TITUS
Rg-Veda: Rg-Veda-Samhita
Part No. 232
Previous part

Hymn: 41_(232) 
Verse: 1 
Halfverse: a    vā́yo yé te sahasríṇo rátʰāsas tébʰir ā́ gahi /
   vā́yo yé te sahasríṇo
   vā́yo yé te sahasríṇaḥ
   vā́yo yé te sahasríṇo

Halfverse: b    rátʰāsas tébʰir ā́ gahi /
   rátʰāsaḥ tébʰiḥ ā́ gahi /
   rátʰāsas tébʰir ā́ gahi /

Halfverse: c    niyútvān sómapītaye //
   niyútvān sómapītaye //
   niyútvān sómapītaye //
   niyútvān sómapītaye //


Verse: 2 
Halfverse: a    niyútvān vāyav ā́ gahy ayáṃ śukró ayāmi te /
   niyútvān vāyav ā́ gahy
   niyútvān vāyo ā́ gahi
   niyútvān vāyav ā́ gahi

Halfverse: b    ayáṃ śukró ayāmi te /
   ayám śukráḥ ayāmi te /
   ayáṃ śukró ayāmi te /

Halfverse: c    gántāsi sunvató gr̥hám //
   gántāsi sunvató gr̥hám //
   gántā asi sunvatáḥ gr̥hám //
   gántāsi sunvató gr̥hám //


Verse: 3 
Halfverse: a    śukrásyādyá gávāśira índravāyū niyútvataḥ /
   śukrásyādyá gávāśira
   śukrásya adyá gávāśiraḥ
   śukrásyādyá gávāśira

Halfverse: b    índravāyū niyútvataḥ /
   índravāyū niyútvataḥ /
   índravāyū niyútvataḥ /

Halfverse: c    ā́ yātam píbataṃ narā //
   ā́ yātam píbataṃ narā //
   ā́ yātam píbatam narā //
   ā́ yātam píbataṃ narā //


Verse: 4 
Halfverse: a    ayáṃ vām mitrāvaruṇā sutáḥ sóma r̥tāvr̥dʰā /
   ayáṃ vām mitrāvaruṇā
   ayám vām mitrāvaruṇā
   ayáṃ vām mitrāvaruṇā

Halfverse: b    sutáḥ sóma r̥tāvr̥dʰā /
   sutáḥ sómaḥ r̥tāvr̥dʰā /
   sutáḥ sóma r̥tāvr̥dʰā /

Halfverse: c    máméd ihá śrutaṃ hávam //
   máméd ihá śrutaṃ hávam //
   máma ít ihá śrutam hávam //
   máméd ihá śrutaṃ hávam //


Verse: 5 
Halfverse: a    rā́jānāv ánabʰidruhā dʰruvé sádasy uttamé /
   rā́jānāv ánabʰidruhā
   rā́jānau ánabʰidruhā
   rā́jānāv ánabʰidruhā

Halfverse: b    dʰruvé sádasy uttamé /
   dʰruvé sádasi uttamé /
   dʰruvé sádasi uttamé /

Halfverse: c    sahásrastʰūṇa āsāte //
   sahásrastʰūṇa āsāte //
   sahásrastʰūṇe āsāte //
   sahásrastʰūṇa āsate ՙ //


Verse: 6 
Halfverse: a    tā́ samrā́jā gʰr̥tā́sutī ādityā́ dā́nunas pátī /
   tā́ samrā́jā gʰr̥tā́sutī
   tā́ samrā́jā gʰr̥tā́sutī
   tā́ samrā́jā gʰr̥tā́sutī

Halfverse: b    ādityā́ dā́nunas pátī /
   ādityā́ dā́nunaḥ pátī /
   ādityā́ dā́nunas pátī /

Halfverse: c    sácete ánavahvaram //
   sácete ánavahvaram //
   sácete ánavahvaram //
   sácete ánavahvaram //


Verse: 7 
Halfverse: a    gómad ū ṣú nāsatyā́śvāvad yātam aśvinā /
   gómad ū ṣú nāsatyā_
   gómat u+ sú nāsatyā
   gómad ū ṣú nāsatiyā

Halfverse: b    _áśvāvad yātam aśvinā /
   áśvāvat yātam aśvinā /
   áśvāvad yātam aśvinā /

Halfverse: c    vartī́ rudrā nr̥pā́yyam //
   vartī́ rudrā nr̥pā́yyam //
   vartíḥ rudrā nr̥pā́yyam //
   vartī́ rudrā nr̥pā́yiyam //


Verse: 8 
Halfverse: a    ná yát páro nā́ntara ādadʰárṣad vr̥ṣaṇvasū /
   ná yát páro nā́ntara
   ná yát páraḥ ná ántaraḥ
   ná yát páro ná ántara

Halfverse: b    ādadʰárṣad vr̥ṣaṇvasū /
   ādadʰárṣat vr̥ṣaṇvasū /
   ādadʰárṣad vr̥ṣaṇvasū /

Halfverse: c    duḥśáṃso mártyo ripúḥ //
   duḥśáṃso mártyo ripúḥ //
   duḥśáṃsaḥ mártyaḥ ripúḥ //
   duḥśáṃso mártiyo ripúḥ //


Verse: 9 
Halfverse: a    tā́ na ā́ voḷʰam aśvinā rayím piśáṅgasaṃdr̥śam /
   tā́ na ā́ voḷʰam aśvinā
   tā́ naḥ ā́ voḷʰam aśvinā
   tā́ na ā́ voḷʰam aśvinā

Halfverse: b    rayím piśáṅgasaṃdr̥śam /
   rayím piśáṅgasaṃdr̥śam /
   rayím piśáṅgasaṃdr̥śam /

Halfverse: c    dʰíṣṇyā varivovídam //
   dʰíṣṇyā varivovídam //
   dʰíṣṇyā varivovídam //
   dʰíṣṇiyā varivovídam //


Verse: 10 
Halfverse: a    índro aṅgá mahád bʰayám abʰī́ ṣád ápa cucyavat /
   índro aṅgá mahád bʰayám
   índraḥ aṅgá mahát bʰayám
   índro aṅgá mahád bʰayám

Halfverse: b    abʰī́ ṣád ápa cucyavat /
   abʰí+ sát ápa cucyavat /
   abʰī́ ṣád ápa cucyavat /

Halfverse: c    sá hí stʰiró vícarṣaṇiḥ //
   sá hí stʰiró vícarṣaṇiḥ //
   sá hí stʰiráḥ vícarṣaṇiḥ //
   sá hí stʰiró vícarṣaṇiḥ //


Verse: 11 
Halfverse: a    índraś ca mr̥ḷáyāti no ná naḥ paścā́d agʰáṃ naśat /
   índraś ca mr̥ḷáyāti no
   índraḥ ca mr̥ḷáyāti naḥ
   índraś ca mr̥ḷáyāti no

Halfverse: b    ná naḥ paścā́d agʰáṃ naśat /
   ná naḥ paścā́t agʰám naśat /
   ná naḥ paścā́d agʰáṃ naśat /

Halfverse: c    bʰadrám bʰavāti naḥ puráḥ //
   bʰadrám bʰavāti naḥ puráḥ //
   bʰadrám bʰavāti naḥ puráḥ //
   bʰadrám bʰavāti naḥ puráḥ //


Verse: 12 
Halfverse: a    índra ā́śābʰyas pári sárvābʰyo ábʰayaṃ karat /
   índra ā́śābʰyas pári
   índraḥ ā́śābʰyaḥ pári
   índra ā́śābʰiyas pári

Halfverse: b    sárvābʰyo ábʰayaṃ karat /
   sárvābʰyaḥ ábʰayam karat /
   sárvābʰyo ábʰayaṃ karat /

Halfverse: c    jétā śátrūn vícarṣaṇiḥ //
   jétā śátrūn vícarṣaṇiḥ //
   jétā śátrūn vícarṣaṇiḥ //
   jétā śátrūn vícarṣaṇiḥ //


Verse: 13 
Halfverse: a    víśve devāsa ā́ gata śr̥ṇutā́ ma imáṃ hávam /
   víśve devāsa ā́ gata
   víśve devāsaḥ ā́ gata
   víśve devāsa ā́ gata

Halfverse: b    śr̥ṇutā́ ma imáṃ hávam /
   śr̥ṇutá+ me imám hávam /
   śr̥ṇutā́ ma imáṃ hávam /

Halfverse: c    édám barhír ní ṣīdata //
   édám barhír ní ṣīdata //
   ā́ idám barhíḥ ní sīdata //
   édám barhír ní ṣīdata //


Verse: 14 
Halfverse: a    tīvró vo mádʰumām̐ ayáṃ śunáhotreṣu matsaráḥ /
   tīvró vo mádʰumām̐ ayáṃ
   tīvráḥ vaḥ mádʰumān ayám
   tīvró vo mádʰumām̐ ayáṃ

Halfverse: b    śunáhotreṣu matsaráḥ /
   śunáhotreṣu matsaráḥ /
   śunáhotreṣu matsaráḥ /

Halfverse: c    etám pibata kā́myam //
   etám pibata kā́myam //
   etám pibata kā́myam //
   etám pibata kā́miyam //


Verse: 15 
Halfverse: a    índrajyeṣṭʰā márudgaṇā dévāsaḥ pū́ṣarātayaḥ /
   índrajyeṣṭʰā márudgaṇā
   índrajyeṣṭʰāḥ márudgaṇāḥ
   índrajyeṣṭʰā márudgaṇā

Halfverse: b    dévāsaḥ pū́ṣarātayaḥ /
   dévāsaḥ pū́ṣarātayaḥ /
   dévāsaḥ pū́ṣarātayaḥ /

Halfverse: c    víśve máma śrutā hávam //
   víśve máma śrutā hávam //
   víśve máma śruta+ hávam //
   víśve máma śrutā hávam //


Verse: 16 
Halfverse: a    ámbitame nádītame dévitame sárasvati /
   ámbitame nádītame
   ámbitame nádītame
   ámbitame nádītame

Halfverse: b    dévitame sárasvati /
   dévitame sárasvati /
   dévitame sárasvati /

Halfverse: c    apraśastā́ iva smasi práśastim amba nas kr̥dʰi //
   apraśastā́ iva smasi
   apraśastā́ḥ iva smasi
   apraśastā́ iva smasi

Halfverse: d    práśastim amba nas kr̥dʰi //
   práśastim amba naḥ kr̥dʰi //
   práśastim amba nas kr̥dʰi //


Verse: 17 
Halfverse: a    tvé víśvā sarasvati śritā́yūṃṣi devyā́m /
   tvé víśvā sarasvati
   tvé víśvā sarasvati
   tuvé víśvā sarasvati

Halfverse: b    śritā́yūṃṣi devyā́m /
   śritā́ ā́yūṃṣi devyā́m /
   śritā́ ā́yūṃṣi deviyā́m /

Halfverse: c    śunáhotreṣu matsva prajā́ṃ devi didiḍḍʰi naḥ //
   śunáhotreṣu matsva
   śunáhotreṣu matsva
   śunáhotreṣu matsuva

Halfverse: d    prajā́ṃ devi didiḍḍʰi naḥ //
   prajā́m devi didiḍḍʰi naḥ //
   prajā́ṃ devi didiḍḍʰi naḥ //


Verse: 18 
Halfverse: a    imā́ bráhma sarasvati juṣásva vājinīvati /
   imā́ bráhma sarasvati
   imā́ bráhma sarasvati
   imā́ bráhma sarasvati

Halfverse: b    juṣásva vājinīvati /
   juṣásva vājinīvati /
   juṣásva vājinīvati /

Halfverse: c    yā́ te mánma gr̥tsamadā́ r̥tāvari priyā́ devéṣu júhvati //
   yā́ te mánma gr̥tsamadā́ r̥tāvari
   yā́ te mánma gr̥tsamadā́ḥ r̥tāvari
   yā́ te mánma gr̥tsamadā́ r̥tāvari

Halfverse: d    priyā́ devéṣu júhvati //
   priyā́ devéṣu júhvati //
   priyā́ devéṣu júhvati //


Verse: 19 
Halfverse: a    prétāṃ yajñásya śambʰúvā yuvā́m íd ā́ vr̥ṇīmahe /
   prétāṃ yajñásya śambʰúvā
   prá itām yajñásya śambʰúvā
   prétāṃ yajñásya śambʰúvā

Halfverse: b    yuvā́m íd ā́ vr̥ṇīmahe /
   yuvā́m ít ā́ vr̥ṇīmahe /
   yuvā́m íd ā́ vr̥ṇīmahe /

Halfverse: c    agníṃ ca havyavā́hanam //
   agníṃ ca havyavā́hanam //
   agním ca havyavā́hanam //
   agníṃ ca havyavā́hanam //


Verse: 20 
Halfverse: a    dyā́vā naḥ pr̥tʰivī́ imáṃ sidʰrám adyá divispŕ̥śam /
   dyā́vā naḥ pr̥tʰivī́ imáṃ
   dyā́vā naḥ pr̥tʰivī́ imám
   dyā́vā naḥ pr̥tʰivī́ imáṃ

Halfverse: b    sidʰrám adyá divispŕ̥śam /
   sidʰrám adyá divispŕ̥śam /
   sidʰrám adyá divispŕ̥śam /

Halfverse: c    yajñáṃ devéṣu yacʰatām //
   yajñáṃ devéṣu yacʰatām //
   yajñám devéṣu yacʰatām //
   yajñáṃ devéṣu yacʰatām //


Verse: 21 
Halfverse: a    ā́ vām upástʰam adruhā devā́ḥ sīdantu yajñíyāḥ /
   ā́ vām upástʰam adruhā
   ā́ vām upástʰam adruhā
   ā́ vām upástʰam adruhā

Halfverse: b    devā́ḥ sīdantu yajñíyāḥ /
   devā́ḥ sīdantu yajñíyāḥ /
   devā́ḥ sīdantu yajñíyāḥ /

Halfverse: c    ihā́dyá sómapītaye //
   ihā́dyá sómapītaye //
   ihá adyá sómapītaye //
   ihā́dyá sómapītaye //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.