TITUS
Rg-Veda: Rg-Veda-Samhita
Part No. 243
Previous part

Hymn: 9_(243) 
Verse: 1 
Halfverse: a    sákʰāyas tvā vavr̥mahe devám mártāsa ūtáye /
   sákʰāyas tvā vavr̥mahe
   sákʰāyaḥ tvā vavr̥mahe
   sákʰāyas tvā vavr̥mahe

Halfverse: b    devám mártāsa ūtáye /
   devám mártāsaḥ ūtáye /
   devám mártāsa ūtáye /

Halfverse: c    apā́ṃ nápātaṃ subʰágaṃ sudī́ditiṃ suprátūrtim anehásam //
   apā́ṃ nápātaṃ subʰágaṃ sudī́ditiṃ
   apā́m nápātam subʰágam sudī́ditim
   apā́ṃ nápātaṃ subʰágaṃ sudī́ditiṃ

Halfverse: d    suprátūrtim anehásam //
   suprátūrtim anehásam //
   suprátūrtim anehásam //


Verse: 2 
Halfverse: a    kā́yamāno vanā́ tváṃ yán mātŕ̥̄r ájagann apáḥ /
   kā́yamāno vanā́ tváṃ
   kā́yamānaḥ vanā́ tvám
   kā́yamāno vanā́ tuváṃ

Halfverse: b    yán mātŕ̥̄r ájagann apáḥ /
   yát mātŕ̥̄ḥ ájagan apáḥ /
   yán mātŕ̥̄r ájagann apáḥ /

Halfverse: c    ná tát te agne pramŕ̥ṣe nivártanaṃ yád dūré sánn ihā́bʰavaḥ //
   ná tát te agne pramŕ̥ṣe nivártanaṃ
   ná tát te agne pramŕ̥ṣe nivártanam
   ná tát te agne pramŕ̥ṣe nivártanaṃ

Halfverse: d    yád dūré sánn ihā́bʰavaḥ //
   yát dūré sán ihá ábʰavaḥ //
   yád dūré sánn ihā́bʰavaḥ //


Verse: 3 
Halfverse: a    áti tr̥ṣṭáṃ vavakṣitʰā́tʰaivá sumánā asi /
   áti tr̥ṣṭáṃ vavakṣitʰa_
   áti tr̥ṣṭám vavakṣitʰa
   áti tr̥ṣṭáṃ vavakṣitʰa

Halfverse: b    _átʰaivá sumánā asi /
   átʰa evá sumánāḥ asi /
   átʰaivá sumánā asi /

Halfverse: c    prá-prānyé yánti páry anyá āsate yéṣāṃ sakʰyé ási śritáḥ //
   prá-prānyé yánti páry anyá āsate
   prá-pra anyé yánti pári anyé āsate
   prá-prānyé yánti pári anyá āsate

Halfverse: d    yéṣāṃ sakʰyé ási śritáḥ //
   yéṣām sakʰyé ási śritáḥ //
   yéṣāṃ sakʰyé ási śritáḥ //


Verse: 4 
Halfverse: a    īyivā́ṃsam áti srídʰaḥ śáśvatīr áti saścátaḥ /
   īyivā́ṃsam áti srídʰaḥ
   īyivā́ṃsam áti srídʰaḥ
   īyivā́ṃsam áti srídʰaḥ

Halfverse: b    śáśvatīr áti saścátaḥ /
   śáśvatīḥ áti saścátaḥ /
   śáśvatīr áti saścátaḥ /

Halfverse: c    ánv īm avindan nicirā́so adrúho 'psú siṃhám iva śritám //
   ánv īm avindan nicirā́so adrúho
   ánu īm avindan nicirā́saḥ adrúhaḥ
   ánv īm avindan nicirā́so adrúho

Halfverse: d    'psú siṃhám iva śritám //
   apsú siṃhám iva śritám //
   apsú siṃhám iva śritám //


Verse: 5 
Halfverse: a    sasr̥vā́ṃsam iva tmánāgním ittʰā́ tiróhitam /
   sasr̥vā́ṃsam iva tmánā_
   sasr̥vā́ṃsam iva tmánā
   sasr̥vā́ṃsam iva tmánā

Halfverse: b    _agním ittʰā́ tiróhitam /
   agním ittʰā́ tiróhitam /
   agním ittʰā́ tiróhitam /

Halfverse: c    aínaṃ nayan mātaríśvā parāváto devébʰyo matʰitám pári //
   aínaṃ nayan mātaríśvā parāváto
   ā́ enam nayat mātaríśvā parāvátaḥ
   aínaṃ nayan mātaríśvā parāváto

Halfverse: d    devébʰyo matʰitám pári //
   devébʰyaḥ matʰitám pári //
   devébʰyo matʰitám pári //


Verse: 6 
Halfverse: a    táṃ tvā mártā agr̥bʰṇata devébʰyo havyavāhana /
   táṃ tvā mártā agr̥bʰṇata
   tám tvā mártāḥ agr̥bʰṇata
   táṃ tvā mártā agr̥bʰṇata

Halfverse: b    devébʰyo havyavāhana /
   devébʰyaḥ havyavāhana /
   devébʰyo havyavāhana /

Halfverse: c    víśvān yád yajñā́m̐ abʰipā́si mānuṣa táva krátvā yaviṣṭʰya //
   víśvān yád yajñā́m̐ abʰipā́si mānuṣa
   víśvān yát yajñā́n abʰipā́si mānuṣa
   víśvān yád yajñā́m̐ abʰipā́si mānuṣa

Halfverse: d    táva krátvā yaviṣṭʰya //
   táva krátvā yaviṣṭʰya //
   táva krátvā yaviṣṭʰiya //


Verse: 7 
Halfverse: a    tád bʰadráṃ táva daṃsánā pā́kāya cic cʰadayati /
   tád bʰadráṃ táva daṃsánā
   tát bʰadrám táva daṃsánā
   tád bʰadráṃ táva daṃsánā

Halfverse: b    pā́kāya cic cʰadayati /
   pā́kāya cit cʰadayati /
   pā́kāya cic cʰadayati /

Halfverse: c    tvā́ṃ yád agne paśávaḥ samā́sate sámiddʰam apiśarvaré //
   tvā́ṃ yád agne paśávaḥ samā́sate
   tvā́m yát agne paśávaḥ samā́sate
   tuvā́ṃ yád agne paśávaḥ samā́sate

Halfverse: d    sámiddʰam apiśarvaré //
   sámiddʰam apiśarvaré //
   sámiddʰam apiśarvaré //


Verse: 8 
Halfverse: a    ā́ juhotā svadʰvaráṃ śīrám pāvakáśociṣam /
   ā́ juhotā svadʰvaráṃ
   ā́ juhota+ svadʰvarám
   ā́ juhotā suadʰvaráṃ

Halfverse: b    śīrám pāvakáśociṣam /
   śīrám pāvakáśociṣam /
   śīrám pavākáśociṣam /

Halfverse: c    āśúṃ dūtám ajirám pratnám ī́ḍyaṃ śruṣṭī́ deváṃ saparyata //
   āśúṃ dūtám ajirám pratnám ī́ḍyaṃ
   āśúm dūtám ajirám pratnám ī́ḍyam
   āśúṃ dūtám ajirám pratnám ī́ḍiyaṃ

Halfverse: d    śruṣṭī́ deváṃ saparyata //
   śruṣṭī́ devám saparyata //
   śruṣṭī́ deváṃ saparyata //


Verse: 9 
Halfverse: a    trī́ṇi śatā́ trī́ sahásrāṇy agníṃ triṃśác ca devā́ náva cāsaparyan /
   trī́ṇi śatā́ trī́ sahásrāṇy agníṃ
   trī́ṇi śatā́ trī́ sahásrāṇi agním
   trī́ṇi śatā́ trī́ sahásrāṇi agníṃ

Halfverse: b    triṃśác ca devā́ náva cāsaparyan /
   triṃśát ca devā́ḥ náva ca asaparyan /
   triṃśác ca devā́ náva cāsaparyan /

Halfverse: c    aúkṣan gʰr̥taír ástr̥ṇan barhír asmā ā́d íd dʰótāraṃ ny àsādayanta //
   aúkṣan gʰr̥taír ástr̥ṇan barhír asmā
   aúkṣan gʰr̥taíḥ ástr̥ṇan barhíḥ asmai
   aúkṣan gʰr̥taír ástr̥ṇan barhír asmā

Halfverse: d    ā́d íd dʰótāraṃ ny àsādayanta //
   ā́t ít hótāram ní asādayanta //
   ā́d íd dʰótāraṃ ní asādayanta //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.