TITUS
Rg-Veda: Rg-Veda-Samhita
Part No. 231
Previous part

Hymn: 40_(231) 
Verse: 1 
Halfverse: a    sómāpūṣaṇā jánanā rayīṇā́ṃ jánanā divó jánanā pr̥tʰivyā́ḥ /
   sómāpūṣaṇā jánanā rayīṇā́ṃ
   sómāpūṣaṇā jánanā rayīṇā́m
   sómāpūṣaṇā jánanā rayīṇā́ṃ

Halfverse: b    jánanā divó jánanā pr̥tʰivyā́ḥ /
   jánanā diváḥ jánanā pr̥tʰivyā́ḥ /
   jánanā divó jánanā pr̥tʰivyā́ḥ /

Halfverse: c    jātaú víśvasya bʰúvanasya gopaú devā́ akr̥ṇvann amŕ̥tasya nā́bʰim //
   jātaú víśvasya bʰúvanasya gopaú
   jātaú víśvasya bʰúvanasya gopaú
   jātaú víśvasya bʰúvanasya gopaú

Halfverse: d    devā́ akr̥ṇvann amŕ̥tasya nā́bʰim //
   devā́ḥ akr̥ṇvan amŕ̥tasya nā́bʰim //
   devā́ akr̥ṇvann amŕ̥tasya nā́bʰim //


Verse: 2 
Halfverse: a    imaú devaú jā́yamānau juṣantemaú támāṃsi gūhatām ájuṣṭā /
   imaú devaú jā́yamānau juṣanta_
   imaú devaú jā́yamānau juṣanta
   imaú devaú jā́yamānau juṣanta

Halfverse: b    _imaú támāṃsi gūhatām ájuṣṭā /
   imaú támāṃsi gūhatām ájuṣṭā /
   imaú támāṃsi gūhatām ájuṣṭā /

Halfverse: c    ābʰyā́m índraḥ pakvám āmā́sv antáḥ somāpūṣábʰyāṃ janad usríyāsu //
   ābʰyā́m índraḥ pakvám āmā́sv antáḥ
   ābʰyā́m índraḥ pakvám āmā́su antár
   ābʰyā́m índraḥ pakvám āmā́su antáḥ

Halfverse: d    somāpūṣábʰyāṃ janad usríyāsu //
   somāpūṣábʰyām janat usríyāsu //
   somāpūṣábʰyāṃ janad usríyāsu //


Verse: 3 
Halfverse: a    sómāpūṣaṇā rájaso vimā́naṃ saptácakraṃ rátʰam áviśvaminvam /
   sómāpūṣaṇā rájaso vimā́naṃ
   sómāpūṣaṇā rájasaḥ vimā́nam
   sómāpū́ṣaṇā rájaso vimā́naṃ

Halfverse: b    saptácakraṃ rátʰam áviśvaminvam /
   saptácakram rátʰam áviśvaminvam /
   saptácakraṃ rátʰam áviśvaminvam /

Halfverse: c    viṣūvŕ̥tam mánasā yujyámānaṃ táṃ jinvatʰo vr̥ṣaṇā páñcaraśmim //
   viṣūvŕ̥tam mánasā yujyámānaṃ
   viṣūvŕ̥tam mánasā yujyámānam
   viṣūvŕ̥tam mánasā yujyámānaṃ

Halfverse: d    táṃ jinvatʰo vr̥ṣaṇā páñcaraśmim //
   tám jinvatʰaḥ vr̥ṣaṇā páñcaraśmim //
   táṃ jinvatʰo vŕ̥ṣaṇā páñcaraśmim //


Verse: 4 
Halfverse: a    divy ànyáḥ sádanaṃ cakrá uccā́ pr̥tʰivyā́m anyó ádʰy antárikṣe /
   divy ànyáḥ sádanaṃ cakrá uccā́
   diví anyáḥ sádanam cakré uccā́
   diví anyáḥ sádanaṃ cakrá uccā́

Halfverse: b    pr̥tʰivyā́m anyó ádʰy antárikṣe /
   pr̥tʰivyā́m anyáḥ ádʰi antárikṣe /
   pr̥tʰivyā́m anyó ádʰi antárikṣe /

Halfverse: c    tā́v asmábʰyam puruvā́ram purukṣúṃ rāyás póṣaṃ ví ṣyatāṃ nā́bʰim asmé //
   tā́v asmábʰyam puruvā́ram purukṣúṃ
   taú asmábʰyam puruvā́ram purukṣúm
   tā́v asmábʰyam puruvā́ram purukṣúṃ

Halfverse: d    rāyás póṣaṃ ví ṣyatāṃ nā́bʰim asmé //
   rāyáḥ póṣam ví syatām nā́bʰim asmé //
   rāyás póṣaṃ ví ṣyatāṃ nā́bʰim asmé //


Verse: 5 
Halfverse: a    víśvāny anyó bʰúvanā jajā́na víśvam anyó abʰicákṣāṇa eti /
   víśvāny anyó bʰúvanā jajā́na
   víśvāni anyáḥ bʰúvanā jajā́na
   víśvāni anyó bʰúvanā jajā́na

Halfverse: b    víśvam anyó abʰicákṣāṇa eti /
   víśvam anyáḥ abʰicákṣāṇaḥ eti /
   víśvam anyó abʰicákṣāṇa eti /

Halfverse: c    sómāpūṣaṇāv ávataṃ dʰíyam me yuvā́bʰyāṃ víśvāḥ pŕ̥tanā jayema //
   sómāpūṣaṇāv ávataṃ dʰíyam me
   sómāpūṣaṇau ávatam dʰíyam me
   sómāpūṣaṇāv ávataṃ dʰíyam me

Halfverse: d    yuvā́bʰyāṃ víśvāḥ pŕ̥tanā jayema //
   yuvā́bʰyām víśvāḥ pŕ̥tanāḥ jayema //
   yuvā́bʰyāṃ víśvāḥ pŕ̥tanā jayema //


Verse: 6 
Halfverse: a    dʰíyam pūṣā́ jinvatu viśvaminvó rayíṃ sómo rayipátir dadʰātu /
   dʰíyam pūṣā́ jinvatu viśvaminvó
   dʰíyam pūṣā́ jinvatu viśvaminváḥ
   dʰíyam pūṣā́ jinvatu viśvaminvó

Halfverse: b    rayíṃ sómo rayipátir dadʰātu /
   rayím sómaḥ rayipátiḥ dadʰātu /
   rayíṃ sómo rayipátir dadʰātu /

Halfverse: c    ávatu devy áditir anarvā́ br̥hád vadema vidátʰe suvī́rāḥ //
   ávatu devy áditir anarvā́
   ávatu devī́ áditiḥ anarvā́
   ávatu devī́ áditir anarvā́

Halfverse: d    br̥hád vadema vidátʰe suvī́rāḥ //
   br̥hát vadema vidátʰe suvī́rāḥ //
   br̥hád vadema vidátʰe suvī́rāḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.