TITUS
Rg-Veda: Rg-Veda-Samhita
Part No. 239
Previous part

Hymn: 5_(239) 
Verse: 1 
Halfverse: a    práty agnír uṣásaś cékitānó 'bodʰi vípraḥ padavī́ḥ kavīnā́m /
   práty agnír uṣásaś cékitānó
   práti agníḥ uṣásaḥ cékitānaḥ
   práti agnír uṣásaś cékitāno

Halfverse: b    'bodʰi vípraḥ padavī́ḥ kavīnā́m /
   ábodʰi vípraḥ padavī́ḥ kavīnā́m /
   ábodʰi vípraḥ padavī́ḥ kavīnā́m /

Halfverse: c    pr̥tʰupā́jā devayádbʰiḥ sámiddʰó 'pa dvā́rā támaso váhnir āvaḥ //
   pr̥tʰupā́jā devayádbʰiḥ sámiddʰó
   pr̥tʰupā́jāḥ devayádbʰiḥ sámiddʰaḥ
   pr̥tʰupā́jā devayádbʰiḥ sámiddʰo

Halfverse: d    'pa dvā́rā támaso váhnir āvaḥ //
   ápa dvā́rā támasaḥ váhniḥ āvar //
   ápa dvā́rā támaso váhnir āvaḥ //


Verse: 2 
Halfverse: a    préd v agnír vāvr̥dʰe stómebʰir gīrbʰí stotr̥̄ṇā́ṃ namasyà uktʰaíḥ /
   préd v agnír vāvr̥dʰe stómebʰir
   prá ít u agníḥ vāvr̥dʰe stómebʰiḥ
   prá íd u agnír vāvr̥dʰe stómebʰir

Halfverse: b    gīrbʰí stotr̥̄ṇā́ṃ namasyà uktʰaíḥ /
   gīrbʰíḥ stotr̥̄ṇā́m namasyàḥ uktʰaíḥ /
   gīrbʰí stotr̥̄ṇā́ṃ namasíya uktʰaíḥ /

Halfverse: c    pūrvī́r r̥tásya saṃdŕ̥śaś cakānáḥ sáṃ dūtó adyaud uṣáso viroké //
   pūrvī́r r̥tásya saṃdŕ̥śaś cakānáḥ
   pūrvī́ḥ r̥tásya saṃdŕ̥śaḥ cakānáḥ
   pūrvī́r r̥tásya saṃdŕ̥śaś cakānáḥ

Halfverse: d    sáṃ dūtó adyaud uṣáso viroké //
   sám dūtáḥ adyaut uṣásaḥ viroké //
   sáṃ dūtó adyaud uṣáso viroké //


Verse: 3 
Halfverse: a    ádʰāyy agnír mā́nuṣīṣu vikṣv àpā́ṃ gárbʰo mitrá r̥téna sā́dʰan /
   ádʰāyy agnír mā́nuṣīṣu vikṣv
   ádʰāyi agníḥ mā́nuṣīṣu vikṣú
   ádʰāyi agnír mā́nuṣīṣu vikṣú

Halfverse: b    àpā́ṃ gárbʰo mitrá r̥téna sā́dʰan /
   apā́m gárbʰaḥ mitráḥ r̥téna sā́dʰan /
   apā́ṃ gárbʰo mitrá r̥téna sā́dʰan /

Halfverse: c    ā́ haryató yajatáḥ sā́nv astʰād ábʰūd u vípro hávyo matīnā́m //
   ā́ haryató yajatáḥ sā́nv astʰād
   ā́ haryatáḥ yajatáḥ sā́nu astʰāt
   ā́ haryató yajatáḥ sā́nu astʰād

Halfverse: d    ábʰūd u vípro hávyo matīnā́m //
   ábʰūt u vípraḥ hávyaḥ matīnā́m //
   ábʰūd u vípro háviyo matīnā́m //


Verse: 4 
Halfverse: a    mitró agnír bʰavati yát sámiddʰo mitró hótā váruṇo jātávedāḥ /
   mitró agnír bʰavati yát sámiddʰo
   mitráḥ agníḥ bʰavati yát sámiddʰaḥ
   mitró agnír bʰavati yát sámiddʰo

Halfverse: b    mitró hótā váruṇo jātávedāḥ /
   mitráḥ hótā váruṇaḥ jātávedāḥ /
   mitró hótā váruṇo jātávedāḥ /

Halfverse: c    mitró adʰvaryúr iṣiró dámūnā mitráḥ síndʰūnām utá párvatānām //
   mitró adʰvaryúr iṣiró dámūnā
   mitráḥ adʰvaryúḥ iṣiráḥ dámūnāḥ
   mitró adʰvaryúr iṣiró dámūnā

Halfverse: d    mitráḥ síndʰūnām utá párvatānām //
   mitráḥ síndʰūnām utá párvatānām //
   mitráḥ síndʰūnām utá párvatānām //


Verse: 5 
Halfverse: a    pā́ti priyáṃ ripó ágram padáṃ véḥ pā́ti yahváś cáraṇaṃ sū́ryasya /
   pā́ti priyáṃ ripó ágram padáṃ véḥ
   pā́ti priyám ripáḥ ágram padám véḥ
   pā́ti priyáṃ ripó ágram padáṃ véḥ

Halfverse: b    pā́ti yahváś cáraṇaṃ sū́ryasya /
   pā́ti yahváḥ cáraṇam sū́ryasya /
   pā́ti yahváś cáraṇaṃ sū́riyasya /

Halfverse: c    pā́ti nā́bʰā saptáśīrṣāṇam agníḥ pā́ti devā́nām upamā́dam r̥ṣváḥ //
   pā́ti nā́bʰā saptáśīrṣāṇam agníḥ
   pā́ti nā́bʰā saptáśīrṣāṇam agníḥ
   pā́ti nā́bʰā saptáśīrṣāṇam agníḥ

Halfverse: d    pā́ti devā́nām upamā́dam r̥ṣváḥ //
   pā́ti devā́nām upamā́dam r̥ṣváḥ //
   pā́ti devā́nām upamā́dam r̥ṣváḥ //


Verse: 6 
Halfverse: a    r̥bʰúś cakra ī́ḍyaṃ cā́ru nā́ma víśvāni devó vayúnāni vidvā́n /
   r̥bʰúś cakra ī́ḍyaṃ cā́ru nā́ma
   r̥bʰúḥ cakre ī́ḍyam cā́ru nā́ma
   r̥bʰúś cakra ī́ḍiyaṃ cā́ru nā́ma

Halfverse: b    víśvāni devó vayúnāni vidvā́n /
   víśvāni deváḥ vayúnāni vidvā́n /
   víśvāni devó vayúnāni vidvā́n /

Halfverse: c    sasásya cárma gʰr̥távat padáṃ vés tád íd agnī́ rakṣaty áprayucʰan //
   sasásya cárma gʰr̥távat padáṃ vés
   sasásya cárma gʰr̥távat padám véḥ
   sasásya cárma gʰr̥távat padáṃ vés

Halfverse: d    tád íd agnī́ rakṣaty áprayucʰan //
   tát ít agníḥ rakṣati áprayucʰan //
   tád íd agnī́ rakṣati áprayucʰan //


Verse: 7 
Halfverse: a    ā́ yónim agnír gʰr̥távantam astʰāt pr̥tʰúpragāṇam uśántam uśānáḥ /
   ā́ yónim agnír gʰr̥távantam astʰāt
   ā́ yónim agníḥ gʰr̥távantam astʰāt
   ā́ yónim agnír gʰr̥távantam astʰāt

Halfverse: b    pr̥tʰúpragāṇam uśántam uśānáḥ /
   pr̥tʰúpragāṇam uśántam uśānáḥ /
   pr̥tʰúpragāṇam uśántam uśānáḥ /

Halfverse: c    dī́dyānaḥ śúcir r̥ṣváḥ pāvakáḥ púnaḥ-punar mātárā návyasī kaḥ //
   dī́dyānaḥ śúcir r̥ṣváḥ pāvakáḥ
   dī́dyānaḥ śúciḥ r̥ṣváḥ pāvakáḥ
   dī́diyānaḥ śúcir r̥ṣváḥ pavākáḥ

Halfverse: d    púnaḥ-punar mātárā návyasī kaḥ //
   púnaḥ-punar mātárā návyasī kar //
   púnaḥ-punar mātárā návyasī kaḥ //


Verse: 8 
Halfverse: a    sadyó jātá óṣadʰībʰir vavakṣe yádī várdʰanti prasvò gʰr̥téna /
   sadyó jātá óṣadʰībʰir vavakṣe
   sadyáḥ jātáḥ óṣadʰībʰiḥ vavakṣe
   sadyó jātá óṣadʰībʰir vavakṣe

Halfverse: b    yádī várdʰanti prasvò gʰr̥téna /
   yádi+ várdʰanti prasvàḥ gʰr̥téna /
   yádī várdʰanti prasúvo gʰr̥téna /

Halfverse: c    ā́pa iva pravátā śúmbʰamānā uruṣyád agníḥ pitrór upástʰe //
   ā́pa iva pravátā śúmbʰamānā
   ā́paḥ iva pravátā śúmbʰamānāḥ
   ā́pa iva pravátā śúmbʰamānā

Halfverse: d    uruṣyád agníḥ pitrór upástʰe //
   uruṣyát agníḥ pitróḥ upástʰe //
   uruṣyád agníḥ pitarór upástʰe //


Verse: 9 
Halfverse: a    úd u ṣṭutáḥ samídʰā yahvó adyaud várṣman divó ádʰi nā́bʰā pr̥tʰivyā́ḥ /
   úd u ṣṭutáḥ samídʰā yahvó adyaud
   út u stutáḥ samídʰā yahváḥ adyaut
   úd u ṣṭutáḥ samídʰā yahvó adyaud

Halfverse: b    várṣman divó ádʰi nā́bʰā pr̥tʰivyā́ḥ /
   várṣman diváḥ ádʰi nā́bʰā pr̥tʰivyā́ḥ /
   várṣman divó ádʰi nā́bʰā pr̥tʰivyā́ḥ /

Halfverse: c    mitró agnír ī́ḍyo mātaríśvā́ dūtó vakṣad yajátʰāya devā́n //
   mitró agnír ī́ḍyo mātaríśvā_
   mitráḥ agníḥ ī́ḍyaḥ mātaríśvā
   mitró agnír ī́ḍiyo mātaríśvā

Halfverse: d    _ā́ dūtó vakṣad yajátʰāya devā́n //
   ā́ dūtáḥ vakṣat yajátʰāya devā́n //
   ā́ dūtó vakṣad yajátʰāya devā́n //


Verse: 10 
Halfverse: a    úd astambʰīt samídʰā nā́kam r̥ṣvò 'gnír bʰávann uttamó rocanā́nām /
   úd astambʰīt samídʰā nā́kam r̥ṣvò
   út astambʰīt samídʰā nā́kam r̥ṣváḥ
   úd astambʰīt samídʰā nā́kam r̥ṣvó

Halfverse: b    'gnír bʰávann uttamó rocanā́nām /
   agníḥ bʰávan uttamáḥ rocanā́nām /
   agnír bʰávann uttamó rocanā́nām /

Halfverse: c    yádī bʰŕ̥gubʰyaḥ pári mātaríśvā gúhā sántaṃ havyavā́haṃ samīdʰé //
   yádī bʰŕ̥gubʰyaḥ pári mātaríśvā
   yádi+ bʰŕ̥gubʰyaḥ pári mātaríśvā
   yádī bʰŕ̥gubʰyaḥ pári mātaríśvā

Halfverse: d    gúhā sántaṃ havyavā́haṃ samīdʰé //
   gúhā sántam havyavā́ham samīdʰé //
   gúhā sántaṃ havyavā́haṃ samīdʰé //


Verse: 11 
Halfverse: a    íḷām agne purudám̐saṃ saníṃ góḥ śaśvattamáṃ hávamānāya sādʰa /
   íḷām agne purudám̐saṃ saníṃ góḥ
   íḷām agne purudáṃsam saním góḥ
   íḷām agne purudáṃsaṃ saníṃ góḥ

Halfverse: b    śaśvattamáṃ hávamānāya sādʰa /
   śaśvattamám hávamānāya sādʰa /
   śaśvattamáṃ hávamānāya sādʰa /

Halfverse: c    syā́n naḥ sūnús tánayo vijā́vā́gne sā́ te sumatír bʰūtv asmé //
   syā́n naḥ sūnús tánayo vijā́vā_
   syā́t naḥ sūnúḥ tánayaḥ vijā́vā
   siyā́n naḥ sūnús tánayo vijā́vā

Halfverse: d    _ágne sā́ te sumatír bʰūtv asmé //
   ágne sā́ te sumatíḥ bʰūtu asmé //
   ágne sā́ te sumatír bʰūtu asmé //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.