TITUS
Rg-Veda: Rg-Veda-Samhita
Part No. 240
Previous part

Hymn: 6_(240) 
Verse: 1 
Halfverse: a    prá kāravo mananā́ vacyámānā devadrī́cīṃ nayata devayántaḥ /
   prá kāravo mananā́ vacyámānā
   prá kāravaḥ mananā́ vacyámānāḥ
   prá kāravo mananā́ vacyámānā

Halfverse: b    devadrī́cīṃ nayata devayántaḥ /
   devadrī́cīm nayata devayántaḥ /
   devadrī́cīṃ nayata devayántaḥ /

Halfverse: c    dakṣiṇāvā́ḍ vājínī prā́cy eti havír bʰáranty agnáye gʰr̥tā́cī //
   dakṣiṇāvā́ḍ vājínī prā́cy eti
   dakṣiṇāvā́ṭ vājínī prā́cī eti
   dakṣiṇāvā́ḍ vājínī prā́ci eti

Halfverse: d    havír bʰáranty agnáye gʰr̥tā́cī //
   havíḥ bʰárantī agnáye gʰr̥tā́cī //
   havír bʰáranti agnáye gʰr̥tā́cī //


Verse: 2 
Halfverse: a    ā́ ródasī apr̥ṇā jā́yamāna utá prá riktʰā ádʰa nú prayajyo /
   ā́ ródasī apr̥ṇā jā́yamāna
   ā́ ródasī apr̥ṇāḥ jā́yamānaḥ
   ā́ ródasī apr̥ṇā jā́yamāna

Halfverse: b    utá prá riktʰā ádʰa nú prayajyo /
   utá prá riktʰāḥ ádʰa nú prayajyo /
   utá prá riktʰā ádʰa nú prayajyo /

Halfverse: c    diváś cid agne mahinā́ pr̥tʰivyā́ vacyántāṃ te váhnayaḥ saptájihvāḥ //
   diváś cid agne mahinā́ pr̥tʰivyā́
   diváḥ cit agne mahinā́ pr̥tʰivyā́ḥ
   diváś cid agne mahinā́ pr̥tʰivyā́

Halfverse: d    vacyántāṃ te váhnayaḥ saptájihvāḥ //
   vacyántām te váhnayaḥ saptájihvāḥ //
   vacyántāṃ te váhnayaḥ saptájihvāḥ //


Verse: 3 
Halfverse: a    dyaúś ca tvā pr̥tʰivī́ yajñíyāso ní hótāraṃ sādayante dámāya /
   dyaúś ca tvā pr̥tʰivī́ yajñíyāso
   dyaúḥ ca tvā pr̥tʰivī́ yajñíyāsaḥ
   diyaúś ca tvā pr̥tʰivī́ yajñíyāso

Halfverse: b    ní hótāraṃ sādayante dámāya /
   ní hótāram sādayante dámāya /
   ní hótāraṃ sādayante dámāya /

Halfverse: c    yádī víśo mā́nuṣīr devayántīḥ práyasvatīr ī́ḷate śukrám arcíḥ //
   yádī víśo mā́nuṣīr devayántīḥ
   yádi+ víśaḥ mā́nuṣīḥ devayántīḥ
   yádī víśo mā́nuṣīr devayántīḥ

Halfverse: d    práyasvatīr ī́ḷate śukrám arcíḥ //
   práyasvatīḥ ī́ḷate śukrám arcíḥ //
   práyasvatīr ī́ḷate śukrám arcíḥ //


Verse: 4 
Halfverse: a    mahā́n sadʰástʰe dʰruvá ā́ níṣatto 'ntár dyā́vā mā́hine háryamāṇaḥ /
   mahā́n sadʰástʰe dʰruvá ā́ níṣatto
   mahā́n sadʰástʰe dʰruváḥ ā́ níṣattaḥ
   mahā́n sadʰástʰe dʰruvá ā́ níṣatto

Halfverse: b    'ntár dyā́vā mā́hine háryamāṇaḥ /
   antár dyā́vā mā́hine háryamāṇaḥ /
   antár dyā́vā mā́hine háryamāṇaḥ /

Halfverse: c    ā́skre sapátnī ajáre ámr̥kte sabardúgʰe urugāyásya dʰenū́ //
   ā́skre sapátnī ajáre ámr̥kte
   ā́skre sapátnī ajáre ámr̥kte
   ā́skre sapátnī ajáre ámr̥kte

Halfverse: d    sabardúgʰe urugāyásya dʰenū́ //
   sabardúgʰe urugāyásya dʰenū́ //
   sabardúgʰe urugāyásya dʰenū́ //


Verse: 5 
Halfverse: a    vratā́ te agne maható mahā́ni táva krátvā ródasī ā́ tatantʰa /
   vratā́ te agne maható mahā́ni
   vratā́ te agne mahatáḥ mahā́ni
   vratā́ te agne maható mahā́ni

Halfverse: b    táva krátvā ródasī ā́ tatantʰa /
   táva krátvā ródasī ā́ tatantʰa /
   táva krátvā ródasī ā́ tatantʰa /

Halfverse: c    tváṃ dūtó abʰavo jā́yamānas tváṃ netā́ vr̥ṣabʰa carṣaṇīnā́m //
   tváṃ dūtó abʰavo jā́yamānas
   tvám dūtáḥ abʰavaḥ jā́yamānaḥ
   tuváṃ dūtó abʰavo jā́yamānas

Halfverse: d    tváṃ netā́ vr̥ṣabʰa carṣaṇīnā́m //
   tvám netā́ vr̥ṣabʰa carṣaṇīnā́m //
   tuváṃ netā́ vr̥ṣabʰa carṣaṇīnā́m //


Verse: 6 
Halfverse: a    r̥tásya vā keśínā yogyā́bʰir gʰr̥tasnúvā róhitā dʰurí dʰiṣva /
   r̥tásya vā keśínā yogyā́bʰir
   r̥tásya vā keśínā yogyā́bʰiḥ
   r̥tásya vā keśínā yogiyā́bʰir

Halfverse: b    gʰr̥tasnúvā róhitā dʰurí dʰiṣva /
   gʰr̥tasnúvā róhitā dʰurí dʰiṣva /
   gʰr̥tasnúvā róhitā dʰurí dʰiṣva /

Halfverse: c    átʰā́ vaha devā́n deva víśvān svadʰvarā́ kr̥ṇuhi jātavedaḥ //
   átʰā́ vaha devā́n deva víśvān
   átʰa ā́ vaha devā́n deva víśvān
   átʰa ā́ vaha devā́n deva víśvān

Halfverse: d    svadʰvarā́ kr̥ṇuhi jātavedaḥ //
   svadʰvarā́ kr̥ṇuhi jātavedaḥ //
   suadʰvarā́ kr̥ṇuhi jātavedaḥ //


Verse: 7 
Halfverse: a    diváś cid ā́ te rucayanta rokā́ uṣó vibʰātī́r ánu bʰāsi pūrvī́ḥ /
   diváś cid ā́ te rucayanta rokā́
   diváḥ cit ā́ te rucayanta \!\ rokā́ḥ
   diváś cid ā́ te rucayanta rokā́

Halfverse: b    uṣó vibʰātī́r ánu bʰāsi pūrvī́ḥ /
   uṣáḥ vibʰātī́ḥ ánu bʰāsi pūrvī́ḥ /
   uṣó vibʰātī́r ánu bʰāsi pūrvī́ḥ /

Halfverse: c    apó yád agna uśádʰag váneṣu hótur mandrásya panáyanta devā́ḥ //
   apó yád agna uśádʰag váneṣu
   apáḥ yát agne uśádʰak váneṣu
   apó yád agna uśádʰag váneṣu

Halfverse: d    hótur mandrásya panáyanta devā́ḥ //
   hótuḥ mandrásya panáyanta devā́ḥ //
   hótur mandrásya panáyanta devā́ḥ //


Verse: 8 
Halfverse: a    uraú vā yé antárikṣe mádanti divó vā yé rocané sánti devā́ḥ /
   uraú vā yé antárikṣe mádanti
   uraú vā yé antárikṣe mádanti
   uraú vā yé antárikṣe mádanti

Halfverse: b    divó vā yé rocané sánti devā́ḥ /
   diváḥ vā yé rocané sánti devā́ḥ /
   divó vā yé rocané sánti devā́ḥ /

Halfverse: c    ū́mā vā yé suhávāso yájatrā āyemiré ratʰyò agne áśvāḥ //
   ū́mā vā yé suhávāso yájatrā
   ū́māḥ vā yé suhávāsaḥ yájatrāḥ
   ū́mā vā yé suhávāso yájatrā

Halfverse: d    āyemiré ratʰyò agne áśvāḥ //
   āyemiré ratʰyàḥ agne áśvāḥ //
   āyemiré ratʰíyo agne áśvāḥ //


Verse: 9 
Halfverse: a    aíbʰir agne sarátʰaṃ yāhy arvā́ṅ nānāratʰáṃ vā vibʰávo hy áśvāḥ /
   aíbʰir agne sarátʰaṃ yāhy arvā́ṅ
   ā́ ebʰiḥ agne sarátʰam yāhi arvā́ṅ
   aíbʰir agne sarátʰaṃ yāhi arvā́ṅ

Halfverse: b    nānāratʰáṃ vā vibʰávo hy áśvāḥ /
   nānāratʰám vā vibʰávaḥ hí áśvāḥ /
   nānāratʰáṃ vā vibʰávo hí áśvāḥ /

Halfverse: c    pátnīvatas triṃśátaṃ trī́ṃś ca devā́n anuṣvadʰám ā́ vaha mādáyasva //
   pátnīvatas triṃśátaṃ trī́ṃś ca devā́n
   pátnīvataḥ triṃśátam trī́n ca devā́n
   pátnīvatas triṃśátaṃ trī́ṃś ca devā́n

Halfverse: d    anuṣvadʰám ā́ vaha mādáyasva //
   anuṣvadʰám ā́ vaha mādáyasva //
   anuṣvadʰám ā́ vaha mādáyasva //


Verse: 10 
Halfverse: a    sá hótā yásya ródasī cid urvī́ yajñáṃ-yajñam abʰí vr̥dʰé gr̥ṇītáḥ /
   sá hótā yásya ródasī cid urvī́
   sá hótā yásya ródasī cit urvī́
   sá hótā yásya ródasī cid urvī́

Halfverse: b    yajñáṃ-yajñam abʰí vr̥dʰé gr̥ṇītáḥ /
   yajñáṃ-yajñam abʰí vr̥dʰé gr̥ṇītáḥ /
   yajñáṃ-yajñam abʰí vr̥dʰé gr̥ṇītáḥ /

Halfverse: c    prā́cī adʰvaréva tastʰatuḥ suméke r̥tā́varī r̥tájātasya satyé //
   prā́cī adʰvaréva tastʰatuḥ suméke
   prā́cī adʰvarā́ iva tastʰatuḥ suméke
   prā́cī adʰvaréva tastʰatuḥ suméke

Halfverse: d    r̥tā́varī r̥tájātasya satyé //
   r̥tā́varī r̥tájātasya satyé //
   r̥tā́varī r̥tájātasya satyé //


Verse: 11 
Halfverse: a    íḷām agne purudám̐saṃ saníṃ góḥ śaśvattamáṃ hávamānāya sādʰa /
   íḷām agne purudám̐saṃ saníṃ góḥ
   íḷām agne purudáṃsam saním góḥ
   íḷām agne purudáṃsaṃ saníṃ góḥ

Halfverse: b    śaśvattamáṃ hávamānāya sādʰa /
   śaśvattamám hávamānāya sādʰa /
   śaśvattamáṃ hávamānāya sādʰa /

Halfverse: c    syā́n naḥ sūnús tánayo vijā́vā́gne sā́ te sumatír bʰūtv asmé //
   syā́n naḥ sūnús tánayo vijā́vā_
   syā́t naḥ sūnúḥ tánayaḥ vijā́vā
   siyā́n naḥ sūnús tánayo vijā́vā

Halfverse: d    _ágne sā́ te sumatír bʰūtv asmé //
   ágne sā́ te sumatíḥ bʰūtu asmé //
   ágne sā́ te sumatír bʰūtu asmé //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.