TITUS
Mahabharata
Part No. 962
Previous part

Chapter: 102 
Adhyāya 102


Verse: 1  {Saṃjaya uvāca}
Halfverse: a    tataḥ pitā tava kruddʰo   niśitaiḥ sāyakottamaiḥ
   tataḥ pitā tava kruddʰo   niśitaiḥ sāyaka_uttamaiḥ /
Halfverse: c    ājagʰāna raṇe pārtʰān   saha senān samantataḥ
   ājagʰāna raṇe pārtʰān   saha senān samantataḥ /1/

Verse: 2 
Halfverse: a    bʰīmaṃ dvādaśabʰir viddʰvā   sātyakiṃ navabʰiḥ śaraiḥ
   bʰīmaṃ dvādaśabʰir viddʰvā   sātyakiṃ navabʰiḥ śaraiḥ /
Halfverse: c    nakulaṃ ca tribʰir bāṇaiḥ   sahadevaṃ ca saptabʰiḥ
   nakulaṃ ca tribʰir bāṇaiḥ   sahadevaṃ ca saptabʰiḥ /2/

Verse: 3 
Halfverse: a    yudʰiṣṭʰiraṃ dvādaśabʰir   bāhvor urasi cārpayat
   yudʰiṣṭʰiraṃ dvādaśabʰir   bāhvor urasi ca_arpayat /
Halfverse: c    dʰr̥ṣṭadyumnaṃ tato viddʰvā   vinanāda mahābalaḥ
   dʰr̥ṣṭadyumnaṃ tato viddʰvā   vinanāda mahā-balaḥ /3/

Verse: 4 
Halfverse: a    taṃ dvādaśārtʰair nakulo   mādʰavaś ca tribʰiḥ śaraiḥ
   taṃ dvādaśa_artʰair nakulo   mādʰavaś ca tribʰiḥ śaraiḥ /
Halfverse: c    dʰr̥ṣṭadyumnaś ca saptatyā   bʰīmasenaś ca pañcabʰiḥ
   dʰr̥ṣṭadyumnaś ca saptatyā   bʰīmasenaś ca pañcabʰiḥ / ՙ
Halfverse: e    yudʰiṣṭʰiro dvādaśabʰiḥ   pratyavidʰyat pitāmaham
   yudʰiṣṭʰiro dvādaśabʰiḥ   pratyavidʰyat pitāmaham /4/

Verse: 5 
Halfverse: a    droṇas tu sātyakiṃ viddʰvā   bʰīmasenam avidʰyata
   droṇas tu sātyakiṃ viddʰvā   bʰīmasenam avidʰyata /
Halfverse: c    ekaikaṃ pañcabʰir bāṇair   yamadaṇḍopamaiḥ śitaiḥ
   eka_ekaṃ pañcabʰir bāṇair   yama-daṇḍa_upamaiḥ śitaiḥ /5/

Verse: 6 
Halfverse: a    tau ca taṃ pratyavidʰyetāṃ   tribʰis tribʰir ajihmagaiḥ
   tau ca taṃ pratyavidʰyetāṃ   tribʰis tribʰir ajihmagaiḥ /
Halfverse: c    tottrair iva mahānāgaṃ   droṇaṃ brāhmaṇa puṃgavam
   tottrair iva mahā-nāgaṃ   droṇaṃ brāhmaṇa puṃgavam /6/

Verse: 7 
Halfverse: a    sauvīrāḥ kitavāḥ prācyāḥ   pratīcyodīcya mālavāḥ
   sauvīrāḥ kitavāḥ prācyāḥ   pratīcya_udīcya mālavāḥ /
Halfverse: c    abʰīṣāhāḥ śūrasenāḥ   śibayo 'tʰa vasātayaḥ
   abʰīṣāhāḥ śūrasenāḥ   śibayo_atʰa vasātayaḥ /
Halfverse: e    saṃgrāme nājahur bʰīṣmaṃ   vadʰyamānāḥ śitaiḥ śaraiḥ
   saṃgrāme na_ājahur[?] bʰīṣmaṃ   vadʰyamānāḥ śitaiḥ śaraiḥ /7/

Verse: 8 
Halfverse: a    tatʰaivānye vadʰyamānāḥ   pāṇḍaveyair mahātmabʰiḥ
   tatʰaiva_anye vadʰyamānāḥ   pāṇḍaveyair mahātmabʰiḥ /
Halfverse: c    pāṇḍavān abʰyavartanta   vividʰāyudʰapāṇayaḥ
   pāṇḍavān abʰyavartanta   vividʰa_āyudʰa-pāṇayaḥ /
Halfverse: e    tatʰaiva pāṇḍavā rājan   parivavruḥ pitāmaham
   tatʰaiva pāṇḍavā rājan   parivavruḥ pitāmaham /8/

Verse: 9 
Halfverse: a    sa samantāt parivr̥to   ratʰaugʰair aparājitaḥ
   sa samantāt parivr̥to   ratʰa_ogʰair aparājitaḥ /
Halfverse: c    gahane 'gnir ivotsr̥ṣṭaḥ   prajajvāla dahan parān
   gahane_agnir iva_utsr̥ṣṭaḥ   prajajvāla dahan parān /9/

Verse: 10 
Halfverse: a    ratʰāgny agāraś cāpārcir   asi śaktigadendʰanaḥ
   ratʰa_agny agāraś cāpa_arcir   asi śakti-gadā_indʰanaḥ /
Halfverse: c    śaraspʰuliṅgo bʰīṣmāgnir   dadāha kṣatriyarṣabʰān
   śara-spʰuliṅgo bʰīṣma_agnir   dadāha kṣatriya-r̥ṣabʰān /10/

Verse: 11 
Halfverse: a    suvarṇapuṅkʰair iṣubʰir   gārdʰra pakṣaiḥ sutejanaiḥ
   suvarṇa-puṅkʰair iṣubʰir   gārdʰra pakṣaiḥ sutejanaiḥ /
Halfverse: c    karṇinālīkanārācaiś   cʰādayām āsa tad balam
   karṇi-nālīka-nārācaiś   cʰādayām āsa tad balam /11/

Verse: 12 
Halfverse: a    apātayad dʰvajāṃś caiva   ratʰinaś ca śitaiḥ śaraiḥ
   apātayad dʰvajāṃś caiva   ratʰinaś ca śitaiḥ śaraiḥ /
Halfverse: c    muṇḍa tālavanānīva   cakāra sa ratʰavrajān
   muṇḍa tāla-vanāni_iva   cakāra sa ratʰa-vrajān /12/

Verse: 13 
Halfverse: a    nirmanuṣyān ratʰān rājan   gajān aśvāṃśca saṃyuge
   nirmanuṣyān ratʰān rājan   gajān aśvāṃśca saṃyuge /
Halfverse: c    akarot sa mahābāhuḥ   sarvaśastrabʰr̥tāṃ varaḥ
   akarot sa mahā-bāhuḥ   sarva-śastrabʰr̥tāṃ varaḥ /13/

Verse: 14 
Halfverse: a    tasya jyātalanirgʰoṣaṃ   vispʰūrjitam ivāśaneḥ
   tasya jyā-tala-nirgʰoṣaṃ   vispʰūrjitam iva_aśaneḥ /
Halfverse: c    niśamya sarvabʰūtāni   samakampanta bʰārata
   niśamya sarva-bʰūtāni   samakampanta bʰārata /14/

Verse: 15 
Halfverse: a    amogʰā hy apatan bāṇāḥ   pitus te bʰaratarṣabʰa
   amogʰā hy apatan bāṇāḥ   pitus te bʰarata-r̥ṣabʰa /
Halfverse: c    nāsajjanta tanutreṣu   bʰīṣma cāpacyutāḥ śarāḥ
   na_asajjanta tanutreṣu   bʰīṣma cāpa-cyutāḥ śarāḥ /15/

Verse: 16 
Halfverse: a    hatavīrān ratʰān rājan   saṃyuktāñ javanair hayaiḥ
   hata-vīrān ratʰān rājan   saṃyuktān javanair hayaiḥ /
Halfverse: c    apaśyāma mahārāja   hriyamāṇān raṇājire
   apaśyāma mahā-rāja   hriyamāṇān raṇa_ājire /16/

Verse: 17 
Halfverse: a    cedikāśikarūṣāṇāṃ   sahasrāṇi caturdaśa
   cedi-kāśi-karūṣāṇāṃ   sahasrāṇi caturdaśa /
Halfverse: c    mahāratʰāḥ samākʰyātāḥ   kulaputrās tanu tyajaḥ
   mahā-ratʰāḥ samākʰyātāḥ   kula-putrās tanu tyajaḥ /
Halfverse: e    aparāvartinaḥ sarve   suvarṇavikr̥ta dʰvajāḥ
   apara_āvartinaḥ sarve   suvarṇa-vikr̥ta dʰvajāḥ /17/

Verse: 18 
Halfverse: a    saṃgrāme bʰīṣmam āsādya   vyāditāsyam ivāntakam
   saṃgrāme bʰīṣmam āsādya   vyādita_āsyam iva_antakam /
Halfverse: c    nimagnāḥ paralokāya   sa vājiratʰakuñjarāḥ
   nimagnāḥ para-lokāya   sa vāji-ratʰa-kuñjarāḥ /18/

Verse: 19 
Halfverse: a    bʰagnākṣopaskarān kāṃś cid   bʰagnacakrāṃś ca sarvaśaḥ
   bʰagna_akṣa_upaskarān kāṃścid   bʰagna-cakrāṃś ca sarvaśaḥ /
Halfverse: c    apaśyāma ratʰān rājañ   śataśo 'tʰa sahasraśaḥ
   apaśyāma ratʰān rājan   śataśo_atʰa sahasraśaḥ /19/

Verse: 20 
Halfverse: a    sa varūtʰai ratʰair bʰagnai   ratʰibʰiś ca nipātitaiḥ
   sa varūtʰai ratʰair bʰagnai   ratʰibʰiś ca nipātitaiḥ /
Halfverse: c    śaraiḥ sukavacaiś cʰinnaiḥ   paṭṭiśaiś ca viśāṃ pate
   śaraiḥ sukavacaiś cʰinnaiḥ   paṭṭiśaiś ca viśāṃ pate /20/

Verse: 21 
Halfverse: a    gadābʰir musalaiś caiva   nistriṃśaiś ca śilīmukʰaiḥ
   gadābʰir musalaiś caiva   nistriṃśaiś ca śilī-mukʰaiḥ /
Halfverse: c    anukarṣair upāsaṅgaiś   cakrair bʰagnaiś ca māriṣa
   anukarṣair upāsaṅgaiś   cakrair bʰagnaiś ca māriṣa /21/

Verse: 22 
Halfverse: a    bāhubʰiḥ kārmukaiḥ kʰaḍgaiḥ   śirobʰiś ca sa kuṇḍalaiḥ
   bāhubʰiḥ kārmukaiḥ kʰaḍgaiḥ   śirobʰiś ca sa kuṇḍalaiḥ /
Halfverse: c    talatrair aṅgulitraiś ca   dʰvajaiś ca vinipātitaiḥ
   talatrair aṅgulitraiś ca   dʰvajaiś ca vinipātitaiḥ /
Halfverse: e    cāpaiś ca bahudʰā cʰinnaiḥ   samāstīryata medinī
   cāpaiś ca bahudʰā cʰinnaiḥ   samāstīryata medinī /22/

Verse: 23 
Halfverse: a    hatārohā gajā rājan   hayāś ca hatasādinaḥ
   hata_ārohā gajā rājan   hayāś ca hata-sādinaḥ /
Halfverse: c    paripetur drutaṃ tatra   śataśo 'tʰa sahasraśaḥ
   paripetur drutaṃ tatra   śataśo_atʰa sahasraśaḥ /23/

Verse: 24 
Halfverse: a    yatamānāś ca te vīrā   dravamāṇān mahāratʰān
   yatamānāś ca te vīrā   dravamāṇān mahā-ratʰān /
Halfverse: c    nāśaknuvan vārayituṃ   bʰīṣma bāṇaprapīḍitān
   na_aśaknuvan vārayituṃ   bʰīṣma bāṇa-prapīḍitān /24/

Verse: 25 
Halfverse: a    mahendrasamavīryeṇa   vadʰyamānā mahācamūḥ
   mahā_indra-sama-vīryeṇa   vadʰyamānā mahā-camūḥ /
Halfverse: c    abʰajyata mahārāja   na ca dvau saha dʰāvataḥ
   abʰajyata mahā-rāja   na ca dvau saha dʰāvataḥ /25/

Verse: 26 
Halfverse: a    āviddʰa ratʰanāgāśvaṃ   patita dʰvajakūbaram
   āviddʰa ratʰa-nāga_aśvaṃ   patita dʰvaja-kūbaram /
Halfverse: c    anīkaṃ pāṇḍuputrāṇāṃ   hāhābʰūtam acetanam
   anīkaṃ pāṇḍu-putrāṇāṃ   hāhā-bʰūtam acetanam /26/

Verse: 27 
Halfverse: a    jagʰānātra pitā putraṃ   putraś ca pitaraṃ tatʰā
   jagʰāna_atra pitā putraṃ   putraś ca pitaraṃ tatʰā /
Halfverse: c    priyaṃ sakʰāyaṃ cākrande   sakʰā daivabalāt kr̥taḥ
   priyaṃ sakʰāyaṃ ca_ākrande   sakʰā daiva-balāt kr̥taḥ /27/

Verse: 28 
Halfverse: a    vimucya kavacān anye   pāṇḍuputrasya sainikāḥ
   vimucya kavacān anye   pāṇḍu-putrasya sainikāḥ /
Halfverse: c    prakīrya keśān dʰāvantaḥ   patyadr̥śyanta bʰārata
   prakīrya keśān dʰāvantaḥ   patyadr̥śyanta bʰārata /28/

Verse: 29 
Halfverse: a    tad gokulam ivodbʰrāntam   udbʰrāntaratʰakuñjaram
   tad go-kulam iva_udbʰrāntam   udbʰrānta-ratʰa-kuñjaram /
Halfverse: c    dadr̥śe pāṇḍuputrasya   sainyam ārtasvaraṃ tadā
   dadr̥śe pāṇḍu-putrasya   sainyam ārta-svaraṃ tadā /29/

Verse: 30 
Halfverse: a    prabʰajyamānaṃ sainyaṃ tu   dr̥ṣṭvā yādavanandanaḥ
   prabʰajyamānaṃ sainyaṃ tu   dr̥ṣṭvā yādava-nandanaḥ /
Halfverse: c    uvāca pārtʰaṃ bībʰatsuṃ   nigr̥hya ratʰam uttamam
   uvāca pārtʰaṃ bībʰatsuṃ   nigr̥hya ratʰam uttamam /30/

Verse: 31 
Halfverse: a    ayaṃ sa kālaḥ saṃprāptaḥ   pārtʰa yaḥ kāṅkṣitas tava
   ayaṃ sa kālaḥ saṃprāptaḥ   pārtʰa yaḥ kāṅkṣitas tava /
Halfverse: c    praharāsmai naravyāgʰra   na cen mohāt pramuhyase
   prahara_asmai nara-vyāgʰra   na cen mohāt pramuhyase /31/

Verse: 32 
Halfverse: a    yat purā katʰitaṃ vīra   tvayā rājñāṃ samāgame
   yat purā katʰitaṃ vīra   tvayā rājñāṃ samāgame /
Halfverse: c    virāṭa nagare pārtʰa   saṃjayasya samīpataḥ
   virāṭa nagare pārtʰa   saṃjayasya samīpataḥ /32/

Verse: 33 
Halfverse: a    bʰīṣmadroṇamukʰān sarvān   dʰārtarāṣṭrasya sainikān
   bʰīṣma-droṇa-mukʰān sarvān   dʰārtarāṣṭrasya sainikān /
Halfverse: c    sānubandʰān haniṣyāmi   ye māṃ yotsyanti saṃyuge
   sa_anubandʰān haniṣyāmi   ye māṃ yotsyanti saṃyuge /33/

Verse: 34 
Halfverse: a    iti tat kuru kaunteya   satyaṃ vākyam ariṃdama
   iti tat kuru kaunteya   satyaṃ vākyam ariṃdama /
Halfverse: c    kṣatradʰarmam anusmr̥tya   yudʰyasva bʰaratarṣabʰa
   kṣatra-dʰarmam anusmr̥tya   yudʰyasva bʰarata-r̥ṣabʰa /34/

Verse: 35 
Halfverse: a    ity ukto vāsudevena   tiryag dr̥ṣṭir adʰomukʰaḥ
   ity ukto vāsudevena   tiryag dr̥ṣṭir adʰo-mukʰaḥ /
Halfverse: c    akāma iva bībʰatsur   idaṃ vacanam abravīt
   akāma\ iva bībʰatsur   idaṃ vacanam abravīt /35/ ՙ

Verse: 36 
Halfverse: a    avadʰyānāṃ vadʰaṃ kr̥tvā   rājyaṃ vā narakottaram
   avadʰyānāṃ vadʰaṃ kr̥tvā   rājyaṃ vā naraka_uttaram /
Halfverse: c    duḥkʰāni vanavāse vā   kiṃ nu me sukr̥taṃ bʰavet
   duḥkʰāni vana-vāse vā   kiṃ nu me sukr̥taṃ bʰavet /36/

Verse: 37 
Halfverse: a    codayāśvān yato bʰīṣmaḥ   kariṣye vacanaṃ tava
   codaya_aśvān yato bʰīṣmaḥ   kariṣye vacanaṃ tava /
Halfverse: c    pātayiṣyāmi durdʰarṣaṃ   vr̥ddʰaṃ kurupitāmaham
   pātayiṣyāmi durdʰarṣaṃ   vr̥ddʰaṃ kuru-pitāmaham /37/

Verse: 38 
Halfverse: a    tato 'śvān rajataprakʰyāṃś   codayām āsa mādʰavaḥ
   tato_aśvān rajata-prakʰyāṃś   codayām āsa mādʰavaḥ /
Halfverse: c    yato bʰīṣmas tato rājan   duṣprekṣyo raśmivān iva
   yato bʰīṣmas tato rājan   duṣprekṣyo raśmivān iva /38/

Verse: 39 
Halfverse: a    tatas tat punar āvr̥ttaṃ   yudʰiṣṭʰira balaṃ mahat
   tatas tat punar āvr̥ttaṃ   yudʰiṣṭʰira balaṃ mahat /
Halfverse: c    dr̥ṣṭvā pārtʰaṃ mahābāhuṃ   bʰīṣmāyodyantam āhave
   dr̥ṣṭvā pārtʰaṃ mahā-bāhuṃ   bʰīṣmāya_udyantam āhave /39/

Verse: 40 
Halfverse: a    tato bʰīṣmaḥ kuruśreṣṭʰaḥ   siṃhavad vinadan muhuḥ
   tato bʰīṣmaḥ kuru-śreṣṭʰaḥ   siṃhavad vinadan muhuḥ /
Halfverse: c    dʰanaṃjaya ratʰaṃ śīgʰraṃ   śaravarṣair avākirat
   dʰanaṃjaya ratʰaṃ śīgʰraṃ   śara-varṣair avākirat /40/

Verse: 41 
Halfverse: a    kṣaṇena sa ratʰas tasya   sa hayaḥ saha sāratʰiḥ
   kṣaṇena sa ratʰas tasya   sa hayaḥ saha sāratʰiḥ /
Halfverse: c    śaravarṣeṇa mahatā   na prajñāyata kiṃ cana
   śara-varṣeṇa mahatā   na prajñāyata kiṃcana /41/

Verse: 42 
Halfverse: a    vāsudevas tv asaṃbʰrānto   dʰairyam āstʰāya sātvataḥ
   vāsudevas tv asaṃbʰrānto   dʰairyam āstʰāya sātvataḥ /
Halfverse: c    codayām āsa tān aśvān   vitunnān bʰīṣma sāyakaiḥ
   codayām āsa tān aśvān   vitunnān bʰīṣma sāyakaiḥ /42/

Verse: 43 
Halfverse: a    tataḥ pārtʰo dʰanur gr̥hya   divyaṃ jaladanisvanam
   tataḥ pārtʰo dʰanur gr̥hya   divyaṃ jalada-nisvanam /
Halfverse: c    pātayām āsa bʰīṣmasya   dʰanuś cʰittvā śitaiḥ śaraiḥ
   pātayām āsa bʰīṣmasya   dʰanuś cʰittvā śitaiḥ śaraiḥ /43/

Verse: 44 
Halfverse: a    sa ccʰinna dʰanvā kauravyaḥ   punar anyan mahad dʰanuḥ
   sa ccʰinna dʰanvā kauravyaḥ   punar anyan mahad dʰanuḥ /
Halfverse: c    nimeṣāntaramātreṇa   sajyaṃ cakre pitā tava
   nimeṣa_antara-mātreṇa   sajyaṃ cakre pitā tava /44/

Verse: 45 
Halfverse: a    vicakarṣa tato dorbʰyāṃ   danur jaladanisvanam
   vicakarṣa tato dorbʰyāṃ   danur jalada-nisvanam /
Halfverse: c    atʰāsya tad api kruddʰaś   ciccʰeda dʰanur arjunaḥ
   atʰa_asya tad api kruddʰaś   ciccʰeda dʰanur arjunaḥ /45/

Verse: 46 
Halfverse: a    tasya tat pūjayām āsa   lāgʰavaṃ śaṃtanoḥ sutaḥ
   tasya tat pūjayām āsa   lāgʰavaṃ śaṃtanoḥ sutaḥ /
Halfverse: c    sādʰu pārtʰa mahābāho   sādʰu kuntīsuteti ca
   sādʰu pārtʰa mahā-bāho   sādʰu kuntī-suta_iti ca /46/

Verse: 47 
Halfverse: a    samābʰāṣyainam aparaṃ   pragr̥hya ruciraṃ dʰanuḥ
   samābʰāṣya_enam aparaṃ   pragr̥hya ruciraṃ dʰanuḥ / ՙ
Halfverse: c    mumoca samare bʰīṣmaḥ   śarān pārtʰa ratʰaṃ pratʰi
   mumoca samare bʰīṣmaḥ   śarān pārtʰa ratʰaṃ pratʰi /47/

Verse: 48 
Halfverse: a    adarśayad vāsudevo   hayayāne paraṃ balam
   adarśayad vāsudevo   haya-yāne paraṃ balam /
Halfverse: c    mogʰān kurvañ śarāṃs tasya   maṇḍalāni vidarśayan
   mogʰān kurvan śarāṃs tasya   maṇḍalāni vidarśayan /48/

Verse: 49 
Halfverse: a    śuśubʰāte naravyāgʰrau   bʰīṣma pārtʰau śarakṣatau
   śuśubʰāte nara-vyāgʰrau   bʰīṣma pārtʰau śara-kṣatau /
Halfverse: c    govr̥ṣāv iva saṃrabdʰau   viṣāṇollikʰitāṅkitau
   go-vr̥ṣāv iva saṃrabdʰau   viṣāṇa_ullikʰita_aṅkitau /49/

Verse: 50 
Halfverse: a    vāsudevas tu saṃprekṣya   pārtʰasya mr̥du yuddʰatām
   vāsudevas tu saṃprekṣya   pārtʰasya mr̥du yuddʰatām /
Halfverse: c    bʰīṣmaṃ ca śaravarṣāṇi   sr̥jantam aniśaṃ yudʰi
   bʰīṣmaṃ ca śara-varṣāṇi   sr̥jantam aniśaṃ yudʰi /50/

Verse: 51 
Halfverse: a    pratapantam ivādityaṃ   madʰyam āsādya senayoḥ
   pratapantam iva_ādityaṃ   madʰyam āsādya senayoḥ /
Halfverse: c    varān varān vinigʰnantaṃ   pāṇḍuputrasya sainikān
   varān varān vinigʰnantaṃ   pāṇḍu-putrasya sainikān /51/

Verse: 52 
Halfverse: a    yugāntam iva kurvāṇaṃ   bʰīṣmaṃ yaudʰiṣṭʰire bale
   yuga_antam iva kurvāṇaṃ   bʰīṣmaṃ yaudʰiṣṭʰire bale /
Halfverse: c    nāmr̥ṣyata mahābāhur   māgʰavaḥ paravīrahā
   na_amr̥ṣyata mahā-bāhur   māgʰavaḥ para-vīrahā /52/

Verse: 53 
Halfverse: a    utsr̥jya rajataprakʰyān   hayān pārtʰasya māriṣa
   utsr̥jya rajata-prakʰyān   hayān pārtʰasya māriṣa /
Halfverse: c    kruddʰo nāma mahāyogī   pracaskanda mahāratʰāt
   kruddʰo nāma mahā-yogī   pracaskanda mahā-ratʰāt /
Halfverse: e    abʰidudrāva bʰīṣmaṃ sa   bʰujapraharaṇo balī
   abʰidudrāva bʰīṣmaṃ sa   bʰuja-praharaṇo balī /53/

Verse: 54 
Halfverse: a    pratoda pāṇis tejasvī   siṃhavad vinadan muhuḥ
   pratoda pāṇis tejasvī   siṃhavad vinadan muhuḥ /
Halfverse: c    dārayann iva padbʰyāṃ sa   jagatīṃ jagatīśvaraḥ
   dārayann iva padbʰyāṃ sa   jagatīṃ jagati_īśvaraḥ /54/ [jagatīśvarah]

Verse: 55 
Halfverse: a    krodʰatāmrekṣaṇaḥ kr̥ṣṇo   jigʰāṃsur amitadyutiḥ
   krodʰa-tāmra_īkṣaṇaḥ kr̥ṣṇo   jigʰāṃsur amita-dyutiḥ /
Halfverse: c    grasann iva ca cetāṃsi   tāvakānāṃ mahāhave
   grasann iva ca cetāṃsi   tāvakānāṃ mahā_āhave /

Verse: 56 
Halfverse: a    dr̥ṣṭvā mādʰavam ākrande   bʰīṣmāyodyantam āhave
   dr̥ṣṭvā mādʰavam ākrande   bʰīṣmāya_udyantam āhave /
Halfverse: c    hato bʰīṣmo hato bʰīṣma   iti tatra sma sainikāḥ
   hato bʰīṣmo hato bʰīṣma iti tatra sma sainikāḥ / ՙ
Halfverse: e    krośantaḥ prādravan sarve   vāsudeva bʰayān narāḥ
   krośantaḥ prādravan sarve   vāsudeva bʰayān narāḥ /56/

Verse: 57 
Halfverse: a    pītakauśeyasaṃvīto   maṇiśyāmo janārdanaḥ
   pīta-kauśeya-saṃvīto   maṇi-śyāmo janārdanaḥ /
Halfverse: c    śuśubʰe vidravan bʰīṣmaṃ   vidyunmālī yatʰāmbudaḥ
   śuśubʰe vidravan bʰīṣmaṃ   vidyun-mālī yatʰā_ambudaḥ /57/

Verse: 58 
Halfverse: a    sa siṃha iva mātaṅgaṃ   yūtʰarṣabʰa ivarṣabʰam
   sa siṃha\ iva mātaṅgaṃ   yūtʰa-r̥ṣabʰa\ iva-r̥ṣabʰam / ՙ
Halfverse: c    abʰidudrāva tejasvī   vinadan yādavarṣabʰaḥ
   abʰidudrāva tejasvī   vinadan yādava-r̥ṣabʰaḥ /58/

Verse: 59 
Halfverse: a    tam āpatantaṃ saṃprekṣya   puṇḍarīkākṣam āhave
   tam āpatantaṃ saṃprekṣya   puṇḍarīka_akṣam āhave /
Halfverse: c    asaṃbʰramaṃ raṇe bʰīṣmo   vicakarṣa mahad dʰanuḥ
   asaṃbʰramaṃ raṇe bʰīṣmo   vicakarṣa mahad dʰanuḥ /
Halfverse: e    uvāca cainaṃ govindam   asaṃbʰrāntena cetasa
   uvāca ca_enaṃ govindam   asaṃbʰrāntena cetasa /59/

Verse: 60 
Halfverse: a    ehy ehi puṇḍarīkākṣa   devadeva namo 'stu te
   ehy ehi puṇḍarīka_akṣa   deva-deva namo_astu te /
Halfverse: c    mām adya sātvata śreṣṭʰa   pātayasva mahāhave
   mām adya sātvata śreṣṭʰa   pātayasva mahā_āhave /60/

Verse: 61 
Halfverse: a    tvayā hi deva saṃgrāme   hatasyāpi mamānagʰa
   tvayā hi deva saṃgrāme   hatasyāpi mama_anagʰa /
Halfverse: c    śreya eva paraṃ kr̥ṣṇa   loke 'muṣminn ihaiva ca
   śreya\ eva paraṃ kr̥ṣṇa   loke_amuṣminn iha_eva ca / ՙ
Halfverse: e    saṃbʰāvito 'siṃ govinda   trailokyenādya saṃyuge
   saṃbʰāvito_asiṃ govinda   trailokyena_adya saṃyuge /61/

Verse: 62 
Halfverse: a    anvag eva tataḥ pārtʰas   tam anudrutya keśavam
   anvag eva tataḥ pārtʰas   tam anudrutya keśavam /
Halfverse: c    nijagrāha mahābāhur   bāhubʰyām arigr̥hya vai
   nijagrāha mahā-bāhur   bāhubʰyām arigr̥hya vai /62/

Verse: 63 
Halfverse: a    nigr̥hyamāṇaḥ pārtʰena   kr̥ṣṇo rājīvalocanaḥ
   nigr̥hyamāṇaḥ pārtʰena   kr̥ṣṇo rājīva-locanaḥ /
Halfverse: c    jagāma cainam ādāya   vegena puruṣottamaḥ
   jagāma ca_enam ādāya   vegena puruṣa_uttamaḥ /63/

Verse: 64 
Halfverse: a    pārtʰas tu viṣṭabʰya balāc   caraṇau paravīrahā
   pārtʰas tu viṣṭabʰya balāc   caraṇau para-vīrahā /
Halfverse: c    nijagʰrāha hr̥ṣīkeśaṃ   katʰaṃ cid daśame pade
   nijagʰrāha hr̥ṣīkeśaṃ   katʰaṃcid daśame pade /64/

Verse: 65 
Halfverse: a    tata enam uvācārtaḥ   krodʰaparyākulekṣaṇam
   tata\ enam uvāca_ārtaḥ   krodʰa-paryākula_īkṣaṇam / ՙ
Halfverse: c    niḥśvasantaṃ yatʰā nāgam   arjunaḥ paravīrahā
   niḥśvasantaṃ yatʰā nāgam   arjunaḥ para-vīrahā /65/

Verse: 66 
Halfverse: a    nivartasva mahābāho   nānr̥taṃ kartum arhasi
   nivartasva mahā-bāho   na_anr̥taṃ kartum arhasi /
Halfverse: c    yat tvayā katʰitaṃ pūrvaṃ   na yotsyāmīti keśava
   yat tvayā katʰitaṃ pūrvaṃ   na yotsyāmi_iti keśava /66/

Verse: 67 
Halfverse: a    mitʰyāvādīti lokas tvāṃ   katʰayiṣyati mādʰava
   mitʰyā-vādī_iti lokas tvāṃ   katʰayiṣyati mādʰava /
Halfverse: c    mamaiṣa bʰāraḥ sarvo hi   haniṣyāmi yatavratam
   mama_eṣa bʰāraḥ sarvo hi   haniṣyāmi yata-vratam /67/

Verse: 68 
Halfverse: a    śape mādʰava sakʰyena   satyena sukr̥tena ca
   śape mādʰava sakʰyena   satyena sukr̥tena ca /
Halfverse: c    antaṃ yatʰā gamiṣyāmi   śatrūṇāṃ śatrukarśana
   antaṃ yatʰā gamiṣyāmi   śatrūṇāṃ śatru-karśana /68/

Verse: 69 
Halfverse: a    adyaiva paśya durdʰarṣaṃ   pātyamānaṃ mahāvratam
   adya_eva paśya durdʰarṣaṃ   pātyamānaṃ mahā-vratam /
Halfverse: c    tārā patim ivāpūrṇam   antakāle yadr̥ccʰayā
   tārā patim iva_āpūrṇam   anta-kāle yadr̥ccʰayā /69/

Verse: 70 
Halfverse: a    mādʰavas tu vacaḥ śrutvā   pʰalgunasya mahātmanaḥ
   mādʰavas tu vacaḥ śrutvā   pʰalgunasya mahātmanaḥ /
Halfverse: c    na kiṃ cid uktvā sa krodʰa   āruroha ratʰaṃ punaḥ
   na kiṃcid uktvā sa krodʰa āruroha ratʰaṃ punaḥ /70/ ՙ

Verse: 71 
Halfverse: a    tau ratʰastʰau naravyāgʰrau   bʰīṣmaḥ śāṃtanavaḥ punaḥ
   tau ratʰastʰau nara-vyāgʰrau   bʰīṣmaḥ śāṃtanavaḥ punaḥ /
Halfverse: c    vavarṣa śaravarṣeṇa   megʰo vr̥ṣṭyā yatʰācalau
   vavarṣa śara-varṣeṇa   megʰo vr̥ṣṭyā yatʰā_acalau /71/

Verse: 72 
Halfverse: a    prāṇāṃś cādatta yodʰānāṃ   pitā devavratas tava
   prāṇāṃś ca_ādatta yodʰānāṃ   pitā deva-vratas tava /
Halfverse: c    gabʰastibʰir ivādityas   tejāṃsi śiśirātyaye
   gabʰastibʰir iva_ādityas   tejāṃsi śiśira_atyaye /72/

Verse: 73 
Halfverse: a    yatʰā kurūṇāṃ sainyāni   babʰañja yudʰi pāṇḍavaḥ
   yatʰā kurūṇāṃ sainyāni   babʰañja yudʰi pāṇḍavaḥ /
Halfverse: c    tatʰā pāṇḍava sainyāni   babʰañja yudʰi te pitā
   tatʰā pāṇḍava sainyāni   babʰañja yudʰi te pitā /73/

Verse: 74 
Halfverse: a    hatavidruta sainyās tu   nirutsāhā vicetasaḥ
   hata-vidruta sainyās tu   nirutsāhā vicetasaḥ /
Halfverse: c    nirīkṣituṃ na śektus te   bʰīṣmam apratimaṃ raṇe
   nirīkṣituṃ na śektus te   bʰīṣmam apratimaṃ raṇe /
Halfverse: e    madʰyaṃ gatam ivādityaṃ   pratapantaṃ svatejasā
   madʰyaṃ gatam iva_ādityaṃ   pratapantaṃ sva-tejasā /74/

Verse: 75 
Halfverse: a    te vadʰyamānā bʰīṣmeṇa   kāleneva yugakṣaye
   te vadʰyamānā bʰīṣmeṇa   kālena_iva yuga-kṣaye /
Halfverse: c    vīkṣāṃ cakrur mahārāja   pāṇḍavā bʰayapīḍitāḥ
   vīkṣāṃ cakrur mahā-rāja   pāṇḍavā bʰaya-pīḍitāḥ /75/ ՙ

Verse: 76 
Halfverse: a    trātāraṃ nādʰyagaccʰanta   gāvaḥ paṅkagatā iva
   trātāraṃ na_adʰyagaccʰanta   gāvaḥ paṅka-gatā\ iva / ՙ
Halfverse: c    pipīlikā iva kṣuṇṇā   durbalā balinā raṇe
   pipīlikā\ iva kṣuṇṇā   durbalā balinā raṇe /76/ ՙ


Verse: 77 
Halfverse: a    mahāratʰaṃ bʰārata duṣpradʰarṣaṃ; śaraugʰiṇaṃ pratapantaṃ narendrān
   mahā-ratʰaṃ bʰārata duṣpradʰarṣaṃ   śara_ogʰiṇaṃ pratapantaṃ nara_indrān /
Halfverse: c    bʰīṣmaṃ na śekuḥ prativīkṣituṃ te; śarārciṣaṃ sūryam ivātapantam
   bʰīṣmaṃ na śekuḥ prativīkṣituṃ te   śara_arciṣaṃ sūryam iva_atapantam /77/ ՙ

Verse: 78 
Halfverse: a    vimr̥dnatas tasya tu pāṇḍusenām; astaṃ jagāmātʰa sahasraraśmiḥ
   vimr̥dnatas tasya tu pāṇḍu-senām   astaṃ jagāma_atʰa sahasra-raśmiḥ /
Halfverse: c    tato balānāṃ śramakarśitānāṃ; mano 'vahāraṃ prati saṃbabʰūva
   tato balānāṃ śrama-karśitānāṃ   mano_avahāraṃ prati saṃbabʰūva /78/ (E)



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.