TITUS
Mahabharata
Part No. 947
Previous part

Chapter: 87 
Adhyāya 87


Verse: 1  {Dʰr̥tarāṣṭra uvāca}
Halfverse: a    irāvantaṃ tu nihataṃ   dr̥ṣṭvā pārtʰā mahāratʰāḥ
   irāvantaṃ tu nihataṃ   dr̥ṣṭvā pārtʰā mahā-ratʰāḥ /
Halfverse: c    saṃgrāme kim akurvanta   tan mamācakṣa saṃjaya
   saṃgrāme kim akurvanta   tan mama_ācakṣa saṃjaya /1/

Verse: 2  {Saṃjaya uvāca}
Halfverse: a    irāvantaṃ tu nihataṃ   saṃgrāme vīkṣya rākṣasaḥ
   irāvantaṃ tu nihataṃ   saṃgrāme vīkṣya rākṣasaḥ /
Halfverse: c    vyanadat sumahānādaṃ   bʰaimasenir gʰaṭotkacaḥ
   vyanadat sumahā-nādaṃ   bʰaimasenir gʰaṭa_utkacaḥ /2/

Verse: 3 
Halfverse: a    nadatas tasya śabdena   pr̥tʰivī sāgarāmbarā
   nadatas tasya śabdena   pr̥tʰivī sāgara_ambarā /
Halfverse: c    sa parvata vanā rājaṃś   cacāla subʰr̥śaṃ tadā
   sa parvata vanā rājaṃś   cacāla subʰr̥śaṃ tadā /
Halfverse: e    antarikṣaṃ diśaś caiva   sarvāś ca pradiśas tatʰā
   antarikṣaṃ diśaś caiva   sarvāś ca pradiśas tatʰā /3/

Verse: 4 
Halfverse: a    taṃ śrutvā sumahānādaṃ   tava sainyasya bʰārata
   taṃ śrutvā sumahā-nādaṃ   tava sainyasya bʰārata /
Halfverse: c    ūrustambʰaḥ samabʰavad   vepatʰuḥ sveda eva ca
   ūru-stambʰaḥ samabʰavad   vepatʰuḥ sveda\ eva ca /4/ ՙ

Verse: 5 
Halfverse: a    sarva eva ca rājendra   tāvakā dīnacetasaḥ
   sarva\ eva ca rāja_indra   tāvakā dīna-cetasaḥ / ՙ
Halfverse: c    sarpavatsam aveṣṭanta   siṃhabʰītā gajā iva
   sarpa-vatsam aveṣṭanta   siṃha-bʰītā gajā\ iva /5/ ՙ

Verse: 6 
Halfverse: a    ninadat sumahānādaṃ   nirgʰātam iva rākṣasaḥ
   ninadat sumahā-nādaṃ   nirgʰātam iva rākṣasaḥ /
Halfverse: c    jvalitaṃ śūlam udyamya   rūpaṃ kr̥tvā vibʰīṣaṇam
   jvalitaṃ śūlam udyamya   rūpaṃ kr̥tvā vibʰīṣaṇam /6/

Verse: 7 
Halfverse: a    nānāpraharaṇair gʰorair   vr̥to rākṣasapuṃgavaiḥ
   nānā-praharaṇair gʰorair   vr̥to rākṣasa-puṃgavaiḥ /
Halfverse: c    ājagāma susaṃkruddʰaḥ   kālāntakayamopamaḥ
   ājagāma susaṃkruddʰaḥ   kāla_antaka-yama_upamaḥ /7/

Verse: 8 
Halfverse: a    tam āpatantaṃ saṃprekṣya   saṃkruddʰaṃ bʰīmadarśanam
   tam āpatantaṃ saṃprekṣya   saṃkruddʰaṃ bʰīma-darśanam /
Halfverse: c    svabalaṃ ca bʰayāt tasya   prāyaśo vimukʰīkr̥tam
   sva-balaṃ ca bʰayāt tasya   prāyaśo vimukʰī-kr̥tam /8/

Verse: 9 
Halfverse: a    tato duryodʰano rājā   gʰaṭotcakam upādravat
   tato duryodʰano rājā   gʰaṭa_utcakam upādravat /
Halfverse: c    pragr̥hya vipulaṃ cāpaṃ   siṃhavad vinadan muhuḥ
   pragr̥hya vipulaṃ cāpaṃ   siṃhavad vinadan muhuḥ /9/

Verse: 10 
Halfverse: a    pr̥ṣṭʰato 'nuyayau cainaṃ   sravadbʰiḥ parvatopamaiḥ
   pr̥ṣṭʰato_anuyayau ca_enaṃ   sravadbʰiḥ parvata_upamaiḥ /
Halfverse: c    kuñjarair daśasāhasrair   vaṅgānām adʰipaḥ svayam
   kuñjarair daśa-sāhasrair   vaṅgānām adʰipaḥ svayam /10/

Verse: 11 
Halfverse: a    tam āpatantaṃ saṃprekṣya   gajānīkena saṃvr̥tam
   tam āpatantaṃ saṃprekṣya   gaja_anīkena saṃvr̥tam /
Halfverse: c    putraṃ tava mahārāja   cukopa sa niśācaraḥ
   putraṃ tava mahā-rāja   cukopa sa niśā-caraḥ /11/

Verse: 12 
Halfverse: a    tataḥ pravavr̥te yuddʰaṃ   tumulaṃ lomaharṣaṇam
   tataḥ pravavr̥te yuddʰaṃ   tumulaṃ loma-harṣaṇam /
Halfverse: c    rākṣasānāṃ ca rājendra   duryodʰana balasya ca
   rākṣasānāṃ ca rāja_indra   duryodʰana balasya ca /12/

Verse: 13 
Halfverse: a    gajānīkaṃ ca saṃprekṣya   megʰavr̥ndam ivodyatam
   gaja_anīkaṃ ca saṃprekṣya   megʰa-vr̥ndam iva_udyatam /
Halfverse: c    abʰyadʰāvanta saṃkruddʰā   rākṣasāḥ śastrapāṇayaḥ
   abʰyadʰāvanta saṃkruddʰā   rākṣasāḥ śastra-pāṇayaḥ /13/

Verse: 14 
Halfverse: a    nadanto vividʰān nādān   megʰā iva sa vidyutaḥ
   nadanto vividʰān nādān   megʰā\ iva sa vidyutaḥ / ՙ
Halfverse: c    śaraśakty r̥ṣṭinārācair   nigʰnanto gajayodʰinaḥ
   śara-śakty r̥ṣṭi-nārācair   nigʰnanto gaja-yodʰinaḥ /14/

Verse: 15 
Halfverse: a    bʰiṇḍipālais tatʰā śūlair   mudgaraiḥ sa paraśvadʰaiḥ
   bʰiṇḍi-pālais tatʰā śūlair   mudgaraiḥ sa paraśvadʰaiḥ /
Halfverse: c    parvatāgraiś ca vr̥kṣaiś ca   nijagʰnus te mahāgajān
   parvata_agraiś ca vr̥kṣaiś ca   nijagʰnus te mahā-gajān /15/

Verse: 16 
Halfverse: a    bʰinnakumbʰān virudʰirān   bʰinnagātrāṃś ca vāraṇān
   bʰinna-kumbʰān virudʰirān   bʰinna-gātrāṃś ca vāraṇān /
Halfverse: c    apaśyāma mahārāja   vadʰyamānān niśācaraiḥ
   apaśyāma mahā-rāja   vadʰyamānān niśā-caraiḥ /16/

Verse: 17 
Halfverse: a    teṣu prakṣīyamāṇeṣu   bʰagneṣu gajayodʰiṣu
   teṣu prakṣīyamāṇeṣu   bʰagneṣu gaja-yodʰiṣu /
Halfverse: c    duryodʰano mahārāja   rākṣasān samupādravat
   duryodʰano mahā-rāja   rākṣasān samupādravat /17/

Verse: 18 
Halfverse: a    amarṣavaśam āpannas   tyaktvā jīvitam ātmanaḥ
   amarṣa-vaśam āpannas   tyaktvā jīvitam ātmanaḥ /
Halfverse: c    mumoca niśitān bāṇān   rākṣaseṣu mahābalaḥ
   mumoca niśitān bāṇān   rākṣaseṣu mahā-balaḥ /18/

Verse: 19 
Halfverse: a    jagʰāna ca maheṣvāsaḥ   pradʰānāṃs tatra rākṣasān
   jagʰāna ca mahā_iṣvāsaḥ   pradʰānāṃs tatra rākṣasān /
Halfverse: c    saṃkruddʰo bʰarataśreṣṭʰa   putro duryodʰanas tava
   saṃkruddʰo bʰarata-śreṣṭʰa   putro duryodʰanas tava /19/

Verse: 20 
Halfverse: a    vegavantaṃ mahāraudraṃ   vidyujjihvaṃ pramātʰinam
   vegavantaṃ mahā-raudraṃ   vidyuj-jihvaṃ pramātʰinam /
Halfverse: c    śaraiś caturbʰiś caturo   nijagʰāna mahāratʰaḥ
   śaraiś caturbʰiś caturo   nijagʰāna mahā-ratʰaḥ /20/

Verse: 21 
Halfverse: a    tataḥ punar ameyātmā   śaravarṣaṃ durāsadam
   tataḥ punar ameya_ātmā   śara-varṣaṃ durāsadam /
Halfverse: c    mumoca bʰarataśreṣṭʰa   niśācarabalaṃ prati
   mumoca bʰarata-śreṣṭʰa   niśā-cara-balaṃ prati /21/

Verse: 22 
Halfverse: a    tat tu dr̥ṣṭvā mahat karma   putrasya tava māriṣa
   tat tu dr̥ṣṭvā mahat karma   putrasya tava māriṣa /
Halfverse: c    krodʰenābʰiprajajvāla   bʰaimasenir mahābalaḥ
   krodʰena_abʰiprajajvāla   bʰaimasenir mahā-balaḥ /22/

Verse: 23 
Halfverse: a    vispʰārya ca mahac cāpam   indrāśanisamasvanam
   vispʰārya ca mahac cāpam   indra_aśani-sama-svanam /
Halfverse: c    abʰidudrāva vegena   duryodʰanam ariṃdamam
   abʰidudrāva vegena   duryodʰanam ariṃdamam /23/

Verse: 24 
Halfverse: a    tam āpatantam udvīkṣya   kālasr̥ṣṭam ivāntakam
   tam āpatantam udvīkṣya   kāla-sr̥ṣṭam iva_antakam /
Halfverse: c    na vivyatʰe mahārāja   putro duryodʰanas tava
   na vivyatʰe mahā-rāja   putro duryodʰanas tava /24/

Verse: 25 
Halfverse: a    atʰainam abravīt kruddʰaḥ   krūraḥ saṃraktalocanaḥ
   atʰa_enam abravīt kruddʰaḥ   krūraḥ saṃrakta-locanaḥ /
Halfverse: c    ye tvayā sunr̥śaṃsena   dīrgʰakālaṃ pravāsitāḥ
   ye tvayā sunr̥śaṃsena   dīrgʰa-kālaṃ pravāsitāḥ /
Halfverse: e    yac ca te pāṇḍavā rājaṃś   cʰala dyūte parājitāḥ
   yac ca te pāṇḍavā rājaṃś   cʰala dyūte parājitāḥ /25/

Verse: 26 
Halfverse: a    yac caiva draupadī kr̥ṣṇā   ekavastrā rajasvalā
   yac caiva draupadī kr̥ṣṇā eka-vastrā rajasvalā / ՙ
Halfverse: c    sabʰām ānīya durbuddʰe   bahudʰā kleśitā tvayā
   sabʰām ānīya durbuddʰe   bahudʰā kleśitā tvayā /26/

Verse: 27 
Halfverse: a    tava ca priyakāmena   āśramastʰā durātmanā
   tava ca priya-kāmena āśramastʰā durātmanā / ՙ
Halfverse: c    saindʰavena parikliṣṭā   paribʰūya pitr̥̄n mama
   saindʰavena parikliṣṭā   paribʰūya pitr̥̄n mama /27/

Verse: 28 
Halfverse: a    eteṣām avamānānām   anyeṣāṃ ca kulādʰama
   eteṣām avamānānām   anyeṣāṃ ca kula_adʰama /
Halfverse: c    antam adya gamiṣyāmi   yadi notsr̥jase raṇam
   antam adya gamiṣyāmi   yadi na_utsr̥jase raṇam /28/

Verse: 29 
Halfverse: a    evam uktvā tu haiḍimbo   mahad vispʰārya kārmukam
   evam uktvā tu haiḍimbo   mahad vispʰārya kārmukam /
Halfverse: c    saṃdaśya daśanair oṣṭʰaṃ   sr̥kkiṇī parisaṃlihan
   saṃdaśya daśanair oṣṭʰaṃ   sr̥kkiṇī parisaṃlihan /29/

Verse: 30 
Halfverse: a    śaravarṣeṇa mahatā   duryodʰanam avākirat
   śara-varṣeṇa mahatā   duryodʰanam avākirat /
Halfverse: c    parvataṃ vāridʰārābʰiḥ   prāvr̥ṣīva balāhakaḥ
   parvataṃ vāri-dʰārābʰiḥ   prāvr̥ṣi_iva balāhakaḥ /30/ (E)30



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.