TITUS
Rg-Veda: Rg-Veda-Samhita
Part No. 238
Previous part

Hymn: 4_(238) 
Verse: 1 
Halfverse: a    samít-samit sumánā bodʰy asmé śucā́-śucā sumatíṃ rāsi vásvaḥ /
   samít-samit sumánā bodʰy asmé
   samít-samit sumánāḥ bodʰi asmé
   samít-samit sumánā bodʰi asmé

Halfverse: b    śucā́-śucā sumatíṃ rāsi vásvaḥ /
   śucā́-śucā sumatím rāsi vásvaḥ /
   śucā́-śucā sumatíṃ rāsi vásvaḥ /

Halfverse: c    ā́ deva devā́n yajátʰāya vakṣi sákʰā sákʰīn sumánā yakṣy agne //
   ā́ deva devā́n yajátʰāya vakṣi
   ā́ deva devā́n yajátʰāya vakṣi
   ā́ deva devā́n yajátʰāya vakṣi

Halfverse: d    sákʰā sákʰīn sumánā yakṣy agne //
   sákʰā sákʰīn sumánāḥ yakṣi agne //
   sákʰā sákʰīn sumánā yakṣi agne //


Verse: 2 
Halfverse: a    yáṃ devā́sas trír áhann āyájante divé-dive váruṇo mitró agníḥ /
   yáṃ devā́sas trír áhann āyájante
   yám devā́saḥ tríḥ áhan āyájante
   yáṃ devā́sas trír áhann āyájante

Halfverse: b    divé-dive váruṇo mitró agníḥ /
   divé-dive váruṇaḥ mitráḥ agníḥ /
   divé-dive váruṇo mitró agníḥ /

Halfverse: c    sémáṃ yajñám mádʰumantaṃ kr̥dʰī nas tánūnapād gʰr̥táyoniṃ vidʰántam //
   sémáṃ yajñám mádʰumantaṃ kr̥dʰī nas
   sá imám yajñám mádʰumantam kr̥dʰi+ naḥ
   sémáṃ yajñám mádʰumantaṃ kr̥dʰī nas

Halfverse: d    tánūnapād gʰr̥táyoniṃ vidʰántam //
   tánūnapāt gʰr̥táyonim vidʰántam //
   tánūnapād gʰr̥táyoniṃ vidʰántam //


Verse: 3 
Halfverse: a    prá dī́dʰitir viśvávārā jigāti hótāram iḷáḥ pratʰamáṃ yájadʰyai /
   prá dī́dʰitir viśvávārā jigāti
   prá dī́dʰitiḥ viśvávārā jigāti
   prá dī́dʰitir viśvávārā jigāti

Halfverse: b    hótāram iḷáḥ pratʰamáṃ yájadʰyai /
   hótāram iḷáḥ pratʰamám yájadʰyai /
   hótāram iḷáḥ pratʰamáṃ yájadʰyai /

Halfverse: c    ácʰā námobʰir vr̥ṣabʰáṃ vandádʰyai sá devā́n yakṣad iṣitó yájīyān //
   ácʰā námobʰir vr̥ṣabʰáṃ vandádʰyai
   ácʰa+ námobʰiḥ vr̥ṣabʰám vandádʰyai
   ácʰā námobʰir vr̥ṣabʰáṃ vandádʰyai

Halfverse: d    sá devā́n yakṣad iṣitó yájīyān //
   sá devā́n yakṣat iṣitáḥ yájīyān //
   sá devā́n yakṣad iṣitó yájīyān //


Verse: 4 
Halfverse: a    ūrdʰvó vāṃ gātúr adʰvaré akāry ūrdʰvā́ śocī́ṃṣi prástʰitā rájāṃsi /
   ūrdʰvó vāṃ gātúr adʰvaré akāry
   ūrdʰváḥ vām gātúḥ adʰvaré akāri
   ūrdʰvó vāṃ gātúr adʰvaré akāri

Halfverse: b    ūrdʰvā́ śocī́ṃṣi prástʰitā rájāṃsi /
   ūrdʰvā́ śocī́ṃṣi prástʰitā rájāṃsi /
   ūrdʰvā́ śocī́ṃṣi prástʰitā rájāṃsi /

Halfverse: c    divó vā nā́bʰā ny àsādi hótā str̥ṇīmáhi devávyacā ví barhíḥ //
   divó vā nā́bʰā ny àsādi hótā
   diváḥ vā nā́bʰā ní asādi hótā
   divó vā nā́bʰā ní asādi hótā

Halfverse: d    str̥ṇīmáhi devávyacā ví barhíḥ //
   str̥ṇīmáhi devávyacāḥ ví barhíḥ //
   str̥ṇīmáhi devávyacā ví barhíḥ //


Verse: 5 
Halfverse: a    saptá hotrā́ṇi mánasā vr̥ṇānā́ ínvanto víśvam práti yann r̥téna /
   saptá hotrā́ṇi mánasā vr̥ṇānā́
   saptá hotrā́ṇi mánasā vr̥ṇānā́ḥ
   saptá hotrā́ṇi mánasā vr̥ṇānā́

Halfverse: b    ínvanto víśvam práti yann r̥téna /
   ínvantaḥ víśvam práti yan r̥téna /
   ínvanto víśvam práti yann r̥téna /

Halfverse: c    nr̥péśaso vidátʰeṣu prá jātā́ abʰī̀máṃ yajñáṃ ví caranta pūrvī́ḥ //
   nr̥péśaso vidátʰeṣu prá jātā́
   nr̥péśasaḥ vidátʰeṣu prá jātā́ḥ
   nr̥péśaso vidátʰeṣu prá jātā́

Halfverse: d    abʰī̀máṃ yajñáṃ ví caranta pūrvī́ḥ //
   abʰí imám yajñám ví caranta pūrvī́ḥ //
   abʰī̀máṃ yajñáṃ ví caranta pūrvī́ḥ //


Verse: 6 
Halfverse: a    ā́ bʰándamāne uṣásā úpāke utá smayete tanvā̀ vírūpe /
   ā́ bʰándamāne uṣásā úpāke
   ā́ bʰándamāne uṣásau úpāke
   ā́ bʰándamāne uṣásā úpāke

Halfverse: b    utá smayete tanvā̀ vírūpe /
   utá smayete tanvā̀ vírūpe /
   utá smayete tanúvā vírūpe /

Halfverse: c    yátʰā no mitró váruṇo jújoṣad índro marútvām̐ utá vā máhobʰiḥ //
   yátʰā no mitró váruṇo jújoṣad
   yátʰā naḥ mitráḥ váruṇaḥ jújoṣat
   yátʰā no mitró váruṇo jújoṣad

Halfverse: d    índro marútvām̐ utá vā máhobʰiḥ //
   índraḥ marútvān utá vā máhobʰiḥ //
   índro marútvām̐ utá vā máhobʰiḥ //


Verse: 7 
Halfverse: a    daívyā hótārā pratʰamā́ ny r̥̀ñje saptá pr̥kṣā́saḥ svadʰáyā madanti /
   daívyā hótārā pratʰamā́ ny r̥̀ñje
   daívyā hótārā pratʰamā́ ní r̥ñje
   daívyā hótārā pratʰamā́ ní r̥ñje

Halfverse: b    saptá pr̥kṣā́saḥ svadʰáyā madanti /
   saptá pr̥kṣā́saḥ svadʰáyā madanti /
   saptá pr̥kṣā́saḥ svadʰáyā madanti /

Halfverse: c    r̥táṃ śám̐santa r̥tám ít tá āhur ánu vratáṃ vratapā́ dī́dʰyānāḥ //
   r̥táṃ śám̐santa r̥tám ít tá āhur
   r̥tám śáṃsantaḥ r̥tám ít té āhuḥ
   r̥táṃ śáṃsanta r̥tám ít tá āhur

Halfverse: d    ánu vratáṃ vratapā́ dī́dʰyānāḥ //
   ánu vratám vratapā́ḥ dī́dʰyānāḥ //
   ánu vratáṃ vratapā́ dī́dʰiyānāḥ //


Verse: 8 
Halfverse: a    ā́ bʰā́ratī bʰā́ratībʰiḥ sajóṣā íḷā devaír manuṣyèbʰir agníḥ /
   ā́ bʰā́ratī bʰā́ratībʰiḥ sajóṣā
   ā́ bʰā́ratī bʰā́ratībʰiḥ sajóṣāḥ
   ā́ bʰā́ratī bʰā́ratībʰiḥ sajóṣā

Halfverse: b    íḷā devaír manuṣyèbʰir agníḥ /
   íḷā devaíḥ manuṣyèbʰiḥ agníḥ /
   íḷā devaír manuṣíyebʰir agníḥ /

Halfverse: c    sárasvatī sārasvatébʰir arvā́k tisró devī́r barhír édáṃ sadantu //
   sárasvatī sārasvatébʰir arvā́k
   sárasvatī sārasvatébʰiḥ arvā́k
   sárasvatī sārasvatébʰir arvā́k

Halfverse: d    tisró devī́r barhír édáṃ sadantu //
   tisráḥ devī́ḥ barhíḥ ā́ idám sadantu //
   tisró devī́r barhír édáṃ sadantu //


Verse: 9 
Halfverse: a    tán nas turī́pam ádʰa poṣayitnú déva tvaṣṭar ví rarāṇáḥ syasva /
   tán nas turī́pam ádʰa poṣayitnú
   tát naḥ turī́pam ádʰa poṣayitnú
   tán nas turī́pam ádʰa poṣayitnú

Halfverse: b    déva tvaṣṭar ví rarāṇáḥ syasva /
   déva tvaṣṭar ví rarāṇáḥ syasva /
   déva tvaṣṭar ví rarāṇáḥ siyasva /

Halfverse: c    yáto vīráḥ karmaṇyàḥ sudákṣo yuktágrāvā jā́yate devákāmaḥ //
   yáto vīráḥ karmaṇyàḥ sudákṣo
   yátaḥ vīráḥ karmaṇyàḥ sudákṣaḥ
   yáto vīráḥ karmaṇíyaḥ sudákṣo

Halfverse: d    yuktágrāvā jā́yate devákāmaḥ //
   yuktágrāvā jā́yate devákāmaḥ //
   yuktágrāvā jā́yate devákāmaḥ //


Verse: 10 
Halfverse: a    vánaspaté 'va sr̥jópa devā́n agnír havíḥ śamitā́ sūdayāti /
   vánaspaté 'va sr̥jópa devā́n
   vánaspate áva sr̥ja úpa devā́n
   vánaspate áva sr̥jópa devā́n

Halfverse: b    agnír havíḥ śamitā́ sūdayāti /
   agníḥ havíḥ śamitā́ sūdayāti /
   agnír havíḥ śamitā́ sūdayāti /

Halfverse: c    séd u hótā satyátaro yajāti yátʰā devā́nāṃ jánimāni véda //
   séd u hótā satyátaro yajāti
   sá ít u hótā satyátaraḥ yajāti
   séd u hótā satyátaro yajāti

Halfverse: d    yátʰā devā́nāṃ jánimāni véda //
   yátʰā devā́nām jánimāni véda //
   yátʰā devā́nāṃ jánimāni véda //


Verse: 11 
Halfverse: a    ā́ yāhy agne samidʰānó arvā́ṅ índreṇa devaíḥ sarátʰaṃ turébʰiḥ /
   ā́ yāhy agne samidʰānó arvā́ṅ
   ā́ yāhi agne samidʰānáḥ arvā́ṅ
   ā́ yāhi agne samidʰānó arvā́ṅ

Halfverse: b    índreṇa devaíḥ sarátʰaṃ turébʰiḥ /
   índreṇa devaíḥ sarátʰam turébʰiḥ /
   índreṇa devaíḥ sarátʰaṃ turébʰiḥ /

Halfverse: c    barhír na āstām áditiḥ suputrā́ svā́hā devā́ amŕ̥tā mādayantām //
   barhír na āstām áditiḥ suputrā́
   barhíḥ naḥ āstām áditiḥ suputrā́
   barhír na āstām áditiḥ suputrā́

Halfverse: d    svā́hā devā́ amŕ̥tā mādayantām //
   svā́hā devā́ḥ amŕ̥tāḥ mādayantām //
   svā́hā devā́ amŕ̥tā mādayantām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.