TITUS
Rg-Veda: Rg-Veda-Samhita
Part No. 229
Previous part

Hymn: 38_(229) 
Verse: 1 
Halfverse: a    úd u ṣyá deváḥ savitā́ savā́ya śaśvattamáṃ tádapā váhnir astʰāt /
   úd u ṣyá deváḥ savitā́ savā́ya
   út u syá deváḥ savitā́ savā́ya
   úd u ṣyá deváḥ savitā́ savā́ya

Halfverse: b    śaśvattamáṃ tádapā váhnir astʰāt /
   śaśvattamám tádapāḥ váhniḥ astʰāt /
   śaśvattamáṃ tádapā váhnir astʰāt /

Halfverse: c    nūnáṃ devébʰyo ví hí dʰā́ti rátnam átʰā́bʰajad vītíhotraṃ svastaú //
   nūnáṃ devébʰyo ví hí dʰā́ti rátnam
   nūnám devébʰyaḥ ví hí dʰā́ti rátnam
   nūnáṃ devébʰyo ví hí dʰā́ti rátnam

Halfverse: d    átʰā́bʰajad vītíhotraṃ svastaú //
   átʰa ā́ abʰajat vītíhotram svastaú //
   átʰā́bʰajad vītíhotraṃ suastaú //


Verse: 2 
Halfverse: a    víśvasya hí śruṣṭáye devá ūrdʰváḥ prá bāhávā pr̥tʰúpāṇiḥ sísarti /
   víśvasya hí śruṣṭáye devá ūrdʰváḥ
   víśvasya hí śruṣṭáye deváḥ ūrdʰváḥ
   víśvasya hí śruṣṭáye devá ūrdʰváḥ

Halfverse: b    prá bāhávā pr̥tʰúpāṇiḥ sísarti /
   prá bāhávā pr̥tʰúpāṇiḥ sísarti /
   prá bāhávā pr̥tʰúpāṇiḥ sísarti /

Halfverse: c    ā́paś cid asya vratá ā́ nímr̥grā ayáṃ cid vā́to ramate párijman //
   ā́paś cid asya vratá ā́ nímr̥grā
   ā́paḥ cit asya vraté ā́ nímr̥grāḥ
   ā́paś cid asya vratá ā́ nímr̥grā

Halfverse: d    ayáṃ cid vā́to ramate párijman //
   ayám cit vā́taḥ ramate párijman //
   ayáṃ cid vā́to ramate párijman //


Verse: 3 
Halfverse: a    āśúbʰiś cid yā́n ví mucāti nūnám árīramad átamānaṃ cid étoḥ /
   āśúbʰiś cid yā́n ví mucāti nūnám
   āśúbʰiḥ cit yā́n ví mucāti nūnám
   āśúbʰiś cid yā́n ví mucāti nūnám

Halfverse: b    árīramad átamānaṃ cid étoḥ /
   árīramat átamānam cit étoḥ /
   árīramad átamānaṃ cid étoḥ /

Halfverse: c    ahyárṣūṇāṃ cin ny àyām̐ aviṣyā́m ánu vratáṃ savitúr móky ā́gāt //
   ahyárṣūṇāṃ cin ny àyām̐ aviṣyā́m
   ahyárṣūṇām cit ní ayān aviṣyā́m
   ahyárṣūṇāṃ cin ní ayām̐ aviṣyā́m

Halfverse: d    ánu vratáṃ savitúr móky ā́gāt //
   ánu vratám savitúḥ mókī ā́ agāt //
   ánu vratáṃ savitúr móki ā́gāt //


Verse: 4 
Halfverse: a    púnaḥ sám avyad vítataṃ váyantī madʰyā́ kártor ny àdʰāc cʰákma dʰī́raḥ /
   púnaḥ sám avyad vítataṃ váyantī
   púnar sám avyat vítatam váyantī
   púnaḥ sám avyad vítataṃ váyantī

Halfverse: b    madʰyā́ kártor ny àdʰāc cʰákma dʰī́raḥ /
   madʰyā́ kártoḥ ní adʰāt śákma dʰī́raḥ /
   madʰyā́ kártor ní adʰāc cʰákma dʰī́raḥ /

Halfverse: c    út saṃhā́yāstʰād vy r̥̀tū́m̐r adardʰar arámatiḥ savitā́ devá ā́gāt //
   út saṃhā́yāstʰād vy r̥̀tū́m̐r adardʰar
   út saṃhā́ya astʰāt ví r̥tū́n adardʰar
   út saṃhā́yāstʰād ví r̥tū́m̐r adardʰar

Halfverse: d    arámatiḥ savitā́ devá ā́gāt //
   arámatiḥ savitā́ deváḥ ā́ agāt //
   arámatiḥ savitā́ devá ā́gāt //


Verse: 5 
Halfverse: a    nā́naúkāṃsi dúryo víśvam ā́yur ví tiṣṭʰate prabʰaváḥ śóko agnéḥ /
   nā́naúkāṃsi dúryo víśvam ā́yur
   nā́nā ókāṃsi dúryaḥ víśvam ā́yuḥ
   nā́naúkāṃsi dúriyo víśvam ā́yur

Halfverse: b    ví tiṣṭʰate prabʰaváḥ śóko agnéḥ /
   ví tiṣṭʰate prabʰaváḥ śókaḥ agnéḥ /
   ví tiṣṭʰate prabʰaváḥ śóko agnéḥ /

Halfverse: c    jyéṣṭʰam mātā́ sūnáve bʰāgám ā́dʰād ánv asya kétam iṣitáṃ savitrā́ //
   jyéṣṭʰam mātā́ sūnáve bʰāgám ā́dʰād
   jyéṣṭʰam mātā́ sūnáve bʰāgám ā́ adʰāt
   jyéṣṭʰam mātā́ sūnáve bʰāgám ā́dʰād

Halfverse: d    ánv asya kétam iṣitáṃ savitrā́ //
   ánu asya kétam iṣitám savitrā́ //
   ánv asya kétam iṣitáṃ savitrā́ //


Verse: 6 
Halfverse: a    samā́vavarti víṣṭʰito jigīṣúr víśveṣāṃ kā́maś cáratām amā́bʰūt /
   samā́vavarti víṣṭʰito jigīṣúr
   samā́vavarti víṣṭʰitaḥ jigīṣúḥ
   samā́vavarti víṣṭʰito jigīṣúr

Halfverse: b    víśveṣāṃ kā́maś cáratām amā́bʰūt /
   víśveṣām kā́maḥ cáratām amā́ abʰūt /
   víśveṣāṃ kā́maś cáratām amā́bʰūt /

Halfverse: c    śáśvām̐ ápo víkr̥taṃ hitvy ā́gād ánu vratáṃ savitúr daívyasya //
   śáśvām̐ ápo víkr̥taṃ hitvy ā́gād
   śáśvān ápaḥ víkr̥tam hitvī́ ā́ agāt
   śáśvām̐ ápo víkr̥taṃ hitvī́ ā́gād

Halfverse: d    ánu vratáṃ savitúr daívyasya //
   ánu vratám savitúḥ daívyasya //
   ánu vratáṃ savitúr daíviyasya //


Verse: 7 
Halfverse: a    tváyā hitám ápyam apsú bʰāgáṃ dʰánvā́nv ā́ mr̥gayáso ví tastʰuḥ /
   tváyā hitám ápyam apsú bʰāgáṃ
   tváyā hitám ápyam apsú bʰāgám
   tváyā hitám ápiyam apsú bʰāgáṃ

Halfverse: b    dʰánvā́nv ā́ mr̥gayáso ví tastʰuḥ /
   dʰánva ánu ā́ mr̥gayásaḥ ví tastʰuḥ /
   dʰánvā́nu ā́ mr̥gayáso ví tastʰuḥ /

Halfverse: c    vánāni víbʰyo nákir asya tā́ni vratā́ devásya savitúr minanti //
   vánāni víbʰyo nákir asya tā́ni
   vánāni víbʰyaḥ nákiḥ asya tā́ni
   vánāni víbʰyo nákir asya tā́ni

Halfverse: d    vratā́ devásya savitúr minanti //
   vratā́ devásya savitúḥ minanti //
   vratā́ devásya savitúr minanti //


Verse: 8 
Halfverse: a    yādrādʰyàṃ váruṇo yónim ápyam ániśitaṃ nimíṣi járbʰurāṇaḥ /
   yādrādʰyàṃ váruṇo yónim ápyam
   yādrādʰyàm váruṇaḥ yónim ápyam
   yādrādʰíyaṃ váruṇo yónim ápyam

Halfverse: b    ániśitaṃ nimíṣi járbʰurāṇaḥ /
   ániśitam nimíṣi járbʰurāṇaḥ /
   ániśitaṃ nimíṣi járbʰurāṇaḥ /

Halfverse: c    víśvo mārtāṇḍó vrajám ā́ paśúr gāt stʰaśó jánmāni savitā́ vy ā́kaḥ //
   víśvo mārtāṇḍó vrajám ā́ paśúr gāt
   víśvaḥ mārtāṇḍáḥ vrajám ā́ paśúḥ gāt
   víśvo mārtāṇḍó vrajám ā́ paśúr gāt

Halfverse: d    stʰaśó jánmāni savitā́ vy ā́kaḥ //
   stʰaśáḥ jánmāni savitā́ ví ā́ akar //
   stʰaśó jánmāni savitā́ ví ā́kaḥ //


Verse: 9 
Halfverse: a    ná yásyéndro váruṇo ná mitró vratám aryamā́ ná minánti rudráḥ /
   ná yásyéndro váruṇo ná mitró
   ná yásya índraḥ váruṇaḥ ná mitráḥ
   ná yásya índro váruṇo ná mitró

Halfverse: b    vratám aryamā́ ná minánti rudráḥ /
   vratám aryamā́ ná minánti rudráḥ /
   vratám aryamā́ ná minánti rudráḥ /

Halfverse: c    nā́rātayas tám idáṃ svastí huvé deváṃ savitā́raṃ námobʰiḥ //
   nā́rātayas tám idáṃ svastí
   ná árātayaḥ tám idám svastí
   ná árātayas tám idáṃ suastí

Halfverse: d    huvé deváṃ savitā́raṃ námobʰiḥ //
   huvé devám savitā́ram námobʰiḥ //
   huvé deváṃ savitā́raṃ námobʰiḥ //


Verse: 10 
Halfverse: a    bʰágaṃ dʰíyaṃ vājáyantaḥ púraṃdʰiṃ nárāśáṃso gnā́spátir no avyāḥ /
   bʰágaṃ dʰíyaṃ vājáyantaḥ púraṃdʰiṃ
   bʰágam dʰíyam vājáyantaḥ púraṃdʰim
   bʰágaṃ dʰíyaṃ vājáyantaḥ púraṃdʰiṃ

Halfverse: b    nárāśáṃso gnā́spátir no avyāḥ /
   nárāśáṃsaḥ gnā́spátiḥ naḥ avyāḥ /
   nárāśáṃso gnâáspátir no avyāḥ /

Halfverse: c    āyé vāmásya saṃgatʰé rayīṇā́m priyā́ devásya savitúḥ syāma //
   āyé vāmásya saṃgatʰé rayīṇā́m
   āyé vāmásya saṃgatʰé rayīṇā́m
   āyé vāmásya saṃgatʰé rayīṇā́m

Halfverse: d    priyā́ devásya savitúḥ syāma //
   priyā́ḥ devásya savitúḥ syāma //
   priyā́ devásya savitúḥ siyāma //


Verse: 11 
Halfverse: a    asmábʰyaṃ tád divó adbʰyáḥ pr̥tʰivyā́s tváyā dattáṃ kā́myaṃ rā́dʰa ā́ gāt /
   asmábʰyaṃ tád divó adbʰyáḥ pr̥tʰivyā́s
   asmábʰyam tát diváḥ adbʰyáḥ pr̥tʰivyā́ḥ
   asmábʰyaṃ tád divó adbʰyáḥ pr̥tʰivyā́s

Halfverse: b    tváyā dattáṃ kā́myaṃ rā́dʰa ā́ gāt /
   tváyā dattám kā́myam rā́dʰaḥ ā́ gāt /
   tváyā dattáṃ kā́miyaṃ rā́dʰa ā́ gāt /

Halfverse: c    śáṃ yát stotŕ̥bʰya āpáye bʰávāty uruśáṃsāya savitar jaritré //
   śáṃ yát stotŕ̥bʰya āpáye bʰávāty
   śám yát stotŕ̥bʰyaḥ āpáye bʰávāti
   śáṃ yát stotŕ̥bʰya āpáye bʰávāti

Halfverse: d    uruśáṃsāya savitar jaritré //
   uruśáṃsāya savitar jaritré //
   uruśáṃsāya savitar jaritré //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.