TITUS
Mahabharata
Part No. 877
Previous part

Chapter: 17 
Adhyāya 17


Verse: 1  {Saṃjaya uvāca}
Halfverse: a    yatʰā sa bʰagavān vyāsaḥ   kr̥ṣṇadvaipāyano 'bravīt
   yatʰā sa bʰagavān vyāsaḥ   kr̥ṣṇa-dvaipāyano_abravīt /
Halfverse: c    tatʰaiva sahitāḥ sarve   samājagmur mahīkṣitaḥ
   tatʰaiva sahitāḥ sarve   samājagmur mahīkṣitaḥ /1/

Verse: 2 
Halfverse: a    magʰā viṣayagaḥ somas   tad dinaṃ pratyapadyata
   magʰā viṣayagaḥ somas   tad dinaṃ pratyapadyata /
Halfverse: c    dīpyamānāś ca saṃpetur   divi sapta mahāgrahāḥ
   dīpyamānāś ca saṃpetur   divi sapta mahā-grahāḥ /2/

Verse: 3 
Halfverse: a    dvidʰā bʰūta ivāditya   udaye pratyadr̥śyata
   dvidʰā bʰūta\ iva_āditya udaye pratyadr̥śyata /
Halfverse: c    jvalantyā śikʰayā bʰūyo   bʰānumān udito divi
   jvalantyā śikʰayā bʰūyo   bʰānumān udito divi /3/

Verse: 4 
Halfverse: a    vavāśire ca dīptāyāṃ   diśi gomāyuvāyasāḥ
   vavāśire ca dīptāyāṃ   diśi gomāyu-vāyasāḥ /
Halfverse: c    lipsamānāḥ śarīrāṇi   māṃsaśoṇitabʰojanāḥ
   lipsamānāḥ śarīrāṇi   māṃsa-śoṇita-bʰojanāḥ /4/

Verse: 5 
Halfverse: a    ahany ahani pārtʰānāṃ   vr̥ddʰaḥ kurupitāmahaḥ
   ahany ahani pārtʰānāṃ   vr̥ddʰaḥ kuru-pitāmahaḥ /
Halfverse: c    bʰaradvājātmajaś caiva   prātar uttʰāya saṃyatau
   bʰaradvāja_ātmajaś caiva   prātar uttʰāya saṃyatau /5/

Verse: 6 
Halfverse: a    jayo 'stu pāṇḍuputrāṇām   ity ūcatur ariṃdamau
   jayo_astu pāṇḍu-putrāṇām   ity ūcatur ariṃ-damau /
Halfverse: c    yuyudʰāte tavārtʰāya   yatʰā sa samayaḥ kr̥taḥ
   yuyudʰāte tava_artʰāya   yatʰā sa samayaḥ kr̥taḥ /6/

Verse: 7 
Halfverse: a    sarvadʰarmaviśeṣajñaḥ   pitā devavratas tava
   sarva-dʰarma-viśeṣajñaḥ   pitā deva-vratas tava /
Halfverse: c    samānīya mahīpālān   idaṃ vacanam abravīt
   samānīya mahī-pālān   idaṃ vacanam abravīt /7/

Verse: 8 
Halfverse: a    idaṃ vaḥ kṣatriyā dvāraṃ   svargāyāpāvr̥taṃ mahat
   idaṃ vaḥ kṣatriyā dvāraṃ   svargāya_apāvr̥taṃ mahat /
Halfverse: c    gaccʰadʰvaṃ tena śakrasya   brahmaṇaś ca sa lokatām
   gaccʰadʰvaṃ tena śakrasya   brahmaṇaś ca sa lokatām /8/

Verse: 9 
Halfverse: a    eṣa vaḥ śāśvataḥ pantʰāḥ   pūrvaiḥ pūrvatarair gataḥ
   eṣa vaḥ śāśvataḥ pantʰāḥ   pūrvaiḥ pūrvatarair gataḥ /
Halfverse: c    saṃbʰāvayata cātmānam   avyagramanaso yudʰi
   saṃbʰāvayata ca_ātmānam   avyagra-manaso yudʰi /9/

Verse: 10 
Halfverse: a    nābʰāgo hi yayātiś ca   māndʰātā nahuṣo nr̥gaḥ
   nābʰāgo hi yayātiś ca   māndʰātā nahuṣo nr̥gaḥ /
Halfverse: c    saṃsiddʰāḥ paramaṃ stʰānaṃ   gatāḥ karmabʰir īdr̥śaiḥ
   saṃsiddʰāḥ paramaṃ stʰānaṃ   gatāḥ karmabʰir īdr̥śaiḥ /10/ 10

Verse: 11 
Halfverse: a    adʰarmaḥ kṣatriyasyaiṣa   yad vyādʰimaraṇaṃ gr̥he
   adʰarmaḥ kṣatriyasya_eṣa   yad vyādʰi-maraṇaṃ gr̥he /
Halfverse: c    yad ājau nidʰanaṃ yāti   so 'sya dʰarmaḥ sanātanaḥ
   yad ājau nidʰanaṃ yāti   so_asya dʰarmaḥ sanātanaḥ /11/

Verse: 12 
Halfverse: a    evam uktā mahīpālā   bʰīṣmeṇa bʰaratarṣabʰa
   evam uktā mahī-pālā   bʰīṣmeṇa bʰarata-r̥ṣabʰa /
Halfverse: c    niryayuḥ svāny anīkāni   śobʰayanto ratʰottamaiḥ
   niryayuḥ svāny anīkāni   śobʰayanto ratʰa_uttamaiḥ /12/

Verse: 13 
Halfverse: a    sa tu vaikartanaḥ karṇaḥ   sāmātyaḥ saha bandʰubʰiḥ
   sa tu vaikartanaḥ karṇaḥ   sa_amātyaḥ saha bandʰubʰiḥ /
Halfverse: c    nyāsitaḥ samare śastraṃ   bʰīṣmeṇa bʰaratarṣabʰa
   nyāsitaḥ samare śastraṃ   bʰīṣmeṇa bʰarata-r̥ṣabʰa /13/

Verse: 14 
Halfverse: a    apetakarṇāḥ putrās te   rājānaś caiva tāvakāḥ
   apeta-karṇāḥ putrās te   rājānaś caiva tāvakāḥ /
Halfverse: c    niryayuḥ siṃhanādena   nādayanto diśo daśa
   niryayuḥ siṃha-nādena   nādayanto diśo daśa /14/

Verse: 15 
Halfverse: a    śvetaiś cʰatraiḥ patākābʰir   dʰvajavāraṇavājibʰiḥ
   śvetaiś cʰatraiḥ patākābʰir   dʰvaja-vāraṇa-vājibʰiḥ /
Halfverse: c    tāny anīkāny aśobʰanta   ratʰair atʰa padātibʰiḥ
   tāny anīkāny aśobʰanta   ratʰair atʰa padātibʰiḥ /15/

Verse: 16 
Halfverse: a    bʰerī paṇavaśabdaiś ca   paṭahānāṃ ca nisvanaiḥ
   bʰerī paṇava-śabdaiś ca   paṭahānāṃ ca nisvanaiḥ /
Halfverse: c    ratʰanemi ninādaiś ca   babʰūvākulitā mahī
   ratʰa-nemi ninādaiś ca   babʰūva_ākulitā mahī /16/

Verse: 17 
Halfverse: a    kāñcanāṅgadakeyūraiḥ   kārmukaiś ca mahāratʰāḥ
   kāñcana_aṅgada-keyūraiḥ   kārmukaiś ca mahā-ratʰāḥ /
Halfverse: c    bʰrājamānā vyadr̥śyanta   jaṅgamāḥ parvatā iva
   bʰrājamānā vyadr̥śyanta   jaṅgamāḥ parvatā\ iva /17/ ՙ

Verse: 18 
Halfverse: a    tālena mahatā bʰīṣmaḥ   pañca tāreṇa ketunā
   tālena mahatā bʰīṣmaḥ   pañca tāreṇa ketunā /
Halfverse: c    vimalāditya saṃkāśas   tastʰau kurucamūpatiḥ
   vimala_āditya saṃkāśas   tastʰau kuru-camū-patiḥ /18/

Verse: 19 
Halfverse: a    ye tvadīyā maheṣvāsā   rājāno bʰaratarṣabʰaḥ
   ye tvadīyā mahā_iṣvāsā   rājāno bʰarata-r̥ṣabʰaḥ /
Halfverse: c    avartanta yatʰādeśaṃ   rājañ śāṃtanavasya te
   avartanta yatʰā_ādeśaṃ   rājan śāṃtanavasya te /19/

Verse: 20 
Halfverse: a    sa tu govāsanaḥ śaibyaḥ   sahitaḥ sarvarājabʰiḥ
   sa tu go-vāsanaḥ śaibyaḥ   sahitaḥ sarva-rājabʰiḥ /
Halfverse: c    yayau mātaṅgarājena   rājārheṇa patākinā
   yayau mātaṅga-rājena   rāja_arheṇa patākinā /
Halfverse: e    padmavarṇas tv anīkānāṃ   sarveṣām agrataḥ stʰitaḥ
   padma-varṇas tv anīkānāṃ   sarveṣām agrataḥ stʰitaḥ /20/ 20

Verse: 21 
Halfverse: a    aśvattʰāmā yayau yattaḥ   siṃhalāṅgala ketanaḥ
   aśvattʰāmā yayau yattaḥ   siṃha-lāṅgala ketanaḥ /
Halfverse: c    śrutāyuś citrasenaś ca   puru mitro viviṃśatiḥ
   śruta_āyuś citra-senaś ca   puru mitro viviṃśatiḥ /21/

Verse: 22 
Halfverse: a    śalyo bʰuri śravāś caiva   vikarṇaś ca mahāratʰaḥ
   śalyo bʰuri śravāś caiva   vikarṇaś ca mahā-ratʰaḥ /
Halfverse: c    ete sapta maheṣvāsā   droṇaputra purogamāḥ
   ete sapta mahā_iṣvāsā   droṇa-putra puro-gamāḥ /
Halfverse: e    syandanair varavarṇābʰair   bʰīṣmasyāsan puraḥsarā
   syandanair vara-varṇa_ābʰair   bʰīṣmasya_āsan puraḥsarā /22/

Verse: 23 
Halfverse: a    teṣām api mahotsedʰāḥ   śobʰayanto ratʰottamān
   teṣām api mahā_utsedʰāḥ   śobʰayanto ratʰa_uttamān /
Halfverse: c    bʰrājamānā vyadr̥śyanta   jāmbūnadamayā dʰvajāḥ
   bʰrājamānā vyadr̥śyanta   jāmbū-nadamayā dʰvajāḥ /23/

Verse: 24 
Halfverse: a    jāmbūnadamayī vediḥ   kamaṇḍaluvibʰūṣitā
   jāmbū-nadamayī vediḥ   kamaṇḍalu-vibʰūṣitā /
Halfverse: c    ketur ācārya mukʰyasya   droṇasya dʰanuṣā saha
   ketur ācārya mukʰyasya   droṇasya dʰanuṣā saha /24/

Verse: 25 
Halfverse: a    anekaśatasāhasram   anīkam anukarṣataḥ
   aneka-śata-sāhasram   anīkam anukarṣataḥ /
Halfverse: c    mahān duryodʰanasyāsīn   nāgo maṇimayo dʰvajaḥ
   mahān duryodʰanasya_āsīn   nāgo maṇimayo dʰvajaḥ /25/

Verse: 26 
Halfverse: a    tasya paurava kāliṅgau   kāmbojaś ca sudakṣiṇaḥ
   tasya paurava kāliṅgau   kāmbojaś ca su-dakṣiṇaḥ /
Halfverse: c    kṣemadʰanvā sumitraś ca   tastʰuḥ pramukʰato ratʰāḥ
   kṣema-dʰanvā sumitraś ca   tastʰuḥ pramukʰato ratʰāḥ /26/

Verse: 27 
Halfverse: a    syandanena mahārheṇa   ketunā vr̥ṣabʰeṇa ca
   syandanena mahā_arheṇa   ketunā vr̥ṣabʰeṇa ca /
Halfverse: c    prakarṣann iva senāgraṃ   māgadʰaś ca nr̥po yayau
   prakarṣann iva senā_agraṃ   māgadʰaś ca nr̥po yayau /27/

Verse: 28 
Halfverse: a    tad aṅgapatinā guptaṃ   kr̥peṇa ca mahātmanā
   tad aṅga-patinā guptaṃ   kr̥peṇa ca mahātmanā /
Halfverse: c    śāradābʰracaya prakʰyaṃ   prācyānām abʰavad balam
   śārada_abʰra-caya prakʰyaṃ   prācyānām abʰavad balam /28/

Verse: 29 
Halfverse: a    anīka pramukʰe tiṣṭʰan   varāheṇa mahāyaśāḥ
   anīka pramukʰe tiṣṭʰan   varāheṇa mahā-yaśāḥ /
Halfverse: c    śuśubʰe ketumukʰyena   rājatena jayadratʰaḥ
   śuśubʰe ketu-mukʰyena   rājatena jayad-ratʰaḥ /29/

Verse: 30 
Halfverse: a    śataṃ ratʰasahasrāṇāṃ   tasyāsan vaśavartinaḥ
   śataṃ ratʰa-sahasrāṇāṃ   tasya_āsan vaśa-vartinaḥ /
Halfverse: c    aṣṭau nāgasahasrāṇi   sādinām ayutāni ṣaṭ
   aṣṭau nāga-sahasrāṇi   sādinām ayutāni ṣaṭ /30/ 30

Verse: 31 
Halfverse: a    tat sindʰupatinā rājan   pālitaṃ dʰvajinī mukʰam
   tat sindʰu-patinā rājan   pālitaṃ dʰvajinī mukʰam /
Halfverse: c    ananta ratʰanāgāśvam   aśobʰata mahad balam
   ananta ratʰa-nāga_aśvam   aśobʰata mahad balam /31/

Verse: 32 
Halfverse: a    ṣaṣṭyā ratʰasahasrais tu   nāgānām ayutena ca
   ṣaṣṭyā ratʰa-sahasrais tu   nāgānām ayutena ca /
Halfverse: c    patiḥ sarvaka liṅgānāṃ   yayau ketumatā saha
   patiḥ sarvaka liṅgānāṃ   yayau ketumatā saha /32/

Verse: 33 
Halfverse: a    tasya parvatasaṃkāśā   vyarocanta mahāgajāḥ
   tasya parvata-saṃkāśā   vyarocanta mahā-gajāḥ /
Halfverse: c    yantratomara tūṇīraiḥ   patākābʰiś ca śobʰitāḥ
   yantra-tomara tūṇīraiḥ   patākābʰiś ca śobʰitāḥ /33/

Verse: 34 
Halfverse: a    śuśubʰe ketumukʰyena   pādapena kaliṅgapaḥ
   śuśubʰe ketu-mukʰyena   pādapena kaliṅgapaḥ /
Halfverse: c    śvetac cʰatreṇa niṣkeṇa   cāmaravyajanena ca
   śvetac cʰatreṇa niṣkeṇa   cāmara-vyajanena ca /34/

Verse: 35 
Halfverse: a    ketumān api mātaṅgaṃ   vicitraparamāṅkuśam
   ketumān api mātaṅgaṃ   vicitra-parama_aṅkuśam /
Halfverse: c    āstʰitaḥ samare rājan   megʰastʰa iva bʰānumān
   āstʰitaḥ samare rājan   megʰastʰa\ iva bʰānumān /35/ ՙ

Verse: 36 
Halfverse: a    tejasā dīpyamānas tu   vāraṇottamam āstʰitaḥ
   tejasā dīpyamānas tu   vāraṇa_uttamam āstʰitaḥ /
Halfverse: c    bʰaga datto yayau rājā   yatʰā vajradʰaras tatʰā
   bʰaga datto yayau rājā   yatʰā vajra-dʰaras tatʰā /36/

Verse: 37 
Halfverse: a    jaga skandʰagatāv āstāṃ   bʰaga dattena saṃmitau
   jaga skandʰa-gatāv āstāṃ   bʰaga dattena saṃmitau /
Halfverse: c    vindānuvindāv āvantyau   ketumantam anuvratau
   vinda_anuvindāv āvantyau   ketumantam anuvratau /37/

Verse: 38 
Halfverse: a    sa ratʰānīkavān vyūho   hastyaṅgottama śīrṣavān
   sa ratʰa_anīkavān vyūho   hasty-aṅga_uttama śīrṣavān /
Halfverse: c    vājipakṣaḥ patann ugraḥ   prāharat sarvato mukʰaḥ
   vāji-pakṣaḥ patann ugraḥ   prāharat sarvato mukʰaḥ /38/

Verse: 39 
Halfverse: a    droṇena vihito rājan   rājñā śāṃtanavena ca
   droṇena vihito rājan   rājñā śāṃtanavena ca /
Halfverse: c    tatʰaivācārya putreṇa   bāhlīkena kr̥peṇa ca
   tatʰaiva_ācārya putreṇa   bāhlīkena kr̥peṇa ca /39/ (E)39



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.