TITUS
Rg-Veda: Rg-Veda-Samhita
Part No. 234
Previous part

Hymn: 43_(234) 
Verse: 1 
Halfverse: a    pradakṣiṇíd abʰí gr̥ṇanti kārávo váyo vádanta r̥tutʰā́ śakúntayaḥ /
   pradakṣiṇíd abʰí gr̥ṇanti kārávo
   pradakṣiṇít abʰí gr̥ṇanti kārávaḥ
   pradakṣiníd abʰí gr̥ṇanti kārávo

Halfverse: b    váyo vádanta r̥tutʰā́ śakúntayaḥ /
   váyaḥ vádantaḥ r̥tutʰā́ śakúntayaḥ /
   váyo vádanta r̥tutʰā́ śakúntayaḥ /

Halfverse: c    ubʰé vā́cau vadati sāmagā́ iva gāyatráṃ ca traíṣṭubʰaṃ cā́nu rājati //
   ubʰé vā́cau vadati sāmagā́ iva
   ubʰé vā́cau vadati sāmagā́ḥ iva
   ubʰé vā́cau vadati sāmagā́ iva

Halfverse: d    gāyatráṃ ca traíṣṭubʰaṃ cā́nu rājati //
   gāyatrám ca traíṣṭubʰam ca ánu rājati //
   gāyatráṃ ca traíṣṭubʰaṃ cā́nu rājati //


Verse: 2 
Halfverse: a    udgātéva śakune sā́ma gāyasi brahmaputrá iva sávaneṣu śaṃsasi /
   udgātéva śakune sā́ma gāyasi
   udgātā́ iva śakune sā́ma gāyasi
   udgātéva śakune sā́ma gāyasi

Halfverse: b    brahmaputrá iva sávaneṣu śaṃsasi /
   brahmaputráḥ iva sávaneṣu śaṃsasi /
   brahmaputrá 'va ՙ sávaneṣu śaṃsasi /

Halfverse: c    vŕ̥ṣeva vājī́ śíśumatīr apī́tyā sarváto naḥ śakune bʰadrám ā́ vada viśváto naḥ śakune púṇyam ā́ vada //
   vŕ̥ṣeva vājī́ śíśumatīr apī́tyā
   vŕ̥ṣā iva vājī́ śíśumatīḥ apī́tya+
   vŕ̥ṣeva vājī́ śíśumatīr apī́tiyā

Halfverse: d    sarváto naḥ śakune bʰadrám ā́ vada
   sarvátaḥ naḥ śakune bʰadrám ā́ vada
   sarváto naḥ śakune bʰadrám ā́ vada

Halfverse: e    viśváto naḥ śakune púṇyam ā́ vada //
   viśvátaḥ naḥ śakune púṇyam ā́ vada //
   viśváto naḥ śakune púṇyam ā́ vada //


Verse: 3 
Halfverse: a    āvádam̐s tváṃ śakune bʰadrám ā́ vada tūṣṇī́m ā́sīnaḥ sumatíṃ cikiddʰi naḥ /
   āvádam̐s tváṃ śakune bʰadrám ā́ vada
   āvádan tvám śakune bʰadrám ā́ vada
   āvádaṃs tváṃ śakune bʰadrám ā́ vada

Halfverse: b    tūṣṇī́m ā́sīnaḥ sumatíṃ cikiddʰi naḥ /
   tūṣṇī́m ā́sīnaḥ sumatím cikiddʰi naḥ /
   tūṣṇī́m ā́sīnaḥ sumatíṃ cikiddʰi naḥ /

Halfverse: c    yád utpátan vádasi karkarír yatʰā br̥hád vadema vidátʰe suvī́rāḥ //
   yád utpátan vádasi karkarír yatʰā
   yát utpátan vádasi karkaríḥ yatʰā
   yád utpátan vádasi karkarír yatʰā

Halfverse: d    br̥hád vadema vidátʰe suvī́rāḥ //
   br̥hát vadema vidátʰe suvī́rāḥ //
   br̥hád vadema vidátʰe suvī́rāḥ //





Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.