TITUS
Atharva-Veda: Gopatha-Brahmana
Part No. 12
Previous part

Prapathaka: 5 
Khanda: 1 
Sentence: a    om ahar vai devā āśrayanta rātrīm asurās
Sentence: b    te samāvadvīryā evāsan
Sentence: c    no vyāvartanta
Sentence: d    so 'bravīd indraḥ kaś cāhaṃ cemān asurān rātrīm anvaiṣyāvahā iti [ed. anvaiṣyāmaha, corr. Patyal]
Sentence: e    sa deveṣu na pratyavindat_
Sentence: f    abibʰayū rātrestamaso mr̥tyos
Sentence: g    tama iva hi rātriḥ_
Sentence: h    mr̥tyur vai tamas
Sentence: i    tasmād dʰāpy etarhi bʰūyān iva naktaṃ sa yāvan mātram ivāpakramya bibʰeti
Sentence: j    taṃ vai chandāṃsy evānvavāyan_
Sentence: k    tad yac chandāṃsy evānvavāyaṃs tasmād indraś ca chandāṃsi ca rātriṃ vahanti
Sentence: l    na nivic chasyate na puroruṅ na dʰāyyā nānyā devatā
Sentence: m    indraś ca hy eva chandāṃsi ca rātriṃ vahanti
Sentence: n    tān vai paryāyaiḥ paryāyam anudanta
Sentence: o    yat paryāyaiḥ paryāyam anudanta tasmāt paryāyās
Sentence: p    tat paryāyāṇāṃ paryāyatvam_
Sentence: q    tān vai pratʰamair eva paryāyaiḥ pūrvarātrād anudanta madʰyamair madʰyarātrād uttamair apararātrāt_
Sentence: r    apiśarvaryā apismasīty abruvan_
Sentence: s    tad yad apiśarvaryā apismasīty abruvaṃs tad apiśarvarāṇām apiśarvaratvam_
Sentence: t    śarvarāṇi kʰalu ha vā asyaitāni chandāṃsīti ha smāha_
Sentence: u    etāni ha vā indraṃ rātryās tamaso mr̥tyor abʰipatyāvārayan_
Sentence: v    tad apiśarvarāṇām apiśarvaratvam \\ 1 \\

Khanda: 2 
Sentence: a    pratʰameṣu paryāyeṣu stuvate pratʰamāny eva padāni punar ādadate
Sentence: b    yad evaiṣāṃ manoratʰā āsaṃs tad evaiṣāṃ tenādadate
Sentence: c    madʰyameṣu paryāyeṣu stuvate madʰyamāny eva padāni punar ādadate
Sentence: d    yad evaiṣām aśvā gāva āsaṃs tad evaiṣāṃ tenādadate_
Sentence: e    uttameṣu paryāyeṣu stuvata uttamāny eva padāni punar ādadate
Sentence: f    yad evaiṣāṃ vāso hiraṇyaṃ maṇir adʰyātmam āsīt tad evaiṣāṃ tenādadate_
Sentence: g    ā dviṣato vasu datte nir evainam ebʰyaḥ sarvebʰyo lokebʰyo nudate ya evaṃ veda \\ 2 \\

Khanda: 3 
Sentence: a    pavamānavad ahar ity āhur na rātriḥ pavamānavatī
Sentence: b    katʰam ubʰe pavamānavatī bʰavataḥ
Sentence: c    kena te samāvadbʰājau bʰavata iti
Sentence: d    yad evendrāya madvane sutam idaṃ vaso sutam andʰa idaṃ hy anvojasā sutam iti stuvanti ca śaṃsanti ca tena rātriḥ pavamānavatī
Sentence: e    tenobʰe pavamānavatī bʰavatas
Sentence: f    tena te samāvadbʰājau bʰavataḥ
Sentence: g    pañcadaśastotram ahar ity āhur na rātriḥ pañcadaśastotrā
Sentence: h    katʰam ubʰe pañcadaśastotre bʰavataḥ
Sentence: i    kena te samāvadbʰājau bʰavata iti
Sentence: j    dvādaśa stotrāṇy apiśarvarāṇi
Sentence: k    tisr̥bʰir devatābʰiḥ saṃdʰinā rātʰaṃtareṇāśvināya stuvate
Sentence: l    tena rātriḥ pañcadaśastotrā
Sentence: m    tenobʰe pañcadaśastotre bʰavatas
Sentence: n    tena te samāvadbʰājau bʰavataḥ
Sentence: o    parimitaṃ stuvanty aparimitamanuśaṃsanti
Sentence: p    parimitaṃ bʰūtam aparimitaṃ bʰavyam
Sentence: q    aparimitāny evāvarundʰyād ity atiśaṃsati stomam
Sentence: r    ati vai prajāsyātmānam ati paśavas
Sentence: s    tad yad evāsyātyātmānaṃ tad evāsyaitenāpyāyayanti_
Sentence: t    atʰo dvayaṃ vā idaṃ sarvaṃ snehaś caiva tejaś ca_
Sentence: u    atʰa tad ahorātrābʰyām āptam_
Sentence: v    snehatejasor āptyai
Sentence: w    gāyatrān stotriyānurūpāñ chaṃsanti
Sentence: x    tejo vai gāyatrī
Sentence: y    tamaḥ pāpmā rātris
Sentence: z    tena tejasā tamaḥ pāpmānaṃ taranti
Sentence: aa    punarādāyaṃ śaṃsanti_
Sentence: bb    evaṃ hi sāmagā stuvate
Sentence: cc    yatʰā stutam anuśastaṃ bʰavati
Sentence: dd    na hi tat stutaṃ yan nānuśastam_
Sentence: ee    tad āhur atʰa kasmād uttamāt pratīhārād āhūya sāmnā śastram upasaṃtanvantīti \\ 3 \\

Khanda: 4 
Sentence: a    puruṣo vai yajñas
Sentence: b    tasya śira eva havirdʰānam_
Sentence: c    mukʰam āhavanīyaḥ_
Sentence: d    udaraṃ sadaḥ_
Sentence: e    annam uktʰāni
Sentence: f    bāhū mārjālīyaś cāgnīdʰrīyaś ca
Sentence: g    yā imā devatās te 'ntaḥsadasaṃ dʰiṣṇyāḥ
Sentence: h    pratiṣṭʰe gārhapatyavrataśrapaṇāv ity atʰāparam_
Sentence: i    tasya mana eva brahmā
Sentence: j    prāṇa udgātā_
Sentence: k    apānaḥ prastotā
Sentence: l    vyānaḥ pratihartā
Sentence: m    vāg gʰotā
Sentence: n    cakṣur adʰvaryuḥ
Sentence: o    prajāti sadasyaḥ_
Sentence: p    aṅgāni hotrāśaṃsinaḥ_
Sentence: q    ātmā yajamānas
Sentence: r    tad yad adʰvaryuḥ stotram upākaroti somaḥ pavata iti cakṣur eva tat prāṇaiḥ saṃdadʰāti_
Sentence: s    atʰa yat prastotā brahmāṇam āmantrayate brahmant stoṣyāmaḥ praśāstar iti mano 'graṇīr bʰavati_
Sentence: t    eteṣāṃ prāṇānāṃ manasā hi prasūtā stomena stuyāmeti
Sentence: u    prāṇān eva tan manasā saṃdadʰāti_
Sentence: v    atʰa yad brahmā stutety uccair anujānāti mano vai brahmā
Sentence: w    mana eva tat prāṇaiḥ saṃdadʰāti_
Sentence: x    atʰa yat prastotā prastauty apānam eva tat prāṇaiḥ saṃdadʰāti_
Sentence: y    atʰa yat pratihartā pratiharati vyānam eva tad apānaiḥ saṃdadʰāti_
Sentence: z    atʰa yad udgātodgāyati samānam eva tat prāṇaiḥ saṃdadʰāti_
Sentence: aa    atʰa yad dʰotā sāmnā śastram upasaṃtanoti vāg vai hotā vācam eva tat prāṇaiḥ saṃdadʰāti_
Sentence: bb    atʰa yat sadasyo brahmāṇam upāsīdati prajātir vai sadasyaḥ prajātim evāpnoti_
Sentence: cc    atʰa yad dʰotrāśaṃsinaḥ sāmasaṃtatiṃ kurvanty aṅgāni vai hotrāśaṃsino 'ṅgāny evāsya tat prāṇaiḥ saṃdadʰāti_
Sentence: dd    atʰa yad yajamānaḥ stotram upāsīdaty ātmā vai yajamāna ātmānam evāsya tat kalpayati
Sentence: ee    tasmān nainaṃ bahirvedyabʰyāśrāvayet_
Sentence: ff    nābʰyudiyāt_
Sentence: gg    nābʰyastamiyāt_
Sentence: hh    nādʰiṣṇye pratapet_
Sentence: ii    net prāṇebʰya ātmānam antaragād iti \\ 4 \\

Khanda: 5 
Sentence: a    pratʰameṣu paryāyeṣu stuvate pratʰameṣu padeṣu ninardayanti pratʰamarātrād eva tad asurān nirgʰnanti
Sentence: b    madʰyameṣu paryāyeṣu stuvate madʰyameṣu padeṣu ninardayanti
Sentence: c    madʰyamarātrād eva tad asurān nirgʰnanti_
Sentence: d    uttameṣu paryāyeṣu stuvata uttameṣu padeṣu ninardayanti_
Sentence: e    uttamarātrād eva tad asurān nirgʰnanti
Sentence: f    tad yatʰābʰyāgāraṃ punaḥpunaḥ pāpmānaṃ nirharanty evam evaitat stotriyānurūpābʰyām ahorātrābʰyām eva tad asurān nirgʰnanti
Sentence: g    gāyatrīṃ śaṃsanti tejo vai brahmavarcasaṃ gāyatrī
Sentence: h    teja evāsmai tad brahmavarcasaṃ yajamāne dadʰati
Sentence: i    gāyatrīḥ śastvā jagatīḥ śaṃsanti
Sentence: j    brahma ha vai jagatī
Sentence: k    brahmaṇaivāsmai tad brahmavarcasaṃ yajamāne dadʰati
Sentence: l    vyāhvayante gāyatrīś ca jagatīś cāntareṇa
Sentence: m    chandāṃsy eva tan nānāvīryāṇi kurvanti
Sentence: n    jagatīḥ śastvā triṣṭubʰaḥ śaṃsanti
Sentence: o    paśavo vai jagatī
Sentence: p    paśūn eva tat triṣṭubbʰiḥ paridadʰati
Sentence: q    balaṃ vai vīryaṃ triṣṭup_
Sentence: r    balam eva tad vīrye 'ntataḥ pratiṣṭʰāpayati_
Sentence: s    andʰasvatyo madvatyaḥ sutavatyaḥ pītavatyas triṣṭubʰo yājyāḥ samr̥ddʰāḥ sulakṣaṇāḥ_
Sentence: t    etad vai rātrīrūpam_
Sentence: u    jāgr̥yād rātrim_
Sentence: v    yāvad u ha vai na vā stuvate na vā śasyate tāvad īśvarā asurā rakṣāṃsi ca yajñam anvavanayanti
Sentence: w    tasmād āhavanīyaṃ samiddʰam āgnīdʰrīyaṃ gārhapatyaṃ dʰiṣṇyān samujjvalayateti bʰāṣeran
Sentence: x    jvalayeran
Sentence: y    prakāśam ivaiva tat syāt_
Sentence: z    ārebʰantaḥ śayīran_
Sentence: aa    tān ha taḥ śreṣṭʰo vā iti pāpmā nābʰivr̥kṇoti
Sentence: bb    te tamaḥ pāpmānam apāgʰnate te tamaḥ pāpmānamapāgʰnate \\ 5 \\

Khanda: 6 
Sentence: a    viśvarūpaṃ vai tvāṣṭram indro 'han
Sentence: b    sa tvaṣṭā hataputro 'bʰicaraṇīyam apendraṃ somam āharat
Sentence: c    tasyendro yajñaveśasaṃ kr̥tvā prāsahā somam apibat
Sentence: d    sa viṣvaṅ vyārchat
Sentence: e    tasmāt somo nānupahūtena [na] pātavyaḥ
Sentence: f    somapītʰo 'sya vyardʰuko bʰavati
Sentence: g    tasya mukʰāt prāṇebʰyaḥ śrīr yaśāṃsy ūrdʰvāny udakrāman_ [ed. praṇebʰyaḥ, corr. Patyal]
Sentence: h    tāni paśūn prāviśan_
Sentence: i    tasmāt paśavo yaśaḥ_
Sentence: j    yaśo ha bʰavati ya evaṃ veda
Sentence: k    tato 'smā etad aśvinau ca sarasvatī ca yajñaṃ samabʰarant sautrāmaṇiṃ bʰaiṣajyāya
Sentence: l    tayendram abʰyaṣiñcan_
Sentence: m    tato vai sa devānāṃ śreṣṭʰo 'bʰavat_
Sentence: n    śreṣṭʰaḥ svānāṃ cānyeṣāṃ ca bʰavati ya evaṃ veda yaś caivaṃvidvānt sautrāmaṇyābʰiṣicyate \\ 6 \\

Khanda: 7 
Sentence: a    atʰa sāma gāyati brahmā
Sentence: b    kṣatraṃ vai sāma
Sentence: c    kṣatreṇaivainaṃ tad abʰiṣiñcati_
Sentence: d    atʰo sāmrājyaṃ vai sāma
Sentence: e    sāmrājyenaivainaṃ tat sāmrājyaṃ gamayati_
Sentence: f    atʰo sarveṣāṃ vā eṣa vedānāṃ raso yat sāma
Sentence: g    sarveṣām eva tad vedānāṃ rasenābʰiṣiñcati
Sentence: h    br̥hatyāṃ gāyati
Sentence: i    br̥hatyāṃ vā asāv ādityaḥ śriyāṃ pratiṣṭʰāyāṃ pratiṣṭʰitas tapati_
Sentence: j    aindryāṃ br̥hatyāṃ gāyati_
Sentence: k    aindro vā eṣa yajñakratur yat sautrāmaṇiḥ_
Sentence: l    indrāyatana eṣa etarhi yo yajate
Sentence: m    sva evainaṃ tad āyatane prīṇāti_
Sentence: n    atʰa kasmāt saṃśānāni nāma_
Sentence: o    etair vai sāmabʰir devā indram indriyeṇa vīryeṇa samaśyan_
Sentence: p    tatʰaivaitad yajamānā etair eva sāmabʰir
Sentence: q    indriyeṇaiva vīryeṇa saṃśyanti [ed. vīryena]
Sentence: r    saṃśravase viśravase satyaśravase śravasa iti sāmāni bʰavanti_
Sentence: s    eṣv evainaṃ lokeṣu pratiṣṭʰāpayati caturnidʰanaṃ bʰavati
Sentence: t    catasro vai diśaḥ_
Sentence: u    dikṣu tat pratitiṣṭʰante_
Sentence: v    atʰo catuṣpādaḥ paśavaḥ
Sentence: w    paśūnām āptyai
Sentence: x    tad āhur yad etat sāma gīyate 'tʰa kvaitasya sāmna uktʰaṃ kā pratiṣṭʰā
Sentence: y    trayā devā ekādaśety āhuḥ_
Sentence: z    etad vā etasya sāmna uktʰam eṣā pratiṣṭʰā
Sentence: aa    trayastriṃśaṃ grahaṃ gr̥hṇāti
Sentence: bb    sāmnaḥ pratiṣṭʰāyai pratiṣṭʰāyai \\ 7 \\

Khanda: 8 
Sentence: a    prajāpatir akāmayata vājam āpnuyāṃ svargaṃ lokam iti
Sentence: b    sa etaṃ vājapeyam apaśyat_
Sentence: c    vājapeyo vā eṣa ya eṣa tapati
Sentence: d    vājam etena yajamānaḥ svargaṃ lokam āpnoti
Sentence: e    śukravatyo jyotiṣmatyaḥ prātaḥsavane bʰavanti
Sentence: f    tejo brahmavarcasaṃ tābʰir āpnoti
Sentence: g    vājavatyo mādʰyaṃdine savane
Sentence: h    svargasya lokasya samaṣṭyai_
Sentence: i    annavatyo gaṇavatyaḥ paśumatyas tr̥tīyasavane bʰavanti
Sentence: j    bʰūmānaṃ tābʰir āpnoti
Sentence: k    sarvaḥ saptadaśo bʰavati
Sentence: l    prajāpatir vai saptadaśaḥ
Sentence: m    prajāpatim evāpnoti
Sentence: n    hiraṇyasraja r̥tvijo bʰavanti
Sentence: o    mahasa eva tad rūpaṃ kriyate_
Sentence: p    eṣa me 'muṣmiṃl loke prakāśo 'sad iti
Sentence: q    jyotir vai hiraṇyam_
Sentence: r    jyotiṣaivainam antardadʰati_
Sentence: s    ājiṃ dʰāvanti
Sentence: t    yajamānam ujjāpayanti
Sentence: u    nākaṃ rohati samahase rohati viśvamahase rohati sarvamahase rohati
Sentence: v    manuṣyalokād evainam antardadʰati
Sentence: w    devasya savituḥ save svargaṃ lokaṃ varṣiṣṭʰaṃ nākaṃ roheyam iti brahmā ratʰacakraṃ sarpati
Sentence: x    savitr̥prasūta evainaṃ tat sarpati_
Sentence: y    atʰo prajāpatir vai brahmā
Sentence: z    prajāpatim evainaṃ vajrād adʰiprasuvati
Sentence: aa    nākasyojjityai
Sentence: bb    vājināṃ saṃtatyai
Sentence: cc    vājisāmābʰigāyati
Sentence: dd    vājimān bʰavati
Sentence: ee    vājo vai svargaṃ lokaḥ
Sentence: ff    svargam eva tal lokaṃ rohati
Sentence: gg    viṣṇoḥ śipiviṣṭavatīṣu br̥had uttamaṃ bʰavati
Sentence: hh    svargam eva tal lokaṃ rūḍʰvā bradʰnasya viṣṭapam atikrāmaty atikrāmati \\ 8 \\

Khanda: 9 
Sentence: a    atʰāto 'ptoryāmā
Sentence: b    prajāpatir vai yat prajā asr̥jata tā vai tāntā asr̥jata
Sentence: c    tāḥ sr̥ṣṭāḥ parācya evāsan
Sentence: d    nopāvartanta
Sentence: e    tā ekena stomenopāgr̥hṇāt
Sentence: f    tā atyaricyanta
Sentence: g    tā dvābʰyām_
Sentence: h    tāḥ sarvais
Sentence: i    tasmāt sarvastomas
Sentence: j    tā ekena pr̥ṣṭʰenopāgr̥hṇāt
Sentence: k    tā atyaricyanata
Sentence: l    tā dvābʰyām_
Sentence: m    tāḥ sarvais
Sentence: n    tasmāt sarvapr̥ṣṭʰas
Sentence: o    tā atiriktoktʰe vāravantīyenāvārayan_
Sentence: p    tasmād eṣo 'tiriktoktʰavān bʰavati
Sentence: q    tasmād vāravantīyam_
Sentence: r    tā yad āptvāyacchad ato vā aptoryāmā_
Sentence: s    atʰo prajā vā aptur ity āhuḥ
Sentence: t    prajānāṃ yamana iti haivaitad uktaṃ tā barhiḥ prajā aśnāyeran_ [ed. prajāśnāyeraṃs, corr. Patyal]
Sentence: u    tarhi haitaina yajate
Sentence: v    sa eṣo 'ṣṭāpr̥ṣṭʰo bʰavati
Sentence: w    tad yatʰānyasmin yajñe viśvajitaḥ pr̥ṣṭʰam anu saṃcaraṃ bʰavati katʰam etad evam atreti
Sentence: x    pitaiṣa yajñānām_
Sentence: y    tad yatʰā śreṣṭʰini saṃvaśreyur api vidviṣāṇā evam evaitac chreṣṭʰino vaśeyānnam annasyānucaryāya kṣamante \\ 9 \\

Khanda: 10 
Sentence: a    tadyatʰaivādo 'hna uktʰānām āgneyaṃ pratʰamaṃ bʰavaty evam evaitad atrāpy āgneyaṃ pratʰamaṃ bʰavati_
Sentence: b    aindre vāva tatrottare [ed. aidre]
Sentence: c    aindre vā ete
Sentence: d    aindrāvaiṣṇavam acchāvākasyoktʰaṃ bʰavati
Sentence: e    caturāhāvāny atiriktoktʰāni bʰavanti
Sentence: f    paśavo vā uktʰāni
Sentence: g    catuṣṭayā vai paśavaḥ_
Sentence: h    atʰo catuṣpādaḥ paśavaḥ
Sentence: i    paśūnām āptyai
Sentence: j    ta ete stotriyānurūpās tr̥cā ardʰarcaśasyāḥ
Sentence: k    pratiṣṭʰā vā ardʰarcaḥ
Sentence: l    pratiṣṭʰityā eva_
Sentence: m    atʰaiteṣām evāśvinānāṃ sūktānāṃ dve dve samāhāvam ekaikam aharahaḥ śaṃsati_
Sentence: n    aśvinau vai devānāṃ bʰiṣajau
Sentence: o    tasmād āśvināni sūktāni śaṃsati
Sentence: p    tad aśvibʰyāṃ pradadur idaṃ bʰiṣajyatam iti
Sentence: q    kṣaitrapatyāḥ paridʰānīyā bʰavanti
Sentence: r    yatra hatas tat prajā aśanāyantīḥ pipāsantīḥ saṃruddʰā stʰitā āsaṃs tā dīnā etābʰir yatʰākṣetraṃ pāyayāṃ cakāra tarpayāṃ cakāra_ [ed. ha tastat, corr. Patyal]
Sentence: s    atʰo iyaṃ vai kṣetraṃ pr̥tʰivī_
Sentence: t    asyām adīnāyām antataḥ pratiṣṭʰāsyāmaha iti
Sentence: u    triṣṭubʰo yājyā bʰavanti
Sentence: v    yatra hatas tat prajā aśanāyantīḥ pipāsantīḥ saṃruddʰā stʰitā babʰūvus tā haivainā etābʰir yatʰaukasaṃ vyavasāyayāṃ cakāra
Sentence: w    tasmād etā yājyā bʰavanti tasmād etā yājyā bʰavanti \\ 10 \\

Khanda: 11 
Sentence: a    atʰāto 'naikāhikam_ [ed. atʰato]
Sentence: b    śvastotriyam adyastotriyasyānurūpaṃ kurvanti prātaḥsavane_
Sentence: c    ahīnam eva tat saṃtanvanti_
Sentence: d    ahīnasya saṃtatyai
Sentence: e    tad yatʰā ha vā ekāhaḥ suta evam ahīnaḥ sutas
Sentence: f    tad yatʰaikāhasya sutasya savanāni saṃtiṣṭʰamānāni yanty evam ahīnasya sutasyāhāni saṃtiṣṭʰamānāni yanti
Sentence: g    tad yac chvastotriyam adyastotriyasyānurūpaṃ kurvanti prātaḥsavane_
Sentence: h    ahar evaṃ tad ahno 'nurūpaṃ kurvanti_
Sentence: i    apareṇaiva tad ahnāparam ahar abʰyārabʰante tat
Sentence: j    tatʰā na mādʰyaṃdine savane
Sentence: k    śrīr vai pr̥ṣṭʰāni
Sentence: l    tāni tasminn evāvastʰitāni bʰavanti_
Sentence: m    etenaiva vidʰinā tr̥tīyasavane
Sentence: n    na śvastotriyam adyastotriyasyānurūpaṃ kurvanti \\ 11 \\

Khanda: 12 
Sentence: a    atʰāta ārambʰaṇīyā eva
Sentence: b    <r̥junītī no varuṇa> iti maitrāvaruṇasya <mitro nayatu vidvān [Link to rvR̥V 1.90.1]> iti
Sentence: c    praṇetā vā eṣa hotrakāṇāṃ yan maitrāvaruṇas
Sentence: d    tasmād eṣā praṇetr̥matī bʰavati_ [ed. praṇetrimatī, corr. Patyal]
Sentence: e    <indraṃ vo viśvatas pari [Link to rvR̥V 1.7.10a, Link to avsŚS 20.39.1/Link to avs20.70.16a]>_ iti brāhmaṇācchaṃsinaḥ_
Sentence: f    <havāmahe janebʰyaḥ [Link to rvR̥V 1.7.10b, Link to avsŚS 20.39.1/Link to avs20.70.16b]>_itīndram evaitayāharahar nirhvayante
Sentence: g    na haivaiṣāṃ vihave 'nya indraṃ vr̥ṅkte yatraivaṃvidvān brāhmaṇācchaṃsy etām aharahaḥ śaṃsati
Sentence: h    <yat soma ā sute naraḥ [Link to rvR̥V 7.94.10a]>_ity acchāvākasya_
Sentence: i    <indrāgnī ajohavuḥ [Link to rvR̥V 7.94.10b]>_itīndrāgnī evaitayāharahar nirhvayante
Sentence: j    na haivaiṣāṃ vihave 'nya indrāgnī vr̥ṅkte yatraivaṃvidvān acchāvāka etām aharahaḥ śaṃsati
Sentence: k    tā vā etāḥ svargasya lokasya nāvaḥ saṃtāraṇyaḥ
Sentence: l    svargam evaitābʰir lokam anusaṃtaranti \\ 12 \\

Khanda: 13 
Sentence: a    atʰātaḥ paridʰānīyā eva
Sentence: b    <te syāma deva varuṇa [Link to rvR̥V 7.66.9a]>_iti maitrāvaruṇasya_
Sentence: c    <iṣaṃ svaś ca dʰīmahi [Link to rvR̥V 7.66.9b]>_ity ayaṃ vai loka iṣam ity asau lokaḥ svar iti_
Sentence: d    ubʰāv evainau tau lokāv ārabʰate
Sentence: e    <vy antarikṣam atirat [Link to rvR̥V 8.14.7a, Link to avsŚS 20.28.1a, Link to avs20.39.2a]>_iti brāhmaṇācchaṃsinaḥ_
Sentence: f    vivat tr̥cam_
Sentence: g    svargam evaitābʰir lokaṃ vivr̥ṇoti
Sentence: h    <made somasya rocanendro yad abʰinad valam [Link to rvR̥V 8.14.7bc, Link to avsŚS 20.28.1bc, Link to avs20.39.2bc]> iti
Sentence: i    siṣāsavo ha vā ete yad dīkṣitās
Sentence: j    tasmād eṣā valavatī bʰavati_
Sentence: k    <ud gā ājad aṅgirobʰya āviṣ kr̥ṇvan guhā satīḥ \ arvāñcaṃ nunude valam [Link to rvR̥V 8.14.8, Link to avsŚS 20.28.2, Link to avs20.39.3]> iti [ed. kr̥van, corr. Patyal]
Sentence: l    sanim etebʰya etayāvarunddʰe_
Sentence: m    <indreṇa rocanā divo dr̥ḍʰāni dr̥ṃhitāni ca \ stʰirāṇi na parāṇude [Link to rvR̥V 8.14.9, Link to avsŚS 20.28.3, 20.39.4]>_iti
Sentence: n    svargam evaitayāharahar lokam avarunddʰe_
Sentence: o    <āhaṃ sarasvatīvatoḥ [Link to rvR̥V 8.38.10a]>_ity acchāvākasya_ [ed. svarasvatīvator, corrected p. 303]
Sentence: p    <indrāgnyor avo vr̥ṇe [Link to rvR̥V 8.38.10b]>_iti_
Sentence: q    etad dʰa vā indrāgnyoḥ priyaṃ dʰāmo yad vāg iti priyeṇaivainau tad dʰāmnā samardʰayati
Sentence: r    priyeṇaiva dʰāmnā samr̥dʰyate ya evaṃ veda \\ 13 \\

Khanda: 14 
Sentence: a    ubʰayyo hotrakāṇāṃ paridʰānīyā bʰavanty ahīnaparidʰānayāś caikāhinasya
Sentence: b    tata aikāhikībʰir eva maitrāvaruṇaḥ paridadʰāti
Sentence: c    tenāsmāl lokān na pracyavate_
Sentence: d    āhinīkībʰir acchāvākaḥ
Sentence: e    svargasya lokasyāptyai_
Sentence: f    ubʰayībʰir brāhmaṇācchaṃsī_
Sentence: g    evam asāv ubʰau vyanvārabʰamāṇa etīmaṃ ca lokam amuṃ ca_
Sentence: h    atʰo 'hīnaṃ caikāhaṃ cātʰo saṃvatsaraṃ cāgniṣṭomaṃ cātʰo maitrāvaruṇaṃ cācchāvākaṃ ca_
Sentence: i    evam asāv ubʰau vyanvārabʰamāṇa eti_
Sentence: j    atʰa tata aikāhikībʰir eva tr̥tīyasavane hotrakāḥ paridadʰati
Sentence: k    tenāsmāl lokān na pracyavate_
Sentence: l    āhinīkībʰir acchāvākaḥ
Sentence: m    svargasya lokasya samaṣṭyai
Sentence: n    kāmaṃ tad dʰotā śaṃsed yad dʰotrakāḥ pūrvedyuḥ śaṃseyuḥ_
Sentence: o    yad vai hotā tad dʰotrakāḥ
Sentence: p    prāṇo vai hotāṅgāni hotrakāḥ
Sentence: q    samāno vā ayaṃ prāṇo 'ṅgāny anusaṃcarati
Sentence: r    tasmāt tat kāmaṃ hotā śaṃsed yad dʰotrakāḥ pūrvedyuḥ śaṃseyuḥ_
Sentence: s    yad vai hotā tad dʰotrakāḥ_
Sentence: t    ātmā vai hotāṅgāni hotrakāḥ
Sentence: u    samānā vā ime 'ṅgānām antās
Sentence: v    tasmāt tat kāmaṃ hotā śaṃsed yad dʰotrakāḥ pūrvedyuḥ śaṃseyuḥ_ [ed. purvedyuḥ]
Sentence: w    yad vai hotā tad dʰotrakāḥ
Sentence: x    sūktāntair hotā paridadʰāti_
Sentence: y    atʰa samānya eva hotrakāṇāṃ paridʰānīyā bʰavanti \\ 14 \\

Khanda: 15 
Sentence: a    yaḥ śvastotriyas tam adyastotriyasyānurūpaṃ kurvanti prātaḥsavane_
Sentence: b    ahīnam eva tat saṃtanvanti_
Sentence: c    ahīnasya saṃtatyai
Sentence: d    ta ete hotrakāḥ prātaḥsavane ṣaḍahastotriyaṃ śastvā mādʰyaṃdine 'hīnasūktāni śaṃsanti_
Sentence: e    <ā satyo yātu magʰavāṃ r̥jīṣī [Link to rvR̥V 4.16.1, Link to avsŚS 20.77.1]>_iti satyavān maitrāvaruṇaḥ_ [ed. satyavan, corr. Patyal]
Sentence: f    <asmā id u pra tavase turāya [Link to rvR̥V 1.16.1, Link to avsŚS 20.35.1]>_iti brāhmaṇācchaṃsī
Sentence: g    <śāsad vahnir duhitur naptyaṃ gāt [Link to rvR̥V 3.31.1]>_ity acchāvākas
Sentence: h    tad āhuḥ kasmād acchāvāko vahnivad etat sūktam ubʰayatra śaṃsati sa parākṣu caivāhaḥsvarvākṣu ceti
Sentence: i    vīryavān vā eṣa bahvr̥co yad acchāvākaḥ_
Sentence: j    vahati ha vai vahnir dʰuro yāsu yujyate
Sentence: k    tasmād acchāvāko vahnivad etat sūktam ubʰayatra śaṃsati sa parākṣu caivāhaḥsvarvākṣu ceti
Sentence: l    tāni pañcasv ahaḥsu śasyante caturviṃśe 'bʰijiti viṣuvati viśvajiti mahāvrate
Sentence: m    tāny etāny ahīnasūktānīty ācakṣate
Sentence: n    na hy eṣu kiṃ cana hīyate
Sentence: o    parāñci ha vā etāny ahāny anabʰyāvartīni bʰavanti
Sentence: p    tasmād etāny eteṣv ahaḥsu śasyante
Sentence: q    yad etāni śaṃsanti tat svargasya lokasya rūpam_
Sentence: r    yad vevaitāni śaṃsantīndram evaitair nirhvayante yatʰarṣabʰaṃ vāśitāyai
Sentence: s    te vai devāś carṣayaś cābruvant samānena yajñaṃ saṃtanvāmahā iti [ed. cābruvaṃt]
Sentence: t    tad etad yajñasya samānam apaśyan_
Sentence: u    samānān pragātʰānt samānīḥ pratipadaḥ samānāni sūktāni_ [ed. pragātʰāṃt]
Sentence: v    okaḥsārī vā indraḥ_
Sentence: w    yatra vā indraḥ pūrvaṃ gacchati gacchaty eva tatrāparam_
Sentence: x    yajñasyaiva sendratāyai \\ 15 \\

Sentence: col    ity atʰarvavede gopatʰabrāhmaṇottarabʰāge pañcamaḥ prapāṭʰakaḥ \\


Next part


This text is part of the TITUS edition of Atharva-Veda: Gopatha-Brahmana.

Copyright TITUS Project, Frankfurt a/M, 30.1.2023. No parts of this document may be republished in any form without prior permission by the copyright holder.