TITUS
Rg-Veda: Rg-Veda-Samhita
Part No. 235
Previous part

Book: 3    3
Hymn: 1_(235) 


Verse: 1 
Halfverse: a    sómasya mā tavásaṃ vákṣy agne váhniṃ cakartʰa vidátʰe yájadʰyai /
   sómasya mā tavásaṃ vákṣy agne
   sómasya mā tavásam vákṣi agne
   sómasya mā tavásaṃ vákṣi agne

Halfverse: b    váhniṃ cakartʰa vidátʰe yájadʰyai /
   váhnim cakartʰa vidátʰe yájadʰyai /
   váhniṃ cakartʰa vidátʰe yájadʰyai /

Halfverse: c    devā́m̐ ácʰā dī́dyad yuñjé ádriṃ śamāyé agne tanvàṃ juṣasva //
   devā́m̐ ácʰā dī́dyad yuñjé ádriṃ
   devā́n ácʰa+ dī́dyat yuñjé ádrim
   devā́m̐ ácʰā dī́diyad yuñjé ádriṃ

Halfverse: d    śamāyé agne tanvàṃ juṣasva //
   śamāyé agne tanvàm juṣasva //
   śamāyé agne tanúvaṃ juṣasva //


Verse: 2 
Halfverse: a    prā́ñcaṃ yajñáṃ cakr̥ma várdʰatāṃ gī́ḥ samídbʰir agníṃ námasā duvasyan /
   prā́ñcaṃ yajñáṃ cakr̥ma várdʰatāṃ gī́ḥ
   prā́ñcam yajñám cakr̥ma várdʰatām gī́ḥ
   prā́ñcaṃ yajñáṃ cakr̥ma várdʰatāṃ gī́ḥ

Halfverse: b    samídbʰir agníṃ námasā duvasyan /
   samídbʰiḥ agním námasā duvasyan /
   samídbʰir agníṃ námasā duvasyan /

Halfverse: c    diváḥ śaśāsur vidátʰā kavīnā́ṃ gŕ̥tsāya cit taváse gātúm īṣuḥ //
   diváḥ śaśāsur vidátʰā kavīnā́ṃ
   diváḥ śaśāsuḥ vidátʰā kavīnā́m
   diváḥ śaśāsur vidátʰā kavīnā́ṃ

Halfverse: d    gŕ̥tsāya cit taváse gātúm īṣuḥ //
   gŕ̥tsāya cit taváse gātúm īṣuḥ //
   gŕ̥tsāya cit taváse gātúm īṣuḥ //


Verse: 3 
Halfverse: a    máyo dadʰe médʰiraḥ pūtádakṣo diváḥ subándʰur janúṣā pr̥tʰivyā́ḥ /
   máyo dadʰe médʰiraḥ pūtádakṣo
   máyaḥ dadʰe médʰiraḥ pūtádakṣaḥ
   máyo dadʰe médʰiraḥ pūtádakṣo

Halfverse: b    diváḥ subándʰur janúṣā pr̥tʰivyā́ḥ /
   diváḥ subándʰuḥ janúṣā pr̥tʰivyā́ḥ /
   diváḥ subándʰur janúṣā pr̥tʰivyā́ḥ /

Halfverse: c    ávindann u darśatám apsv àntár devā́so agním apási svásr̥̄ṇām //
   ávindann u darśatám apsv àntár
   ávindan u darśatám apsú antár
   ávindann u darśatám apsú antár

Halfverse: d    devā́so agním apási svásr̥̄ṇām //
   devā́saḥ agním apási svásr̥̄ṇām //
   devā́so agním apási svásr̥̄ṇām //


Verse: 4 
Halfverse: a    ávardʰayan subʰágaṃ saptá yahvī́ḥ śvetáṃ jajñānám aruṣám mahitvā́ /
   ávardʰayan subʰágaṃ saptá yahvī́ḥ
   ávardʰayan subʰágam saptá yahvī́ḥ
   ávardʰayan subʰágaṃ saptá yahvī́ḥ

Halfverse: b    śvetáṃ jajñānám aruṣám mahitvā́ /
   śvetám jajñānám aruṣám mahitvā́ /
   śvetáṃ jajñānám aruṣám mahitvā́ /

Halfverse: c    śíśuṃ ná jātám abʰy ā̀rur áśvā devā́so agníṃ jániman vapuṣyan //
   śíśuṃ ná jātám abʰy ā̀rur áśvā
   śíśum ná jātám abʰí āruḥ áśvāḥ
   śíśuṃ ná jātám abʰí ārur áśvā

Halfverse: d    devā́so agníṃ jániman vapuṣyan //
   devā́saḥ agním jániman vapuṣyan //
   devā́so agníṃ jániman vapuṣyan //


Verse: 5 
Halfverse: a    śukrébʰir áṅgai rája ātatanvā́n krátum punānáḥ kavíbʰiḥ pavítraiḥ /
   śukrébʰir áṅgai rája ātatanvā́n
   śukrébʰiḥ áṅgaiḥ rájaḥ ātatanvā́n
   śukrébʰir áṅgai rája ātatanvā́n

Halfverse: b    krátum punānáḥ kavíbʰiḥ pavítraiḥ /
   krátum punānáḥ kavíbʰiḥ pavítraiḥ /
   krátum punānáḥ kavíbʰiḥ pavítraiḥ /

Halfverse: c    śocír vásānaḥ páry ā́yur apā́ṃ śríyo mimīte br̥hatī́r ánūnāḥ //
   śocír vásānaḥ páry ā́yur apā́ṃ
   śocíḥ vásānaḥ pári ā́yuḥ apā́m
   śocír vásānaḥ pári ā́yur apā́ṃ

Halfverse: d    śríyo mimīte br̥hatī́r ánūnāḥ //
   śríyaḥ mimīte br̥hatī́ḥ ánūnāḥ //
   śríyo mimīte br̥hatī́r ánūnāḥ //


Verse: 6 
Halfverse: a    vavrā́jā sīm ánadatīr ádabdʰā divó yahvī́r ávasānā ánagnāḥ/
   vavrā́jā sīm ánadatīr ádabdʰā
   vavrā́ja+ sīm ánadatīḥ ádabdʰāḥ
   vavrā́jā sīm ánadatīr ádabdʰā

Halfverse: b    divó yahvī́r ávasānā ánagnāḥ /
   diváḥ yahvī́ḥ ávasānāḥ ánagnāḥ /
   divó yahvī́r ávasānā ánagnāḥ /

Halfverse: c    sánā átra yuvatáyaḥ sáyonīr ékaṃ gárbʰaṃ dadʰire saptá vā́ṇīḥ //
   sánā átra yuvatáyaḥ sáyonīr
   sánāḥ átra yuvatáyaḥ sáyonīḥ
   sánā átra yuvatáyaḥ sáyonīr

Halfverse: d    ékaṃ gárbʰaṃ dadʰire saptá vā́ṇīḥ //
   ékam gárbʰam dadʰire saptá vā́ṇīḥ //
   ékaṃ gárbʰaṃ dadʰire saptá vā́ṇīḥ //


Verse: 7 
Halfverse: a    stīrṇā́ asya saṃháto viśvárūpā gʰr̥tásya yónau sravátʰe mádʰūnām /
   stīrṇā́ asya saṃháto viśvárūpā
   stīrṇā́ḥ asya saṃhátaḥ viśvárūpāḥ
   stīrṇā́ asya saṃháto viśvárūpā

Halfverse: b    gʰr̥tásya yónau sravátʰe mádʰūnām /
   gʰr̥tásya yónau sravátʰe mádʰūnām /
   gʰr̥tásya yónau sravátʰe mádʰūnām /

Halfverse: c    ástʰur átra dʰenávaḥ pínvamānā mahī́ dasmásya mātárā samīcī́ //
   ástʰur átra dʰenávaḥ pínvamānā
   ástʰuḥ átra dʰenávaḥ pínvamānāḥ
   ástʰur átra dʰenávaḥ pínvamānā

Halfverse: d    mahī́ dasmásya mātárā samīcī́ //
   mahī́ dasmásya mātárā samīcī́ //
   mahī́ dasmásya mātárā samīcī́ //


Verse: 8 
Halfverse: a    babʰrāṇáḥ sūno sahaso vy àdyaud dádʰānaḥ śukrā́ rabʰasā́ vápūm̐ṣi /
   babʰrāṇáḥ sūno sahaso vy àdyaud
   babʰrāṇáḥ sūno sahasaḥ ví adyaut
   babʰrāṇáḥ sūno sahaso ví adyaud

Halfverse: b    dádʰānaḥ śukrā́ rabʰasā́ vápūm̐ṣi /
   dádʰānaḥ śukrā́ rabʰasā́ vápūṃṣi /
   dádʰānaḥ śukrā́ rabʰasā́ vápūṃṣi /

Halfverse: c    ścótanti dʰā́rā mádʰuno gʰr̥tásya vŕ̥ṣā yátra vāvr̥dʰé kā́vyena //
   ścótanti dʰā́rā mádʰuno gʰr̥tásya
   ścótanti dʰā́rāḥ mádʰunaḥ gʰr̥tásya
   ścótanti dʰā́rā mádʰuno gʰr̥tásya

Halfverse: d    vŕ̥ṣā yátra vāvr̥dʰé kā́vyena //
   vŕ̥ṣā yátra vāvr̥dʰé kā́vyena //
   vŕ̥ṣā yátra vāvr̥dʰé kā́viyena //


Verse: 9 
Halfverse: a    pitúś cid ū́dʰar janúṣā viveda vy àsya dʰā́rā asr̥jad ví dʰénāḥ /
   pitúś cid ū́dʰar janúṣā viveda
   pitúḥ cit ū́dʰar janúṣā viveda
   pitúś cid ū́dʰar janúṣā viveda

Halfverse: b    vy àsya dʰā́rā asr̥jad ví dʰénāḥ /
   ví asya dʰā́rāḥ asr̥jat ví dʰénāḥ /
   ví asya dʰā́rā asr̥jad ví dʰénāḥ /

Halfverse: c    gúhā cárantaṃ sákʰibʰiḥ śivébʰir divó yahvī́bʰir ná gúhā babʰūva //
   gúhā cárantaṃ sákʰibʰiḥ śivébʰir
   gúhā cárantam sákʰibʰiḥ śivébʰiḥ
   gúhā cárantaṃ sákʰibʰiḥ śivébʰir

Halfverse: d    divó yahvī́bʰir ná gúhā babʰūva //
   diváḥ yahvī́bʰiḥ ná gúhā babʰūva //
   divó yahvī́bʰir ná gúhā babʰūva //


Verse: 10 
Halfverse: a    pitúś ca gárbʰaṃ janitúś ca babʰre pūrvī́r éko adʰayat pī́pyānāḥ /
   pitúś ca gárbʰaṃ janitúś ca babʰre
   pitúḥ ca gárbʰam janitúḥ ca babʰre
   pitúś ca gárbʰaṃ janitúś ca babʰre

Halfverse: b    pūrvī́r éko adʰayat pī́pyānāḥ /
   pūrvī́ḥ ékaḥ adʰayat pī́pyānāḥ /
   pūrvī́r éko adʰayat pī́piyānāḥ /

Halfverse: c    vŕ̥ṣṇe sapátnī śúcaye sábandʰū ubʰé asmai manuṣyè ní pāhi //
   vŕ̥ṣṇe sapátnī śúcaye sábandʰū
   vŕ̥ṣṇe sapátnī śúcaye sábandʰū
   vŕ̥ṣṇe sapátnī śúcaye sábandʰū

Halfverse: d    ubʰé asmai manuṣyè ní pāhi //
   ubʰé asmai manuṣyè ní pāhi //
   ubʰé asmai manuṣíye ní pāhi //


Verse: 11 
Halfverse: a    uraú mahā́m̐ anibādʰé vavardʰā́po agníṃ yaśásaḥ sáṃ hí pūrvī́ḥ /
   uraú mahā́m̐ anibādʰé vavardʰa_
   uraú mahā́n anibādʰé vavardʰa
   uraú mahā́m̐ anibādʰé vavardʰa

Halfverse: b    _ā́po agníṃ yaśásaḥ sáṃ hí pūrvī́ḥ /
   ā́paḥ agním yaśásaḥ sám hí pūrvī́ḥ /
   ā́po agníṃ yaśásaḥ sáṃ hí pūrvī́ḥ /

Halfverse: c    r̥tásya yónāv aśayad dámūnā jāmīnā́m agnír apási svásr̥̄ṇām //
   r̥tásya yónāv aśayad dámūnā
   r̥tásya yónau aśayat dámūnāḥ
   r̥tásya yónāv aśayad dámūnā

Halfverse: d    jāmīnā́m agnír apási svásr̥̄ṇām //
   jāmīnā́m agníḥ apási svásr̥̄ṇām //
   jāmīnā́m agnír apási svásr̥̄ṇām //


Verse: 12 
Halfverse: a    akró ná babʰríḥ samitʰé mahī́nāṃ didr̥kṣéyaḥ sūnáve bʰā́r̥jīkaḥ /
   akró ná babʰríḥ samitʰé mahī́nāṃ
   akráḥ ná babʰríḥ samitʰé mahī́nām
   akró ná babʰríḥ samitʰé mahī́nāṃ

Halfverse: b    didr̥kṣéyaḥ sūnáve bʰā́r̥jīkaḥ /
   didr̥kṣéyaḥ sūnáve bʰā́r̥jīkaḥ /
   didr̥kṣéyaḥ sūnáve bʰā́r̥jīkaḥ /

Halfverse: c    úd usríyā jánitā yó jajā́nāpā́ṃ gárbʰo nŕ̥tamo yahvó agníḥ //
   úd usríyā jánitā yó jajā́na_
   út usríyāḥ jánitā yáḥ jajā́na
   úd usríyā jánitā yó jajā́na

Halfverse: d    _apā́ṃ gárbʰo nŕ̥tamo yahvó agníḥ //
   apā́m gárbʰaḥ nŕ̥tamaḥ yahváḥ agníḥ //
   apā́ṃ gárbʰo nŕ̥tamo yahvó agníḥ //


Verse: 13 
Halfverse: a    apā́ṃ gárbʰaṃ darśatám óṣadʰīnāṃ vánā jajāna subʰágā vírūpam /
   apā́ṃ gárbʰaṃ darśatám óṣadʰīnāṃ
   apā́m gárbʰam darśatám óṣadʰīnām
   apā́ṃ gárbʰaṃ darśatám óṣadʰīnāṃ

Halfverse: b    vánā jajāna subʰágā vírūpam /
   vánā jajāna subʰágā vírūpam /
   vánā jajāna subʰágā vírūpam /

Halfverse: c    devā́saś cin mánasā sáṃ hí jagmúḥ pániṣṭʰaṃ jātáṃ tavásaṃ duvasyan //
   devā́saś cin mánasā sáṃ hí jagmúḥ
   devā́saḥ cit mánasā sám hí jagmúḥ
   devā́saś cin mánasā sáṃ hí jagmúḥ

Halfverse: d    pániṣṭʰaṃ jātáṃ tavásaṃ duvasyan //
   pániṣṭʰam jātám tavásam duvasyan //
   pániṣṭʰaṃ jātáṃ tavásaṃ duvasyan //


Verse: 14 
Halfverse: a    br̥hánta íd bʰānávo bʰā́r̥jīkam agníṃ sacanta vidyúto ná śukrā́ḥ /
   br̥hánta íd bʰānávo bʰā́r̥jīkam
   br̥hántaḥ ít bʰānávaḥ bʰā́r̥jīkam
   br̥hánta íd bʰānávo bʰā́r̥jīkam

Halfverse: b    agníṃ sacanta vidyúto ná śukrā́ḥ /
   agním sacanta vidyútaḥ ná śukrā́ḥ /
   agníṃ sacanta vidyúto ná śukrā́ḥ /

Halfverse: c    gúheva vr̥ddʰáṃ sádasi své antár apārá ūrvé amŕ̥taṃ dúhānāḥ //
   gúheva vr̥ddʰáṃ sádasi své antár
   gúhā iva vr̥ddʰám sádasi své antár
   gúheva vr̥ddʰáṃ sádasi své antár

Halfverse: d    apārá ūrvé amŕ̥taṃ dúhānāḥ //
   apāré ūrvé amŕ̥tam dúhānāḥ //
   apārá ūrvé amŕ̥taṃ dúhānāḥ //


Verse: 15 
Halfverse: a    ī́ḷe ca tvā yájamāno havírbʰir ī́ḷe sakʰitváṃ sumatíṃ níkāmaḥ /
   ī́ḷe ca tvā yájamāno havírbʰir
   ī́ḷe ca tvā yájamānaḥ havírbʰiḥ
   ī́ḷe ca tvā yájamāno havírbʰir

Halfverse: b    ī́ḷe sakʰitváṃ sumatíṃ níkāmaḥ /
   ī́ḷe sakʰitvám sumatím níkāmaḥ /
   ī́ḷe sakʰitváṃ sumatíṃ níkāmaḥ /

Halfverse: c    devaír ávo mimīhi sáṃ jaritré rákṣā ca no dámyebʰir ánīkaiḥ //
   devaír ávo mimīhi sáṃ jaritré
   devaíḥ ávaḥ mimīhi sám jaritré
   devaír ávo mimīhi sáṃ jaritré

Halfverse: d    rákṣā ca no dámyebʰir ánīkaiḥ //
   rákṣa+ ca naḥ dámyebʰiḥ ánīkaiḥ //
   rákṣā ca no dámiyebʰir ánīkaiḥ //


Verse: 16 
Halfverse: a    upakṣetā́ras táva supraṇīté 'gne víśvāni dʰányā dádʰānāḥ /
   upakṣetā́ras táva supraṇīté
   upakṣetā́raḥ táva supraṇīte
   upakṣetā́ras táva supraṇīte

Halfverse: b    'gne víśvāni dʰányā dádʰānāḥ /
   ágne víśvāni dʰányā dádʰānāḥ /
   ágne víśvāni dʰániyā dádʰānāḥ /

Halfverse: c    surétasā śrávasā túñjamānā abʰí ṣyāma pr̥tanāyū́m̐r ádevān //
   surétasā śrávasā túñjamānā
   surétasā śrávasā túñjamānāḥ
   surétasā śrávasā túñjamānā

Halfverse: d    abʰí ṣyāma pr̥tanāyū́m̐r ádevān //
   abʰí syāma pr̥tanāyū́n ádevān //
   abʰí ṣyāma pr̥tanāyū́m̐r ádevān //


Verse: 17 
Halfverse: a    ā́ devā́nām abʰavaḥ ketúr agne mandró víśvāni kā́vyāni vidvā́n /
   ā́ devā́nām abʰavaḥ ketúr agne
   ā́ devā́nām abʰavaḥ ketúḥ agne
   ā́ devā́nām abʰavaḥ ketúr agne

Halfverse: b    mandró víśvāni kā́vyāni vidvā́n /
   mandráḥ víśvāni kā́vyāni vidvā́n /
   mandró víśvāni kā́viyāni vidvā́n /

Halfverse: c    práti mártām̐ avāsayo dámūnā ánu devā́n ratʰiró yāsi sā́dʰan //
   práti mártām̐ avāsayo dámūnā
   práti mártān avāsayaḥ dámūnāḥ
   práti mártām̐ avāsayo dámūnā

Halfverse: d    ánu devā́n ratʰiró yāsi sā́dʰan //
   ánu devā́n ratʰiráḥ yāsi sā́dʰan //
   ánu devā́n ratʰiró yāsi sā́dʰan //


Verse: 18 
Halfverse: a    ní duroṇé amŕ̥to mártyānāṃ rā́jā sasāda vidátʰāni sā́dʰan /
   ní duroṇé amŕ̥to mártyānāṃ
   ní duroṇé amŕ̥taḥ mártyānām
   ní duroṇé amŕ̥to mártiyānāṃ

Halfverse: b    rā́jā sasāda vidátʰāni sā́dʰan /
   rā́jā sasāda vidátʰāni sā́dʰan /
   rā́jā sasāda vidátʰāni sā́dʰan /

Halfverse: c    gʰr̥tápratīka urviyā́ vy àdyaud agnír víśvāni kā́vyāni vidvā́n //
   gʰr̥tápratīka urviyā́ vy àdyaud
   gʰr̥tápratīkaḥ urviyā́ ví adyaut
   gʰr̥tápratīka urviyā́ ví adyaud

Halfverse: d    agnír víśvāni kā́vyāni vidvā́n //
   agníḥ víśvāni kā́vyāni vidvā́n //
   agnír víśvāni kā́viyāni vidvā́n //


Verse: 19 
Halfverse: a    ā́ no gahi sakʰyébʰiḥ śivébʰir mahā́n mahī́bʰir ūtíbʰiḥ saraṇyán /
   ā́ no gahi sakʰyébʰiḥ śivébʰir
   ā́ naḥ gahi sakʰyébʰiḥ śivébʰiḥ
   ā́ no gahi sakʰiyébʰiḥ śivébʰir

Halfverse: b    mahā́n mahī́bʰir ūtíbʰiḥ saraṇyán /
   mahā́n mahī́bʰiḥ ūtíbʰiḥ saraṇyán /
   mahā́n mahī́bʰir ūtíbʰiḥ saraṇyán /

Halfverse: c    asmé rayím bahuláṃ sáṃtarutraṃ suvā́cam bʰāgáṃ yaśásaṃ kr̥dʰī naḥ //
   asmé rayím bahuláṃ sáṃtarutraṃ
   asmé rayím bahulám sáṃtarutram
   asmé rayím bahuláṃ sáṃtarutraṃ

Halfverse: d    suvā́cam bʰāgáṃ yaśásaṃ kr̥dʰī naḥ //
   suvā́cam bʰāgám yaśásam kr̥dʰi+ naḥ //
   suvā́cam bʰāgáṃ yaśásaṃ kr̥dʰī naḥ //


Verse: 20 
Halfverse: a    etā́ te agne jánimā sánāni prá pūrvyā́ya nū́tanāni vocam /
   etā́ te agne jánimā sánāni
   etā́ te agne jánima+ sánāni
   etā́ te agne jánimā sánāni

Halfverse: b    prá pūrvyā́ya nū́tanāni vocam /
   prá pūrvyā́ya nū́tanāni vocam /
   prá pūrviyā́ya nū́tanāni vocam /

Halfverse: c    mahā́nti vŕ̥ṣṇe sávanā kr̥témā́ jánmañ-janman níhito jātávedāḥ //
   mahā́nti vŕ̥ṣṇe sávanā kr̥témā́
   mahā́nti vŕ̥ṣṇe sávanā kr̥tā́ imā́
   mahā́nti vŕ̥ṣṇe sávanā kr̥témā́

Halfverse: d    jánmañ-janman níhito jātávedāḥ //
   jánmañ-janman níhitaḥ jātávedāḥ //
   jánmañ-janman níhito jātávedāḥ //


Verse: 21 
Halfverse: a    jánmañ-janman níhito jātávedā viśvā́mitrebʰir idʰyate ájasraḥ /
   jánmañ-janman níhito jātávedā
   jánmañ-janman níhitaḥ jātávedāḥ
   jánmañ-janman níhito jātávedā

Halfverse: b    viśvā́mitrebʰir idʰyate ájasraḥ /
   viśvā́mitrebʰiḥ idʰyate ájasraḥ /
   viśvā́mitrebʰir idʰyate ájasraḥ /

Halfverse: c    tásya vayáṃ sumataú yajñíyasyā́pi bʰadré saumanasé syāma //
   tásya vayáṃ sumataú yajñíyasya_
   tásya vayám sumataú yajñíyasya
   tásya vayáṃ sumataú yajñíyasya

Halfverse: d    _ápi bʰadré saumanasé syāma //
   ápi bʰadré saumanasé syāma //
   ápi bʰadré saumanasé siyāma //


Verse: 22 
Halfverse: a    imáṃ yajñáṃ sahasāvan tváṃ no devatrā́ dʰehi sukrato rárāṇaḥ /
   imáṃ yajñáṃ sahasāvan tváṃ no
   imám yajñám sahasāvan tvám naḥ
   imáṃ yajñáṃ sahasāvan tuváṃ no

Halfverse: b    devatrā́ dʰehi sukrato rárāṇaḥ /
   devatrā́ dʰehi sukrato rárāṇaḥ /
   devatrā́ dʰehi sukrato rárāṇaḥ /

Halfverse: c    prá yaṃsi hotar br̥hatī́r íṣo nó 'gne máhi dráviṇam ā́ yajasva //
   prá yaṃsi hotar br̥hatī́r íṣo nó
   prá yaṃsi hotar br̥hatī́ḥ íṣaḥ naḥ
   prá yaṃsi hotar br̥hatī́r íṣo no

Halfverse: d    'gne máhi dráviṇam \!\ ā́ yajasva //
   ágne máhi dráviṇam ā́ yajasva //
   ágne máhi dráviṇam ā́ yajasva //


Verse: 23 
Halfverse: a    íḷām agne purudám̐saṃ saníṃ góḥ śaśvattamáṃ hávamānāya sādʰa /
   íḷām agne purudám̐saṃ saníṃ góḥ
   íḷām agne purudáṃsam saním góḥ
   íḷām agne purudáṃsaṃ saníṃ góḥ

Halfverse: b    śaśvattamáṃ hávamānāya sādʰa /
   śaśvattamám hávamānāya sādʰa /
   śaśvattamáṃ hávamānāya sādʰa /

Halfverse: c    syā́n naḥ sūnús tánayo vijā́vā́gne sā́ te sumatír bʰūtv asmé //
   syā́n naḥ sūnús tánayo vijā́vā_
   syā́t naḥ sūnúḥ tánayaḥ vijā́vā
   siyā́n naḥ sūnús tánayo vijā́vā

Halfverse: d    _ágne sā́ te sumatír bʰūtv asmé //
   ágne sā́ te sumatíḥ bʰūtu asmé //
   ágne sā́ te sumatír bʰūtu asmé //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.