TITUS
Rg-Veda: Rg-Veda-Samhita
Part No. 233
Previous part

Hymn: 42_(233) 
Verse: 1 
Halfverse: a    kánikradaj janúṣam prabruvāṇá íyarti vā́cam aritéva nā́vam /
   kánikradaj janúṣam prabruvāṇá
   kánikradat janúṣam prabruvāṇáḥ
   kánikradaj janúṣam prabruvāṇá

Halfverse: b    íyarti vā́cam aritéva nā́vam /
   íyarti vā́cam aritā́ iva nā́vam /
   íyarti vā́cam aritéva nā́vam /

Halfverse: c    sumaṅgálaś ca śakune bʰávāsi mā́ tvā kā́ cid abʰibʰā́ víśvyā vidat //
   sumaṅgálaś ca śakune bʰávāsi
   sumaṅgálaḥ ca śakune bʰávāsi
   sumaṅgálaś ca śakune bʰávāsi

Halfverse: d    mā́ tvā kā́ cid abʰibʰā́ víśvyā vidat //
   mā́ tvā kā́ cit abʰibʰā́ víśvyā vidat //
   mā́ tvā kā́ cid abʰibʰā́ víśvyā vidat //


Verse: 2 
Halfverse: a    mā́ tvā śyená úd vadʰīn mā́ suparṇó mā́ tvā vidad íṣumān vīró ástā /
   mā́ tvā śyená úd vadʰīn mā́ suparṇó
   mā́ tvā śyenáḥ út vadʰīt mā́ suparṇáḥ
   mā́ tvā śyená úd vadʰīn mā́ suparṇó

Halfverse: b    mā́ tvā vidad íṣumān vīró ástā /
   mā́ tvā vidat íṣumān vīráḥ ástā /
   mā́ tvā vidad íṣumān vīró ástā /

Halfverse: c    pítryām ánu pradíśaṃ kánikradat sumaṅgálo bʰadravādī́ vadehá //
   pítryām ánu pradíśaṃ kánikradat
   pítryām ánu pradíśam kánikradat
   pítryām ánu pradíśaṃ kánikradat

Halfverse: d    sumaṅgálo bʰadravādī́ vadehá //
   sumaṅgálaḥ bʰadravādī́ vada ihá //
   sumaṅgálo bʰadravādī́ vadehá //


Verse: 3 
Halfverse: a    áva kranda dakṣiṇató gr̥hā́ṇāṃ sumaṅgálo bʰadravādī́ śakunte /
   áva kranda dakṣiṇató gr̥hā́ṇāṃ
   áva kranda dakṣiṇatáḥ gr̥hā́ṇām
   áva kranda dakṣiṇató gr̥hā́ṇāṃ

Halfverse: b    sumaṅgálo bʰadravādī́ śakunte /
   sumaṅgálaḥ bʰadravādī́ śakunte /
   sumaṅgálo bʰadravādī́ śakunte /

Halfverse: c    mā́ na stená īśata mā́gʰáśaṃso br̥hád vadema vidátʰe suvī́rāḥ //
   mā́ na stená īśata mā́gʰáśaṃso
   mā́ naḥ stenáḥ īśata mā́ agʰáśaṃsaḥ
   mā́ na stená īśata mā́gʰáśaṃso

Halfverse: d    br̥hád vadema vidátʰe suvī́rāḥ //
   br̥hát vadema vidátʰe suvī́rāḥ //
   br̥hád vadema vidátʰe suvī́rāḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.