TITUS
Atharva-Veda: Gopatha-Brahmana
Part No. 11
Previous part

Prapathaka: 4 
Khanda: 1 
Sentence: a    oṃ <kayā naś citra ā bʰuvat [Link to rvR̥V 4.31.1, Link to avsŚS 20.124.1]> <kayā tvaṃ na ūtyā [Link to rvR̥V 8.93.19]>_iti maitrāvaruṇasya stotriyānurūpau
Sentence: b    <kas tam indra tvāvasum [Link to rvR̥V 7.32.14]> iti bārhataḥ pragātʰas
Sentence: c    tasyopariṣṭād brāhmaṇam_
Sentence: d    <sadyo ha jāto vr̥ṣabʰaḥ kanīnaḥ [Link to rvR̥V 3.48.1]>_ity uktʰamukʰam
Sentence: e    <evā tvām indra vajrinn atra [Link to rvR̥V 4.19.1]>_iti paryāsaḥ_
Sentence: f    <uśannu ṣu ṇaḥ sumanā upāke [Link to rvR̥V 4.20.4]>_iti yajati_
Sentence: g    etām eva tad devatāṃ yatʰābʰāgaṃ prīṇāti
Sentence: h    vaṣaṭkr̥tyānuvaṣaṭkaroti
Sentence: i    praty evābʰimr̥śante [ed. seems to give evābʰimr̥śanta]
Sentence: j    nāpyāyayanti
Sentence: k    na hy anārāśaṃsāḥ sīdanti \\ 1 \\

Khanda: 2 
Sentence: a    <taṃ vo dasmam r̥tīṣahaṃ [Link to rvR̥V 8.88.1, Link to avsŚS 20.9.1]> <tat tvā yāmi suvīryam [Link to rvR̥V 8.3.9, Link to avsŚS 20.9.4]> iti brāhmaṇācchaṃsina stotriyānurūpau_
Sentence: b    <ud u tye madʰumattamā giraḥ [Link to rvR̥V 8.3.15, Link to avsŚS 20.59.1]>_iti bārhataḥ pragātʰaḥ
Sentence: c    paśavo vai pragātʰaḥ
Sentence: d    paśavaḥ svaraḥ
Sentence: e    paśūnām āptyai_
Sentence: f    ato madʰyaṃ vai sarveṣāṃ chandasāṃ br̥hatī
Sentence: g    madʰyaṃ mādʰyaṃdinaṃ savanānām_
Sentence: h    tan madʰyenaiva madʰyaṃ samardʰayati_
Sentence: i    <indraḥ pūrbʰid ātirad dāsam arkaiḥ [Link to rvR̥V 3.34.1, Link to avsŚS 20.11.1]>_ity uktʰamukʰam
Sentence: j    <ud u brahmāṇy airata śravasyā [Link to rvR̥V 7.23.1, Link to avsŚS 20.12.1]>_iti paryāsaḥ_
Sentence: k    <eved indraṃ vr̥ṣaṇaṃ vajrabāhum [Link to rvR̥V 7.23.6a, Link to avsŚS 20.12.6a]> iti paridadʰāti
Sentence: l    <vasiṣṭʰāso abʰy arcanty arkaiḥ [Link to rvR̥V 7.26.6b, Link to avsŚS 20.12.6b]>_iti_
Sentence: m    annaṃ vā arkaḥ_
Sentence: n    annādyam evāsmai tat paridadʰāti
Sentence: o    <sa na stuto vīravad dʰātu gomat [Link to rvR̥V 7.26.6c, Link to avsŚS 20.12.6c]>_iti
Sentence: p    annaṃ vā arkaḥ_iti
Sentence: q    prajāṃ caivāsmai tat paśūṃś cāśāste
Sentence: r    <yūyaṃ pāta svastibʰiḥ sadā naḥ [Link to rvR̥V 7.26.6d, Link to avsŚS 20.12.6d]>_iti svastimatī rūpasamr̥ddʰā
Sentence: s    etad vai yajñasya samr̥ddʰaṃ yad rūpasamr̥ddʰaṃ yat karma kriyamāṇam r̥gyajurvābʰivadati
Sentence: t    svasti tasya yajñasya pāram aśnute ya evaṃ veda yaś caivaṃvidvān brāhmaṇācchaṃsy etayā paridadʰāti_
Sentence: u    <r̥jīṣī vajrī vr̥ṣabʰas turāṣāṭ [Link to rvR̥V 5.40.4, Link to avsŚS 20.12.7]>_iti yajati_ [ed. r̥jiṣī, corrected p. 302]
Sentence: v    etām eva tad devatāṃ yatʰābʰāgaṃ prīṇāti
Sentence: w    vaṣaṭkr̥tyānuvaṣaṭkaroti
Sentence: x    praty evābʰimr̥śante
Sentence: y    nāpyāyayanti
Sentence: z    na hy anārāśaṃsāḥ sīdanti \\ 2 \\

Khanda: 3 
Sentence: a    <tarobʰir vo vidadvasum [Link to rvR̥V 8.66.1]>_<taraṇir it siṣāsati [Link to rvR̥V 7.32.20]>_ity acchāvākasya stotriyānurūpau_
Sentence: b    <ud in nv asya ricyate [Link to rvR̥V 7.32.12, Link to avsŚS 20.59.3]>_iti bārhataḥ pragātʰas
Sentence: c    tasyoktaṃ brāhmaṇam_
Sentence: d    <bʰūya id vāvr̥dʰe vīryāya [Link to rvR̥V 6.30.1]>_ity uktʰamukʰam
Sentence: e    <imām ū ṣu prabʰr̥tiṃ sātaye dʰāḥ [Link to rvR̥V 3.36.1]>_iti paryāsas
Sentence: f    tasya daśamīm uddʰarati
Sentence: g    gʰorasya vā āṅgirasasyaitad ārṣaṃ ned yajñaṃ nirdahec chasyamānam_
Sentence: h    <pibā vardʰasva tava gʰā sutāsaḥ [Link to rvR̥V 3.36.3]>_iti yajati_
Sentence: i    etām eva tad devatāṃ yatʰābʰāgaṃ prīṇāti
Sentence: j    vaṣaṭkr̥tyānuvaṣaṭkaroti
Sentence: k    praty evābʰimr̥śante
Sentence: l    nāpyāyayanti
Sentence: m    na hy anārāśaṃsāḥ sīdanti \\ 3 \\

Khanda: 4 
Sentence: a    atʰādʰvaryo śaṃsāvom iti stotriyāyānurūpāya pragātʰāyoktʰamukʰāya paridʰānīyāyā iti pañca kr̥tva āhvayante
Sentence: b    pañcapadā paṅktiḥ
Sentence: c    pāṅkto yajñaḥ
Sentence: d    sarva aindrāṇi traiṣṭubʰāni śaṃsanti_
Sentence: e    aindraṃ hi traiṣṭubʰaṃ mādʰyaṃdinaṃ savanam_
Sentence: f    sarve samavatībʰiḥ paridadʰati
Sentence: g    tad yat samavatībʰiḥ paridadʰaty anto vai paryāso 'nta udarkaḥ_
Sentence: h    antenaivāntaṃ paridadʰati
Sentence: i    sarve madvatībʰir yajanti
Sentence: j    tad yan madvatībʰir yajanti sarve sutavatībʰiḥ pītavatībʰir abʰirūpābʰir yajanti
Sentence: k    yad yajñe 'bʰirūpaṃ tat samr̥ddʰam_
Sentence: l    sarve 'nuvaṣaṭkurvanti
Sentence: m    sviṣṭakr̥tvānuvaṣaṭkāraḥ_
Sentence: n    net svikr̥ta antarayāmeti_
Sentence: o    antarikṣaloko mādʰyaṃdinaṃ savanam_
Sentence: p    tasya pañca diśaḥ
Sentence: q    pañcoktʰāni mādʰyaṃdinasya savanasya
Sentence: r    sa etaiḥ pañcabʰir uktʰair etāḥ pañca diśa āpnoty etāḥ pañca diśa āpnoti \\ 4 \\

Khanda: 5 
Sentence: a    atʰa yadaupāsanaṃ tr̥tīyasavana upāsyante pitr̥̄n eva tena prīṇāti_
Sentence: b    upāṃśu pātnīvatasyāgnīdʰro yajati
Sentence: c    reto vai pātnīvataḥ_
Sentence: d    upāṃśv iva vai retaḥ sicyate
Sentence: e    tan nānuvaṣaṭkaroti ned retaḥ siktaṃ saṃstʰāpayānīti_
Sentence: f    asaṃstʰitam iva vai retaḥ siktaṃ samr̥ddʰam_
Sentence: g    saṃstʰā vā eṣā yad anuvaṣaṭkāras
Sentence: h    tasmān nānuvaṣaṭkaroti
Sentence: i    neṣṭur upastʰe dʰiṣṇyānte vāsīno bʰakṣayati
Sentence: j    patnībʰājanaṃ vai neṣṭā_
Sentence: k    agnīt patnīṣu reto dʰatte
Sentence: l    retasaḥ siktāḥ prajāḥ prajāyante
Sentence: m    prajānāṃ prajananāya
Sentence: n    prajāvān prajanayiṣṇur bʰavati
Sentence: o    prajātyai
Sentence: p    prajāyate prajayā paśubʰir ya evaṃ veda \\ 5 \\

Khanda: 6 
Sentence: a    atʰa śākalāñ juhvati
Sentence: b    tad yatʰāhir jīrṇāyās tvaco nirmucyeteṣīkā vā muñjād evaṃ haivaite sarvasmāt pāpmanaḥ saṃpramucyante ye śākalāñ juhvati
Sentence: c    droṇakalaśe dʰānā bʰavanti
Sentence: d    tāsāṃ hastair ādadʰati
Sentence: e    paśavo vai dʰānās
Sentence: f    tā āhavanīyasya bʰasmānte nivapanti
Sentence: g    yonir vai paśūnām āhapanīyaḥ
Sentence: h    sva evaināṃs tad goṣṭʰe nirapakrame nidadʰati_
Sentence: i    atʰa savyāvr̥to 'psu somān āpyāyayanti
Sentence: j    tān hāntarvedyāṃ sādayanti
Sentence: k    tad dʰi somasyāyatanam_
Sentence: l    cātvālād apareṇādʰvaryuś camasān adbʰiḥ pūrayitvodīcaḥ prāṇidʰāya haritāni tr̥ṇāni vyavadadʰāti
Sentence: m    yadā vā āpaś cauṣadʰayaś ca saṃgacchante 'tʰa kr̥tsnaḥ somaḥ saṃpadyate
Sentence: n    tā vaiṣṇavy arcā ninayanti
Sentence: o    yajño vai viṣṇuḥ_
Sentence: p    yajña evainam antataḥ pratiṣṭʰāpayati_
Sentence: q    atʰa yadbʰakṣaḥ pratinidʰiṃ kurvanti mānuṣenaivainaṃ tad bʰakṣeṇa daivaṃ bʰakṣam antardadʰati \\ 6 \\

Khanda: 7 
Sentence: a    pūtir vā eṣo 'muṣmiṃl loke 'dʰvaryuṃ ca yajamānaṃ cābʰivahati
Sentence: b    tad yad enaṃ dadʰnānabʰihutyāvabʰr̥tʰam upahareyur yatʰā kuṇapaṃ vāty evam evainaṃ tat karoti_
Sentence: c    atʰa yad enaṃ dadʰnābʰihutyāvabʰr̥tʰam upaharanti sarvam evainaṃ sayoniṃ saṃtanute
Sentence: d    samr̥ddʰiṃ saṃbʰaranti_
Sentence: e    <abʰūd devaḥ savitā vandyo nu naḥ [Link to rvR̥V 4.54.1]>_iti juhoti
Sentence: f    sarvam evainaṃ saparvāṇaṃ saṃbʰarati [ed. avainaṃ]
Sentence: g    tisr̥bʰis
Sentence: h    trivr̥d dʰi yajñaḥ_
Sentence: i    drapsavatībʰir abʰijuhoti
Sentence: j    sarvam evainaṃ sarvāṅgaṃ saṃbʰarati
Sentence: k    saumībʰir abʰijuhoti
Sentence: l    sarvam evainaṃ sātmānaṃ saṃbʰarati
Sentence: m    pañcabʰir abʰijuhoti
Sentence: n    pāṅkto yajñaḥ_
Sentence: o    yajñam evāvarunddʰe
Sentence: p    pāṅktaḥ puruṣaḥ
Sentence: q    puruṣam evāpnoti
Sentence: r    pāṅktāḥ paśavaḥ
Sentence: s    paśuṣv eva pratitiṣṭʰati
Sentence: t    pratitiṣṭʰati prajayā paśubʰirya evaṃ veda \\ 7 \\

Khanda: 8 
Sentence: a    agnir vāva yama iyaṃ yamī
Sentence: b    kusīdaṃ vā etad yamasya yajamāna ādatte yad oṣadʰībʰir vediṃ str̥ṇāti
Sentence: c    tāṃ yad anupoṣya prayāyād yātayerann enam amuṣmiṃl loke
Sentence: d    yame yat kusīdam <apamityam apratīttam [Link to avpPS 16.49.10, Link to avsŚS 6.117.1, Link to vaitsVaitS 24.15]> iti vedim upoṣati_
Sentence: e    ihaiva sanyamaṃ kusīdaṃ niravadāyānr̥ṇo bʰūtvā svargaṃ lokam eti
Sentence: f    <viśvalopa viśvadāvasya tvāsañ juhomi [Link to tsTS 3.3.8.2, Link to vaitsVaitS 24.16]>_ity āha hotādvā
Sentence: g    yajamānasyāparābʰāvāya
Sentence: h    yad u miśram iva caranty añjalinā saktūn pradāvye juhuyāt_
Sentence: i    eṣa ha vā agnir vaiśvānaro yat pradāvyaḥ
Sentence: j    svasyām evainaṃ tad yonyāṃ sādayati \\ 8 \\

Khanda: 9 
Sentence: a    ahnāṃ vidʰānyām ekāṣṭakāyām apūpaṃ catuḥśarāvaṃ paktvā prātaretena kakṣam upoṣet_
Sentence: b    yadi dahati puṇyasamaṃ bʰavati
Sentence: c    yati na dahati pāpasamaṃ bʰavati_
Sentence: d    etena ha sma vā aṅgirasaḥ purā vijñānena dīrgʰasatttram upayanti
Sentence: e    yo ha vā upadraṣṭāram upaśrotāram anukʰyātāram eva vidvān yajate sam amuṣmiṃl loka iṣṭāpūrtena gacchate_
Sentence: f    agnir vā upadraṣṭā
Sentence: g    vāyur vā upaśrotā_
Sentence: h    ādityo vā anukʰyātā
Sentence: i    tān ya evaṃvidvān yajate sam amuṣmiṃl loka iṣṭāpūrtena gacchate_
Sentence: j    <ayaṃ no nabʰasas patiḥ [Link to avpPS 19.16.17, Link to avsŚS 6.79.1, cf. Link to tsTS 3.3.8.5]>_ity āha_
Sentence: k    agnir vai nabʰasas patiḥ_
Sentence: l    agnim eva tad āhaitaṃ no gopāyeti
Sentence: m    <sa tvaṃ no nabʰasas patiḥ [cf. Link to tsTS 3.3.8.6]>_ity āha
Sentence: n    vāyur vai nabʰasas patiḥ_
Sentence: o    vāyum eva tad āhaitaṃ no gopāyeti
Sentence: p    <deva saṃspʰāna [Link to tsTS 3.3.8.6]>_ity āha_
Sentence: q    ādityo vai devaḥ saṃspʰānaḥ_
Sentence: r    ādityam eva tad āhaitaṃ no gopāyeti_
Sentence: s    <ayaṃ te yoniḥ [Link to avpPS 3.34.1, Link to avsŚS 3.20.1]>_ity araṇyor agniṃ samāropayet
Sentence: t    tad āhur yad araṇyoḥ samārūḍʰo naśyed ud asyāgniḥ sīdet
Sentence: u    punarādʰeyaḥ syād iti
Sentence: v    yā te agne yajñiyā tanūs tayā me hy āroha tayā me hy āviśa_
Sentence: w    ayaṃ te yonir ity ātmann agnīn samāropayet_
Sentence: x    eṣa ha vā agner yoniḥ
Sentence: y    svasyām evainaṃ tad yonyāṃ sādayati \\ 9 \\

Khanda: 10 
Sentence: a    yo ha vā agniṣṭomaṃ sāhnaṃ vedāgniṣṭomasya sāhnasya sāyujyaṃ salokatām aśnute ya evaṃ veda
Sentence: b    yo ha vā eṣa tapaty eṣo 'gniṣṭoma eṣa sāhnas
Sentence: c    taṃ sahaivāhnā saṃstʰāpayeyuḥ
Sentence: d    sāhno vai nāmaiṣaḥ_
Sentence: e    tenāsaṃtvaramāṇāś careyuḥ_
Sentence: f    yad dʰa vā idaṃ pūrvayoḥ savanayor asaṃtvaramāṇāś caranti tasmād dʰedaṃ prācyo grāmatā bahulāviṣṭāḥ_
Sentence: g    atʰa yad dʰedaṃ tr̥tīyasavane saṃtvaramāṇāś caranti tasmād dʰedaṃ pratyañci dīrgʰāraṇyāni bʰavanti
Sentence: h    yatʰaiva prātaḥsavana evaṃ mādʰyaṃdine savana evaṃ tr̥tīyasavane_
Sentence: i    evam u ha yajamāno 'pramāyuko bʰavati
Sentence: j    tenāsaṃtvaramāṇāś careyuḥ_
Sentence: k    yadā vā eṣa prātar udety atʰa mandratamaṃ tapati
Sentence: l    tasmān mandratamayā vācā prātaḥsavane śaṃset_
Sentence: m    atʰa yadābʰyety atʰa balīyas tapati
Sentence: n    tasmād balīyasyā vācā mādʰyaṃdine savane śaṃset_
Sentence: o    atʰo yadābʰitarām ety atʰo baliṣṭʰatamaṃ tapati
Sentence: p    tasmād baliṣṭʰatamayā vācā tr̥tīyasavane śaṃset_
Sentence: q    evaṃ śaṃsed yadi vāca īśīta
Sentence: r    vāg gʰi śastram_
Sentence: s    yayā tu vacottariṇyottariṇyotsaheta samāpanāya tayā pratipadyeta_
Sentence: t    etat suśastataram iva bʰavati
Sentence: u    sa vā eṣa na kadā canāstam ayati nodayati
Sentence: v    tad yad enaṃ paścād astam ayatīti manyante 'hna eva tad antaṃ gatvātʰātmānaṃ viparyasyate_
Sentence: w    ahar evādʰastāt kr̥ṇute rātrīṃ parastāt
Sentence: x    sa vā eṣa na kadā canāstam ayati nodayati
Sentence: y    tad yad enaṃ purastād udayatīti manyate rātrer eva tad antaṃ gatvātʰātmānaṃ viparyasyate
Sentence: z    rātrim evādʰastāt kr̥ṇute 'haḥ parastāt
Sentence: aa    sa vā eṣa na kadā canāstam ayati nodayati
Sentence: bb    na ha vai kadā cana nimrucati_
Sentence: cc    etasya ha sāyujyaṃ salokatām aśnute ya evaṃ veda \\ 10 \\

Khanda: 11 
Sentence: a    atʰāta ekāhasyaiva tr̥tīyasavanam_
Sentence: b    devāsurā vā eṣu lokeṣu samayatanta
Sentence: c    te devā asurān abʰyajayam_
Sentence: d    te jitā ahorātrayoḥ saṃdʰiṃ samabʰyavāguḥ
Sentence: e    sa hendra uvāceme vā asurā ahorātrayoḥ saṃdʰiṃ samabʰyavāguḥ
Sentence: f    kaś cāhaṃ cemān asurān abʰyuttʰāsyāmahā iti_
Sentence: g    ahaṃ cety agnir abravīt_
Sentence: h    ahaṃ ceti varuṇaḥ_
Sentence: i    ahaṃ ceti br̥haspatiḥ_
Sentence: j    ahaṃ ceti viṣṇus
Sentence: k    tān abʰyuttʰāyāhorātrayoḥ saṃdʰer nirjagʰnuḥ_
Sentence: l    yad abʰyuttʰāyāhorātrayoḥ saṃdʰer nirjagʰnus tasmād uttʰā
Sentence: m    abʰyuttʰāya ha vai dviṣantaṃ bʰrātr̥vyaṃ nirhanti ya evaṃ veda
Sentence: n    so 'gnir aśvo bʰūtvā pratʰamaḥ prajigāya
Sentence: o    yad agnir aśvo bʰūtvā pratʰamaḥ prajigāaya tasmād āgneyībʰir uktʰāni praṇayanti
Sentence: p    yad agnir aśvo bʰūtvā pratʰamaḥ prajigāya tasmāt sākam aśvam_
Sentence: q    yat pañca devatā abʰyuttastʰus tasmāt pañca devatā uktʰe śasyante
Sentence: r    yā vāk so 'gniḥ_
Sentence: s    yaḥ prāṇaḥ sa varuṇaḥ_
Sentence: t    yan manaḥ sa indraḥ_
Sentence: u    yac cakṣuḥ sa br̥haspatiḥ_
Sentence: v    yac chrotraṃ sa viṣṇuḥ_
Sentence: w    ete ha vā etān pañcabʰiḥ prāṇaiḥ samīryodastʰāpayan_ [ed. samīryudastʰāpayan, corr. Patyal]
Sentence: x    tasmād u evaitāḥ pañca devatā uktʰe śasyante \\ 11 \\

Khanda: 12 
Sentence: a    prajāpatir hy etebʰyaḥ pañcabʰyaḥ prāṇebʰyo 'nyān devān sasr̥je
Sentence: b    yad u cedaṃ kiṃ ca pāṅktam_
Sentence: c    tat sr̥ṣṭvā vyājvalayat
Sentence: d    te hocur devā mlāno 'yaṃ pitā mayobʰūḥ [ed. pitāmayo 'bʰūḥ, corr. Patyal]
Sentence: e    punar imaṃ samīryottʰāpayāmeti
Sentence: f    sa ha sattvam ākʰyāyābʰyupatiṣṭʰate
Sentence: g    yadi ha vā api nirṇiktasyaiva kulasya saṃdʰyukṣeṇa yajate sattvaṃ haivākʰyāyābʰyupatiṣṭate
Sentence: h    yo vai prajāpatiḥ sa yajñaḥ
Sentence: i    sa etair eva pañcabʰiḥ prāṇaiḥ samīryottʰāpitaḥ_
Sentence: j    ye ha vā enaṃ pañcabʰiḥ prāṇaiḥ samīryottʰāpayan_
Sentence: k    tā u evaitāḥ pañca devatā uktʰe śasyante \\ 12 \\

Khanda: 13 
Sentence: a    tad āhur yad dvayor devatayo stuvata indrāgnyor ity atʰa kasmād bʰūyiṣṭʰā devatā uktʰe śasyanta iti_ [ed. bʰūyiṣṭʰo, corr. Patyal]
Sentence: b    anto vā āgnimārutam antar uktʰāny anta āśvinam_
Sentence: c    kanīyasīṣu devatāsu stuvate tiṣṭʰeti_
Sentence: d    atʰa kasmād bʰūyiṣṭʰo devatā uktʰe śasyanta iti
Sentence: e    dve dve uktʰamukʰe bʰavatas tad yad dve dve \\ 13 \\

Khanda: 14 
Sentence: a    atʰa yad aindrāvāruṇaṃ maitrāvarusyoktʰaṃ bʰavaty aindrābārhaspatyaṃ brāhmaṇācchaṃsina uktʰaṃ bʰavaty aindrāvaiṣṇāvam acchāvākasyoktʰaṃ bʰavati dve saṃśasyaṃsta aindraṃ ca vāruṇaṃ caikam aindrāvāruṇaṃ bʰavati
Sentence: b    dve saṃśasyaṃsta aindraṃ ca bārhaspatyaṃ caikam aindrābārhaspatyaṃ bʰavati
Sentence: c    dve saṃśasyaṃsta aindraṃ ca vaiṣṇavaṃ caikam aindrāvaiṣṇavaṃ bʰavati
Sentence: d    dve dve uktʰamukʰe bʰavatas
Sentence: e    tad yad dve dve \\ 14 \\

Khanda: 15 
Sentence: a    atʰa yad aindrāvaruṇaṃ maitrāvaruṇasyoktʰaṃ bʰavati_<indrāvaruṇā sutapāv imaṃ sutaṃ somaṃ pibataṃ madyaṃ dʰr̥tavratau [Link to avsŚS 7.58.1, Link to rvR̥V 6.68.10]>_ity r̥cābʰyanūktam_
Sentence: b    madvad dʰi tr̥tīyasavanam
Sentence: c    <ehy ū ṣu bravāṇi te [Link to rvR̥V 6.16.16]>_<āgnir agāmi bʰārataḥ [Link to rvR̥V 6.16.19]>_iti maitrāvaruṇasya stotriyānurūpau
Sentence: d    <carṣaṇīdʰr̥taṃ magʰavānam uktʰyam [Link to rvR̥V 3.51.1]> ity uktʰamukʰam_
Sentence: e    tasyopariṣṭād brāhmaṇam
Sentence: f    <astabʰnād dyām asuro viśvavedāḥ [Link to rvR̥V 8.42.1]>_iti vāruṇaṃ sāṃśaṃsikam [ed. astabʰnādyām, corrected p. 302]
Sentence: g    ahaṃ ceti varuṇo 'bravīt_
Sentence: h    devatayoḥ saṃśaṃsāyān atiśaṃsāya_
Sentence: i    <indrāvaruṇā yuvam adʰvarāya naḥ [Link to rvR̥V 7.82.1]>_iti paryāsa aindrāvaruṇe
Sentence: j    aindrāvaruṇam asyaitan nityam uktʰam_
Sentence: k    tad etat svasminn āyatane svasyāṃ pratiṣṭʰāyāṃ pratiṣṭʰāpayati
Sentence: l    dvandvaṃ vā etā devatā bʰūtvā vyajayanta
Sentence: m    vijityā eva_
Sentence: n    atʰo dvandvasyaiva mitʰunasya prajātyai
Sentence: o    saikapādinī bʰavati_
Sentence: p    ekapādinyā hotā paridadʰāti
Sentence: q    yatra hotur hotrakāṇāṃ yuñjanti tat samr̥ddʰam_
Sentence: r    tad vai kʰalv <ā vāṃ rājānāv adʰvare vavr̥tyām [Link to rvR̥V 7.84.1]> iti_ [ed. āvāṃ, corrected p. 303]
Sentence: s    evam eva kevalaparyāsaṃ kuryāt kevalasūktam_
Sentence: t    kevalasūktam evottarayor bʰavati_
Sentence: u    <indrāvaruṇā madʰumattamasya [Link to avpPS 20.7.6, Link to avsŚS 7.58.2, Link to rvR̥V 6.68.11]>_iti yajati_
Sentence: v    ete eva tad devate yatʰābʰāgaṃ prīṇāti
Sentence: w    vaṣaṭkr̥tyānuvaṣaṭkaroti
Sentence: x    praty evābʰimr̥śante
Sentence: y    nāpyāyayanti na hy anārāśaṃsāḥ sīdanti \\ 15 \\

Khanda: 16 
Sentence: a    atʰa yad aindrābārhaspatyaṃ brāhmaṇācchaṃsina uktʰaṃ bʰavati_<indraś ca somaṃ pibataṃ br̥haspate 'smin yajñe mandasānā vr̥ṣaṇvasū [Link to rvR̥V 4.50.10]> ity r̥cābʰyanūktam_
Sentence: b    madvad dʰi tr̥tīyasavanam_
Sentence: c    <vayam u tvām apūrvya [Link to rvR̥V 8.21.1, Link to avsŚS 20.14.1/Link to avs20.62.1]> <yo na idamidaṃ purā [Link to rvR̥V 8.21.9, Link to avsŚS 20.14.3/Link to avs20.62.3, Link to vaitsVaitS 25.3]>_iti brāhmaṇācchaṃsina stotriyānurūpau
Sentence: d    <pra maṃhiṣṭʰāya br̥hate br̥hadraye [Link to rvR̥V 1.57.1, Link to avsŚS 20.15.1]>_ity uktʰamukʰam
Sentence: e    aindrājāgatam_
Sentence: f    jāgatāḥ paśavaḥ
Sentence: g    paśūnām āptyai
Sentence: h    jāgatam u vai tr̥tīyasavanam_
Sentence: i    tr̥tīyasavanasya rūpam
Sentence: j    <udapruto na vayo rakṣamāṇāḥ [Link to rvR̥V 10.68.1, Link to avsŚS 20.16.1]>_iti bārhaspatyaṃ sāṃśaṃsikam
Sentence: k    ahaṃ ceti br̥haspatir abravīt_
Sentence: l    devatayoḥ saṃśaṃsāyanatiśaṃsāya_
Sentence: m    <acchā ma indraṃ matayaḥ svarvidaḥ [Link to rvR̥V 10.43.1, Link to avsŚS 20.17.1]>_iti paryāsa aindrābārhaspatyaḥ_
Sentence: n    aindrābārhaspatyam asyaitan nityam uktʰam_
Sentence: o    tad etat svasminn āyatane svasyāṃ pratiṣṭʰāyāṃ pratiṣṭʰāpayati
Sentence: p    dvandvaṃ vā etā devatā bʰūtvā vyajayanta
Sentence: q    vijityā eva_
Sentence: r    atʰo dvandvasyaiva mitʰunasya prajātyai
Sentence: s    <br̥haspatir naḥ pari pātu paścāt [Link to rvR̥V 10.42/Link to rv43/Link to rv44.11a, Link to avpPS 15.11.1/Link to avp16.8.11a, Link to avsŚS 7.51.1/Link to avs20.17.11/Link to avs20.89.11/Link to avs20.94.11a]>_ity aindrābārhaspatyā paridadʰāti_
Sentence: t    indrābr̥haspatyor eva yajñaṃ pratiṣṭʰāpayati_
Sentence: u    <utottarasmād adʰarād agʰāyor indraḥ purastād uta madʰyato naḥ sakʰā sakʰibʰyo varivaḥ kr̥ṇotu [Link to rvR̥V 10.42/Link to rv43/Link to rv44.11bcd, Link to avpPS 15.11.1/Link to avp16.8.11bcd, Link to avsŚS 7.51.1/Link to avs20.17.11/Link to avs20.89.11/Link to avs20.94.11bcd]>_iti
Sentence: v    sarvābʰya eva digbʰya āśiṣam āśāste nārtvī
Sentence: w    yaṃ kāmaṃ kāmayate so 'smai kāmaḥ samr̥dʰyate ya evaṃ veda yaś caivaṃvidvān brāhmaṇācchaṃsy etayā paridadʰāti [ed. etasyā, corr. Patyal; ed. brāhmaṇācchaṃy]
Sentence: x    <br̥haspate yuvam indraś ca vasvaḥ [Link to rvR̥V 7.97.10]>_iti yajati_
Sentence: y    ete eva tad devate yatʰābʰāgaṃ prīṇāti
Sentence: z    vaṣaṭkr̥tyānuvaṣaṭkaroti
Sentence: aa    praty evābʰimr̥śante
Sentence: bb    nāpyāyayanti
Sentence: cc    na hy anārāśaṃsāḥ sīdanti \\ 16 \\

Khanda: 17 
Sentence: a    atʰa yad aindrāvaiṣṇavam acchāvākasyoktʰaṃ bʰavati_<indrāviṣṇū madapatī madānām ā somaṃ yātaṃ draviṇo dadʰānā [Link to rvR̥V 6.69.3]>_ity r̥cābʰyanūktam_ [ed. acchāvākasyoktaṃ]
Sentence: b    madvad dʰi tr̥tīyasavanam
Sentence: c    <adʰā hīndra girvaṇaḥ [Link to rvR̥V 8.98.7]>_<iyaṃ ta indra girvaṇaḥ [Link to rvR̥V 8.13.4]>_ity acchāvākasya stotriyānurūpau_
Sentence: d    <r̥tur janitrī tasyā apas pari [Link to rvR̥V 2.13.1]>_ity uktʰamukʰam_
Sentence: e    tasyoktaṃ brāhmaṇam_
Sentence: f    <nū marto dayate saniṣyan [Link to rvR̥V 7.100.1]>_iti vaiṣṇavaṃ sāṃśaṃsikam [ed. sāṃśaṃsikaṃm]
Sentence: g    ahaṃ ceti viṣṇur abravīt_
Sentence: h    devatayoḥ saṃśaṃsāyānatiśaṃsāya
Sentence: i    <saṃ vāṃ karmaṇā sam iṣā hinomi [Link to rvR̥V 6.69.1]>_iti paryāsa aindrāvaiṣṇavaḥ_
Sentence: j    aindrāvaiṣṇavam asyaitan nityam uktʰam_ [ed. ukʰaṃ]
Sentence: k    tad etat svasminn āyatane svasyāṃ pratiṣṭʰāyāṃ pratiṣṭʰāpayati
Sentence: l    dvandvaṃ vā etā devatā bʰūtvā vyajayanta
Sentence: m    vijityā eva_
Sentence: n    atʰo dvandvasyaiva mitʰunasya prajātyai_
Sentence: o    <ubʰā jigyatʰur na parā jayetʰe [Link to rvR̥V 6.69.8, Link to avpPS 20.16.3, Link to avsŚS 7.44.1]> ity aindrāvaiṣṇavyarcā paridadʰāti_
Sentence: p    indrāviṣṇor eva yajñaṃ pratiṣṭʰāpayati_
Sentence: q    <indrāviṣṇū pibataṃ madʰvo asya [Link to rvR̥V 6.69.7]>_iti yajati_
Sentence: r    ete eva tad devate yatʰābʰāgaṃ prīṇāti
Sentence: s    vaṣaṭkr̥tyānuvaṣaṭkaroti
Sentence: t    praty evābʰimr̥śante
Sentence: u    nāpyāyayanti
Sentence: v    na hy anārāśaṃsāḥ sīdanti \\ 17 \\

Khanda: 18 
Sentence: a    atʰādʰvaryo śaṃśaṃsāvom iti stotriyāyānurūpāyoktʰamukʰāya paridʰānīyāyā iti catuścaturāhvayante
Sentence: b    catasro vai diśaḥ_
Sentence: c    dikṣu tat pratitiṣṭʰante_
Sentence: d    atʰo catuṣpādaḥ paśavaḥ
Sentence: e    paśūnām āptyai_
Sentence: f    atʰo catuṣparvāṇo hi tr̥tīyasavane hotrakās
Sentence: g    tasmāc catuḥ
Sentence: h    sarve traiṣṭubʰaṃ jāgatāni śaṃsanti
Sentence: i    jāgataṃ hi tr̥tīyasavanam
Sentence: j    atʰa haitat traiṣṭubʰāni_
Sentence: k    apratibʰūtam iva hi prātaḥsavane marutvatīye tr̥tīyasavane ca hotrakāṇāṃ śastram_
Sentence: l    dʰītarasaṃ vā etat savanaṃ yat tr̥tīyasavanam
Sentence: m    atʰa haitad adʰītarasaṃ śukriyaṃ chando yat triṣṭub ayātayāma
Sentence: n    savanasyaiva tat sarasatāyai
Sentence: o    sarve samavatībʰiḥ paridadʰati
Sentence: p    tad yat samavatībʰiḥ paridadʰaty anto vai paryāso 'nta udarko 'ntaḥ sajāyā u ha vā avaināya_
Sentence: q    antenaivāntaṃ paridadʰati
Sentence: r    sarve madvatībʰir yajanti
Sentence: s    tad yan madvatībʰiryajanti sarve sutavatībʰiḥ pītavatībʰir abʰirūpābʰir yajanti
Sentence: t    yad yajñe 'bʰirūpaṃ tat samr̥ddʰam_
Sentence: u    sarve 'nuvaṣaṭkurvanti
Sentence: v    sviṣṭakr̥tvānuvaṣaṭkāraḥ_
Sentence: w    net sviṣṭakr̥ta antarayāmeti_
Sentence: x    asau vai lokas tr̥tīyasavanam_
Sentence: y    tasya pañca diśaḥ
Sentence: z    pañcoktʰāni tr̥tīyasavanasya
Sentence: aa    sa etaiḥ pañcabʰir uktʰair etāḥ pañca diśa āpnoti
Sentence: bb    tad yad eṣāṃ lokānāṃ rūpaṃ yā mātrā tena rūpeṇa tayā mātrayemāṃl lokān r̥dʰnotīmāṃl lokān r̥dʰnotīti \\ 18 \\

Khanda: 19 
Sentence: a    tad āhuḥ kiṃ ṣoḍaśinaḥ ṣoḍaśitvam_
Sentence: b    ṣoḍaśa stotrāṇi ṣoḍaśa śastrāṇi ṣoḍaśabʰir akṣarair ādatte
Sentence: c    dve vā akṣare atiricyete ṣoḍaśino 'nuṣṭubʰam abʰisaṃpannasya
Sentence: d    vāco vā etau stanau
Sentence: e    satyānr̥te vāva te
Sentence: f    avaty enaṃ satyaṃ nainam anr̥taṃ hinasti ya evaṃ veda ya evaṃ veda \\ 19 \\ [ed. veda ya evaṃ vei]

Sentence: col    ity atʰarvavede gopatʰabrāhmaṇottarabʰāge caturtʰaḥ prapāṭʰakaḥ \\


Next part


This text is part of the TITUS edition of Atharva-Veda: Gopatha-Brahmana.

Copyright TITUS Project, Frankfurt a/M, 30.1.2023. No parts of this document may be republished in any form without prior permission by the copyright holder.