʰo atasásya dʰāsés

Halfverse: d    tā́ avāsayat purudʰápratīkaḥ //
   tā́ḥ avāsayat purudʰápratīkaḥ //
   tā́ avāsayat purudʰápratīkaḥ //


Verse: 4 
Halfverse: a    máhi tvāṣṭrám ūrjáyantīr ajuryáṃ stabʰūyámānaṃ vaháto vahanti /
   máhi tvāṣṭrám ūrjáyantīr ajuryáṃ
   máhi tvāṣṭrám ūrjáyantīḥ ajuryám
   máhi tvāṣṭrám ūrjáyantīr ajuryáṃ

Halfverse: b    stabʰūyámānaṃ vaháto vahanti /
   stabʰūyámānam vahátaḥ vahanti /
   stabʰūyámānaṃ vaháto vahanti /

Halfverse: c    vy áṅgebʰir didyutānáḥ sadʰástʰa ékām iva ródasī ā́ viveśa //
   vy áṅgebʰir didyutānáḥ sadʰástʰa
   ví áṅgebʰiḥ didyutānáḥ sadʰástʰe
   ví áṅgebʰir didyutānáḥ sadʰástʰa

Halfverse: d    ékām iva ródasī ā́ viveśa //
   ékām iva ródasī ā́ viveśa //
   ékām iva ródasī ā́ viveśa //


Verse: 5 
Halfverse: a    jānánti vŕ̥ṣṇo aruṣásya śévam utá bradʰnásya śā́sane raṇanti /
   jānánti vŕ̥ṣṇo aruṣásya śévam
   jānánti vŕ̥ṣṇaḥ aruṣásya śévam
   jānánti vŕ̥ṣṇo aruṣásya śévam

Halfverse: b    utá bradʰnásya śā́sane raṇanti /
   utá bradʰnásya śā́sane raṇanti /
   utá bradʰnásya śā́sane raṇanti /

Halfverse: c    divorúcaḥ surúco rócamānā íḷā yéṣāṃ gáṇyā mā́hinā gī́ḥ //
   divorúcaḥ surúco rócamānā
   divorúcaḥ surúcaḥ rócamānāḥ
   divorúcaḥ surúco rócamānā

Halfverse: d    íḷā yéṣāṃ gáṇyā mā́hinā gī́ḥ //
   íḷā yéṣām gáṇyā mā́hinā gī́ḥ //
   íḷā yéṣāṃ gáṇiyā mā́hinā gī́ḥ //


Verse: 6 
Halfverse: a    utó pitŕ̥bʰyām pravídā́nu gʰóṣam mahó mahádbʰyām anayanta śūṣám /
   utó pitŕ̥bʰyām pravídā́nu gʰóṣam
   utá u pitŕ̥bʰyām pravídā ánu gʰóṣam
   utó pitŕ̥bʰyām pravídā́nu gʰóṣam

Halfverse: b    mahó mahádbʰyām anayanta śūṣám /
   maháḥ mahádbʰyām anayanta śūṣám /
   mahó mahádbʰyām anayanta śūṣám /

Halfverse: c    ukṣā́ ha yátra pári dʰā́nam aktór ánu sváṃ dʰā́ma jaritúr vavákṣa //
   ukṣā́ ha yátra pári dʰā́nam aktór
   ukṣā́ ha yátra pári dʰā́nam aktóḥ
   ukṣā́ ha yátra pári dʰā́nam aktór

Halfverse: d    ánu sváṃ dʰā́ma jaritúr vavákṣa //
   ánu svám dʰā́ma jaritúḥ vavákṣa //
   ánu sváṃ dʰā́ma jaritúr vavákṣa //


Verse: 7 
Halfverse: a    adʰvaryúbʰiḥ pañcábʰiḥ saptá víprāḥ priyáṃ rakṣante níhitam padáṃ véḥ /
   adʰvaryúbʰiḥ pañcábʰiḥ saptá víprāḥ
   adʰvaryúbʰiḥ pañcábʰiḥ saptá víprāḥ
   adʰvaryúbʰiḥ pañcábʰiḥ saptá víprāḥ

Halfverse: b    priyáṃ rakṣante níhitam padáṃ véḥ /
   priyám rakṣante níhitam padám véḥ /
   priyáṃ rakṣante níhitam padáṃ véḥ /

Halfverse: c    prā́ñco madanty ukṣáṇo ajuryā́ devā́ devā́nām ánu hí vratā́ gúḥ //
   prā́ñco madanty ukṣáṇo ajuryā́
   prā́ñcaḥ madanti ukṣáṇaḥ ajuryā́ḥ
   prā́ñco madanti ukṣáṇo ajuryā́

Halfverse: d    devā́ devā́nām ánu hí vratā́ gúḥ //
   devā́ḥ devā́nām ánu hí vratā́ gúḥ //
   devā́ devā́nām ánu hí vratā́ gúḥ //


Verse: 8 
Halfverse: a    daívyā hótārā pratʰamā́ ny r̥̀ñje saptá pr̥kṣā́saḥ svadʰáyā madanti /
   daívyā hótārā pratʰamā́ ny r̥̀ñje
   daívyā hótārā pratʰamā́ ní r̥ñje
   daívyā hótārā pratʰamā́ ní r̥ñje

Halfverse: b    saptá pr̥kṣā́saḥ svadʰáyā madanti /
   saptá pr̥kṣā́saḥ svadʰáyā madanti /
   saptá pr̥kṣā́saḥ svadʰáyā madanti /

Halfverse: c    r̥táṃ śám̐santa r̥tám ít tá āhur ánu vratáṃ vratapā́ dī́dʰyānāḥ //
   r̥táṃ śám̐santa r̥tám ít tá āhur
   r̥tám śáṃsantaḥ r̥tám ít té āhuḥ
   r̥táṃ śáṃsanta r̥tám ít tá āhur

Halfverse: d    ánu vratáṃ vratapā́ dī́dʰyānāḥ //
   ánu vratám vratapā́ḥ dī́dʰyānāḥ //
   ánu vratáṃ vratapā́ dī́dʰiyānāḥ //


Verse: 9 
Halfverse: a    vr̥ṣāyánte mahé átyāya pūrvī́r vŕ̥ṣṇe citrā́ya raśmáyaḥ suyāmā́ḥ /
   vr̥ṣāyánte mahé átyāya pūrvī́r
   vr̥ṣāyánte mahé átyāya pūrvī́ḥ
   vr̥ṣāyánte mahé átyāya pūrvī́r

Halfverse: b    vŕ̥ṣṇe citrā́ya raśmáyaḥ suyāmā́ḥ /
   vŕ̥ṣṇe citrā́ya raśmáyaḥ suyāmā́ḥ /
   vŕ̥ṣṇe citrā́ya raśmáyaḥ suyāmā́ḥ /

Halfverse: c    déva hotar mandrátaraś cikitvā́n mahó devā́n ródasī éhá vakṣi //
   déva hotar mandrátaraś cikitvā́n
   déva hotar mandrátaraḥ cikitvā́n
   déva hotar mandrátaraś cikitvā́n

Halfverse: d    mahó devā́n ródasī éhá vakṣi //
   maháḥ devā́n ródasī ā́ ihá vakṣi //
   mahó devā́n ródasī éhá vakṣi //


Verse: 10 
Halfverse: a    pr̥kṣáprayajo draviṇaḥ suvā́caḥ suketáva uṣáso revád ūṣuḥ /
   pr̥kṣáprayajo draviṇaḥ suvā́caḥ
   pr̥kṣáprayajaḥ draviṇaḥ suvā́caḥ
   pr̥kṣáprayajo draviṇaḥ suvā́caḥ

Halfverse: b    suketáva uṣáso revád ūṣuḥ /
   suketávaḥ uṣásaḥ revát ūṣuḥ /
   suketáva uṣáso revád ūṣuḥ /

Halfverse: c    utó cid agne mahinā́ pr̥tʰivyā́ḥ kr̥táṃ cid énaḥ sám mahé daśasya //
   utó cid agne mahinā́ pr̥tʰivyā́ḥ
   utá u cit agne mahinā́ pr̥tʰivyā́ḥ
   utó cid agne mahinā́ pr̥tʰivyā́ḥ

Halfverse: d    kr̥táṃ cid énaḥ sám mahé daśasya //
   kr̥tám cit énaḥ sám mahé daśasya //
   kr̥táṃ cid énaḥ sám mahé daśasya //


Verse: 11 
Halfverse: a    íḷām agne purudám̐saṃ saníṃ góḥ śaśvattamáṃ hávamānāya sādʰa /
   íḷām agne purudám̐saṃ saníṃ góḥ
   íḷām agne purudáṃsam saním góḥ
   íḷām agne purudáṃsaṃ saníṃ góḥ

Halfverse: b    śaśvattamáṃ hávamānāya sādʰa /
   śaśvattamám hávamānāya sādʰa /
   śaśvattamáṃ hávamānāya sādʰa /

Halfverse: c    syā́n naḥ sūnús tánayo vijā́vā́gne sā́ te sumatír bʰūtv asmé //
   syā́n naḥ sūnús tánayo vijā́vā_
   syā́t naḥ sūnúḥ tánayaḥ vijā́vā
   siyā́n naḥ sūnús tánayo vijā́vā

Halfverse: d    _ágne sā́ te sumatír bʰūtv asmé //
   ágne sā́ te sumatíḥ bʰūtu asmé //
   ágne sā́ te sumatír bʰūtu asmé //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.