TITUS
Rg-Veda: Rg-Veda-Samhita
Part No. 236
Previous part

Hymn: 2_(236) 
Verse: 1 
Halfverse: a    vaiśvānarā́ya dʰiṣáṇām r̥tāvŕ̥dʰe gʰr̥táṃ ná pūtám agnáye janāmasi /
   vaiśvānarā́ya dʰiṣáṇām r̥tāvŕ̥dʰe
   vaiśvānarā́ya dʰiṣáṇām r̥tāvŕ̥dʰe
   vaiśvānarā́ya dʰiṣáṇām r̥tāvŕ̥dʰe

Halfverse: b    gʰr̥táṃ ná pūtám agnáye janāmasi /
   gʰr̥tám ná pūtám agnáye janāmasi /
   gʰr̥táṃ ná pūtám agnáye janāmasi /

Halfverse: c    dvitā́ hótāram mánuṣaś ca vāgʰáto dʰiyā́ rátʰaṃ ná kúliśaḥ sám r̥ṇvati //
   dvitā́ hótāram mánuṣaś ca vāgʰáto
   dvitā́ hótāram mánuṣaḥ ca vāgʰátaḥ
   dvitā́ hótāram mánuṣaś ca vāgʰáto

Halfverse: d    dʰiyā́ rátʰaṃ ná kúliśaḥ sám r̥ṇvati //
   dʰiyā́ rátʰam ná kúliśaḥ sám r̥ṇvati //
   dʰiyā́ rátʰaṃ ná kúliśaḥ sám r̥ṇvati //


Verse: 2 
Halfverse: a    sá rocayaj janúṣā ródasī ubʰé sá mātrór abʰavat putrá ī́ḍyaḥ /
   sá rocayaj janúṣā ródasī ubʰé
   sá rocayat janúṣā ródasī ubʰé
   sá rocayaj janúṣā ródasī ubʰé

Halfverse: b    sá mātrór abʰavat putrá ī́ḍyaḥ /
   sá mātróḥ abʰavat putráḥ ī́ḍyaḥ /
   sá mātarór abʰavat putrá ī́ḍiyaḥ /

Halfverse: c    havyavā́ḷ agnír ajáraś cánohito dūḷábʰo viśā́m átitʰir vibʰā́vasuḥ //
   havyavā́ḷ agnír ajáraś cánohito
   havyavā́ṭ agníḥ ajáraḥ cánohitaḥ
   havyavā́ḷ agnír ajáraś cánohito

Halfverse: d    dūḷábʰo viśā́m átitʰir vibʰā́vasuḥ //
   dūḷábʰaḥ viśā́m átitʰiḥ vibʰā́vasuḥ //
   dūḷábʰo viśā́m átitʰir vibʰā́vasuḥ //


Verse: 3 
Halfverse: a    krátvā dákṣasya táruṣo vídʰarmaṇi devā́so agníṃ janayanta cíttibʰiḥ /
   krátvā dákṣasya táruṣo vídʰarmaṇi
   krátvā dákṣasya táruṣaḥ vídʰarmaṇi
   krátvā dákṣasya táruṣo vídʰarmaṇi

Halfverse: b    devā́so agníṃ janayanta cíttibʰiḥ /
   devā́saḥ agním janayanta cíttibʰiḥ /
   devā́so agníṃ janayanta cíttibʰiḥ /

Halfverse: c    rurucānám bʰānúnā jyótiṣā mahā́m átyaṃ ná vā́jaṃ saniṣyánn úpa bruve //
   rurucānám bʰānúnā jyótiṣā mahā́m
   rurucānám bʰānúnā jyótiṣā mahā́m
   rurucānám bʰānúnā jyótiṣā mahā́m

Halfverse: d    átyaṃ ná vā́jaṃ saniṣyánn úpa bruve //
   átyam ná vā́jam saniṣyán úpa bruve //
   átyaṃ ná vā́jaṃ saniṣyánn úpa bruve //


Verse: 4 
Halfverse: a    ā́ mandrásya saniṣyánto váreṇyaṃ vr̥ṇīmáhe áhrayaṃ vā́jam r̥gmíyam /
   ā́ mandrásya saniṣyánto váreṇyaṃ
   ā́ mandrásya saniṣyántaḥ váreṇyam
   ā́ mandrásya saniṣyánto váreṇiyaṃ

Halfverse: b    vr̥ṇīmáhe áhrayaṃ vā́jam r̥gmíyam /
   vr̥ṇīmáhe áhrayam vā́jam r̥gmíyam /
   vr̥ṇīmáhe áhrayaṃ vā́jam r̥gmíyam /

Halfverse: c    rātím bʰŕ̥gūṇām uśíjaṃ kavíkratum agníṃ rā́jantaṃ divyéna śocíṣā //
   rātím bʰŕ̥gūṇām uśíjaṃ kavíkratum
   rātím bʰŕ̥gūṇām uśíjam kavíkratum
   rātím bʰŕ̥gūṇām uśíjaṃ kavíkratum

Halfverse: d    agníṃ rā́jantaṃ divyéna śocíṣā //
   agním rā́jantam divyéna śocíṣā //
   agníṃ rā́jantaṃ diviyéna śocíṣā //


Verse: 5 
Halfverse: a    agníṃ sumnā́ya dadʰire puró jánā vā́jaśravasam ihá vr̥ktábarhiṣaḥ /
   agníṃ sumnā́ya dadʰire puró jánā
   agním sumnā́ya dadʰire puráḥ jánāḥ
   agníṃ sumnā́ya dadʰire puró jánā

Halfverse: b    vā́jaśravasam ihá vr̥ktábarhiṣaḥ /
   vā́jaśravasam ihá vr̥ktábarhiṣaḥ /
   vā́jaśravasam ihá vr̥ktábarhiṣaḥ /

Halfverse: c    yatásrucaḥ surúcaṃ viśvádevyaṃ rudráṃ yajñā́nāṃ sā́dʰadiṣṭim apásām //
   yatásrucaḥ surúcaṃ viśvádevyaṃ
   yatásrucaḥ surúcam viśvádevyam
   yatásrucaḥ surúcaṃ viśvádeviyaṃ

Halfverse: d    rudráṃ yajñā́nāṃ sā́dʰadiṣṭim apásām //
   rudrám yajñā́nām sā́dʰadiṣṭim apásām //
   rudráṃ yajñā́nāṃ sā́dʰadiṣṭim apásām //


Verse: 6 
Halfverse: a    pā́vakaśoce táva hí kṣáyam pári hótar yajñéṣu vr̥ktábarhiṣo náraḥ /
   pā́vakaśoce táva hí kṣáyam pári
   pā́vakaśoce táva hí kṣáyam pári
   pávākaśoce táva hí kṣáyam pári

Halfverse: b    hótar yajñéṣu vr̥ktábarhiṣo náraḥ /
   hótar yajñéṣu vr̥ktábarhiṣaḥ náraḥ /
   hótar yajñéṣu vr̥ktábarhiṣo náraḥ /

Halfverse: c    ágne dúva icʰámānāsa ā́pyam úpāsate dráviṇaṃ dʰehi tébʰyaḥ //
   ágne dúva icʰámānāsa ā́pyam
   ágne dúvaḥ icʰámānāsaḥ ā́pyam
   ágne dúva icʰámānāsa ā́piyam

Halfverse: d    úpāsate dráviṇaṃ dʰehi tébʰyaḥ //
   úpa āsate dráviṇam dʰehi tébʰyaḥ //
   úpāsate dráviṇaṃ dʰehi tébʰiyaḥ //


Verse: 7 
Halfverse: a    ā́ ródasī apr̥ṇad ā́ svàr maháj jātáṃ yád enam apáso ádʰārayan /
   ā́ ródasī apr̥ṇad ā́ svàr maháj
   ā́ ródasī apr̥ṇat ā́ svàr mahát
   ā́ ródasī apr̥ṇad ā́ súvar maháj

Halfverse: b    jātáṃ yád enam apáso ádʰārayan /
   jātám yát enam apásaḥ ádʰārayan /
   jātáṃ yád enam apáso ádʰārayan /

Halfverse: c    só adʰvarā́ya pári ṇīyate kavír átyo ná vā́jasātaye cánohitaḥ //
   só adʰvarā́ya pári ṇīyate kavír
   sáḥ \!\ adʰvarā́ya pári nīyate kavíḥ
   só adʰvarā́ya pári ṇīyate kavír

Halfverse: d    átyo ná vā́jasātaye cánohitaḥ //
   átyaḥ ná vā́jasātaye cánohitaḥ //
   átyo ná vā́jasātaye cánohitaḥ //


Verse: 8 
Halfverse: a    namasyáta havyádātiṃ svadʰvaráṃ duvasyáta dámyaṃ jātávedasam /
   namasyáta havyádātiṃ svadʰvaráṃ
   namasyáta havyádātim svadʰvarám
   namasyáta havyádātiṃ suadʰvaráṃ

Halfverse: b    duvasyáta dámyaṃ jātávedasam /
   duvasyáta dámyam jātávedasam /
   duvasyáta dámiyaṃ jātávedasam /

Halfverse: c    ratʰī́r r̥tásya br̥ható vícarṣaṇir agnír devā́nām abʰavat puróhitaḥ //
   ratʰī́r r̥tásya br̥ható vícarṣaṇir
   ratʰī́ḥ r̥tásya br̥hatáḥ vícarṣaṇiḥ
   ratʰī́r r̥tásya br̥ható vícarṣaṇir

Halfverse: d    agnír devā́nām abʰavat puróhitaḥ //
   agníḥ devā́nām abʰavat puróhitaḥ //
   agnír devā́nām abʰavat puróhitaḥ //


Verse: 9 
Halfverse: a    tisró yahvásya samídʰaḥ párijmano 'gnér apunann uśíjo ámr̥tyavaḥ /
   tisró yahvásya samídʰaḥ párijmano
   tisráḥ yahvásya samídʰaḥ párijmanaḥ
   tisró yahvásya samídʰaḥ párijmano

Halfverse: b    'gnér apunann uśíjo ámr̥tyavaḥ /
   agnéḥ apunan uśíjaḥ ámr̥tyavaḥ /
   agnér apunann uśíjo ámr̥tyavaḥ /

Halfverse: c    tā́sām ékām ádadʰur mártye bʰújam u lokám u dvé úpa jāmím īyatuḥ //
   tā́sām ékām ádadʰur mártye bʰújam
   tā́sām ékām ádadʰuḥ mártye bʰújam
   tā́sām ékām ádadʰur mártiye bʰújam

Halfverse: d    u lokám u dvé úpa jāmím īyatuḥ //
   ulokám ! u dvé úpa jāmím īyatuḥ //
   ulokám u dvé úpa jāmím īyatuḥ //


Verse: 10 
Halfverse: a    viśā́ṃ kavíṃ viśpátim mā́nuṣīr íṣaḥ sáṃ sīm akr̥ṇvan svádʰitiṃ ná téjase /
   viśā́ṃ kavíṃ viśpátim mā́nuṣīr íṣaḥ
   viśā́m kavím viśpátim mā́nuṣīḥ íṣaḥ
   viśā́ṃ kavíṃ viśpátim mā́nuṣīr íṣaḥ

Halfverse: b    sáṃ sīm akr̥ṇvan svádʰitiṃ ná téjase /
   sám sīm akr̥ṇvan svádʰitim ná téjase /
   sáṃ sīm akr̥ṇvan svádʰitiṃ ná téjase /

Halfverse: c    sá udváto niváto yāti véviṣat sá gárbʰam eṣú bʰúvaneṣu dīdʰarat //
   sá udváto niváto yāti véviṣat
   sáḥ \!\ udvátaḥ nivátaḥ yāti véviṣat
   sá udváto niváto yāti véviṣat

Halfverse: d    sá gárbʰam eṣú bʰúvaneṣu dīdʰarat //
   sá gárbʰam eṣú bʰúvaneṣu dīdʰarat //
   sá gárbʰam eṣú bʰúvaneṣu dīdʰarat //


Verse: 11 
Halfverse: a    sá jinvate jaṭʰáreṣu prajajñivā́n vŕ̥ṣā citréṣu nā́nadan ná siṃháḥ /
   sá jinvate jaṭʰáreṣu prajajñivā́n
   sá jinvate jaṭʰáreṣu prajajñivā́n
   sá jinvate jaṭʰáreṣu prajajñivā́n

Halfverse: b    vŕ̥ṣā citréṣu nā́nadan ná siṃháḥ /
   vŕ̥ṣā citréṣu nā́nadat ná siṃháḥ /
   vŕ̥ṣā citréṣu nā́nadan ná siṃháḥ /

Halfverse: c    vaiśvānaráḥ pr̥tʰupā́jā ámartyo vásu rátnā dáyamāno ví dāśúṣe //
   vaiśvānaráḥ pr̥tʰupā́jā ámartyo
   vaiśvānaráḥ pr̥tʰupā́jāḥ ámartyaḥ
   vaiśvānaráḥ pr̥tʰupā́jā ámartiyo

Halfverse: d    vásu rátnā dáyamāno ví dāśúṣe //
   vásu rátnā dáyamānaḥ ví dāśúṣe //
   vásu rátnā dáyamāno ví dāśúṣe //


Verse: 12 
Halfverse: a    vaiśvānaráḥ pratnátʰā nā́kam ā́ruhad divás pr̥ṣṭʰám bʰándamānaḥ sumánmabʰiḥ /
   vaiśvānaráḥ pratnátʰā nā́kam ā́ruhad
   vaiśvānaráḥ pratnátʰā nā́kam ā́ aruhat
   vaiśvānaráḥ pratnátʰā nā́kam ā́ruhad

Halfverse: b    divás pr̥ṣṭʰám bʰándamānaḥ sumánmabʰiḥ /
   diváḥ pr̥ṣṭʰám bʰándamānaḥ sumánmabʰiḥ /
   divás pr̥ṣṭʰám bʰándamānaḥ sumánmabʰiḥ /

Halfverse: c    sá pūrvaváj janáyañ jantáve dʰánaṃ samānám ájmam páry eti jā́gr̥viḥ //
   sá pūrvaváj janáyañ jantáve dʰánaṃ
   sá pūrvavát janáyan jantáve dʰánam
   sá pūrvaváj janáyañ jantáve dʰánaṃ

Halfverse: d    samānám ájmam páry eti jā́gr̥viḥ //
   samānám ájmam pári eti jā́gr̥viḥ //
   samānám ájmam pári eti jā́gr̥viḥ //


Verse: 13 
Halfverse: a    r̥tā́vānaṃ yajñíyaṃ vípram uktʰyàm ā́ yáṃ dadʰé mātaríśvā diví kṣáyam /
   r̥tā́vānaṃ yajñíyaṃ vípram uktʰyàm
   r̥tā́vānam yajñíyam vípram uktʰyàm
   r̥tā́vānaṃ yajñíyaṃ vípram uktʰíyam

Halfverse: b    ā́ yáṃ dadʰé mātaríśvā diví kṣáyam /
   ā́ yám dadʰé mātaríśvā diví kṣáyam /
   ā́ yáṃ dadʰé mātaríśvā diví kṣáyam /

Halfverse: c    táṃ citráyāmaṃ hárikeśam īmahe sudītím agníṃ suvitā́ya návyase //
   táṃ citráyāmaṃ hárikeśam īmahe
   tám citráyāmam hárikeśam īmahe
   táṃ citráyāmaṃ hárikeśam īmahe

Halfverse: d    sudītím agníṃ suvitā́ya návyase //
   sudītím agním suvitā́ya návyase //
   sudītím agníṃ suvitā́ya návyase //


Verse: 14 
Halfverse: a    śúciṃ ná yā́mann iṣiráṃ svardŕ̥śaṃ ketúṃ divó rocanastʰā́m uṣarbúdʰam /
   śúciṃ ná yā́mann iṣiráṃ svardŕ̥śaṃ
   śúcim ná yā́man iṣirám svardŕ̥śam
   śúciṃ ná yā́mann iṣiráṃ suvardŕ̥śaṃ

Halfverse: b    ketúṃ divó rocanastʰā́m uṣarbúdʰam /
   ketúm diváḥ rocanastʰā́m uṣarbúdʰam /
   ketúṃ divó rocanastʰā́m uṣarbúdʰam /

Halfverse: c    agním mūrdʰā́naṃ divó ápratiṣkutaṃ tám īmahe námasā vājínam br̥hát //
   agním mūrdʰā́naṃ divó ápratiṣkutaṃ
   agním mūrdʰā́nam diváḥ ápratiṣkutam
   agním mūrdʰā́naṃ divó ápratiṣkutaṃ

Halfverse: d    tám īmahe námasā vājínam br̥hát //
   tám īmahe námasā vājínam br̥hát //
   tám īmahe námasā vājínam br̥hát //


Verse: 15 
Halfverse: a    mandráṃ hótāraṃ śúcim ádvayāvinaṃ dámūnasam uktʰyàṃ viśvácarṣaṇim /
   mandráṃ hótāraṃ śúcim ádvayāvinaṃ
   mandrám hótāram śúcim ádvayāvinam
   mandráṃ hótāraṃ śúcim ádvayāvinaṃ

Halfverse: b    dámūnasam uktʰyàṃ viśvácarṣaṇim /
   dámūnasam uktʰyàm viśvácarṣaṇim /
   dámūnasam uktʰíyaṃ viśvácarṣaṇim /

Halfverse: c    rátʰaṃ ná citráṃ vápuṣāya darśatám mánurhitaṃ sádam íd rāyá īmahe //
   rátʰaṃ ná citráṃ vápuṣāya darśatám
   rátʰam ná citrám vápuṣāya darśatám
   rátʰaṃ ná citráṃ vápuṣāya darśatám

Halfverse: d    mánurhitaṃ sádam íd rāyá īmahe //
   mánurhitam sádam ít rāyáḥ īmahe //
   mánurhitaṃ sádam íd rāyá īmahe //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.