TITUS
Mahabharata
Part No. 942
Previous part

Chapter: 82 
Adhyāya 82


Verse: 1  {Saṃjaya uvāca}
Halfverse: a    viratʰaṃ taṃ samāsādya   citrasenaṃ manasvinam
   viratʰaṃ taṃ samāsādya   citrasenaṃ manasvinam /
Halfverse: c    ratʰam āropayām āsa   vikarṇas tanayas tava
   ratʰam āropayām āsa   vikarṇas tanayas tava /1/

Verse: 2 
Halfverse: a    tasmiṃs tatʰā vartamāne   tumule saṃkule bʰr̥śam
   tasmiṃs tatʰā vartamāne   tumule saṃkule bʰr̥śam /
Halfverse: c    bʰīṣmaḥ śāṃtanavas tūrṇaṃ   yudʰiṣṭʰiram upādravat
   bʰīṣmaḥ śāṃtanavas tūrṇaṃ   yudʰiṣṭʰiram upādravat /2/

Verse: 3 
Halfverse: a    tataḥ sa ratʰanāgāśvāḥ   samakampanta sr̥ñjayāḥ
   tataḥ sa ratʰa-nāga_aśvāḥ   samakampanta sr̥ñjayāḥ /
Halfverse: c    mr̥tyor āsyam anuprāptaṃ   menire ca yudʰiṣṭʰiram
   mr̥tyor āsyam anuprāptaṃ   menire ca yudʰiṣṭʰiram /3/

Verse: 4 
Halfverse: a    yidʰiṣṭʰiro 'pi kauravya   yamābʰyāṃ sahitaḥ prabʰuḥ
   yidʰiṣṭʰiro_api kauravya   yamābʰyāṃ sahitaḥ prabʰuḥ /
Halfverse: c    maheṣvāsaṃ naravyāgʰraṃ   bʰīṣmaṃ śāṃtanavaṃ yayau
   mahā_iṣvāsaṃ nara-vyāgʰraṃ   bʰīṣmaṃ śāṃtanavaṃ yayau /4/

Verse: 5 
Halfverse: a    tataḥ śarasahasrāṇi   pramuñcan pāṇḍavo yudʰi
   tataḥ śara-sahasrāṇi   pramuñcan pāṇḍavo yudʰi /
Halfverse: c    bʰīṣmaṃ saṃcʰādayām āsa   yatʰā megʰo divākaram
   bʰīṣmaṃ saṃcʰādayām āsa   yatʰā megʰo divā-karam /5/

Verse: 6 
Halfverse: a    tena samyak praṇītāni   śarajālāni bʰārata
   tena samyak praṇītāni   śara-jālāni bʰārata /
Halfverse: c    patijagrāha gāṅgeyaḥ   śataśo 'tʰa sahasraśaḥ
   patijagrāha gāṅgeyaḥ   śataśo_atʰa sahasraśaḥ /6/

Verse: 7 
Halfverse: a    tatʰaiva śarajālāni   bʰīṣmeṇāstāni māriṣa
   tatʰaiva śara-jālāni   bʰīṣmeṇa_astāni māriṣa /
Halfverse: c    ākāśe samadr̥śyanta   kʰagamānāṃ vrajā iva
   ākāśe samadr̥śyanta   kʰa-gamānāṃ vrajā\ iva /7/ ՙ

Verse: 8 
Halfverse: a    nimeṣārdʰāc ca kauneyaṃ   bʰīṣmaḥ śāṃtanavo yudʰi
   nimeṣa_ardʰāc ca kauneyaṃ   bʰīṣmaḥ śāṃtanavo yudʰi /
Halfverse: c    adr̥śyaṃ samare cakre   śarajālena bʰāgaśaḥ
   adr̥śyaṃ samare cakre   śara-jālena bʰāgaśaḥ /8/

Verse: 9 
Halfverse: a    tato yudʰiṣṭʰiro rājā   kauravyasya mahātmanaḥ
   tato yudʰiṣṭʰiro rājā   kauravyasya mahātmanaḥ /
Halfverse: c    nārācaṃ preṣayām āsa   kruddʰa āśīviṣopamam
   nārācaṃ preṣayām āsa   kruddʰa\ āśīviṣa_upamam /9/ ՙ

Verse: 10 
Halfverse: a    asaṃprāptaṃ tatas taṃ tu   kṣurapreṇa mahāratʰaḥ
   asaṃprāptaṃ tatas taṃ tu   kṣurapreṇa mahā-ratʰaḥ /
Halfverse: c    ciccʰeda samare rājan   bʰīṣmas tasya dʰanuścyutam
   ciccʰeda samare rājan   bʰīṣmas tasya dʰanuś-cyutam /10/

Verse: 11 
Halfverse: a    taṃ tu cʰittvā raṇe bʰīṣmo   nārācaṃ kālasaṃmitam
   taṃ tu cʰittvā raṇe bʰīṣmo   nārācaṃ kāla-saṃmitam /
Halfverse: c    nijagʰne kauravendrasya   hayān kāñcanabʰūṣaṇān
   nijagʰne kaurava_indrasya   hayān kāñcana-bʰūṣaṇān /11/

Verse: 12 
Halfverse: a    hatāśvaṃ tu ratʰaṃ tyaktvā   dʰarmaputro yudʰiṣṭʰiraḥ
   hata_aśvaṃ tu ratʰaṃ tyaktvā   dʰarma-putro yudʰiṣṭʰiraḥ /
Halfverse: c    āruroha ratʰaṃ tūrṇaṃ   nakulasya mahātmanaḥ
   āruroha ratʰaṃ tūrṇaṃ   nakulasya mahātmanaḥ /12/

Verse: 13 
Halfverse: a    yamāv api susaṃkruddʰaḥ   samāsādya raṇe tadā
   yamāv api susaṃkruddʰaḥ   samāsādya raṇe tadā /
Halfverse: c    śaraiḥ saṃcʰādayām āsa   bʰīṣmaḥ parapuraṃjayaḥ
   śaraiḥ saṃcʰādayām āsa   bʰīṣmaḥ para-puraṃjayaḥ /13/

Verse: 14 
Halfverse: a    tau tu dr̥ṣṭvā mahārāja   bʰīṣma bāṇaprapīḍitau
   tau tu dr̥ṣṭvā mahā-rāja   bʰīṣma bāṇa-prapīḍitau /
Halfverse: c    jagāmātʰa parāṃ cintāṃ   bʰīṣmasya vadʰakāṅkṣayā
   jagāma_atʰa parāṃ cintāṃ   bʰīṣmasya vadʰa-kāṅkṣayā /

Verse: 15 
Halfverse: a    tato yudʰiṣṭʰiro vaśyān   rājñas tān samacodayat
   tato yudʰiṣṭʰiro vaśyān   rājñas tān samacodayat /
Halfverse: c    bʰīṣmaṃ śāṃtanavaṃ sarve   nihateti suhr̥dgaṇān
   bʰīṣmaṃ śāṃtanavaṃ sarve   nihata_iti suhr̥d-gaṇān /15/

Verse: 16 
Halfverse: a    tatas te pārtʰivāḥ sarve   śrutvā pārtʰasya bʰāṣitam
   tatas te pārtʰivāḥ sarve   śrutvā pārtʰasya bʰāṣitam /
Halfverse: c    mahatā ratʰavaṃśena   parivavruḥ pitāmaham
   mahatā ratʰa-vaṃśena   parivavruḥ pitāmaham /16/

Verse: 17 
Halfverse: a    sa samantāt parivr̥taḥ   pitā devavratas tava
   sa samantāt parivr̥taḥ   pitā deva-vratas tava /
Halfverse: c    cikrīda dʰanuṣā rājan   pātayāno mahāratʰān
   cikrīda dʰanuṣā rājan   pātayāno mahā-ratʰān /17/

Verse: 18 
Halfverse: a    taṃ carantaṃ raṇe pārtʰā   dadr̥śuḥ kauravaṃ yudʰi
   taṃ carantaṃ raṇe pārtʰā   dadr̥śuḥ kauravaṃ yudʰi /
Halfverse: c    mr̥gamadʰyaṃ praviśyeva   yatʰā siṃhaśiśuṃ vane
   mr̥ga-madʰyaṃ praviśya_iva   yatʰā siṃha-śiśuṃ vane /18/

Verse: 19 
Halfverse: a    tarjayānaṃ raṇe śūrāṃs   trāsayānaṃ ca sāyakaiḥ
   tarjayānaṃ raṇe śūrāṃs   trāsayānaṃ ca sāyakaiḥ /
Halfverse: c    dr̥ṣṭvā tresur mahārāja   siṃhaṃ mr̥gagaṇā iva {!}
   dr̥ṣṭvā tresur mahā-rāja   siṃhaṃ mr̥ga-gaṇā\ iva /19/ ՙ {!}

Verse: 20 
Halfverse: a    raṇe bʰarata siṃhasya   dadr̥śuḥ kṣatriyā gatim
   raṇe bʰarata siṃhasya   dadr̥śuḥ kṣatriyā gatim /
Halfverse: c    agner vāyusahāyasya   yatʰā kakṣaṃ didʰakṣataḥ
   agner vāyu-sahāyasya   yatʰā kakṣaṃ didʰakṣataḥ /20/

Verse: 21 
Halfverse: a    śirāṃsi ratʰināṃ bʰīṣmaḥ   pātayām āsa saṃyuge
   śirāṃsi ratʰināṃ bʰīṣmaḥ   pātayām āsa saṃyuge /
Halfverse: c    tālebʰya iva pakvāni   pʰalāni kuśalo naraḥ
   tālebʰya\ iva pakvāni   pʰalāni kuśalo naraḥ /21/ ՙ

Verse: 22 
Halfverse: a    patadbʰiś ca mahārāja   śirobʰir dʰaraṇītale
   patadbʰiś ca mahā-rāja   śirobʰir dʰaraṇī-tale / ՙ
Halfverse: c    babʰūva tumulaḥ śabdaḥ   patatām aśmanām iva
   babʰūva tumulaḥ śabdaḥ   patatām aśmanām iva /22/

Verse: 23 
Halfverse: a    tasmiṃs tu tumule yuddʰe   vartamāne sudāruṇe
   tasmiṃs tu tumule yuddʰe   vartamāne sudāruṇe /
Halfverse: c    sarveṣām eva sainyānām   āsīd vyatikaro mahān
   sarveṣām eva sainyānām   āsīd vyatikaro mahān /23/

Verse: 24 
Halfverse: a    bʰinneṣu teṣu vyūheṣu   kṣatriyā itaretaram
   bʰinneṣu teṣu vyūheṣu   kṣatriyā\ itaretaram / ՙ
Halfverse: c    ekam ekaṃ samāhūya   yuddʰāyaivopatastʰire
   ekam ekaṃ samāhūya   yuddʰāya_eva_upatastʰire /24/

Verse: 25 
Halfverse: a    śikʰaṇḍī tu samāsādya   bʰaratānāṃ pitāmaham
   śikʰaṇḍī tu samāsādya   bʰaratānāṃ pitāmaham /
Halfverse: c    abʰidudrāva vegena   tiṣṭʰa tiṣṭʰeti cābravīt
   abʰidudrāva vegena   tiṣṭʰa tiṣṭʰa_iti ca_abravīt /25/

Verse: 26 
Halfverse: a    anādr̥tya tato bʰīṣmas   taṃ śikʰaṇḍinam āhave
   anādr̥tya tato bʰīṣmas   taṃ śikʰaṇḍinam āhave /
Halfverse: c    prayayau sr̥ñjayān kruddʰaḥ   strītvaṃ cintya śikʰaṇḍinaḥ
   prayayau sr̥ñjayān kruddʰaḥ   strītvaṃ cintya śikʰaṇḍinaḥ /26/

Verse: 27 
Halfverse: a    sr̥ñjayās tu tato hr̥ṣṭā   dr̥ṣṭvā bʰīṣmaṃ mahāratʰam
   sr̥ñjayās tu tato hr̥ṣṭā   dr̥ṣṭvā bʰīṣmaṃ mahā-ratʰam /
Halfverse: c    siṃhanādān bahuvidʰāṃś   cakruḥ śaṅkʰavimiśritān
   siṃha-nādān bahu-vidʰāṃś   cakruḥ śaṅkʰa-vimiśritān /27/

Verse: 28 
Halfverse: a    tataḥ pravavr̥te yuddʰaṃ   vyatiṣakta ratʰadvipam
   tataḥ pravavr̥te yuddʰaṃ   vyatiṣakta ratʰa-dvipam /
Halfverse: c    aparāṃ diśam āstʰāya   stʰite savitari prabʰo
   aparāṃ diśam āstʰāya   stʰite savitari prabʰo /28/

Verse: 29 
Halfverse: a    dʰr̥ṣṭadyumno 'tʰa pāñcālyaḥ   sātyakiś ca mahāratʰaḥ
   dʰr̥ṣṭadyumno_atʰa pāñcālyaḥ   sātyakiś ca mahā-ratʰaḥ /
Halfverse: c    pīḍayantau bʰr̥śaṃ sainyaṃ   śaktitomara vr̥ṣṭibʰiḥ
   pīḍayantau bʰr̥śaṃ sainyaṃ   śakti-tomara vr̥ṣṭibʰiḥ /
Halfverse: e    śastraiś ca bahubʰī rājañ   jagʰnatus tāvakān raṇe
   śastraiś ca bahubʰī rājan   jagʰnatus tāvakān raṇe /29/

Verse: 30 
Halfverse: a    te hanyamānāḥ samare   tāvakāḥ puruṣarṣabʰa
   te hanyamānāḥ samare   tāvakāḥ puruṣa-r̥ṣabʰa /
Halfverse: c    āryāṃ yuddʰe matiṃ kr̥tvā   na tyajanti sma saṃyugam
   āryāṃ yuddʰe matiṃ kr̥tvā   na tyajanti sma saṃyugam /
Halfverse: e    yatʰotsāhaṃ ca samare   jagʰnur lokaṃ mahāratʰāḥ
   yatʰā_utsāhaṃ ca samare   jagʰnur lokaṃ mahā-ratʰāḥ /30/

Verse: 31 
Halfverse: a    tatrākrando mahān āsīt   tāvakānāṃ mahātmanām
   tatra_ākrando mahān āsīt   tāvakānāṃ mahātmanām /
Halfverse: c    vadʰyatāṃ samare rājan   pārṣatena mahātmanā
   vadʰyatāṃ samare rājan   pārṣatena mahātmanā /31/

Verse: 32 
Halfverse: a    taṃ śrutvā ninadaṃ gʰoraṃ   tāvakānāṃ mahāratʰau
   taṃ śrutvā ninadaṃ gʰoraṃ   tāvakānāṃ mahā-ratʰau /
Halfverse: c    vindānuvindāv āvantyau   pārṣataṃ patyupastʰitau
   vinda_anuvindāv āvantyau   pārṣataṃ patyupastʰitau /

Verse: 33 
Halfverse: a    tau tasya turagān hatvā   tvaramāṇau mahāratʰau
   tau tasya turagān hatvā   tvaramāṇau mahā-ratʰau /
Halfverse: c    cʰādayām āsatur ubʰau   śaravarṣeṇa pārṣatam
   cʰādayām āsatur ubʰau   śara-varṣeṇa pārṣatam /33/

Verse: 34 
Halfverse: a    avaplutyātʰa pāñcālyo   ratʰāt tūrṇaṃ mahābalaḥ
   avaplutya_atʰa pāñcālyo   ratʰāt tūrṇaṃ mahā-balaḥ /
Halfverse: c    āruroha ratʰaṃ tūrṇaṃ   sātyakeḥ sumahātmanaḥ
   āruroha ratʰaṃ tūrṇaṃ   sātyakeḥ sumahātmanaḥ /34/

Verse: 35 
Halfverse: a    tato yudʰiṣṭʰiro rājā   mahatyā senayā vr̥taḥ
   tato yudʰiṣṭʰiro rājā   mahatyā senayā vr̥taḥ /
Halfverse: c    āvantyau samare kruddʰāv   abʰyayāt sa paraṃtapau
   āvantyau samare kruddʰāv   abʰyayāt sa paraṃtapau /35/

Verse: 36 
Halfverse: a    tatʰaiva tava putro 'pi   sarvodyogena māriṣa
   tatʰaiva tava putro_api   sarva_udyogena māriṣa /
Halfverse: c    vindānuvindāv āvantyau   parivāryopatastʰivān
   vinda_anuvindāv āvantyau   parivārya_upatastʰivān /36/

Verse: 37 
Halfverse: a    arjunaś cāpi saṃkruddʰaḥ   kṣatriyān kṣatriyarṣabʰa
   arjunaś ca_api saṃkruddʰaḥ   kṣatriyān kṣatriya-r̥ṣabʰa /
Halfverse: c    ayodʰayata saṃgrāme   varja pāṇir ivāsurān
   ayodʰayata saṃgrāme   varja pāṇir iva_asurān /37/

Verse: 38 
Halfverse: a    droṇaś ca samare kruddʰaḥ   putrasya priyakr̥t tava
   droṇaś ca samare kruddʰaḥ   putrasya priyakr̥t tava /
Halfverse: c    vyadʰamat sarvapāñcālāṃs   tūlarāśim ivānalaḥ
   vyadʰamat sarva-pāñcālāṃs   tūla-rāśim iva_analaḥ /38/

Verse: 39 
Halfverse: a    duryodʰana purogās tu   putrās tava viśāṃ pate
   duryodʰana purogās tu   putrās tava viśāṃ pate /
Halfverse: c    parivārya raṇe bʰīṣmaṃ   yuyudʰuḥ pāṇḍavaiḥ saha
   parivārya raṇe bʰīṣmaṃ   yuyudʰuḥ pāṇḍavaiḥ saha /39/

Verse: 40 
Halfverse: a    tato duryodʰano rājā   lohitāyati bʰāskare
   tato duryodʰano rājā   lohitāyati bʰāskare /
Halfverse: c    abravīt tāvakān sarvāṃs   tvaradʰvam iti bʰārata
   abravīt tāvakān sarvāṃs   tvaradʰvam iti bʰārata /40/

Verse: 41 
Halfverse: a    yudʰyatāṃ tu tatʰā teṣāṃ   kurvatāṃ karma duṣkaram
   yudʰyatāṃ tu tatʰā teṣāṃ   kurvatāṃ karma duṣkaram /
Halfverse: c    astaṃ girim atʰārūḍʰe   na prakāśati bʰāskare
   astaṃ girim atʰa_ārūḍʰe   na prakāśati bʰāskare /41/

Verse: 42 
Halfverse: a    prāvartata nadī gʰorā   śoṇitaugʰataraṅgiṇī
   prāvartata nadī gʰorā   śoṇita_ogʰa-taraṅgiṇī /
Halfverse: c    gomāyugaṇasaṃkīrṇā   kṣaṇena rajanī mukʰe
   gomāyu-gaṇa-saṃkīrṇā   kṣaṇena rajanī mukʰe /42/

Verse: 43 
Halfverse: a    śivābʰir aśivābʰiś ca   ruvadbʰir bʰairavaṃ ravam
   śivābʰir aśivābʰiś ca   ruvadbʰir bʰairavaṃ ravam /
Halfverse: c    gʰoram āyodʰanaṃ jajñe   bʰūtasaṃgʰa samākulam
   gʰoram āyodʰanaṃ jajñe   bʰūta-saṃgʰa samākulam /43/

Verse: 44 
Halfverse: a    rākṣasāś ca piśācāś ca   tatʰānye piśitāśanāḥ
   rākṣasāś ca piśācāś ca   tatʰā_anye piśita_aśanāḥ /
Halfverse: c    samantato vyadr̥śyanta   śataśo 'tʰa sahasraśaḥ
   samantato vyadr̥śyanta   śataśo_atʰa sahasraśaḥ /44/

Verse: 45 
Halfverse: a    arjuno 'tʰa suśarmādīn   rājñas tān sa padānugān
   arjuno_atʰa suśarma_ādīn   rājñas tān sa pada_anugān /
Halfverse: c    vijitya pr̥tanā madʰye   yayau svaśibiraṃ prati
   vijitya pr̥tanā madʰye   yayau sva-śibiraṃ prati /45/

Verse: 46 
Halfverse: a    yudʰiṣṭʰiro 'pi kauravyo   bʰrātr̥bʰyāṃ sahitas tadā
   yudʰiṣṭʰiro_api kauravyo   bʰrātr̥bʰyāṃ sahitas tadā /
Halfverse: c    yayau svaśibiraṃ rājā   niśāyāṃ senayā vr̥taḥ
   yayau sva-śibiraṃ rājā   niśāyāṃ senayā vr̥taḥ /46/

Verse: 47 
Halfverse: a    bʰīmaseno 'pi rājendra   duryodʰana mukʰān ratʰān
   bʰīmaseno_api rāja_indra   duryodʰana mukʰān ratʰān /
Halfverse: c    avajitya tataḥ saṃkʰye   yayau svaśibiraṃ prati
   avajitya tataḥ saṃkʰye   yayau sva-śibiraṃ prati /47/

Verse: 48 
Halfverse: a    duryodʰano 'pi nr̥patiḥ   parivārya mahāraṇe
   duryodʰano_api nr̥patiḥ   parivārya mahā-raṇe /
Halfverse: c    bʰīṣmaṃ śāṃtanavaṃ tūrṇaṃ   prayātaḥ śibiraṃ prati
   bʰīṣmaṃ śāṃtanavaṃ tūrṇaṃ   prayātaḥ śibiraṃ prati /48/

Verse: 49 
Halfverse: a    droṇo drauṇiḥ kr̥paḥ śalyaḥ   kr̥tavarmā ca sātvataḥ
   droṇo drauṇiḥ kr̥paḥ śalyaḥ   kr̥ta-varmā ca sātvataḥ /
Halfverse: c    parivārya camūṃ sarvāṃ   prayayuḥ śibiraṃ prati
   parivārya camūṃ sarvāṃ   prayayuḥ śibiraṃ prati /49/

Verse: 50 
Halfverse: a    tatʰaiva sātyakī rājan   dʰr̥ṣṭadyumnaś ca pārṣataḥ
   tatʰaiva sātyakī rājan   dʰr̥ṣṭadyumnaś ca pārṣataḥ /
Halfverse: c    parivārya raṇe yodʰān   yayatuḥ śibiraṃ prati
   parivārya raṇe yodʰān   yayatuḥ śibiraṃ prati /50/

Verse: 51 
Halfverse: a    evam ete mahārāja   tāvakāḥ pāṇḍavaiḥ saha
   evam ete mahā-rāja   tāvakāḥ pāṇḍavaiḥ saha /
Halfverse: c    paryavartanta sahitā   niśākāle paraṃtapāḥ
   paryavartanta sahitā   niśā-kāle paraṃtapāḥ /51/

Verse: 52 
Halfverse: a    tataḥ svaśibiraṃ gatvā   pāṇḍavāḥ kuravas tatʰā
   tataḥ sva-śibiraṃ gatvā   pāṇḍavāḥ kuravas tatʰā /52/
Halfverse: c    nyaviśanta mahārāja   pūjayantaḥ parasparam
   nyaviśanta mahā-rāja   pūjayantaḥ parasparam /52/

Verse: 53 
Halfverse: a    rakṣāṃ kr̥tvātmanaḥ śūrā   nyasya gulmān yatʰāvidʰi
   rakṣāṃ kr̥tvā_ātmanaḥ śūrā   nyasya gulmān yatʰā-vidʰi /
Halfverse: c    apanīya ca śalyāṃs te   snātvā ca vividʰair jalaiḥ
   apanīya ca śalyāṃs te   snātvā ca vividʰair jalaiḥ /53/

Verse: 54 
Halfverse: a    kr̥tasvastyayanāḥ sarve   saṃstūyantaś ca bandibʰiḥ
   kr̥ta-svastyayanāḥ sarve   saṃstūyantaś ca bandibʰiḥ /
Halfverse: c    gītavāditraśabdena   vyakrīḍanta yaśasvinaḥ
   gīta-vāditra-śabdena   vyakrīḍanta yaśasvinaḥ /54/

Verse: 55 
Halfverse: a    muhūrtam iva tat sarvam   abʰavat svargasaṃnibʰam
   muhūrtam iva tat sarvam   abʰavat svarga-saṃnibʰam /
Halfverse: c    na hi yuddʰakatʰāṃ kāṃ cit   tatra cakrur mahāratʰāḥ
   na hi yuddʰa-katʰāṃ kāṃcit   tatra cakrur mahā-ratʰāḥ /55/

Verse: 56 
Halfverse: a    te prasupte bale tatra   pariśrānta jane nr̥pa
   te prasupte bale tatra   pariśrānta jane nr̥pa /
Halfverse: c    hastyaśvabahule rājan   prekṣaṇīye babʰūvatuḥ
   hasty-aśva-bahule rājan   prekṣaṇīye babʰūvatuḥ /56/ (E)



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.