TITUS
Mahabharata
Part No. 948
Previous part

Chapter: 88 
Adhyāya 88


Verse: 1  {Saṃjaya uvāca}
Halfverse: a    tatas tad bāṇavarṣaṃ tu   duḥsahaṃ dānavair api
   tatas tad bāṇa-varṣaṃ tu   duḥsahaṃ dānavair api /
Halfverse: c    dadʰāra yudʰi rājendro   yatʰā varṣaṃ mahādvipaḥ
   dadʰāra yudʰi rāja_indro   yatʰā varṣaṃ mahā-dvipaḥ /1/

Verse: 2 
Halfverse: a    tataḥ krodʰasamāviṣṭo   niḥśvasann iva pannagaḥ
   tataḥ krodʰa-samāviṣṭo   niḥśvasann iva pannagaḥ /
Halfverse: c    saṃśayaṃ paramaṃ prāptaḥ   putras te bʰaratarṣabʰa
   saṃśayaṃ paramaṃ prāptaḥ   putras te bʰarata-r̥ṣabʰa /2/

Verse: 3 
Halfverse: a    mumoca niśitāṃs tīkṣṇān   nārācān pañcaviṃśatim
   mumoca niśitāṃs tīkṣṇān   nārācān pañcaviṃśatim /
Halfverse: c    te 'patan sahasā rājaṃs   tasmin rākṣasapuṃgave
   te_apatan sahasā rājaṃs   tasmin rākṣasa-puṃgave /
Halfverse: e    āśīviṣā iva kruddʰāḥ   parvate gandʰamādane
   āśīviṣā\ iva kruddʰāḥ   parvate gandʰa-mādane /3/ ՙ

Verse: 4 
Halfverse: a    sa tair viddʰaḥ sravan raktaṃ   prabʰinna iva kuñjaraḥ
   sa tair viddʰaḥ sravan raktaṃ   prabʰinna\ iva kuñjaraḥ / ՙ
Halfverse: c    dadʰre matiṃ vināśāya   rājñaḥ sa piśitāśanaḥ
   dadʰre matiṃ vināśāya   rājñaḥ sa piśita_aśanaḥ /
Halfverse: e    jagrāha ca mahāśaktiṃ   girīṇām api dāraṇīm
   jagrāha ca mahā-śaktiṃ   girīṇām api dāraṇīm /4/

Verse: 5 
Halfverse: a    saṃpradīptāṃ maholkābʰām   aśanīṃ magʰavān iva
   saṃpradīptāṃ mahā_ulka_ābʰām   aśanīṃ magʰavān iva
Halfverse: c    samudyaccʰan mahābāhur   jigʰāṃsus tanayaṃ tava
   samudyaccʰan mahā-bāhur   jigʰāṃsus tanayaṃ tava /5/

Verse: 6 
Halfverse: a    tām udyatām abʰiprekṣya   vaṅgānām adʰipas tvaran
   tām udyatām abʰiprekṣya   vaṅgānām adʰipas tvaran / ՙ
Halfverse: c    kuñjaraṃ girisaṃkāśaṃ   rākṣasaṃ pratyacodayat
   kuñjaraṃ giri-saṃkāśaṃ   rākṣasaṃ pratyacodayat /6/

Verse: 7 
Halfverse: a    sa nāgapravareṇājau   balinā śīgʰragāminā
   sa nāga-pravareṇa_ājau   balinā śīgʰra-gāminā /
Halfverse: c    yato duryodʰana ratʰas   taṃ mārgaṃ pratyapadyata
   yato duryodʰana ratʰas   taṃ mārgaṃ pratyapadyata /
Halfverse: e    ratʰaṃ ca vārayām āsa   kuñjareṇa sutasya te
   ratʰaṃ ca vārayām āsa   kuñjareṇa sutasya te /7/

Verse: 8 
Halfverse: a    mārgam āvāritaṃ dr̥ṣṭvā   rājñā vaṅgena dʰīmatā
   mārgam āvāritaṃ dr̥ṣṭvā   rājñā vaṅgena dʰīmatā /
Halfverse: c    gʰaṭotkaco mahārāja   krodʰasaṃraktalocanaḥ
   gʰaṭa_utkaco mahā-rāja   krodʰa-saṃrakta-locanaḥ /
Halfverse: e    udyatāṃ tāṃ mahāśaktiṃ   tasmiṃś cikṣepa vāraṇe
   udyatāṃ tāṃ mahā-śaktiṃ   tasmiṃś cikṣepa vāraṇe /8/

Verse: 9 
Halfverse: a    sa tayābʰihato rājaṃs   tena bāhuvimuktayā
   sa tayā_abʰihato rājaṃs   tena bāhu-vimuktayā /
Halfverse: c    saṃjātarudʰirotpīḍaḥ   papāta ca mamāra ca
   saṃjāta-rudʰira_utpīḍaḥ   papāta ca mamāra ca /9/

Verse: 10 
Halfverse: a    pataty atʰa gaje cāpi   vaṅgānām īśvaro balī
   pataty atʰa gaje ca_api   vaṅgānām īśvaro balī /
Halfverse: c    javena samabʰidrutya   jagāma dʰaraṇītalam
   javena samabʰidrutya   jagāma dʰaraṇī-talam /10/

Verse: 11 
Halfverse: a    duryodʰano 'pi saṃprekṣya   pātitaṃ varavāraṇam
   duryodʰano_api saṃprekṣya   pātitaṃ vara-vāraṇam /
Halfverse: c    prabʰagnaṃ ca balaṃ dr̥ṣṭvā   jagāma paramāṃ vyatʰām
   prabʰagnaṃ ca balaṃ dr̥ṣṭvā   jagāma paramāṃ vyatʰām /11/

Verse: 12 
Halfverse: a    kṣatradʰarmaṃ puraskr̥tya   ātmanaś cābʰimānitām
   kṣatra-dʰarmaṃ puraskr̥tya ātmanaś ca_abʰimānitām / ՙ
Halfverse: c    prāpte 'pakramaṇe rājā   tastʰau girir ivācalaḥ
   prāpte_apakramaṇe rājā   tastʰau girir iva_acalaḥ /12/

Verse: 13 
Halfverse: a    saṃdʰāya ca śitaṃ bāṇaṃ   kālāgnisamatejasam
   saṃdʰāya ca śitaṃ bāṇaṃ   kāla_agni-sama-tejasam /
Halfverse: c    mumoca paramakruddʰas   tasmin gʰore niśācare
   mumoca parama-kruddʰas   tasmin gʰore niśācare /13/

Verse: 14 
Halfverse: a    tam āpatantaṃ saṃprekṣya   bāṇam indrāśaniprabʰam
   tam āpatantaṃ saṃprekṣya   bāṇam indra_aśani-prabʰam /
Halfverse: c    lāgʰavād vañcayām āsa   mahākāyo gʰaṭotkacaḥ
   lāgʰavād vañcayām āsa   mahā-kāyo gʰaṭa_utkacaḥ /14/

Verse: 15 
Halfverse: a    bʰūya eva nanādograḥ   krodʰasaṃraktalocanaḥ
   bʰūya\ eva nanāda_ugraḥ   krodʰa-saṃrakta-locanaḥ / ՙ
Halfverse: c    trāsayan sarvabʰūtāni   yugānte jalado yatʰā
   trāsayan sarva-bʰūtāni   yuga_ante jalado yatʰā /15/

Verse: 16 
Halfverse: a    taṃ śrutvā ninadaṃ gʰoraṃ   tasya bʰīṣmasya rakṣasaḥ
   taṃ śrutvā ninadaṃ gʰoraṃ   tasya bʰīṣmasya rakṣasaḥ /
Halfverse: c    ācāryam upasaṃgamya   bʰīṣmaḥ śāṃtanavo 'bravīt
   ācāryam upasaṃgamya   bʰīṣmaḥ śāṃtanavo_abravīt /

Verse: 17 
Halfverse: a    yatʰaiṣa ninado gʰoraḥ   śrūyate rākṣaseritaḥ
   yatʰā_eṣa ninado gʰoraḥ   śrūyate rākṣasa_īritaḥ /
Halfverse: c    haiḍimbo yudʰyate nūnaṃ   rājñā duryodʰanena ha
   haiḍimbo yudʰyate nūnaṃ   rājñā duryodʰanena ha /17/

Verse: 18 
Halfverse: a    naiṣa śakyo hi saṃgrāme   jetuṃ bʰūtena kena cit
   na_eṣa śakyo hi saṃgrāme   jetuṃ bʰūtena kenacit /
Halfverse: c    tatra gaccʰata bʰadraṃ vo   rājānaṃ parirakṣata
   tatra gaccʰata bʰadraṃ vo   rājānaṃ parirakṣata /18/

Verse: 19 
Halfverse: a    abʰidrutaṃ mahābʰāgaṃ   rākṣaṣena durātmanā {!}
   abʰidrutaṃ mahā-bʰāgaṃ   rākṣaṣena durātmanā / {!}
Halfverse: c    etad dʰi paramaṃ kr̥tyaṃ   sarveṣāṃ naḥ paraṃtapaḥ
   etadd^hi paramaṃ kr̥tyaṃ   sarveṣāṃ naḥ paraṃtapaḥ /19/

Verse: 20 
Halfverse: a    pitāmahavacaḥ śrutvā   tvaramāṇā mahāratʰāḥ
   pitāmaha-vacaḥ śrutvā   tvaramāṇā mahā-ratʰāḥ /
Halfverse: c    uttamaṃ javam āstʰāya   prayayur yatra kauravaḥ
   uttamaṃ javam āstʰāya   prayayur yatra kauravaḥ /20/

Verse: 21 
Halfverse: a    droṇaś ca somadattaś ca   bāhlikaś ca jayadratʰaḥ
   droṇaś ca somadattaś ca   bāhlikaś ca jayadratʰaḥ /
Halfverse: c    kr̥po bʰūrī śravāḥ śalyaś   citraseno viviṃśatiḥ
   kr̥po bʰūrī śravāḥ śalyaś   citra-seno viviṃśatiḥ /21/

Verse: 22 
Halfverse: a    aśvattʰāmā vikarṇaś ca   āvantyaś ca br̥hadbalaḥ
   aśvattʰāmā vikarṇaś ca āvantyaś ca br̥hadbalaḥ / ՙ
Halfverse: c    ratʰāś cāneka sāhasrā   ye teṣām anuyāyinaḥ
   ratʰāś ca_aneka sāhasrā   ye teṣām anuyāyinaḥ /
Halfverse: e    abʰidrutaṃ parīpsantaḥ   putraṃ duryodʰanaṃ tava
   abʰidrutaṃ parīpsantaḥ   putraṃ duryodʰanaṃ tava /22/

Verse: 23 
Halfverse: a    tad anīkam anādʰr̥ṣyaṃ   pālitaṃ lokasattamaiḥ
   tad anīkam anādʰr̥ṣyaṃ   pālitaṃ loka-sattamaiḥ /
Halfverse: c    ātatāyinam āyāntaṃ   prekṣya rākṣasasattamaḥ
   ātatāyinam āyāntaṃ   prekṣya rākṣasa-sattamaḥ /
Halfverse: e    nākampata mahābāhur   maināka iva parvataḥ
   na_akampata mahā-bāhur   maināka\ iva parvataḥ /23/ ՙ

Verse: 24 
Halfverse: a    pragr̥hya vipulaṃ cāpaṃ   jñātibʰiḥ parivāritaḥ
   pragr̥hya vipulaṃ cāpaṃ   jñātibʰiḥ parivāritaḥ /
Halfverse: c    śūlam udgara hastaiś ca   nānāpraharaṇair api
   śūlam udgara hastaiś ca   nānā-praharaṇair api /24/

Verse: 25 
Halfverse: a    tataḥ samabʰavad yuddʰaṃ   tumulaṃ lomaharṣaṇam
   tataḥ samabʰavad yuddʰaṃ   tumulaṃ loma-harṣaṇam /
Halfverse: c    rākṣasānāṃ ca mukʰyasya   duryodʰana balasya ca
   rākṣasānāṃ ca mukʰyasya   duryodʰana balasya ca /25/

Verse: 26 
Halfverse: a    dʰanuṣāṃ kūjatāṃ śabdaḥ   sarvatas tumulo 'bʰavat
   dʰanuṣāṃ kūjatāṃ śabdaḥ   sarvatas tumulo_abʰavat /
Halfverse: c    aśrūyata mahārāja   vaṃśānāṃ dahyatām iva
   aśrūyata mahā-rāja   vaṃśānāṃ dahyatām iva /26/

Verse: 27 
Halfverse: a    śastrāṇāṃ pātyamānānāṃ   kavaceṣu śarīriṇām
   śastrāṇāṃ pātyamānānāṃ   kavaceṣu śarīriṇām /
Halfverse: c    śabdaḥ samabʰavad rājann   adrīṇām iva dīryatām
   śabdaḥ samabʰavad rājann   adrīṇām iva dīryatām /27/

Verse: 28 
Halfverse: a    vīrabāhuvisr̥ṣṭānāṃ   tomarāṇāṃ viśāṃ pate
   vīra-bāhu-visr̥ṣṭānāṃ   tomarāṇāṃ viśāṃ pate /
Halfverse: c    rūpam āsīd viyat stʰānāṃ   sarpāṇāṃ sarpatām iva
   rūpam āsīd viyat stʰānāṃ   sarpāṇāṃ sarpatām iva /28/

Verse: 29 
Halfverse: a    tataḥ paramasaṃkruddʰo   vispʰārya sumahad dʰanuḥ
   tataḥ parama-saṃkruddʰo   vispʰārya sumahad dʰanuḥ /
Halfverse: c    rākṣasendro mahābāhur   vinadan bʰairavaṃ ravam
   rākṣasa_indro mahā-bāhur   vinadan bʰairavaṃ ravam /29/

Verse: 30 
Halfverse: a    ācāryasyārdʰa candreṇa   kruddʰaś ciccʰeda kārmukam
   ācāryasya_ardʰa candreṇa   kruddʰaś ciccʰeda kārmukam / ՙ
Halfverse: c    somadattasya bʰallena   dʰvajam unmatʰya cānadat
   somadattasya bʰallena   dʰvajam unmatʰya ca_anadat /30/

Verse: 31 
Halfverse: a    bāhlikaṃ ca tribʰir bāṇair   abʰyavidʰyat stanāntare
   bāhlikaṃ ca tribʰir bāṇair   abʰyavidʰyat stana_antare /
Halfverse: c    kr̥pam ekena vivyādʰa   citrasenaṃ tribʰiḥ śaraiḥ
   kr̥pam ekena vivyādʰa   citrasenaṃ tribʰiḥ śaraiḥ /31/ ՙ

Verse: 32 
Halfverse: a    pūrṇāyatavisr̥ṣṭena   samyak praṇihitena ca
   pūrṇa_āyata-visr̥ṣṭena   samyak praṇihitena ca /
Halfverse: c    jatru deśe samāsādya   vikarṇaṃ samatāḍayat
   jatru deśe samāsādya   vikarṇaṃ samatāḍayat /
Halfverse: e    nyaṣīdat sa ratʰopastʰe   śoṇitena pariplutaḥ
   nyaṣīdat sa ratʰa_upastʰe   śoṇitena pariplutaḥ /32/

Verse: 33 
Halfverse: a    tataḥ punar ameyātmā   nārācān daśa pañca ca
   tataḥ punar ameya_ātmā   nārācān daśa pañca ca /
Halfverse: c    bʰūriśravasi saṃkruddʰaḥ   prāhiṇod bʰaratarṣabʰa
   bʰūri-śravasi saṃkruddʰaḥ   prāhiṇod bʰarata-r̥ṣabʰa /
Halfverse: e    te varma bʰittvā tasyāśu   prāviśan medinī talam
   te varma bʰittvā tasya_āśu   prāviśan medinī talam /33/

Verse: 34 
Halfverse: a    viviṃśateś ca drauṇeś ca   yantārau samatāḍayat
   viviṃśateś ca drauṇeś ca   yantārau samatāḍayat /
Halfverse: c    tau petatū ratʰopastʰe   raśmīn utsr̥jya vājinām
   tau petatū ratʰa_upastʰe   raśmīn utsr̥jya vājinām /34/

Verse: 35 
Halfverse: a    sindʰurājño 'rdʰacandreṇa   vārāhaṃ svarṇabʰūṣitam
   sindʰu-rājño_ardʰa-candreṇa   vārāhaṃ svarṇa-bʰūṣitam /
Halfverse: c    unmamātʰa mahārāja   dvitīyenācʰinad dʰanuḥ
   unmamātʰa mahā-rāja   dvitīyena_acʰinad dʰanuḥ /35/

Verse: 36 
Halfverse: a    caturbʰir atʰa nārācair   āvantyasya mahātmanaḥ
   caturbʰir atʰa nārācair   āvantyasya mahātmanaḥ /
Halfverse: c    jagʰāna caturo vāhān   krodʰasaṃraktalocanaḥ
   jagʰāna caturo vāhān   krodʰa-saṃrakta-locanaḥ /36/

Verse: 37 
Halfverse: a    pūrṇāyatavisr̥ṣṭena   pītena niśitena ca
   pūrṇa_āyata-visr̥ṣṭena   pītena niśitena ca /
Halfverse: c    nirbibʰeda mahārāja   rājaputraṃ br̥hadbalam
   nirbibʰeda mahā-rāja   rāja-putraṃ br̥had-balam /
Halfverse: e    sa gāḍʰaviddʰo vyatʰito   ratʰopastʰa upāviśat
   sa gāḍʰa-viddʰo vyatʰito   ratʰa_upastʰa\ upāviśat /37/ ՙ

Verse: 38 
Halfverse: a    bʰr̥śaṃ krodʰena cāviṣṭo   ratʰastʰo rākṣasādʰipaḥ
   bʰr̥śaṃ krodʰena ca_āviṣṭo   ratʰastʰo rākṣasa_adʰipaḥ /
Halfverse: c    cikṣepa niśitāṃs tīkṣṇāñ   śarān āśīviṣopamān
   cikṣepa niśitāṃs tīkṣṇān   śarān āśī-viṣa_upamān /
Halfverse: e    vibʰidus te mahārāja   śalyaṃ yuddʰaviśāradam
   vibʰidus te mahā-rāja   śalyaṃ yuddʰa-viśāradam /38/ (E)



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.