TITUS
Rg-Veda: Rg-Veda-Samhita
Part No. 228
Previous part

Hymn: 37_(228) 
Verse: 1 
Halfverse: a    mándasva hotrā́d ánu jóṣam ándʰasó 'dʰvaryavaḥ sá pūrṇā́ṃ vaṣṭy āsícam /
   mándasva hotrā́d ánu jóṣam ándʰasó
   mándasva hotrā́t ánu jóṣam ándʰasaḥ
   mándasva hotrā́d ánu jóṣam ándʰaso

Halfverse: b    'dʰvaryavaḥ sá pūrṇā́ṃ vaṣṭy āsícam /
   ádʰvaryavaḥ sá pūrṇā́m vaṣṭi āsícam /
   ádʰvaryavaḥ sá pūrṇā́ṃ vaṣṭi āsícam /

Halfverse: c    tásmā etám bʰarata tadvaśó dadír hotrā́d sómaṃ draviṇodaḥ píba r̥túbʰiḥ //
   tásmā etám bʰarata tadvaśó dadír
   tásmai etám bʰarata tadvaśáḥ dadíḥ
   tásmā etám bʰarata tadvaśó dadír

Halfverse: d    hotrā́d sómaṃ draviṇodaḥ píba r̥túbʰiḥ //
   hotrā́t sómam draviṇodaḥ píba r̥túbʰiḥ //
   hotrā́d sómaṃ draviṇodaḥ píba rtúbʰiḥ //


Verse: 2 
Halfverse: a    yám u pū́rvam áhuve tám idáṃ huve séd u hávyo dadír yó nā́ma pátyate /
   yám u pū́rvam áhuve tám idáṃ huve
   yám u pū́rvam áhuve tám idám huve
   yám u pū́rvam áhuve tám idáṃ huve

Halfverse: b    séd u hávyo dadír yó nā́ma pátyate /
   sá ít u hávyaḥ dadíḥ yáḥ nā́ma pátyate /
   séd u hávyo dadír yó nā́ma pátyate /

Halfverse: c    adʰvaryúbʰiḥ prástʰitaṃ somyám mádʰu potrā́t sómaṃ draviṇodaḥ píba r̥túbʰiḥ //
   adʰvaryúbʰiḥ prástʰitaṃ somyám mádʰu
   adʰvaryúbʰiḥ prástʰitam somyám mádʰu
   adʰvaryúbʰiḥ prástʰitaṃ somiyám mádʰu

Halfverse: d    potrā́t sómaṃ draviṇodaḥ píba r̥túbʰiḥ //
   potrā́t sómam draviṇodaḥ píba r̥túbʰiḥ //
   potrā́t sómaṃ draviṇodaḥ píba rtúbʰiḥ //


Verse: 3 
Halfverse: a    médyantu te váhnayo yébʰir ī́yasé 'riṣaṇyan vīḷayasvā vanaspate /
   médyantu te váhnayo yébʰir ī́yasé
   médyantu te váhnayaḥ yébʰiḥ ī́yase
   médyantu te váhnayo yébʰir ī́yase

Halfverse: b    'riṣaṇyan vīḷayasvā vanaspate /
   áriṣaṇyan vīḷayasva+ vanaspate /
   áriṣaṇyan vīḷayasvā vanaspate /

Halfverse: c    āyū́yā dʰr̥ṣṇo abʰigū́ryā tváṃ neṣṭrā́t sómaṃ draviṇodaḥ píba r̥túbʰiḥ //
   āyū́yā dʰr̥ṣṇo abʰigū́ryā tváṃ
   āyū́ya+ dʰr̥ṣṇo abʰigū́rya+ tvám
   āyū́yā dʰŕ̥ṣṇo abʰigū́riyā tuváṃ

Halfverse: d    neṣṭrā́t sómaṃ draviṇodaḥ píba r̥túbʰiḥ //
   neṣṭrā́t sómam draviṇodaḥ píba r̥túbʰiḥ //
   neṣṭrā́t sómaṃ draviṇodaḥ píba rtúbʰiḥ //


Verse: 4 
Halfverse: a    ápād dʰotrā́d utá potrā́d amattotá neṣṭrā́d ajuṣata práyo hitám /
   ápād dʰotrā́d utá potrā́d amatta_
   ápāt hotrā́t utá potrā́t amatta
   ápād dʰotrā́d utá potrā́d amatta

Halfverse: b    _utá neṣṭrā́d ajuṣata práyo hitám /
   utá neṣṭrā́t ajuṣata práyaḥ hitám /
   utá neṣṭrā́d ajuṣata práyo hitám /

Halfverse: c    turī́yam pā́tram ámr̥ktam ámartyaṃ draviṇodā́ḥ pibatu drāviṇodasáḥ //
   turī́yam pā́tram ámr̥ktam ámartyaṃ
   turī́yam pā́tram ámr̥ktam ámartyam
   turī́yam pā́tram ámr̥ktam ámartiyaṃ

Halfverse: d    draviṇodā́ḥ pibatu drāviṇodasáḥ //
   draviṇodā́ḥ pibatu drāviṇodasáḥ //
   draviṇodā́ḥ pibatu drāviṇodasáḥ //


Verse: 5 
Halfverse: a    arvā́ñcam adyá yayyàṃ nr̥vā́haṇaṃ rátʰaṃ yuñjātʰām ihá vāṃ vimócanam /
   arvā́ñcam adyá yayyàṃ nr̥vā́haṇaṃ
   arvā́ñcam adyá yayyàm nr̥vā́haṇam
   arvā́ñcam adyá yayíyaṃ nr̥vā́haṇaṃ

Halfverse: b    rátʰaṃ yuñjātʰām ihá vāṃ vimócanam /
   rátʰam yuñjātʰām ihá vām vimócanam /
   rátʰaṃ yuñjātʰām ihá vāṃ vimócanam /

Halfverse: c    pr̥ṅktáṃ havī́ṃṣi mádʰunā́ hí kaṃ gatám átʰā sómam pibataṃ vājinīvasū //
   pr̥ṅktáṃ havī́ṃṣi mádʰunā́ hí kaṃ gatám
   pr̥ṅktám havī́ṃṣi mádʰunā ā́ hí kam gatám
   pr̥ṅktáṃ havī́ṃṣi mádʰunā́ hí kaṃ gatám

Halfverse: d    átʰā sómam pibataṃ vājinīvasū //
   átʰa+ sómam pibatam vājinīvasū //
   átʰā sómam pibataṃ vājinīvasū //


Verse: 6 
Halfverse: a    jóṣy agne samídʰaṃ jóṣy ā́hutiṃ jóṣi bráhma jányaṃ jóṣi suṣṭutím /
   jóṣy agne samídʰaṃ jóṣy ā́hutiṃ
   jóṣi agne samídʰam jóṣi ā́hutim
   jóṣi agne samídʰaṃ jóṣi ā́hutiṃ

Halfverse: b    jóṣi bráhma jányaṃ jóṣi suṣṭutím /
   jóṣi bráhma jányam jóṣi suṣṭutím /
   jóṣi bráhma jániyaṃ jóṣi suṣṭutím /

Halfverse: c    víśvebʰir víśvām̐ r̥túnā vaso mahá uśán devā́m̐ uśatáḥ pāyayā havíḥ //
   víśvebʰir víśvām̐ r̥túnā vaso mahá
   víśvebʰiḥ víśvān r̥túnā vaso maháḥ
   víśvebʰir víśvām̐ r̥túnā vaso mahá

Halfverse: d    uśán devā́m̐ uśatáḥ pāyayā havíḥ //
   uśán devā́n uśatáḥ pāyaya+ havíḥ //
   uśán devā́m̐ uśatáḥ pāyayā havíḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.