TITUS
Rg-Veda: Rg-Veda-Samhita
Part No. 237
Previous part

Hymn: 3_(237) 
Verse: 1 
Halfverse: a    vaiśvānarā́ya pr̥tʰupā́jase vípo rátnā vidʰanta dʰarúṇeṣu gā́tave /
   vaiśvānarā́ya pr̥tʰupā́jase vípo
   vaiśvānarā́ya pr̥tʰupā́jase vípaḥ
   vaiśvānarā́ya pr̥tʰupā́jase vípo

Halfverse: b    rátnā vidʰanta dʰarúṇeṣu gā́tave /
   rátnā vidʰanta dʰarúṇeṣu gā́tave /
   rátnā vidʰanta dʰarúṇeṣu gā́tave /

Halfverse: c    agnír hí devā́m̐ amŕ̥to duvasyáty átʰā dʰármāṇi sanátā ná dūduṣat //
   agnír hí devā́m̐ amŕ̥to duvasyáty
   agníḥ hí devā́n amŕ̥taḥ duvasyáti
   agnír hí devā́m̐ amŕ̥to duvasyáti

Halfverse: d    átʰā dʰármāṇi sanátā ná dūduṣat //
   átʰa+ dʰármāṇi sanátā ná dūduṣat //
   átʰā dʰármāṇi sanátā ná dūduṣat //


Verse: 2 
Halfverse: a    antár dūtó ródasī dasmá īyate hótā níṣatto mánuṣaḥ puróhitaḥ /
   antár dūtó ródasī dasmá īyate
   antár dūtáḥ ródasī dasmáḥ īyate
   antár dūtó ródasī dasmá īyate

Halfverse: b    hótā níṣatto mánuṣaḥ puróhitaḥ /
   hótā níṣattaḥ mánuṣaḥ puróhitaḥ /
   hótā níṣatto mánuṣaḥ puróhitaḥ /

Halfverse: c    kṣáyam br̥hántam pári bʰūṣati dyúbʰir devébʰir agnír iṣitó dʰiyā́vasuḥ //
   kṣáyam br̥hántam pári bʰūṣati dyúbʰir
   kṣáyam br̥hántam pári bʰūṣati dyúbʰiḥ
   kṣáyam br̥hántam pári bʰūṣati dyúbʰir

Halfverse: d    devébʰir agnír iṣitó dʰiyā́vasuḥ //
   devébʰiḥ agníḥ iṣitáḥ dʰiyā́vasuḥ //
   devébʰir agnír iṣitó dʰiyā́vasuḥ //


Verse: 3 
Halfverse: a    ketúṃ yajñā́nāṃ vidátʰasya sā́dʰanaṃ víprāso agním mahayanta cíttibʰiḥ /
   ketúṃ yajñā́nāṃ vidátʰasya sā́dʰanaṃ
   ketúm yajñā́nām vidátʰasya sā́dʰanam
   ketúṃ yajñā́nāṃ vidátʰasya sā́dʰanaṃ

Halfverse: b    víprāso agním mahayanta cíttibʰiḥ /
   víprāsaḥ agním mahayanta cíttibʰiḥ /
   víprāso agním mahayanta cíttibʰiḥ /

Halfverse: c    ápāṃsi yásminn ádʰi saṃdadʰúr gíras tásmin sumnā́ni yájamāna ā́ cake //
   ápāṃsi yásminn ádʰi saṃdadʰúr gíras
   ápāṃsi yásmin ádʰi saṃdadʰúḥ gíraḥ
   ápāṃsi yásminn ádʰi saṃdadʰúr gíras

Halfverse: d    tásmin sumnā́ni yájamāna ā́ cake //
   tásmin sumnā́ni yájamānaḥ ā́ cake //
   tásmin sumnā́ni yájamāna ā́ cake //


Verse: 4 
Halfverse: a    pitā́ yajñā́nām ásuro vipaścítāṃ vimā́nam agnír vayúnaṃ ca vāgʰátām /
   pitā́ yajñā́nām ásuro vipaścítāṃ
   pitā́ yajñā́nām ásuraḥ vipaścítām
   pitā́ yajñā́nām ásuro vipaścítāṃ

Halfverse: b    vimā́nam agnír vayúnaṃ ca vāgʰátām /
   vimā́nam agníḥ vayúnam ca vāgʰátām /
   vimā́nam agnír vayúnaṃ ca vāgʰátām /

Halfverse: c    ā́ viveśa ródasī bʰū́rivarpasā purupriyó bʰandate dʰā́mabʰiḥ kavíḥ //
   ā́ viveśa ródasī bʰū́rivarpasā
   ā́ viveśa ródasī bʰū́rivarpasā
   ā́ viveśa ródasī bʰū́rivarpasā

Halfverse: d    purupriyó bʰandate dʰā́mabʰiḥ kavíḥ //
   purupriyáḥ bʰandate dʰā́mabʰiḥ kavíḥ //
   purupriyó bʰandate dʰā́mabʰiḥ kavíḥ //


Verse: 5 
Halfverse: a    candrám agníṃ candráratʰaṃ hárivrataṃ vaiśvānarám apsuṣádaṃ svarvídam /
   candrám agníṃ candráratʰaṃ hárivrataṃ
   candrám agním candráratʰam hárivratam
   candrám agníṃ candráratʰaṃ hárivrataṃ

Halfverse: b    vaiśvānarám apsuṣádaṃ svarvídam /
   vaiśvānarám apsuṣádam svarvídam /
   vaiśvānarám apsuṣádaṃ suvarvídam /

Halfverse: c    vigāháṃ tū́rṇiṃ táviṣībʰir ā́vr̥tam bʰū́rṇiṃ devā́sa ihá suśríyaṃ dadʰuḥ //
   vigāháṃ tū́rṇiṃ táviṣībʰir ā́vr̥tam
   vigāhám tū́rṇim táviṣībʰiḥ ā́vr̥tam
   vigāháṃ tū́rṇiṃ táviṣībʰir ā́vr̥tam

Halfverse: d    bʰū́rṇiṃ devā́sa ihá suśríyaṃ dadʰuḥ //
   bʰū́rṇim devā́saḥ ihá suśríyam dadʰuḥ //
   bʰū́rṇiṃ devā́sa ihá suśríyaṃ dadʰuḥ //


Verse: 6 
Halfverse: a    agnír devébʰir mánuṣaś ca jantúbʰis tanvānó yajñám purupéśasaṃ dʰiyā́ /
   agnír devébʰir mánuṣaś ca jantúbʰis
   agníḥ devébʰiḥ mánuṣaḥ ca jantúbʰiḥ
   agnír devébʰir mánuṣaś ca jantúbʰis

Halfverse: b    tanvānó yajñám purupéśasaṃ dʰiyā́ /
   tanvānáḥ yajñám purupéśasam dʰiyā́ /
   tanvānó yajñám purupéśasaṃ dʰiyā́ /

Halfverse: c    ratʰī́r antár īyate sā́dʰadiṣṭibʰir jīró dámūnā abʰiśasticā́tanaḥ //
   ratʰī́r antár īyate sā́dʰadiṣṭibʰir
   ratʰī́ḥ antár īyate sā́dʰadiṣṭibʰiḥ
   ratʰī́r antár īyate sā́dʰadiṣṭibʰir

Halfverse: d    jīró dámūnā abʰiśasticā́tanaḥ //
   jīráḥ dámūnāḥ abʰiśasticā́tanaḥ //
   jīró dámūnā abʰiśasticā́tanaḥ //


Verse: 7 
Halfverse: a    ágne járasva svapatyá ā́yuny ūrjā́ pinvasva sám íṣo didīhi naḥ /
   ágne járasva svapatyá ā́yuny
   ágne járasva svapatyé ā́yuni
   ágne járasva suapatyá ā́yuni

Halfverse: b    ūrjā́ pinvasva sám íṣo didīhi naḥ /
   ūrjā́ pinvasva sám íṣaḥ didīhi naḥ /
   ūrjā́ pinvasva sám íṣo didīhi naḥ /

Halfverse: c    váyāṃsi jinva br̥hatáś ca jāgr̥va uśíg devā́nām ási sukrátur vipā́m //
   váyāṃsi jinva br̥hatáś ca jāgr̥va
   váyāṃsi jinva br̥hatáḥ ca jāgr̥ve
   váyāṃsi jinva br̥hatáś ca jāgr̥va

Halfverse: d    uśíg devā́nām ási sukrátur vipā́m //
   uśík devā́nām ási sukrátuḥ vipā́m //
   uśíg devā́nām ási sukrátur vipā́m //


Verse: 8 
Halfverse: a    viśpátiṃ yahvám átitʰiṃ náraḥ sádā yantā́raṃ dʰīnā́m uśíjaṃ ca vāgʰátām /
   viśpátiṃ yahvám átitʰiṃ náraḥ sádā
   viśpátim yahvám átitʰim náraḥ sádā
   viśpátiṃ yahvám átitʰiṃ náraḥ sádā

Halfverse: b    yantā́raṃ dʰīnā́m uśíjaṃ ca vāgʰátām /
   yantā́ram dʰīnā́m uśíjam ca vāgʰátām /
   yantā́raṃ dʰīnā́m uśíjaṃ ca vāgʰátām /

Halfverse: c    adʰvarā́ṇāṃ cétanaṃ jātávedasam prá śaṃsanti námasā jūtíbʰir vr̥dʰé //
   adʰvarā́ṇāṃ cétanaṃ jātávedasam
   adʰvarā́ṇām cétanam jātávedasam
   adʰvarā́ṇāṃ cétanaṃ jātávedasam

Halfverse: d    prá śaṃsanti námasā jūtíbʰir vr̥dʰé //
   prá śaṃsanti námasā jūtíbʰiḥ vr̥dʰé //
   prá śaṃsanti námasā jūtíbʰir vr̥dʰé //


Verse: 9 
Halfverse: a    vibʰā́vā deváḥ suráṇaḥ pári kṣitī́r agnír babʰūva śávasā sumádratʰaḥ /
   vibʰā́vā deváḥ suráṇaḥ pári kṣitī́r
   vibʰā́vā deváḥ suráṇaḥ pári kṣitī́ḥ
   vibʰā́vā deváḥ suráṇaḥ pári kṣitī́r

Halfverse: b    agnír babʰūva śávasā sumádratʰaḥ /
   agníḥ babʰūva śávasā sumádratʰaḥ /
   agnír babʰūva śávasā sumádratʰaḥ /

Halfverse: c    tásya vratā́ni bʰūripoṣíṇo vayám úpa bʰūṣema dáma ā́ suvr̥ktíbʰiḥ //
   tásya vratā́ni bʰūripoṣíṇo vayám
   tásya vratā́ni bʰūripoṣíṇaḥ vayám
   tásya vratā́ni bʰūripoṣíṇo vayám

Halfverse: d    úpa bʰūṣema dáma ā́ suvr̥ktíbʰiḥ //
   úpa bʰūṣema dáme ā́ suvr̥ktíbʰiḥ //
   úpa bʰūṣema dáma ā́ suvr̥ktíbʰiḥ //


Verse: 10 
Halfverse: a    vaíśvānara táva dʰā́māny ā́ cake yébʰiḥ svarvíd ábʰavo vicakṣaṇa /
   vaíśvānara táva dʰā́māny ā́ cake
   vaíśvānara táva dʰā́māni ā́ cake
   vaíśvānara táva dʰā́māni ā́ cake

Halfverse: b    yébʰiḥ svarvíd ábʰavo vicakṣaṇa /
   yébʰiḥ svarvít ábʰavaḥ vicakṣaṇa /
   yébʰiḥ suvarvíd ábʰavo vicakṣaṇa /

Halfverse: c    jātá ā́pr̥ṇo bʰúvanāni ródasī ágne tā́ víśvā paribʰū́r asi tmánā //
   jātá ā́pr̥ṇo bʰúvanāni ródasī
   jātáḥ ā́ apr̥ṇaḥ bʰúvanāni ródasī
   jātá ā́pr̥ṇo bʰúvanāni ródasī

Halfverse: d    ágne tā́ víśvā paribʰū́r asi tmánā //
   ágne tā́ víśvā paribʰū́ḥ asi tmánā //
   ágne tā́ víśvā paribʰū́r asi tmánā //


Verse: 11 
Halfverse: a    vaiśvānarásya daṃsánābʰyo br̥hád áriṇād ékaḥ svapasyáyā kavíḥ /
   vaiśvānarásya daṃsánābʰyo br̥hád
   vaiśvānarásya daṃsánābʰyaḥ br̥hát
   vaiśvānarásya daṃsánābʰiyo br̥hád

Halfverse: b    áriṇād ékaḥ svapasyáyā kavíḥ /
   áriṇāt ékaḥ svapasyáyā kavíḥ /
   áriṇād ékaḥ suapasyáyā kavíḥ /

Halfverse: c    ubʰā́ pitárā maháyann ajāyatāgnír dyā́vāpr̥tʰivī́ bʰū́riretasā //
   ubʰā́ pitárā maháyann ajāyata_
   ubʰā́ pitárā maháyan ajāyata
   ubʰā́ pitárā maháyann ajāyata

Halfverse: d    _agnír dyā́vāpr̥tʰivī́ bʰū́riretasā //
   agníḥ dyā́vāpr̥tʰivī́ bʰū́riretasā //
   agnír dyā́vāpr̥tʰivī́ bʰū́riretasā //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.