TITUS
Mahabharata
Part No. 960
Previous part

Chapter: 100 
Adhyāya 100


Verse: 1  {Saṃjaya uvāca}
Halfverse: a    arjunas tu naravyāgʰra   suśarma pramukʰān nr̥pān
   arjunas tu nara-vyāgʰra   suśarma pramukʰān nr̥pān /
Halfverse: c    anayat pretarājasya   bʰavanaṃ sāyakaiḥ śitaiḥ
   anayat preta-rājasya   bʰavanaṃ sāyakaiḥ śitaiḥ /1/

Verse: 2 
Halfverse: a    suśarmāpi tato bāṇaiḥ   pārtʰaṃ vivyādʰa saṃyuge
   suśarmā_api tato bāṇaiḥ   pārtʰaṃ vivyādʰa saṃyuge /
Halfverse: c    vāsudevaṃ ca saptatyā   pārtʰaṃ ca navabʰiḥ punaḥ
   vāsudevaṃ ca saptatyā   pārtʰaṃ ca navabʰiḥ punaḥ /2/

Verse: 3 
Halfverse: a    tān nivārya śaraugʰeṇa   śakrasūnur mahāratʰaḥ
   tān nivārya śara_ogʰeṇa   śakra-sūnur mahā-ratʰaḥ /
Halfverse: c    suśarmaṇo raṇe yodʰān   prāhiṇod yamasādanam
   suśarmaṇo raṇe yodʰān   prāhiṇod yama-sādanam /3/

Verse: 4 
Halfverse: a    te vadʰyamānāḥ pārtʰena   kāleneva yugakṣaye
   te vadʰyamānāḥ pārtʰena   kālena_iva yuga-kṣaye /
Halfverse: c    vyadravanta raṇe rājan   bʰaye jāte mahāratʰāḥ
   vyadravanta raṇe rājan   bʰaye jāte mahā-ratʰāḥ /4/

Verse: 5 
Halfverse: a    utsr̥jya turagān ke cid   ratʰān ke cic ca māriṣa
   utsr̥jya turagān kecid   ratʰān kecic ca māriṣa /
Halfverse: c    gajān anye samutsr̥jya   prādravanta diśo daśa
   gajān anye samutsr̥jya   prādravanta diśo daśa /5/

Verse: 6 
Halfverse: a    apare tudyamānās tu   vājināra ratʰā raṇāt
   apare tudyamānās tu   vāji-nāra ratʰā raṇāt /
Halfverse: c    tvarayā parayā yuktāḥ   prādravanta viśāṃ pate
   tvarayā parayā yuktāḥ   prādravanta viśāṃ pate /6/

Verse: 7 
Halfverse: a    pādātāś cāpi śastrāṇi   samutsr̥jya mahāraṇe
   pādātāś ca_api śastrāṇi   samutsr̥jya mahā-raṇe /
Halfverse: c    nirapekṣā vyadʰāvanta   tena tena sma bʰārata
   nirapekṣā vyadʰāvanta   tena tena sma bʰārata /7/

Verse: 8 
Halfverse: a    vāryamāṇāḥ sma bahuśas   traigartena suśarmaṇā
   vāryamāṇāḥ sma bahuśas   traigartena suśarmaṇā /
Halfverse: c    tatʰānyaiḥ pārtʰivaśreṣṭʰair   na vyatiṣṭʰanta saṃyuge
   tatʰā_anyaiḥ pārtʰiva-śreṣṭʰair   na vyatiṣṭʰanta saṃyuge /8/

Verse: 9 
Halfverse: a    tad balaṃ pradrutaṃ dr̥ṣṭvā   putro duryodʰanas tava
   tad balaṃ pradrutaṃ dr̥ṣṭvā   putro duryodʰanas tava /
Halfverse: c    puraskr̥tya raṇe bʰīṣmaṃ   sarvasainyapuraskr̥tam
   puras-kr̥tya raṇe bʰīṣmaṃ   sarva-sainya-puraskr̥tam /9/

Verse: 10 
Halfverse: a    sarvodyogena mahatā   dʰanaṃjayam upādravat
   sarva_udyogena mahatā   dʰanaṃjayam upādravat /
Halfverse: c    trigartādʰipater artʰe   jīvitasya viśāṃ pate
   trigarta_adʰipater artʰe   jīvitasya viśāṃ pate /10/

Verse: 11 
Halfverse: a    sa ekaḥ samare tastʰau   kiran bahuvidʰāñ śarān
   sa\ ekaḥ samare tastʰau   kiran bahu-vidʰān śarān / ՙ
Halfverse: c    bʰrātr̥bʰiḥ sahitaḥ sarvaiḥ   śeṣā vipradrutā narāḥ
   bʰrātr̥bʰiḥ sahitaḥ sarvaiḥ   śeṣā vipradrutā narāḥ /11/

Verse: 12 
Halfverse: a    tatʰaiva paṇḍavā rājan   sarvodyogena daṃśitāḥ
   tatʰaiva paṇḍavā rājan   sarva_udyogena daṃśitāḥ /
Halfverse: c    prayayuḥ pʰalgunārtʰāya   yatra bʰīṣmo vyavastʰitaḥ
   prayayuḥ pʰalguna_artʰāya   yatra bʰīṣmo vyavastʰitaḥ /12/ ՙ

Verse: 13 
Halfverse: a    jānanto 'pi raṇe śauryaṃ   gʰoraṃ gāṇḍīva dʰanvanaḥ
   jānanto_api raṇe śauryaṃ   gʰoraṃ gāṇḍīva dʰanvanaḥ /
Halfverse: c    hāhākārakr̥totsāhā   bʰīṣmaṃ jagmuḥ samantataḥ
   hāhā-kāra-kr̥ta_utsāhā   bʰīṣmaṃ jagmuḥ samantataḥ /13/

Verse: 14 
Halfverse: a    tatas tāladʰvajaḥ śūraḥ   pāṇḍavānām anīkinīm
   tatas tāla-dʰvajaḥ śūraḥ   pāṇḍavānām anīkinīm /
Halfverse: c    cʰādayām āsa samare   śaraiḥ saṃnataparvabʰiḥ
   cʰādayām āsa samare   śaraiḥ saṃnata-parvabʰiḥ /14/

Verse: 15 
Halfverse: a    ekībʰūtās tataḥ sarve   kuravaḥ pāṇḍavaiḥ saha
   ekī-bʰūtās tataḥ sarve   kuravaḥ pāṇḍavaiḥ saha /
Halfverse: c    ayudʰyanta mahārāja   madʰyaṃ prāpte divākare
   ayudʰyanta mahā-rāja   madʰyaṃ prāpte divā-kare /15/

Verse: 16 
Halfverse: a    sātyakiḥ kr̥tavarmāṇaṃ   viddʰvā pañcabʰir āyasaiḥ
   sātyakiḥ kr̥ta-varmāṇaṃ   viddʰvā pañcabʰir āyasaiḥ /
Halfverse: c    atiṣṭʰad āhave śūraḥ   kiran bāṇān sahasraśaḥ
   atiṣṭʰad āhave śūraḥ   kiran bāṇān sahasraśaḥ /16/

Verse: 17 
Halfverse: a    tatʰaiva drupado rājā   droṇaṃ viddʰvā śitaiḥ śaraiḥ
   tatʰaiva drupado rājā   droṇaṃ viddʰvā śitaiḥ śaraiḥ /
Halfverse: c    punar vivyādʰa saptatyā   sāratʰiṃ cāsya saptabʰiḥ
   punar vivyādʰa saptatyā   sāratʰiṃ ca_asya saptabʰiḥ /17/

Verse: 18 
Halfverse: a    bʰīmasenas tu rājānaṃ   bāhlikaṃ prapitāmaham
   bʰīmasenas tu rājānaṃ   bāhlikaṃ prapitāmaham /
Halfverse: c    viddʰvānadan mahānādaṃ   śārdūla iva kānane
   viddʰvā_anadan mahā-nādaṃ   śārdūla\ iva kānane /18/ ՙ

Verse: 19 
Halfverse: a    ārjuniś citrasenena   viddʰo bahubʰir āśugaiḥ
   ārjuniś citrasenena   viddʰo bahubʰir āśugaiḥ /
Halfverse: c    citrasenaṃ tribʰir bāṇair   vivyādʰa hr̥daye bʰr̥śam
   citrasenaṃ tribʰir bāṇair   vivyādʰa hr̥daye bʰr̥śam /19/

Verse: 20 
Halfverse: a    samāgatau tau tu raṇe   mahāmātrau vyarocatām
   samāgatau tau tu raṇe   mahā-mātrau vyarocatām /
Halfverse: c    yatʰā divi mahāgʰorau   rājan budʰa śanaiścarau
   yatʰā divi mahā-gʰorau   rājan budʰa śanaiś-carau /20/

Verse: 21 
Halfverse: a    tasyāśvāṃś caturo hatvā   sūtaṃ ca navabʰiḥ śaraiḥ
   tasya_aśvāṃś caturo hatvā   sūtaṃ ca navabʰiḥ śaraiḥ /
Halfverse: c    nanāda balavan nādaṃ   saubʰadraḥ paravīrahā
   nanāda balavan nādaṃ   saubʰadraḥ para-vīrahā /21/

Verse: 22 
Halfverse: a    hatāśvāt tu ratʰāt tūrṇam   avaplutya mahāratʰaḥ
   hata_aśvāt tu ratʰāt tūrṇam   avaplutya mahā-ratʰaḥ /
Halfverse: c    āruroha ratʰaṃ tūrṇaṃ   durmukʰasya viśāṃ pate
   āruroha ratʰaṃ tūrṇaṃ   durmukʰasya viśāṃ pate /22/

Verse: 23 
Halfverse: a    droṇaś ca drupadaṃ viddʰvā   śaraiḥ saṃnataparvabʰiḥ
   droṇaś ca drupadaṃ viddʰvā   śaraiḥ saṃnata-parvabʰiḥ /
Halfverse: c    sāratʰiṃ cāsya vivyādʰa   tvaramāṇaḥ parākramī
   sāratʰiṃ ca_asya vivyādʰa   tvaramāṇaḥ parākramī /23/

Verse: 24 
Halfverse: a    pīḍyamānas tato rājā   drupado vāhinīmukʰe
   pīḍyamānas tato rājā   drupado vāhinī-mukʰe /
Halfverse: c    apāyāj javanair aśvaiḥ   pūrvavairam anusmaran
   apāyāj javanair aśvaiḥ   pūrva-vairam anusmaran /24/

Verse: 25 
Halfverse: a    bʰīmasenas tu rājānaṃ   muhūrād iva bāhlikam
   bʰīmasenas tu rājānaṃ   muhūrād iva bāhlikam /
Halfverse: c    vyaśva sūta ratʰaṃ cakre   sarvasainyasya paśyataḥ
   vyaśva sūta ratʰaṃ cakre   sarva-sainyasya paśyataḥ /25/

Verse: 26 
Halfverse: a    sa saṃbʰramo mahārāja   saṃśayaṃ paramaṃ gataḥ
   sa saṃbʰramo mahā-rāja   saṃśayaṃ paramaṃ gataḥ /
Halfverse: c    avaplutya tato vāhād   bāhlikaḥ puruṣottamaḥ
   avaplutya tato vāhād   bāhlikaḥ puruṣa_uttamaḥ /
Halfverse: e    āruroha ratʰaṃ tūrṇaṃ   lakṣmaṇasya mahāratʰaḥ
   āruroha ratʰaṃ tūrṇaṃ   lakṣmaṇasya mahā-ratʰaḥ /26/

Verse: 27 
Halfverse: a    sātyakiḥ kr̥tavarmāṇaṃ   vārayitvā mahāratʰaḥ
   sātyakiḥ kr̥ta-varmāṇaṃ   vārayitvā mahā-ratʰaḥ /
Halfverse: c    śārair bahuvidʰai rājann   āsasāda pitāmaham
   śārair bahu-vidʰai rājann   āsasāda pitāmaham /27/

Verse: 28 
Halfverse: a    sa viddʰvā bʰārataṃ ṣaṣṭyā   niśitair lomavāhibʰiḥ
   sa viddʰvā bʰārataṃ ṣaṣṭyā   niśitair loma-vāhibʰiḥ /
Halfverse: c    nanarteva ratʰopastʰe   vidʰunvāno mahad dʰanuḥ
   nanarta_iva ratʰa_upastʰe   vidʰunvāno mahad dʰanuḥ /28/

Verse: 29 
Halfverse: a    tasyāyasīṃ mahāśaktiṃ   cikṣepātʰa pitāmahaḥ
   tasya_āyasīṃ mahā-śaktiṃ   cikṣepa_atʰa pitāmahaḥ /
Halfverse: c    hemacitrāṃ mahāvegāṃ   nāgakanyopamāṃ śubʰām
   hema-citrāṃ mahā-vegāṃ   nāga-kanyā_upamāṃ śubʰām /29/

Verse: 30 
Halfverse: a    tām āpatantīṃ sahasā   mr̥tyukalpāṃ sutejanām
   tām āpatantīṃ sahasā   mr̥tyu-kalpāṃ sutejanām /
Halfverse: c    dʰvaṃsayām āsa vārṣṇeyo   lāgʰavena mahāyaśāḥ
   dʰvaṃsayām āsa vārṣṇeyo   lāgʰavena mahā-yaśāḥ /30/

Verse: 31 
Halfverse: a    anāsādya tu vārṣṇeyaṃ   śaktiḥ paramadāruṇā
   anāsādya tu vārṣṇeyaṃ   śaktiḥ parama-dāruṇā /
Halfverse: c    nyapatad dʰaraṇī pr̥ṣṭʰe   maholkeva gataprabʰā
   nyapatad dʰaraṇī pr̥ṣṭʰe   mahā_ulkā_iva gata-prabʰā /31/

Verse: 32 
Halfverse: a    vārṣṇeyas tu tato rājan   svāṃ śaktiṃ gʰoradarśanām
   vārṣṇeyas tu tato rājan   svāṃ śaktiṃ gʰora-darśanām /
Halfverse: c    vegavad gr̥hya cikṣepa   pitāmaha ratʰaṃ prati
   vegavad gr̥hya cikṣepa   pitāmaha ratʰaṃ prati /32/

Verse: 33 
Halfverse: a    vārṣṇeya bʰujavegena   praṇunnā sā mahāhave
   vārṣṇeya bʰuja-vegena   praṇunnā sā mahā_āhave /
Halfverse: c    abʰidudrāva vegena   kālarātrir yatʰā naram
   abʰidudrāva vegena   kāla-rātrir yatʰā naram /33/

Verse: 34 
Halfverse: a    tām āpatantīṃ sahasā   dvidʰā ciccʰeda bʰārata
   tām āpatantīṃ sahasā   dvidʰā ciccʰeda bʰārata /
Halfverse: c    kṣuraprābʰyāṃ sutīkṣṇābʰyāṃ   sānvakīryata bʰūtale
   kṣuraprābʰyāṃ sutīkṣṇābʰyāṃ   sā_anvakīryata bʰū-tale /34/

Verse: 35 
Halfverse: a    cʰittvā tu śaktiṃ gāṅgeyaḥ   sātyakiṃ navabʰiḥ śaraiḥ
   cʰittvā tu śaktiṃ gāṅgeyaḥ   sātyakiṃ navabʰiḥ śaraiḥ /
Halfverse: c    ājagʰānorasi kruddʰaḥ   prahasañ śatrukarśanaḥ
   ājagʰāna_urasi kruddʰaḥ   prahasan śatru-karśanaḥ /35/

Verse: 36 
Halfverse: a    tataḥ sa ratʰanāgāśvāḥ   pāṇḍavāḥ pāṇḍupūrvaja
   tataḥ sa ratʰa-nāga_aśvāḥ   pāṇḍavāḥ pāṇḍu-pūrvaja /
Halfverse: c    parivavrū raṇe bʰīṣmaṃ   mādʰavatrāṇakāraṇāt
   parivavrū raṇe bʰīṣmaṃ   mādʰava-trāṇa-kāraṇāt /36/

Verse: 37 
Halfverse: a    tataḥ pravavr̥te yuddʰaṃ   tumulaṃ lomaharṣaṇam
   tataḥ pravavr̥te yuddʰaṃ   tumulaṃ loma-harṣaṇam /
Halfverse: c    pāṇḍavānāṃ kurūṇāṃ ca   samare vijayaiṣiṇām
   pāṇḍavānāṃ kurūṇāṃ ca   samare vijaya_eṣiṇām /37/ (E)



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.