TITUS
Mahabharata
Part No. 893
Previous part

Chapter: 33 
Adhyāya 33


Verse: 1  {Arjuna uvāca}
Halfverse: a    madanugrahāya paramaṃ   guhyam adʰyātmasaṃjñitam
   mat-anugrahāya paramaṃ   guhyam adʰyātma-saṃjñitam / q
Halfverse: c    yat tvayoktaṃ vacas tena   moho 'yaṃ vigato mama
   yat tvayā_uktaṃ vacas tena   moho_ayaṃ vigato mama /1/

Verse: 2 
Halfverse: a    bʰavāpyayau hi bʰūtānāṃ   śrutau vistaraśo mayā
   bʰava_apyayau hi bʰūtānāṃ   śrutau vistaraśo mayā /
Halfverse: c    tvattaḥ kamalapatrākṣa   māhātmyam api cāvyayam
   tvattaḥ kamala-patra_akṣa   māhātmyam api ca_avyayam /2/

Verse: 3 
Halfverse: a    evam etad yatʰāttʰa tvam   ātmānaṃ parameśvara
   evam etat yatʰā_āttʰa tvam   ātmānaṃ parama_īśvara /
Halfverse: c    draṣṭum iccʰāmi te rūpam   aiśvaraṃ puruṣottama
   draṣṭum iccʰāmi te rūpam   aiśvaraṃ puruṣa_uttama /3/

Verse: 4 
Halfverse: a    manyase yadi tac cʰakyaṃ   mayā draṣṭum iti prabʰo
   manyase yadi tat śakyaṃ   mayā draṣṭum iti prabʰo /
Halfverse: c    yogeśvara tato me tvaṃ   darśayātmānam avyayam
   yoga_īśvara tato me tvaṃ   darśaya_ātmānam avyayam /4/

Verse: 5  {Śrī-Bʰagavān uvāca}
Halfverse: a    paśya me pārtʰa rūpāṇi   śataśo 'tʰa sahasraśaḥ
   paśya me pārtʰa rūpāṇi   śataśo_atʰa sahasraśaḥ /
Halfverse: c    nānāvidʰāni divyāni   nānāvarṇākr̥tīni ca
   nānā-vidʰāni divyāni   nānā-varṇa_ākr̥tīni ca /5/

Verse: 6 
Halfverse: a    paśyādityān vasūn rudrān   aśvinau marutas tatʰā
   paśya_ādityān vasūn rudrān   aśvinau marutas tatʰā /
Halfverse: c    bahūny adr̥ṣṭapūrvāṇi   paśyāścaryāṇi bʰārata
   bahūny adr̥ṣṭa-pūrvāṇi   paśya_āścaryāṇi bʰārata /6/

Verse: 7 
Halfverse: a    ihaikastʰaṃ jagat kr̥tsnaṃ   paśyādya sacarācaram
   iha_eka-stʰaṃ jagat kr̥tsnaṃ   paśya_adya sacara_acaram /
Halfverse: c    mama dehe guḍākeśa   yac cānyad draṣṭum iccʰasi
   mama dehe guḍākeśa   yat ca_anyat draṣṭum iccʰasi /7/

Verse: 8 
Halfverse: a    na tu māṃ śakyase draṣṭum   anenaiva svacakṣuṣā
   na tu māṃ śakyase draṣṭum   anena_eva sva-cakṣuṣā /
Halfverse: c    divyaṃ dadāmi te cakṣuḥ   paśya me yogam aiśvaram
   divyaṃ dadāmi te cakṣuḥ   paśya me yogam aiśvaram /8/

Verse: 9  {Saṃjaya uvāca}
Halfverse: a    evam uktvā tato rājan   mahāyogeśvaro hariḥ
   evam uktvā tato rājan   mahā-yoga_īśvaro hariḥ /
Halfverse: c    darśayām āsa pārtʰāya   paramaṃ rūpam aiśvaram
   darśayāmāsa pārtʰāya   paramaṃ rūpam aiśvaram /9/

Verse: 10 
Halfverse: a    anekavaktranayanam   anekādbʰutadarśanam
   aneka-vaktra-nayanam   aneka_adbʰuta-darśanam /
Halfverse: c    anekadivyābʰaraṇaṃ   divyānekodyatāyudʰam
   aneka-divya_ābʰaraṇaṃ   divya_aneka_udyata_āyudʰam /10/

Verse: 11 
Halfverse: a    divyamālyāmbaradʰaraṃ   divyagandʰānulepanam
   divya-mālya_ambara-dʰaraṃ   divya-gandʰa_anulepanam /
Halfverse: c    sarvāścaryamayaṃ devam   anantaṃ viśvatomukʰam
   sarva_āścarya-mayaṃ devam   anantaṃ viśvato-mukʰam /11/

Verse: 12 
Halfverse: a    divi sūryasahasrasya   bʰaved yugapad uttʰitā
   divi sūrya-sahasrasya   bʰaved yugapat uttʰitā /
Halfverse: c    yadi bʰāḥ sadr̥śī sā syād   bʰāsas tasya mahātmanaḥ
   yadi bʰāḥ sadr̥śī sā syād   bʰāsas tasya mahā_ātmanaḥ /12/

Verse: 13 
Halfverse: a    tatraikastʰaṃ jagat kr̥tsnaṃ   pravibʰaktam anekadʰā
   tatra_eka-stʰaṃ jagat kr̥tsnaṃ   pravibʰaktam anekadʰā /
Halfverse: c    apaśyad devadevasya   śarīre pāṇḍavas tadā
   apaśyad deva-devasya   śarīre pāṇḍavas tadā /13/

Verse: 14 
Halfverse: a    tataḥ sa vismayāviṣṭo   hr̥ṣṭaromā dʰanaṃjayaḥ
   tataḥ sa vismaya_āviṣṭo   hr̥ṣṭa-romā dʰanaṃjayaḥ /
Halfverse: c    praṇamya śirasā devaṃ   kr̥tāñjalir abʰāṣata
   praṇamya śirasā devaṃ   kr̥ta_añjalir abʰāṣata /14/


Verse: 15  {Arjuna uvāca}
Halfverse: a    paśyāmi devāṃs tava deva dehe; sarvāṃs tatʰā bʰūtaviśeṣasaṃgʰān
   paśyāmi devāṃs tava deva dehe   sarvāṃs tatʰā bʰūta-viśeṣa-saṃgʰān /
Halfverse: c    brahmāṇam īśaṃ kamalāsanastʰam; r̥ṣīṃś ca sarvān uragāṃś ca divyān
   brahmāṇam īśaṃ kamala_āsana-stʰam   r̥ṣīṃś ca sarvān uragāṃś ca divyān /15/

Verse: 16 
Halfverse: a    anekabāhūdaravaktranetraṃ; paśyāmi tvā sarvato 'nantarūpam
   aneka-bāhu_udara-vaktra-netraṃ   paśyāmi tvā sarvato_ananta-rūpam /
Halfverse: c    nāntaṃ na madʰyaṃ na punas tavādiṃ; paśyāmi viśveśvara viśvarūpa
   na_antaṃ na madʰyaṃ na punas tava_ādiṃ   paśyāmi viśva_īśvara viśva-rūpa /16/

Verse: 17 
Halfverse: a    kirīṭinaṃ gadinaṃ cakriṇaṃ ca; tejorāśiṃ sarvato dīptimantam
   kirīṭinaṃ gadinaṃ cakriṇaṃ ca   tejo-rāśiṃ sarvato dīptimantam /
Halfverse: c    paśyāmi tvāṃ durnirīkṣyaṃ samantād; dīptānalārkadyutim aprameyam
   paśyāmi tvāṃ durnirīkṣyaṃ samantād   dīpta_anala_arka-dyutim aprameyam /17/

Verse: 18 
Halfverse: a    tvam akṣaraṃ paramaṃ veditavyaṃ; tvam asya viśvasya paraṃ nidʰānam
   tvam akṣaraṃ paramaṃ veditavyaṃ   tvam asya viśvasya paraṃ nidʰānam /
Halfverse: c    tvam avyayaḥ śāśvatadʰarmagoptā; sanātanas tvaṃ puruṣo mato me
   tvam avyayaḥ śāśvata-dʰarma-goptā   sanātanas tvaṃ puruṣo mato me /18/

Verse: 19 
Halfverse: a    anādimadʰyāntam anantavīryam; anantabāhuṃ śaśisūryanetram
   anādi-madʰya_antam ananta-vīryam   ananta-bāhuṃ śaśi-sūrya-netram /
Halfverse: c    paśyāmi tvāṃ dīptahutāśavaktraṃ; svatejasā viśvam idaṃ tapantam
   paśyāmi tvāṃ dīpta-huta_aśa-vaktraṃ   sva-tejasā viśvam idaṃ tapantam /19/

Verse: 20 
Halfverse: a    dyāvāpr̥tʰivyor idam antaraṃ hi; vyāptaṃ tvayaikena diśaś ca sarvāḥ
   dyāvā-pr̥tʰivyor idam antaraṃ hi   vyāptaṃ tvayā_ekena diśaś ca sarvāḥ / q
Halfverse: c    dr̥ṣṭvādbʰutaṃ rūpam idaṃ tavograṃ; lokatrayaṃ pravyatʰitaṃ mahātman
   dr̥ṣṭvā_adbʰutaṃ rūpam idaṃ tava_ugraṃ   loka-trayaṃ pravyatʰitaṃ mahā_ātman /20/

Verse: 21 
Halfverse: a    amī hi tvā surasaṃgʰā viśanti; ke cid bʰītāḥ prāñjalayo gr̥ṇanti
   amī hi tvā sura-saṃgʰā viśanti   kecit bʰītāḥ prāñjalayo gr̥ṇanti /
Halfverse: c    svastīty uktvā maharṣisiddʰasaṃgʰāḥ; stuvanti tvāṃ stutibʰiḥ puṣkalābʰiḥ
   svasti_ity uktvā mahā-r̥ṣi-siddʰa-saṃgʰāḥ   stuvanti tvāṃ stutibʰiḥ puṣkalābʰiḥ /21/

Verse: 22 
Halfverse: a    rudrādityā vasavo ye ca sādʰyā; viśve 'śvinau marutaś coṣmapāś ca
   rudra_ādityā vasavo ye ca sādʰyā   viśve_aśvinau marutaś ca_ūṣmapāś ca /
Halfverse: c    gandʰarvayakṣāsurasiddʰasaṃgʰā; vīkṣante tvāṃ vismitāś caiva sarve
   gandʰarva-yakṣa_asura-siddʰa-saṃgʰā   vīkṣante tvāṃ vismitāś ca_eva sarve /22/

Verse: 23 
Halfverse: a    rūpaṃ mahat te bahuvaktranetraṃ; mahābāho bahubāhūrupādam
   rūpaṃ mahat te bahu-vaktra-netraṃ   mahā-bāho bahu-bāhu_ūru-pādam /
Halfverse: c    bahūdaraṃ bahudaṃṣṭrākarālaṃ; dr̥ṣṭvā lokāḥ pravyatʰitās tatʰāham
   bahu_udaraṃ bahu-daṃṣṭrā-karālaṃ   dr̥ṣṭvā lokāḥ pravyatʰitās tatʰā_aham /23/

Verse: 24 
Halfverse: a    nabʰaḥspr̥śaṃ dīptam anekavarṇaṃ; vyāttānanaṃ dīptaviśālanetram
   nabʰaḥ-spr̥śaṃ dīptam aneka-varṇaṃ   vyātta_ananaṃ dīpta-viśāla-netram /
Halfverse: c    dr̥ṣṭvā hi tvāṃ pravyatʰitāntarātmā; dʰr̥tiṃ na vindāmi śamaṃ ca viṣṇo
   dr̥ṣṭvā hi tvāṃ pravyatʰita_antar-ātmā   dʰr̥tiṃ na vindāmi śamaṃ ca viṣṇo /24/

Verse: 25 
Halfverse: a    daṃṣṭrākarālāni ca te mukʰāni; dr̥ṣṭvaiva kālānalasaṃnibʰāni
   daṃṣṭrā-karālāni ca te mukʰāni   dr̥ṣṭvā_eva kāla_anala-saṃnibʰāni /
Halfverse: c    diśo na jāne na labʰe ca śarma; prasīda deveśa jagannivāsa
   diśo na jāne na labʰe ca śarma   prasīda deva_īśa jagan-nivāsa /25/

Verse: 26 
Halfverse: a    amī ca tvāṃ dʰr̥tarāṣṭrasya putrāḥ; sarve sahaivāvanipālasaṃgʰaiḥ
   amī ca tvāṃ dʰr̥tarāṣṭrasya putrāḥ   sarve saha_eva_avani-pāla-saṃgʰaiḥ /
Halfverse: c    bʰīṣmo droṇaḥ sūtaputras tatʰāsau; sahāsmadīyair api yodʰamukʰyaiḥ
   bʰīṣmo droṇaḥ sūta-putras tatʰā_asau   saha_asmadīyair api yodʰa-mukʰyaiḥ /26/

Verse: 27 
Halfverse: a    vaktrāṇi te tvaramāṇā viśanti; daṃṣṭrākarālāni bʰayānakāni
   vaktrāṇi te tvaramāṇā viśanti   daṃṣṭrā-karālāni bʰayānakāni /
Halfverse: c    ke cid vilagnā daśanāntareṣu; saṃdr̥śyante cūrṇitair uttamāṅgaiḥ
   kecit vilagnā daśana_antareṣu   saṃdr̥śyante cūrṇitair uttama_aṅgaiḥ /27/

Verse: 28 
Halfverse: a    yatʰā nadīnāṃ bahavo 'mbuvegāḥ; samudram evābʰimukʰā dravanti
   yatʰā nadīnāṃ bahavo_ambu-vegāḥ   samudram eva_abʰimukʰā dravanti /
Halfverse: c    tatʰā tavāmī naralokavīrā; viśanti vaktrāṇy abʰivijvalanti
   tatʰā tava_amī nara-loka-vīrā   viśanti vaktrāṇy abʰivijvalanti /28/

Verse: 29 
Halfverse: a    yatʰā pradīptaṃ jvalanaṃ pataṃgā; viśanti nāśāya samr̥ddʰavegāḥ
   yatʰā pradīptaṃ jvalanaṃ pataṃgā   viśanti nāśāya samr̥ddʰa-vegāḥ /
Halfverse: c    tatʰaiva nāśāya viśanti lokās; tavāpi vaktrāṇi samr̥ddʰavegāḥ
   tatʰā_eva nāśāya viśanti lokās   tava_api vaktrāṇi samr̥ddʰa-vegāḥ /29/

Verse: 30 
Halfverse: a    lelihyase grasamānaḥ samantāl; lokān samagrān vadanair jvaladbʰiḥ
   lelihyase grasamānaḥ samantāl   lokān samagrān vadanair jvaladbʰiḥ /
Halfverse: c    tejobʰir āpūrya jagat samagraṃ; bʰāsas tavogrāḥ pratapanti viṣṇo
   tejobʰir āpūrya jagat samagraṃ   bʰāsas tava_ugrāḥ pratapanti viṣṇo /30/

Verse: 31 
Halfverse: a    ākʰyāhi me ko bʰavān ugrarūpo; namo 'stu te devavara prasīda
   ākʰyāhi me ko bʰavān ugra-rūpo   namo_astu te deva-vara prasīda /
Halfverse: c    vijñātum iccʰāmi bʰavantam ādyaṃ; na hi prajānāmi tava pravr̥ttim
   vijñātum iccʰāmi bʰavantam ādyaṃ   na hi prajānāmi tava pravr̥ttim /31/

Verse: 32  {Śrī-Bʰagavān uvāca}
Halfverse: a    kālo 'smi lokakṣayakr̥t pravr̥ddʰo; lokān samāhartum iha pravr̥ttaḥ
   kālo_asmi loka-kṣaya-kr̥t pravr̥ddʰo   lokān samāhartum iha pravr̥ttaḥ /
Halfverse: c    r̥te 'pi tvā na bʰaviṣyanti sarve; ye 'vastʰitāḥ pratyanīkeṣu yodʰāḥ
   r̥te_api tvā na bʰaviṣyanti sarve   ye_avastʰitāḥ pratyanīkeṣu yodʰāḥ /32/

Verse: 33 
Halfverse: a    tasmāt tvam uttiṣṭʰa yaśo labʰasva; jitvā śatrūn bʰuṅkṣva rājyaṃ samr̥ddʰam
   tasmāt tvam uttiṣṭʰa yaśas labʰasva   jitvā śatrūn bʰuṅkṣva rājyaṃ samr̥ddʰam /
Halfverse: c    mayaivaite nihatāḥ pūrvam eva; nimittamātraṃ bʰava savyasācin
   mayā_eva_ete nihatāḥ pūrvam eva   nimitta-mātraṃ bʰava savya-sācin/33/

Verse: 34 
Halfverse: a    droṇaṃ ca bʰīṣmaṃ ca jayadratʰaṃ ca; karṇaṃ tatʰānyān api yodʰavīrān
   droṇaṃ ca bʰīṣmaṃ ca jayadratʰaṃ ca   karṇaṃ tatʰā_anyān api yodʰa-vīrān /
Halfverse: c    mayā hatāṃs tvaṃ jahi mā vyatʰiṣṭʰā; yudʰyasva jetāsi raṇe sapatnān
   mayā hatāṃs tvaṃ jahi mā vyatʰiṣṭʰā   yudʰyasva jetā_asi raṇe sapatnān /34/

Verse: 35  {Saṃjaya uvāca}
Halfverse: a    etac cʰrutvā vacanaṃ keśavasya; kr̥tāñjalir vepamānaḥ kirīṭī
   etat śrutvā vacanaṃ keśavasya   kr̥tāñjalir vepamānaḥ kirīṭī /
Halfverse: c    namaskr̥tvā bʰūya evāha kr̥ṣṇaṃ; sagadgadaṃ bʰītabʰītaḥ praṇamya
   namas-kr̥tvā bʰūya\ eva_āha kr̥ṣṇaṃ   sagadgadaṃ bʰīta-bʰītaḥ praṇamya /35/

Verse: 36  {Arjuna uvāca}
Halfverse: a    stʰāne hr̥ṣīkeśa tava prakīrtyā; jagat prahr̥ṣyaty anurajyate ca
   stʰāne hr̥ṣīkeśa tava prakīrty-ā   jagat prahr̥ṣyaty anurajyate ca /
Halfverse: c    rakṣāṃsi bʰītāni diśo dravanti; sarve namasyanti ca siddʰasaṃgʰāḥ
   rakṣāṃsi bʰītāni diśo dravanti   sarve namasyanti ca siddʰa-saṃgʰāḥ /36/

Verse: 37 
Halfverse: a    kasmāc ca te na nameran mahātman; garīyase brahmaṇo 'py ādikartre
   kasmāt ca te na nameran mahā_ātman   garīyase brahmaṇo_apy ādi-kartre /
Halfverse: c    ananta deveśa jagannivāsa; tvam akṣaraṃ sad asat tatparaṃ yat
   ananta deva_īśa jagan-nivāsa   tvam akṣaraṃ sat asat tat-paraṃ yat /37/

Verse: 38 
Halfverse: a    tvam ādidevaḥ puruṣaḥ purāṇas; tvam asya viśvasya paraṃ nidʰānam
   tvam ādi-devaḥ puruṣaḥ purāṇas   tvam asya viśvasya paraṃ nidʰānam /
Halfverse: c    vettāsi vedyaṃ ca paraṃ ca dʰāma; tvayā tataṃ viśvam anantarūpa
   vettā_asi vedyaṃ ca paraṃ ca dʰāma   tvayā tataṃ viśvam ananta-rūpa /38/

Verse: 39 
Halfverse: a    vāyur yamo 'gnir varuṇaḥ śaśāṅkaḥ; prajāpatis tvaṃ prapitāmahaś ca
   vāyur yamo_agnir varuṇaḥ śaśa_aṅkaḥ   prajāpatis tvaṃ prapitāmahaś ca /
Halfverse: c    namo namas te 'stu sahasrakr̥tvaḥ; punaś ca bʰūyo 'pi namo namas te
   namo namas te_astu sahasra-kr̥tvaḥ   punaś ca bʰūyo_api namo namas te /39/

Verse: 40 
Halfverse: a    namaḥ purastād atʰa pr̥ṣṭʰatas te; namo 'stu te sarvata eva sarva
   namaḥ purastād atʰa pr̥ṣṭʰatas te   namo_astu te sarvata\ eva sarva / ՙ
Halfverse: c    anantavīryāmitavikramas tvaṃ; sarvaṃ samāpnoṣi tato 'si sarvaḥ
   ananta-vīrya_amita-vikramas tvaṃ   sarvaṃ samāpnoṣi tato_asi sarvaḥ /40/

Verse: 41 
Halfverse: a    sakʰeti matvā prasabʰaṃ yad uktaṃ; he kr̥ṣṇa he yādava he sakʰeti
   sakʰā_iti matvā prasabʰaṃ yat uktaṃ   he kr̥ṣṇa he yādava he sakʰā_iti /
Halfverse: c    ajānatā mahimānaṃ tavedaṃ; mayā pramādāt praṇayena vāpi
   ajānatā mahimānaṃ tava_idaṃ   mayā pramādāt praṇayena vā_api /41/

Verse: 42 
Halfverse: a    yac cāvahāsārtʰam asatkr̥to 'si; vihāraśayyāsanabʰojaneṣu
   yat ca_avahāsa_artʰam asat-kr̥to_asi   vihāra-śayyā_āsana-bʰojaneṣu /
Halfverse: c    eko 'tʰavāpy acyuta tatsamakṣaṃ; tat kṣāmaye tvām aham aprameyam
   eko_atʰavā_apy acyuta tat-samakṣaṃ   tat kṣāmaye tvām aham aprameyam /42/

Verse: 43 
Halfverse: a    pitāsi lokasya carācarasya; tvam asya pūjyaś ca gurur garīyān
   pitā_asi lokasya cara_acarasya   tvam asya pūjyaś ca gurur garīyān /
Halfverse: c    na tvatsamo 'sty abʰyadʰikaḥ kuto 'nyo; lokatraye 'py apratimaprabʰāva
   na tvat-samo_asty abʰyadʰikaḥ kuto_anyo   loka-traye_apy apratima-prabʰāva /43/

Verse: 44 
Halfverse: a    tasmāt praṇamya praṇidʰāya kāyaṃ; prasādaye tvām aham īśam īḍyam
   tasmāt praṇamya praṇidʰāya kāyaṃ   prasādaye tvām aham īśam īḍyam /
Halfverse: c    piteva putrasya sakʰeva sakʰyuḥ; priyaḥ priyāyārhasi deva soḍʰum
   pitā_iva putrasya sakʰā_iva sakʰyuḥ   priyaḥ priyāyā_arhasi deva soḍʰum /44/

Verse: 45 
Halfverse: a    adr̥ṣṭapūrvaṃ hr̥ṣito 'smi dr̥ṣṭvā; bʰayena ca pravyatʰitaṃ mano me
   adr̥ṣṭa-pūrvaṃ hr̥ṣito_asmi dr̥ṣṭvā   bʰayena ca pravyatʰitaṃ mano me /
Halfverse: c    tad eva me darśaya deva rūpaṃ; prasīda deveśa jagannivāsa
   tat eva me darśaya deva rūpaṃ   prasīda deva_īśa jagan-nivāsa /45/

Verse: 46 
Halfverse: a    kirīṭinaṃ gadinaṃ cakrahastam; iccʰāmi tvāṃ draṣṭum ahaṃ tatʰaiva
   kirīṭinaṃ gadinaṃ cakra-hastam   iccʰāmi tvāṃ draṣṭum ahaṃ tatʰā_eva /
Halfverse: c    tenaiva rūpeṇa caturbʰujena; sahasrabāho bʰava viśvamūrte
   tena_eva rūpeṇa catur-bʰujena   sahasra-bāho bʰava viśva-mūrte /46/

Verse: 47  {Śrī-Bʰagavān uvāca}
Halfverse: a    mayā prasannena tavārjunedaṃ; rūpaṃ paraṃ darśitam ātmayogāt
   mayā prasannena tava_arjuna_idaṃ   rūpaṃ paraṃ darśitam ātma-yogāt /
Halfverse: c    tejomayaṃ viśvam anantam; ādyaṃ yan me tvadanyena na dr̥ṣṭapūrvam
   tejo-mayaṃ viśvam anantam   ādyaṃ yan me tvat-anyena na dr̥ṣṭa-pūrvam /47/

Verse: 48 
Halfverse: a    na veda yajñādʰyayanair na dānair; na ca kriyābʰir na tapobʰir ugraiḥ
   na veda yajña_adʰyayanair na dānair   na ca kriyābʰir na tapobʰir ugraiḥ /
Halfverse: c    evaṃrūpaḥ śakya ahaṃ nr̥loke; draṣṭuṃ tvadanyena kurupravīra
   evaṃ-rūpaḥ śakya\ ahaṃ nr̥-loke   draṣṭuṃ tvad-anyena kuru-pravīra /48/ ՙ

Verse: 49 
Halfverse: a    mā te vyatʰā mā ca vimūḍʰabʰāvo; dr̥ṣṭvā rūpaṃ gʰoram īdr̥ṅ mamedam
   mā te vyatʰā mā ca vimūḍʰa-bʰāvo   dr̥ṣṭvā rūpaṃ gʰoram īdr̥ṅ mama_idam /
Halfverse: c    vyapetabʰīḥ prītamanāḥ punas tvaṃ; tad eva me rūpam idaṃ prapaśya
   vyapeta-bʰīḥ prīta-manāḥ punas tvaṃ   tad eva me rūpam idaṃ prapaśya /49/

Verse: 50  {Saṃjaya uvāca}
Halfverse: a    ity arjunaṃ vāsudevas tatʰoktvā; svakaṃ rūpaṃ darśayām āsa bʰūyaḥ
   ity arjunaṃ vāsudevas tatʰā_uktvā   svakaṃ rūpaṃ darśayāmāsa bʰūyaḥ /
Halfverse: c    āśvāsayām āsa ca bʰītam enaṃ; bʰūtvā punaḥ saumyavapur mahātmā
   āśvāsayāmāsa ca bʰītam enaṃ   bʰūtvā punaḥ saumya-vapus mahā_ātmā /50/


Verse: 51  {Arjuna uvāca}
Halfverse: a    dr̥ṣṭvedaṃ mānuṣaṃ rūpaṃ   tava saumyaṃ janārdana
   dr̥ṣṭvā_idaṃ mānuṣaṃ rūpaṃ   tava saumyaṃ janārdana /
Halfverse: c    idānīm asmi saṃvr̥ttaḥ   sacetāḥ prakr̥tiṃ gataḥ
   idānīm asmi saṃvr̥ttaḥ   sacetāḥ prakr̥tiṃ gataḥ /51/

Verse: 52  {Śrī-Bʰagavān uvāca}
Halfverse: a    sudurdarśam idaṃ rūpaṃ   dr̥ṣṭavān asi yan mama
   sudurdarśam idaṃ rūpaṃ   dr̥ṣṭavān asi yan mama /
Halfverse: c    devā apy asya rūpasya   nityaṃ darśanakāṅkṣiṇaḥ
   devā\ apy asya rūpasya   nityaṃ darśana-kāṅkṣiṇaḥ /52/ ՙ

Verse: 53 
Halfverse: a    nāhaṃ vedair na tapasā   na dānena na cejyayā
   na_ahaṃ vedair na tapasā   na dānena na ca_ijyayā /
Halfverse: c    śakya evaṃvidʰo draṣṭuṃ   dr̥ṣṭavān asi māṃ yatʰā
   śakya\ evaṃ-vidʰo draṣṭuṃ   dr̥ṣṭavān asi māṃ yatʰā /53/ ՙ

Verse: 54 
Halfverse: a    bʰaktyā tv ananyayā śakya   aham evaṃvidʰo 'rjuna
   bʰaktyā tv ananyayā śakya aham evaṃ-vidʰo_arjuna / ՙ
Halfverse: c    jñātuṃ draṣṭuṃ ca tattvena   praveṣṭuṃ ca paraṃtapa
   jñātuṃ draṣṭuṃ ca tattvena   praveṣṭuṃ ca paraṃtapa /54/

Verse: 55 
Halfverse: a    matkarmakr̥n matparamo   madbʰaktaḥ saṅgavarjitaḥ
   mat-karma-kr̥n mat-paramo   mad-bʰaktaḥ saṅga-varjitaḥ /
Halfverse: c    nirvairaḥ sarvabʰūteṣu   yaḥ sa mām eti pāṇḍava
   nirvairaḥ sarva-bʰūteṣu   yaḥ sa mām eti pāṇḍava /55/ (E)55



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.