TITUS
Mahabharata
Part No. 957
Previous part

Chapter: 97 
Adhyāya 97


Verse: 1  {Dʰr̥tarāṣṭra uvāca}
Halfverse: a    ārjuniṃ samare śūraṃ   vinigʰnantaṃ mahāratʰam
   ārjuniṃ samare śūraṃ   vinigʰnantaṃ mahā-ratʰam /
Halfverse: c    alambusaḥ katʰaṃ yuddʰe   pratyayudʰyata saṃjaya
   alambusaḥ katʰaṃ yuddʰe   pratyayudʰyata saṃjaya /1/

Verse: 2 
Halfverse: a    ārśyaśr̥ṅgiṃ katʰaṃ cāpi   saubʰadraḥ paravīrahā
   ārśyaśr̥ṅgiṃ katʰaṃ ca_api   saubʰadraḥ para-vīrahā /
Halfverse: c    tan mamācakṣva tattvena   yatʰāvr̥ttaṃ sma saṃyuge
   tan mama_ācakṣva tattvena   yatʰā-vr̥ttaṃ sma saṃyuge /2/

Verse: 3 
Halfverse: a    dʰanaṃjayaś ca kiṃ cakre   mama sainyeṣu saṃjaya
   dʰanaṃjayaś ca kiṃ cakre   mama sainyeṣu saṃjaya /
Halfverse: c    bʰīmo vā balināṃ śreṣṭʰo   rākṣaso vā gʰaṭotkacaḥ
   bʰīmo vā balināṃ śreṣṭʰo   rākṣaso vā gʰaṭa_utkacaḥ /3/

Verse: 4 
Halfverse: a    nakulaḥ sahadevo vā   sātyakir vā mahāratʰaḥ
   nakulaḥ sahadevo vā   sātyakir vā mahā-ratʰaḥ /
Halfverse: c    etad ācakṣva me sarvaṃ   kuśalo hy asi saṃjaya
   etad ācakṣva me sarvaṃ   kuśalo hy asi saṃjaya /4/

Verse: 5  {Saṃjaya uvāca}
Halfverse: a    hanta te 'haṃ pravakṣyāmi   saṃgrāmaṃ lomaharṣaṇam
   hanta te_ahaṃ pravakṣyāmi   saṃgrāmaṃ loma-harṣaṇam /
Halfverse: c    yatʰābʰūd rākṣasendrasya   saubʰadrasya ca māriṣa
   yatʰā_abʰūd rākṣasa_indrasya   saubʰadrasya ca māriṣa /5/

Verse: 6 
Halfverse: a    arjunaś ca yatʰā saṃkʰye   bʰīmasenaś ca pāṇḍavaḥ
   arjunaś ca yatʰā saṃkʰye   bʰīmasenaś ca pāṇḍavaḥ /
Halfverse: c    nakulaḥ sahadevaś ca   raṇe cakruḥ parākramam
   nakulaḥ sahadevaś ca   raṇe cakruḥ parākramam /6/

Verse: 7 
Halfverse: a    tatʰaiva tāvakāḥ sarve   bʰīṣmadroṇapurogamāḥ
   tatʰaiva tāvakāḥ sarve   bʰīṣma-droṇa-purogamāḥ /
Halfverse: c    adbʰutāni vicitrāṇi   cakruḥ karmāṇy abʰītavat
   adbʰutāni vicitrāṇi   cakruḥ karmāṇy abʰītavat /7/

Verse: 8 
Halfverse: a    alambusas tu samare   abʰimanyuṃ mahāratʰam
   alambusas tu samare abʰimanyuṃ mahā-ratʰam / ՙ
Halfverse: c    vinadya sumahānādaṃ   tarjayitvā muhur muhuḥ
   vinadya sumahā-nādaṃ   tarjayitvā muhur muhuḥ /
Halfverse: e    abʰidudrāva vegena   tiṣṭʰa tiṣṭʰeti cābravīt
   abʰidudrāva vegena   tiṣṭʰa tiṣṭʰa_iti ca_abravīt /8/

Verse: 9 
Halfverse: a    saubʰadro 'pi raṇe rājan   siṃhavad vinadan muhuḥ
   saubʰadro_api raṇe rājan   siṃhavad vinadan muhuḥ /
Halfverse: c    ārśyaśr̥ṅgiṃ maheṣvāsaṃ   pitur atyantavairiṇam
   ārśyaśr̥ṅgiṃ mahā_iṣvāsaṃ   pitur atyanta-vairiṇam /9/

Verse: 10 
Halfverse: a    tataḥ sameyatuḥ saṃkʰye   tvaritau nararākṣasau
   tataḥ sameyatuḥ saṃkʰye   tvaritau nara-rākṣasau /
Halfverse: c    ratʰābʰyāṃ ratʰināṃ śreṣṭʰau   yatʰā vai devadānavau
   ratʰābʰyāṃ ratʰināṃ śreṣṭʰau   yatʰā vai deva-dānavau /
Halfverse: e    māyāvī rākṣasaśreṣṭʰo   divyāstrajñaś ca pʰālguniḥ
   māyāvī rākṣasa-śreṣṭʰo   divya_astrajñaś ca pʰālguniḥ /10/

Verse: 11 
Halfverse: a    tataḥ kārṣṇir mahārāja   niśitaiḥ sāyakais tribʰiḥ
   tataḥ kārṣṇir mahā-rāja   niśitaiḥ sāyakais tribʰiḥ /
Halfverse: c    ārśyaśr̥ṅgiṃ raṇe viddʰvā   punar vivyādʰa pañcabʰiḥ
   ārśyaśr̥ṅgiṃ raṇe viddʰvā   punar vivyādʰa pañcabʰiḥ /11/

Verse: 12 
Halfverse: a    alambuso 'pi saṃkruddʰaḥ   kārṣṇiṃ navabʰir āśugaiḥ
   alambuso_api saṃkruddʰaḥ   kārṣṇiṃ navabʰir āśugaiḥ /
Halfverse: c    hr̥di vivyādʰa vegena   tottrair iva mahādvipam
   hr̥di vivyādʰa vegena   tottrair iva mahā-dvipam /12/

Verse: 13 
Halfverse: a    ataḥ śarasahasreṇa   kṣiprakārī niśācaraḥ
   ataḥ śara-sahasreṇa   kṣipra-kārī niśā-caraḥ /
Halfverse: c    arjunasya sutaṃ saṃkʰye   pīḍayām āsa bʰārata
   arjunasya sutaṃ saṃkʰye   pīḍayām āsa bʰārata /13/ ՙ

Verse: 14 
Halfverse: a    abʰimanyus tataḥ kruddʰo   navatiṃ nataparvaṇām
   abʰimanyus tataḥ kruddʰo   navatiṃ nata-parvaṇām /
Halfverse: c    cikṣepa niśitān bāṇān   rākṣasasya mahorasi
   cikṣepa niśitān bāṇān   rākṣasasya mahā_urasi /14/

Verse: 15 
Halfverse: a    te tasya viviśus tūrṇaṃ   kāyaṃ nirbʰidya marmaṇi
   te tasya viviśus tūrṇaṃ   kāyaṃ nirbʰidya marmaṇi /
Halfverse: c    sa tair vibʰinnasarvāṅgaḥ   śuśubʰe rākṣasottamaḥ
   sa tair vibʰinna-sarva_aṅgaḥ   śuśubʰe rākṣasa_uttamaḥ /
Halfverse: e    puṣpitaiḥ kiṃśukai rājan   saṃstīrṇa iva parvataḥ
   puṣpitaiḥ kiṃśukai rājan   saṃstīrṇa\ iva parvataḥ /15/ ՙ

Verse: 16 
Halfverse: a    sa dʰārayañ śarān hemapuṅkʰān   api mahābalaḥ
   sa dʰārayan śarān hema-puṅkʰān   api mahā-balaḥ /
Halfverse: c    vibabʰau rākṣasaśreṣṭʰaḥ   sa jvāla iva parvataḥ
   vibabʰau rākṣasa-śreṣṭʰaḥ   sa jvāla\ iva parvataḥ /16/ ՙ

Verse: 17 
Halfverse: a    tataḥ kruddʰo mahārāja   ārśyaśr̥ṅgir mahābalaḥ
   tataḥ kruddʰo mahā-rāja ārśyaśr̥ṅgir mahā-balaḥ / ՙ
Halfverse: c    mahendrapratimaṃ kārṣṇiṃ   cʰādayām āsa patribʰiḥ
   mahā_indra-pratimaṃ kārṣṇiṃ   cʰādayām āsa patribʰiḥ /17/

Verse: 18 
Halfverse: a    tena te viśikʰā muktā   yamadaṇḍopamāḥ śitāḥ
   tena te viśikʰā muktā   yama-daṇḍa_upamāḥ śitāḥ /
Halfverse: c    abʰimanyuṃ vinirbʰidya   prāviśan dʰaraṇītalam
   abʰimanyuṃ vinirbʰidya   prāviśan dʰaraṇī-talam /18/

Verse: 19 
Halfverse: a    tatʰaivārjuninirmuktāḥ   śarāḥ kāñcanabʰūṣaṇāḥ
   tatʰaiva_ārjuni-nirmuktāḥ   śarāḥ kāñcana-bʰūṣaṇāḥ /
Halfverse: c    alambusaṃ vinirbʰidya   prāviśanta dʰarā talam
   alambusaṃ vinirbʰidya   prāviśanta dʰarā talam /19/

Verse: 20 
Halfverse: a    saubʰadras tu raṇe rakṣaḥ   śaraiḥ saṃnataparvabʰiḥ
   saubʰadras tu raṇe rakṣaḥ   śaraiḥ saṃnata-parvabʰiḥ /
Halfverse: c    cakre vimukʰam āsādya   mayaṃ śakra ivāhave
   cakre vimukʰam āsādya   mayaṃ śakra\ iva_āhave /20/ ՙ

Verse: 21 
Halfverse: a    vimukʰaṃ ca tato rakṣo   vadʰyamānaṃ raṇe 'riṇā
   vimukʰaṃ ca tato rakṣo   vadʰyamānaṃ raṇe_ariṇā /
Halfverse: c    prāduścakre mahāmāyāṃ   tāmasīṃ paratāpanaḥ
   prāduś-cakre mahā-māyāṃ   tāmasīṃ para-tāpanaḥ /21/

Verse: 22 
Halfverse: a    atas te tamasā sarve   hr̥tā hy āsan mahītale
   atas te tamasā sarve   hr̥tā hy āsan mahī-tale /
Halfverse: c    nābʰimanyum apaśyanta   naiva syān na parān raṇe
   na_abʰimanyum apaśyanta   na_eva syān na parān raṇe /22/

Verse: 23 
Halfverse: a    abʰimanyuś ca tad dr̥ṣṭvā   gʰorarūpaṃ mahat tamaḥ
   abʰimanyuś ca tad dr̥ṣṭvā   gʰora-rūpaṃ mahat tamaḥ /
Halfverse: c    prāduścakre 'stram atyugraṃ   bʰāskaraṃ kurunandanaḥ
   prāduś-cakre_astram atyugraṃ   bʰāskaraṃ kuru-nandanaḥ /23/

Verse: 24 
Halfverse: a    tataḥ prakāśam abʰavaj   jagat sarvaṃ mahīpate
   tataḥ prakāśam abʰavaj   jagat sarvaṃ mahī-pate /
Halfverse: c    tāṃ cāpi jagʰnivān māyāṃ   rākṣasasya durātmanaḥ
   tāṃ ca_api jagʰnivān māyāṃ   rākṣasasya durātmanaḥ /24/

Verse: 25 
Halfverse: a    saṃkruddʰaś ca mahāvīryo   rākṣasendraṃ narottamaḥ
   saṃkruddʰaś ca mahā-vīryo   rākṣasa_indraṃ nara_uttamaḥ /
Halfverse: c    cʰādayām āsa samare   śaraiḥ saṃnataparvabʰiḥ
   cʰādayām āsa samare   śaraiḥ saṃnata-parvabʰiḥ /25/

Verse: 26 
Halfverse: a    bahvīs tatʰānyā māyāś ca   prayuktās tena rakṣasā
   bahvīs tatʰā_anyā māyāś ca   prayuktās tena rakṣasā /
Halfverse: c    sarvāstravid ameyātmā   vārayām āsa pʰālguniḥ
   sarva_astravid ameya_ātmā   vārayām āsa pʰālguniḥ /26/

Verse: 27 
Halfverse: a    hatamāyaṃ tato rakṣo   vadʰyamānaṃ ca sāyakaiḥ
   hata-māyaṃ tato rakṣo   vadʰyamānaṃ ca sāyakaiḥ /
Halfverse: c    ratʰaṃ tatraiva saṃtyajya   prādravan mahato bʰayāt
   ratʰaṃ tatra_eva saṃtyajya   prādravan mahato bʰayāt /27/

Verse: 28 
Halfverse: a    tasmin vinirjite tūrṇaṃ   kūṭayodʰini rākṣase
   tasmin vinirjite tūrṇaṃ   kūṭa-yodʰini rākṣase /
Halfverse: c    ārjuniḥ samare sainyaṃ   tāvakaṃ saṃmamarda ha
   ārjuniḥ samare sainyaṃ   tāvakaṃ saṃmamarda ha /
Halfverse: e    madāndʰo vanyanāgendraḥ   sa padmāṃ padminīm iva
   mada_andʰo vanya-nāga_indraḥ   sa padmāṃ padminīm iva /28/

Verse: 29 
Halfverse: a    tataḥ śāṃtanavo bʰīṣmaḥ   sainyaṃ dr̥ṣṭvābʰividrutam
   tataḥ śāṃtanavo bʰīṣmaḥ   sainyaṃ dr̥ṣṭvā_abʰividrutam /
Halfverse: c    mahatā ratʰavaṃśena   saubʰadraṃ paryavārayat
   mahatā ratʰa-vaṃśena   saubʰadraṃ paryavārayat /29/

Verse: 30 
Halfverse: a    koṣṭʰakī kr̥tyataṃ vīraṃ   dʰārtarāṣṭrā mahāratʰāḥ
   koṣṭʰakī kr̥tya-taṃ vīraṃ   dʰārtarāṣṭrā mahā-ratʰāḥ /
Halfverse: c    ekaṃ subahavo yuddʰe   tatakṣuḥ sāyakair dr̥ḍʰam
   ekaṃ subahavo yuddʰe   tatakṣuḥ sāyakair dr̥ḍʰam /30/

Verse: 31 
Halfverse: a    sa teṣāṃ ratʰināṃ vīraḥ   pitus tulyaparākramaḥ
   sa teṣāṃ ratʰināṃ vīraḥ   pitus tulya-parākramaḥ /
Halfverse: c    sadr̥śo vāsudevasya   vikrameṇa balena ca
   sadr̥śo vāsudevasya   vikrameṇa balena ca /31/

Verse: 32 
Halfverse: a    ubʰayoḥ sadr̥śaṃ karma   sa pitur mātulasya ca
   ubʰayoḥ sadr̥śaṃ karma   sa pitur mātulasya ca /
Halfverse: c    raṇe bahuvidʰaṃ cakre   sarvaśastrabʰr̥tāṃ varaḥ
   raṇe bahu-vidʰaṃ cakre   sarva-śastrabʰr̥tāṃ varaḥ /32/

Verse: 33 
Halfverse: a    tato dʰanaṃjayo rājan   vinigʰnaṃs tava sainikān
   tato dʰanaṃjayo rājan   vinigʰnaṃs tava sainikān /
Halfverse: c    āsasāda raṇe bʰīṣmaṃ   putra prepsur amarṣaṇaḥ
   āsasāda raṇe bʰīṣmaṃ   putra prepsur amarṣaṇaḥ /33/

Verse: 34 
Halfverse: a    tatʰaiva samare rājan   pitā devavratas tava
   tatʰaiva samare rājan   pitā deva-vratas tava /
Halfverse: c    āsasāda raṇe pārtʰaṃ   svarbʰānur iva bʰāskaram {!}
   āsasāda raṇe pārtʰaṃ   svarbʰānur iva bʰāskaram /34/ {!}

Verse: 35 
Halfverse: a    tataḥ sa ratʰanāgāśvāḥ   putrās tava viśāṃ pate
   tataḥ sa ratʰa-nāga_aśvāḥ   putrās tava viśāṃ pate /
Halfverse: c    parivavrū raṇe bʰīṣmaṃ   jugupuś ca samantataḥ
   parivavrū raṇe bʰīṣmaṃ   jugupuś ca samantataḥ /35/

Verse: 36 
Halfverse: a    tatʰaiva pāṇḍavā rājan   parivārya dʰanaṃjayam
   tatʰaiva pāṇḍavā rājan   parivārya dʰanaṃjayam /
Halfverse: c    raṇāya mahate yuktā   daṃśitā bʰaratarṣabʰa
   raṇāya mahate yuktā   daṃśitā bʰarata-r̥ṣabʰa /36/

Verse: 37 
Halfverse: a    śādadvatas tato rājan   bʰīṣmasya pramukʰe stʰitam
   śādadvatas tato rājan   bʰīṣmasya pramukʰe stʰitam /
Halfverse: c    arjunaṃ pañcaviṃśatyā   sāyakānāṃ samācinot
   arjunaṃ pañcaviṃśatyā   sāyakānāṃ samācinot /37/

Verse: 38 
Halfverse: a    patyudgamyātʰa vivyādʰa   sātyakis taṃ śitaiḥ śaraiḥ
   patyudgamya_atʰa vivyādʰa   sātyakis taṃ śitaiḥ śaraiḥ /
Halfverse: c    pāṇḍava priyakāmārtʰaṃ   śārdūla iva kuñjaram
   pāṇḍava priya-kāma_artʰaṃ   śārdūla\ iva kuñjaram /38/ ՙ

Verse: 39 
Halfverse: a    gautamo 'pi tvarāyukto   mādʰavaṃ navabʰiḥ śaraiḥ
   gautamo_api tvarā-yukto   mādʰavaṃ navabʰiḥ śaraiḥ /
Halfverse: c    hr̥di vivyādʰa saṃkruddʰaḥ   kaṅkapatra pariccʰadaiḥ
   hr̥di vivyādʰa saṃkruddʰaḥ   kaṅka-patra pariccʰadaiḥ /39/

Verse: 40 
Halfverse: a    śaineyo 'pi tataḥ kruddʰo   bʰr̥śaṃ viddʰo mahāratʰaḥ
   śaineyo_api tataḥ kruddʰo   bʰr̥śaṃ viddʰo mahā-ratʰaḥ /
Halfverse: c    gautamānta karaṃ gʰoraṃ   samādatta śilīmukʰam
   gautama_anta karaṃ gʰoraṃ   samādatta śilī-mukʰam /40/

Verse: 41 
Halfverse: a    tam āpatantaṃ vegena   śakrāśanisamadyutim
   tam āpatantaṃ vegena   śakra_aśani-sama-dyutim /
Halfverse: c    dvidʰā ciccʰeda saṃkruddʰo   drauṇiḥ paramakopanaḥ
   dvidʰā ciccʰeda saṃkruddʰo   drauṇiḥ parama-kopanaḥ /41/

Verse: 42 
Halfverse: a    samutsr̥jyātʰa śaineyo   gautamaṃ ratʰināṃ varam
   samutsr̥jya_atʰa śaineyo   gautamaṃ ratʰināṃ varam /
Halfverse: c    abʰyadravad raṇe drauṇiṃ   rāhuḥ kʰe śaśinaṃ yatʰā
   abʰyadravad raṇe drauṇiṃ   rāhuḥ kʰe śaśinaṃ yatʰā /42/

Verse: 43 
Halfverse: a    tasya droṇasutaś cāpaṃ   dvidʰā ciccʰeda bʰārata
   tasya droṇa-sutaś cāpaṃ   dvidʰā ciccʰeda bʰārata /
Halfverse: c    atʰainaṃ cʰinnadʰanvānaṃ   tāḍayām āsa sāyakaiḥ
   atʰa_enaṃ cʰinna-dʰanvānaṃ   tāḍayām āsa sāyakaiḥ /43/

Verse: 44 
Halfverse: a    so 'nyat kārmukam ādāya   śatrugʰnaṃ bʰārasādʰanam
   so_anyat kārmukam ādāya   śatrugʰnaṃ bʰāra-sādʰanam /
Halfverse: c    drauṇiṃ ṣaṣṭyā mahārāja   bāhvor urasi cārpayat
   drauṇiṃ ṣaṣṭyā mahā-rāja   bāhvor urasi ca_arpayat /44/

Verse: 45 
Halfverse: a    sa viddʰo vyatʰitaś caiva   muhūrtaṃ kaśmalāyutaḥ
   sa viddʰo vyatʰitaś caiva   muhūrtaṃ kaśmala_āyutaḥ /
Halfverse: c    niṣasāda ratʰopastʰe   dʰvajayaṣṭim upāśritaḥ
   niṣasāda ratʰa_upastʰe   dʰvaja-yaṣṭim upāśritaḥ /45/

Verse: 46 
Halfverse: a    pratilabʰya tataḥ saṃjñāṃ   droṇaputraḥ pratāpavān
   pratilabʰya tataḥ saṃjñāṃ   droṇa-putraḥ pratāpavān /
Halfverse: c    vārṣṇeyaṃ samare kruddʰo   nārācena samardayat
   vārṣṇeyaṃ samare kruddʰo   nārācena samardayat /46/

Verse: 47 
Halfverse: a    śaineyaṃ sa tu nirbʰidya   prāviśad dʰaraṇītalam
   śaineyaṃ sa tu nirbʰidya   prāviśad dʰaraṇī-talam /
Halfverse: c    vasanta kāle balavān   bilaṃ sarvaśiśur yatʰā
   vasanta kāle balavān   bilaṃ sarva-śiśur yatʰā /47/

Verse: 48 
Halfverse: a    tato 'pareṇa bʰallena   mādʰavasya dʰvajottamam
   tato_apareṇa bʰallena   mādʰavasya dʰvaja_uttamam /
Halfverse: c    ciccʰeda samare drauṇiḥ   siṃhanādaṃ nanāda ca
   ciccʰeda samare drauṇiḥ   siṃha-nādaṃ nanāda ca /48/

Verse: 49 
Halfverse: a    punar cainaṃ śarair gʰoraiś   cʰādayām āsa bʰārata
   punar ca_enaṃ śarair gʰoraiś   cʰādayām āsa bʰārata /
Halfverse: c    nidāgʰānte mahārāja   yatʰā megʰo divākaram
   nidāgʰa_ante mahā-rāja   yatʰā megʰo divā-karam /49/

Verse: 50 
Halfverse: a    sātyakiś ca mahārāja   śarajālaṃ nihatya tat
   sātyakiś ca mahā-rāja   śara-jālaṃ nihatya tat /
Halfverse: c    drauṇim abʰyapatat tūrṇaṃ   śarajālair anekadʰā
   drauṇim abʰyapatat tūrṇaṃ   śara-jālair anekadʰā /50/

Verse: 51 
Halfverse: a    tāpayām āsa ca drauṇiṃ   śaineyaḥ paravīrahā
   tāpayām āsa ca drauṇiṃ   śaineyaḥ para-vīrahā /
Halfverse: c    vimukto megʰajālena   yatʰaiva tapanas tatʰā
   vimukto megʰa-jālena   yatʰā_eva tapanas tatʰā /51/

Verse: 52 
Halfverse: a    śarāṇāṃ ca sahasreṇa   punar enaṃ samudyatam
   śarāṇāṃ ca sahasreṇa   punar enaṃ samudyatam /
Halfverse: c    sātyakiś cʰādayām āsa   nanāda ca mahābalaḥ
   sātyakiś cʰādayām āsa   nanāda ca mahā-balaḥ /52/

Verse: 53 
Halfverse: a    dr̥ṣṭvā putraṃ tatʰā grastaṃ   rāhuṇeva niśākaram
   dr̥ṣṭvā putraṃ tatʰā grastaṃ   rāhuṇā_iva niśākaram /
Halfverse: c    abʰyadravata śaineyaṃ   bʰāradvājaḥ pratāpavān
   abʰyadravata śaineyaṃ   bʰāradvājaḥ pratāpavān /53/ ՙ

Verse: 54 
Halfverse: a    vivyādʰa ca pr̥ṣatkena   sutīkṣṇena mahāmr̥dʰe
   vivyādʰa ca pr̥ṣatkena   sutīkṣṇena mahā-mr̥dʰe /
Halfverse: c    parīpsan svasutaṃ rājan   vārṣṇeyenābʰitāpitam
   parīpsan sva-sutaṃ rājan   vārṣṇeyena_abʰitāpitam /54/

Verse: 55 
Halfverse: a    sātyakis tu raṇe jitvā   guruputraṃ mahāratʰam
   sātyakis tu raṇe jitvā   guru-putraṃ mahā-ratʰam /
Halfverse: c    droṇaṃ vivyādʰa viṃśatyā   sarvapāraśavaiḥ śaraiḥ
   droṇaṃ vivyādʰa viṃśatyā   sarva-pāraśavaiḥ śaraiḥ /55/

Verse: 56 
Halfverse: a    tadantaram ameyātmā   kaunteyaḥ śvetavāhanaḥ
   tad-antaram ameya_ātmā   kaunteyaḥ śveta-vāhanaḥ /
Halfverse: c    abʰyadravad raṇe kruddʰo   droṇaṃ prati mahāratʰaḥ
   abʰyadravad raṇe kruddʰo   droṇaṃ prati mahā-ratʰaḥ /56/

Verse: 57 
Halfverse: a    tato droṇaś ca pārtʰaś ca   sameyātāṃ mahāmr̥dʰe
   tato droṇaś ca pārtʰaś ca   sameyātāṃ mahā-mr̥dʰe /
Halfverse: c    yatʰā budʰaś ca śukraś ca   mahārāja nabʰastale
   yatʰā budʰaś ca śukraś ca   mahā-rāja nabʰas-tale /57/ (E)



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.