TITUS
Mahabharata
Part No. 968
Previous part

Chapter: 108 
Adhyāya 108


Verse: 1  {Saṃjaya uvāca}
Halfverse: a    atʰa vīro maheṣvāso   mattavāraṇavikramaḥ
   atʰa vīro mahā_iṣvāso   matta-vāraṇa-vikramaḥ /
Halfverse: c    samādāya mahac cāpaṃ   mattavāraṇavāraṇam
   samādāya mahac cāpaṃ   matta-vāraṇa-vāraṇam /1/

Verse: 2 
Halfverse: a    vidʰunvāno dʰanuḥśreṣṭʰaṃ   drāvayāṇo mahāratʰān
   vidʰunvāno dʰanuḥ-śreṣṭʰaṃ   drāvayāṇo mahā-ratʰān /
Halfverse: c    pr̥tanāṃ pāṇḍaveyānāṃ   pātayāno mahāratʰaḥ
   pr̥tanāṃ pāṇḍaveyānāṃ   pātayāno mahā-ratʰaḥ /2/

Verse: 3 
Halfverse: a    nimittāni nimittajñaḥ   sarvato vīkṣya vīryavān
   nimittāni nimittajñaḥ   sarvato vīkṣya vīryavān /
Halfverse: c    pratapantam anīkāni   droṇaḥ putram abʰāṣata
   pratapantam anīkāni   droṇaḥ putram abʰāṣata /3/

Verse: 4 
Halfverse: a    ayaṃ sa divasas tāta   yatra pārtʰo mahāratʰaḥ
   ayaṃ sa divasas tāta   yatra pārtʰo mahā-ratʰaḥ /
Halfverse: c    jigʰāṃsuḥ samare bʰīṣmaṃ   paraṃ yatnaṃ kariṣyati
   jigʰāṃsuḥ samare bʰīṣmaṃ   paraṃ yatnaṃ kariṣyati /4/

Verse: 5 
Halfverse: a    utpatanti hi me bāṇā   dʰanuḥ praspʰuratīva me
   utpatanti hi me bāṇā   dʰanuḥ praspʰurati_iva me /
Halfverse: c    yogam astāṇi gaccʰanti   krūre me vartate matiḥ
   yogam astāṇi gaccʰanti   krūre me vartate matiḥ /5/

Verse: 6 
Halfverse: a    dikṣu śāntāsu gʰorāṇi   vyāharanti mr̥gadvijāḥ
   dikṣu śāntāsu gʰorāṇi   vyāharanti mr̥ga-dvijāḥ /
Halfverse: c    nīcair gr̥dʰrā nilīyante   bʰāratānāṃ camūṃ prati
   nīcair gr̥dʰrā nilīyante   bʰāratānāṃ camūṃ prati /6/

Verse: 7 
Halfverse: a    naṣṭaprabʰa ivādityaḥ   sarvato lohitā diśaḥ
   naṣṭa-prabʰa\ iva_ādityaḥ   sarvato lohitā diśaḥ / ՙ
Halfverse: c    rasate vyatʰate bʰūmir   anuṣṭanati vāhanam
   rasate vyatʰate bʰūmir   anuṣṭanati vāhanam /7/

Verse: 8 
Halfverse: a    kaṅkā gr̥dʰrā balākāś ca   vyāharanti muhur muhuḥ
   kaṅkā gr̥dʰrā balākāś ca   vyāharanti muhur muhuḥ /
Halfverse: c    śivāś cāśiva nirgʰoṣā   vedayantyo mahad bʰayam
   śivāś ca_aśiva nirgʰoṣā   vedayantyo mahad bʰayam /8/

Verse: 9 
Halfverse: a    papāta mahatī coklā   madʰyenāditya maṇḍalāt
   papāta mahatī ca_uklā   madʰyena_āditya maṇḍalāt /
Halfverse: c    sa kabandʰaś ca parigʰo   bʰānum āvr̥tya tiṣṭʰati
   sa kabandʰaś ca parigʰo   bʰānum āvr̥tya tiṣṭʰati /9/

Verse: 10 
Halfverse: a    pariveṣas tatʰā gʰoraś   candrabʰāskarayor abʰūt
   pariveṣas tatʰā gʰoraś   candra-bʰāskarayor abʰūt /
Halfverse: c    vedayāno bʰayaṃ gʰoraṃ   rājñāṃ dehāvakartanam
   vedayāno bʰayaṃ gʰoraṃ   rājñāṃ deha_avakartanam /10/

Verse: 11 
Halfverse: a    devatāyatanastʰāś ca   kauravendrasya devatāḥ
   devatā_āyatanastʰāś ca   kaurava_indrasya devatāḥ /
Halfverse: c    kampante ca hasante ca   nr̥tyanti ca rudanti ca
   kampante ca hasante ca   nr̥tyanti ca rudanti ca /11/

Verse: 12 
Halfverse: a    apasavyaṃ grahāś cakrur   alakṣmāṇaṃ niśākaram
   apasavyaṃ grahāś cakrur   alakṣmāṇaṃ niśā-karam /
Halfverse: c    avākśirāś ca bʰagavān   udatiṣṭʰata candramāḥ
   avāk-śirāś ca bʰagavān   udatiṣṭʰata candramāḥ /12/

Verse: 13 
Halfverse: a    vapūṃṣi ca narendrāṇāṃ   vigatānīva lakṣaye
   vapūṃṣi ca nara_indrāṇāṃ   vigatāni_iva lakṣaye /
Halfverse: c    dʰārtarāṣṭrasya sainyeṣu   na ca bʰrājanti daṃśitaḥ
   dʰārtarāṣṭrasya sainyeṣu   na ca bʰrājanti daṃśitaḥ /13/

Verse: 14 
Halfverse: a    senayor ubʰayoś caiva   samantāc cʰrūyate mahān
   senayor ubʰayoś caiva   samantāt śrūyate mahān /
Halfverse: c    pāñcajanyasya nirgʰoṣo   gāṇḍīvasya ca nisvanaḥ
   pāñcajanyasya nirgʰoṣo   gāṇḍīvasya ca nisvanaḥ /14/

Verse: 15 
Halfverse: a    dʰruvam āstʰāya bībʰatsur   uttamāstrāṇi saṃyuge
   dʰruvam āstʰāya bībʰatsur   uttama_astrāṇi saṃyuge /
Halfverse: c    apāsyānyān raṇe yodʰān   abʰyasyati pitāmaham
   apāsya_anyān raṇe yodʰān   abʰyasyati pitāmaham /15/

Verse: 16 
Halfverse: a    hr̥ṣyanti romakūpāni   sīdatīva ca me manaḥ
   hr̥ṣyanti roma-kūpāni   sīdati_iva ca me manaḥ /
Halfverse: c    cintayitvā mahābāho   bʰīṣmārjuna samāgamam
   cintayitvā mahā-bāho   bʰīṣma_arjuna samāgamam /16/

Verse: 17 
Halfverse: a    taṃ caiva nikr̥tiprajñaṃ   pāñcālyaṃ pāpacetasam
   taṃ caiva nikr̥ti-prajñaṃ   pāñcālyaṃ pāpa-cetasam /
Halfverse: c    puraskr̥tya raṇe pārtʰo   bʰīṣmasyāyodʰanaṃ gataḥ
   puras-kr̥tya raṇe pārtʰo   bʰīṣmasya_āyodʰanaṃ gataḥ /17/

Verse: 18 
Halfverse: a    abravīc ca purā bʰīṣmo   nāhaṃ hanyāṃ śikʰaṇḍinam
   abravīc ca purā bʰīṣmo   na_ahaṃ hanyāṃ śikʰaṇḍinam /
Halfverse: c    strī hy eṣā vihitā dʰātrā   daivāc ca sa punaḥ pumān
   strī hy eṣā vihitā dʰātrā   daivāc ca sa punaḥ pumān /18/

Verse: 19 
Halfverse: a    amaṅgalya dʰvajaś caiva   yājñasenir mahāratʰaḥ
   amaṅgalya dʰvajaś caiva   yājñasenir mahā-ratʰaḥ /
Halfverse: c    na cāmaṅgala ketoḥ sa   prahared āpagā sutaḥ
   na ca_amaṅgala ketoḥ sa   prahared āpagā sutaḥ /19/

Verse: 20 
Halfverse: a    etad vicintayānasya   prajñā sīdati me bʰr̥śam
   etad vicintayānasya   prajñā sīdati me bʰr̥śam /
Halfverse: c    adyaiva tu raṇe pārtʰaḥ   kuruvr̥ddʰam upādravat
   adya_eva tu raṇe pārtʰaḥ   kuru-vr̥ddʰam upādravat /20/

Verse: 21 
Halfverse: a    yudʰiṣṭʰirasya ca krodʰo   bʰīṣmārjuna samāgamaḥ
   yudʰiṣṭʰirasya ca krodʰo   bʰīṣma_arjuna samāgamaḥ /
Halfverse: c    mama cāstrābʰisaṃrambʰaḥ   prajānām aśubʰaṃ dʰruvam
   mama ca_astra_abʰisaṃrambʰaḥ   prajānām aśubʰaṃ dʰruvam /21/

Verse: 22 
Halfverse: a    manasvī balavāñ śūraḥ   kr̥tāstro dr̥ḍʰavikramaḥ
   manasvī balavān śūraḥ   kr̥ta_astro dr̥ḍʰa-vikramaḥ /
Halfverse: c    dūrapātī dr̥ḍʰeṣuś ca   nimittajñaś ca pāṇḍavaḥ
   dūra-pātī dr̥ḍʰa_iṣuś ca   nimittajñaś ca pāṇḍavaḥ /22/

Verse: 23 
Halfverse: a    ajeyaḥ samare caiva   devair api sa vāsavaiḥ
   ajeyaḥ samare caiva   devair api sa vāsavaiḥ /
Halfverse: c    balavān buddʰimāṃś caiva   jitakleśo yudʰāṃ varaḥ
   balavān buddʰimāṃś caiva   jita-kleśo yudʰāṃ varaḥ /23/

Verse: 24 
Halfverse: a    vijayī ca raṇe nityaṃ   bʰairavāstraś ca pāṇḍavaḥ
   vijayī ca raṇe nityaṃ   bʰairava_astraś ca pāṇḍavaḥ /
Halfverse: c    tasya mārgaṃ pariharan   drutaṃ gaccʰa yatavratam
   tasya mārgaṃ pariharan   drutaṃ gaccʰa yata-vratam /24/

Verse: 25 
Halfverse: a    paśya caitan mahābāho   vaiśasaṃ samupastʰitam
   paśya ca_etan mahā-bāho   vaiśasaṃ samupastʰitam /
Halfverse: c    hemacitrāṇi śūrāṇāṃ   mahānti ca śubʰāni ca
   hema-citrāṇi śūrāṇāṃ   mahānti ca śubʰāni ca /25/

Verse: 26 
Halfverse: a    kavacāny avadīryante   śaraiḥ saṃnataparvabʰiḥ
   kavacāny avadīryante   śaraiḥ saṃnata-parvabʰiḥ /
Halfverse: c    cʰidyante ca dʰvajāgrāṇi   tomarāṇi dʰanūṃṣi ca
   cʰidyante ca dʰvaja_agrāṇi   tomarāṇi dʰanūṃṣi ca /26/

Verse: 27 
Halfverse: a    prāsāś ca vimalās tīkṣṇāḥ   śaktyaś ca kanakojjvalāḥ
   prāsāś ca vimalās tīkṣṇāḥ   śaktyaś ca kanaka_ujjvalāḥ / ՙ
Halfverse: c    vaijayantyaś ca nāgānāṃ   saṃkruddʰena kirīṭinā
   vaijayantyaś ca nāgānāṃ   saṃkruddʰena kirīṭinā /27/

Verse: 28 
Halfverse: a    nāyaṃ saṃrakṣituṃ kālaḥ   prāṇān putropajīvibʰiḥ
   na_ayaṃ saṃrakṣituṃ kālaḥ   prāṇān putra_upajīvibʰiḥ /
Halfverse: c    yāhi svargaṃ puraskr̥tya   yaśase vijayāya ca
   yāhi svargaṃ puras-kr̥tya   yaśase vijayāya ca /28/

Verse: 29 
Halfverse: a    hayanāgaratʰāvartāṃ   mahāgʰorāṃ sudustarām
   haya-nāga-ratʰa_āvartāṃ   mahā-gʰorāṃ sudustarām /
Halfverse: c    ratʰena saṃgrāmanadīṃ   taraty eṣa kapidʰvajaḥ
   ratʰena saṃgrāma-nadīṃ   taraty eṣa kapi-dʰvajaḥ /29/

Verse: 30 
Halfverse: a    brahmaṇyatā damo dānaṃ   tapaś ca caritaṃ mahat
   brahmaṇyatā damo dānaṃ   tapaś ca caritaṃ mahat /
Halfverse: c    ihaiva dr̥śyate rājño   bʰrātā yasya dʰanaṃjayaḥ
   iha_eva dr̥śyate rājño   bʰrātā yasya dʰanaṃjayaḥ /30/

Verse: 31 
Halfverse: a    bʰīmasenaś ca balavān   mādrīputrau ca pāṇḍavau
   bʰīmasenaś ca balavān   mādrī-putrau ca pāṇḍavau /
Halfverse: c    vāsudevaś ca vārṣṇeyo   yasya nātʰo vyavastʰitaḥ
   vāsudevaś ca vārṣṇeyo   yasya nātʰo vyavastʰitaḥ /31/

Verse: 32 
Halfverse: a    tasyaiṣa manyuprabʰavo   dʰārtarāṣṭrasya durmateḥ
   tasya_eṣa manyu-prabʰavo   dʰārtarāṣṭrasya durmateḥ / ՙ
Halfverse: c    tapo dagdʰaśarīrasya   kopo dahati bʰāratān
   tapo dagdʰa-śarīrasya   kopo dahati bʰāratān /32/

Verse: 33 
Halfverse: a    eṣa saṃdr̥śyate pārtʰo   vāsudeva vyapāśrayaḥ
   eṣa saṃdr̥śyate pārtʰo   vāsudeva vyapāśrayaḥ /
Halfverse: c    dārayan sarvasainyāni   dʰārtarāṣṭrāṇi sarvaśaḥ
   dārayan sarva-sainyāni   dʰārtarāṣṭrāṇi sarvaśaḥ /33/

Verse: 34 
Halfverse: a    etad ālokyate sainyaṃ   kṣobʰyamāṇaṃ kirīṭinā
   etad ālokyate sainyaṃ   kṣobʰyamāṇaṃ kirīṭinā /
Halfverse: c    mahorminaddʰaṃ sumahat   timineva nadī mukʰam
   mahā_ūrmi-naddʰaṃ sumahat   timinā_iva nadī mukʰam /34/

Verse: 35 
Halfverse: a    hāhā kila kilā śabdāḥ   śrūyante ca camūmukʰe
   hāhā kila kilā śabdāḥ   śrūyante ca camū-mukʰe /
Halfverse: c    yāhi pāñcāla dāyādam   ahaṃ yāsye yudʰiṣṭʰiram
   yāhi pāñcāla dāyādam   ahaṃ yāsye yudʰiṣṭʰiram /35/

Verse: 36 
Halfverse: a    durlabʰaṃ hy antaraṃ rājño   vyūhasyāmita tejasaḥ
   durlabʰaṃ hy antaraṃ rājño   vyūhasya_amita tejasaḥ /
Halfverse: c    samudrakukṣipatimaṃ   sarvato 'tiratʰaiḥ stʰitaiḥ
   samudra-kukṣipatimaṃ   sarvato_atiratʰaiḥ stʰitaiḥ /36/

Verse: 37 
Halfverse: a    sātyakiś cābʰimanyuś ca   dʰr̥ṣṭadyumna vr̥kodarau
   sātyakiś ca_abʰimanyuś ca   dʰr̥ṣṭadyumna vr̥kodarau /
Halfverse: c    parirakṣanti rājānaṃ   yamau ca manujeśvaram
   parirakṣanti rājānaṃ   yamau ca manuja_īśvaram /37/

Verse: 38 
Halfverse: a    upendra sadr̥śaḥ śyāmo   mahāśāla ivodgataḥ
   upendra sadr̥śaḥ śyāmo   mahā-śāla\ iva_udgataḥ / ՙ
Halfverse: c    eṣa gaccʰaty anīkāni   dvitīya iva pʰalgunaḥ
   eṣa gaccʰaty anīkāni   dvitīya\ iva pʰalgunaḥ /38/ ՙ

Verse: 39 
Halfverse: a    uttamāstrāṇi cādatsva   gr̥hītvānyan mahad dʰanuḥ
   uttama_astrāṇi ca_ādatsva   gr̥hītvā_anyan mahad dʰanuḥ /
Halfverse: c    pārśvato yāhi rājānaṃ   yudʰyasva ca vr̥kodaram
   pārśvato yāhi rājānaṃ   yudʰyasva ca vr̥kodaram /39/

Verse: 40 
Halfverse: a    ko hi neccʰet priyaṃ putraṃ   jīvantaṃ śāśvatīḥ samāḥ
   ko hi na_iccʰet priyaṃ putraṃ   jīvantaṃ śāśvatīḥ samāḥ /
Halfverse: c    kṣatradʰarmaṃ puraskr̥tya   tatas tvā viniyujmahe
   kṣatra-dʰarmaṃ puras-kr̥tya   tatas tvā viniyujmahe /40/

Verse: 41 
Halfverse: a    eṣa cāpi raṇe bʰīṣmo   dahate vai mahācamūm
   eṣa ca_api raṇe bʰīṣmo   dahate vai mahā-camūm /
Halfverse: c    yuddʰe susadr̥śas tāta   yamasya varuṇasya ca
   yuddʰe susadr̥śas tāta   yamasya varuṇasya ca /41/ (E)41



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.