TITUS
Rg-Veda: Rg-Veda-Samhita
Part No. 230
Previous part

Hymn: 39_(230) 
Verse: 1 
Halfverse: a    grā́vāṇeva tád íd ártʰaṃ jaretʰe gŕ̥dʰreva vr̥kṣáṃ nidʰimántam ácʰa /
   grā́vāṇeva tád íd ártʰaṃ jaretʰe
   grā́vāṇā iva tát ít ártʰam jaretʰe
   grā́vāṇeva tád íd ártʰaṃ jaretʰe

Halfverse: b    gŕ̥dʰreva vr̥kṣáṃ nidʰimántam ácʰa /
   gŕ̥dʰrā iva vr̥kṣám nidʰimántam ácʰa /
   gŕ̥dʰreva vr̥kṣáṃ nidʰimántam ácʰa /

Halfverse: c    brahmā́ṇeva vidátʰa uktʰaśā́sā dūtéva hávyā jányā purutrā́ //
   brahmā́ṇeva vidátʰa uktʰaśā́sā
   brahmā́ṇā iva vidátʰe uktʰaśā́sā
   brahmā́ṇeva vidátʰa uktʰaśā́sā

Halfverse: d    dūtéva hávyā jányā purutrā́ //
   dūtā́ iva hávyā jányā purutrā́ //
   dūtéva hávyā jániyā purutrā́ //


Verse: 2 
Halfverse: a    prātaryā́vāṇā ratʰyèva vīrā́jéva yamā́ váram ā́ sacetʰe /
   prātaryā́vāṇā ratʰyèva vīrā́_
   prātaryā́vāṇā ratʰyā̀ iva vīrā́
   prātaryā́vāṇā ratʰíyeva vīrā́

Halfverse: b    _ajéva yamā́ váram ā́ sacetʰe /
   ajā́ iva yamā́ váram ā́ sacetʰe /
   ajéva yamā́ váram ā́ sacetʰe /

Halfverse: c    méne iva tanvā̀ śúmbʰamāne dámpatīva kratuvídā jáneṣu //
   méne iva tanvā̀ śúmbʰamāne
   méne iva tanvā̀ śúmbʰamāne
   méne iva tanúvā śúmbʰamāne

Halfverse: d    dámpatīva kratuvídā jáneṣu //
   dámpatī iva kratuvídā jáneṣu //
   dámpatīva kratuvídā jáneṣu //


Verse: 3 
Halfverse: a    śŕ̥ṅgeva naḥ pratʰamā́ gantam arvā́k cʰapʰā́v iva járbʰurāṇā tárobʰiḥ /
   śŕ̥ṅgeva naḥ pratʰamā́ gantam arvā́k
   śŕ̥ṅge ! iva naḥ pratʰamā́ gantam arvā́k
   śŕ̥ṅgeva naḥ pratʰamā́ gantam arvā́k

Halfverse: b    cʰapʰā́v iva járbʰurāṇā tárobʰiḥ /
   śapʰaú iva járbʰurāṇā tárobʰiḥ /
   cʰapʰā́v iva járbʰurāṇā tárobʰiḥ /

Halfverse: c    cakravākéva práti vástor usrārvā́ñcā yātaṃ ratʰyèva śakrā //
   cakravākéva práti vástor usrā_
   cakravākā́ iva práti vástoḥ usrā
   cakravākéva práti vástor usrā

Halfverse: d    _arvā́ñcā yātaṃ ratʰyèva śakrā //
   arvā́ñcā yātam ratʰyā̀ iva śakrā //
   arvā́ñcā yātaṃ ratʰíyeva śakrā //


Verse: 4 
Halfverse: a    nāvéva naḥ pārayataṃ yugéva nábʰyeva na upadʰī́va pradʰī́va /
   nāvéva naḥ pārayataṃ yugéva
   nāvā́ iva naḥ pārayatam yugé ! iva
   nāvéva naḥ pārayataṃ yugéva

Halfverse: b    nábʰyeva na upadʰī́va pradʰī́va /
   nábʰye ! iva naḥ upadʰī́ iva pradʰī́ iva /
   nábʰyeva na upadʰī́va pradʰī́va /

Halfverse: c    śvā́neva no áriṣaṇyā tanū́nāṃ kʰŕ̥galeva visrásaḥ pātam asmā́n //
   śvā́neva no áriṣaṇyā tanū́nāṃ
   śvā́nā iva naḥ áriṣaṇyā tanū́nām
   śvā́neva no áriṣaṇyā tanū́nāṃ

Halfverse: d    kʰŕ̥galeva visrásaḥ pātam asmā́n //
   kʰŕ̥galā iva visrásaḥ pātam asmā́n //
   kʰŕ̥galeva visrásaḥ pātam asmā́n //


Verse: 5 
Halfverse: a    vā́tevājuryā́ nadyèva rītír akṣī́ iva cákṣuṣā́ yātam arvā́k /
   vā́tevājuryā́ nadyèva rītír
   vā́tā iva ajuryā́ nadyā̀ iva rītíḥ
   vā́tevājuryā́ nadíyeva rītír

Halfverse: b    akṣī́ iva cákṣuṣā́ yātam arvā́k /
   akṣī́ iva cákṣuṣā ā́ yātam arvā́k /
   akṣī́ iva cákṣuṣā́ yātam arvā́k /

Halfverse: c    hástāv iva tanvè śámbʰaviṣṭʰā pā́deva no nayataṃ vásyo ácʰa //
   hástāv iva tanvè śámbʰaviṣṭʰā
   hástau iva tanvè śámbʰaviṣṭʰā
   hástāv iva tanúve śámbʰaviṣṭʰā

Halfverse: d    pā́deva no nayataṃ vásyo ácʰa //
   pā́dā iva naḥ nayatam vásyaḥ ácʰa //
   pā́deva no nayataṃ vásyo ácʰa //


Verse: 6 
Halfverse: a    óṣṭʰāv iva mádʰv āsné vádantā stánāv iva pipyataṃ jīváse naḥ /
   óṣṭʰāv iva mádʰv āsné vádantā
   óṣṭʰau iva mádʰu āsné vádantā
   óṣṭʰāv iva mádʰu āsné vádantā

Halfverse: b    stánāv iva pipyataṃ jīváse naḥ /
   stánau iva pipyatam jīváse naḥ /
   stánāv iva pipyataṃ jīváse naḥ /

Halfverse: c    nā́seva nas tanvò rakṣitā́rā kárṇāv iva suśrútā bʰūtam asmé //
   nā́seva nas tanvò rakṣitā́rā
   nā́sā iva naḥ tanvàḥ rakṣitā́rā
   nā́seva nas tanúvo rakṣitā́rā

Halfverse: d    kárṇāv iva suśrútā bʰūtam asmé //
   kárṇau iva suśrútā bʰūtam asmé //
   kárṇāv iva suśrútā bʰūtam asmé //


Verse: 7 
Halfverse: a    hásteva śaktím abʰí saṃdadī́ naḥ kṣā́meva naḥ sám ajataṃ rájāṃsi /
   hásteva śaktím abʰí saṃdadī́ naḥ
   hástā iva śaktím abʰí saṃdadī́ naḥ
   hásteva śaktím abʰí saṃdadī́ naḥ

Halfverse: b    kṣā́meva naḥ sám ajataṃ rájāṃsi /
   kṣā́ma iva naḥ sám ajatam rájāṃsi /
   kṣā́meva naḥ sám ajataṃ rájāṃsi /

Halfverse: c    imā́ gíro aśvinā yuṣmayántīḥ kṣṇótreṇeva svádʰitiṃ sáṃ śiśītam //
   imā́ gíro aśvinā yuṣmayántīḥ
   imā́ḥ gíraḥ aśvinā yuṣmayántīḥ
   imā́ gíro aśvinā yuṣmayántīḥ

Halfverse: d    kṣṇótreṇeva svádʰitiṃ sáṃ śiśītam //
   kṣṇótreṇa iva svádʰitim sám śiśītam //
   kṣṇótreṇeva svádʰitiṃ sáṃ śiśītam //


Verse: 8 
Halfverse: a    etā́ni vām aśvinā várdʰanāni bráhma stómaṃ gr̥tsamadā́so akran /
   etā́ni vām aśvinā várdʰanāni
   etā́ni vām aśvinā várdʰanāni
   etā́ni vām aśvinā várdʰanāni

Halfverse: b    bráhma stómaṃ gr̥tsamadā́so akran /
   bráhma stómam gr̥tsamadā́saḥ akran /
   bráhma stómaṃ gr̥tsamadā́so akran /

Halfverse: c    tā́ni narā jujuṣāṇópa yātam br̥hád vadema vidátʰe suvī́rāḥ //
   tā́ni narā jujuṣāṇópa yātam
   tā́ni narā jujuṣāṇā́ úpa yātam
   tā́ni narā jujuṣāṇópa yātam

Halfverse: d    br̥hád vadema vidátʰe suvī́rāḥ //
   br̥hát vadema vidátʰe suvī́rāḥ //
   br̥hád vadema vidátʰe suvī́rāḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.