TITUS
Mahabharata
Part No. 857
Previous part

Chapter: 194 
Adhyāya 194


Verse: 1  {Saṃjaya uvāca}
Halfverse: a    prabʰātāyāṃ tu śarvaryāṃ   punar eva sutas tava
   prabʰātāyāṃ tu śarvaryāṃ   punar eva sutas tava /
Halfverse: c    madʰye sarvasya sainyasya   pitāmaham apr̥ccʰata
   madʰye sarvasya sainyasya   pitāmaham apr̥ccʰata /1/

Verse: 2 
Halfverse: a    pāṇḍaveyasya gāṅgeya   yad etat sainyam uttamam
   pāṇḍaveyasya gāṅgeya   yad etat sainyam uttamam /
Halfverse: c    prabʰūtanaranāgāśvaṃ   mahāratʰasamākulam
   prabʰūta-nara-nāga_aśvaṃ   mahā-ratʰa-samākulam /2/

Verse: 3 
Halfverse: a    bʰīmārjunaprabʰr̥tibʰir   maheṣvāsair mahābalaiḥ
   bʰīma_arjuna-prabʰr̥tibʰir   mahā_iṣvāsair mahā-balaiḥ /
Halfverse: c    lokapālopamair guptaṃ   dʰr̥ṣṭadyumnapurogamaiḥ
   loka-pāla_upamair guptaṃ   dʰr̥ṣṭadyumna-purogamaiḥ /3/

Verse: 4 
Halfverse: a    apradʰr̥ṣyam anāvāryam   udvr̥ttam iva sāgaram
   apradʰr̥ṣyam anāvāryam   udvr̥ttam iva sāgaram /
Halfverse: c    senāsāgaram akṣobʰyam   api devair mahāhave
   senā-sāgaram akṣobʰyam   api devair mahā_āhave /4/

Verse: 5 
Halfverse: a    kena kālena gāṅgeya   kṣapayetʰā mahādyute
   kena kālena gāṅgeya   kṣapayetʰā mahā-dyute /
Halfverse: c    ācāryo vā maheṣvāsaḥ   kr̥po vā sumahābalaḥ
   ācāryo vā mahā_iṣvāsaḥ   kr̥po vā sumahā-balaḥ /5/

Verse: 6 
Halfverse: a    karṇo vā samaraślāgʰī   drauṇir vā dvijasattamaḥ
   karṇo vā samara-ślāgʰī   drauṇir vā dvija-sattamaḥ /
Halfverse: c    divyāstraviduṣaḥ sarve   bʰavanto hi bale mama
   divya_astra-viduṣaḥ sarve   bʰavanto hi bale mama /6/

Verse: 7 
Halfverse: a    etad iccʰāmy ahaṃ jñātuṃ   paraṃ kautūhalaṃ hi me
   etad iccʰāmy ahaṃ jñātuṃ   paraṃ kautūhalaṃ hi me /
Halfverse: c    hr̥di nityaṃ mahābāho   vaktum arhasi tan mama
   hr̥di nityaṃ mahā-bāho   vaktum arhasi tan mama /7/

Verse: 8  {Bʰīṣma uvāca}
Halfverse: a    anurūpaṃ kuruśreṣṭʰa   tvayy etat pr̥tʰivīpate
   anurūpaṃ kuru-śreṣṭʰa   tvayy etat pr̥tʰivī-pate / ՙ
Halfverse: c    balābalam amitrāṇāṃ   sveṣāṃ ca yadi pr̥ccʰasi
   bala_abalam amitrāṇāṃ   sveṣāṃ ca yadi pr̥ccʰasi /8/

Verse: 9 
Halfverse: a    śr̥ṇu rājan mama raṇe   yā śaktiḥ paramā bʰavet
   śr̥ṇu rājan mama raṇe   yā śaktiḥ paramā bʰavet /
Halfverse: c    astravīryaṃ raṇe yac ca   bʰujayoś ca mahābʰuja
   astra-vīryaṃ raṇe yac ca   bʰujayoś ca mahā-bʰuja /9/

Verse: 10 
Halfverse: a    ārjavenaiva yuddʰena   yoddʰavya itaro janaḥ
   ārjavena_eva yuddʰena   yoddʰavya\ itaro janaḥ / ՙ
Halfverse: c    māyāyuddʰena māyāvī   ity etad dʰarmaniścayaḥ
   māyā-yuddʰena māyāvī ity etad dʰarma-niścayaḥ /10/ 10ՙ

Verse: 11 
Halfverse: a    hanyām ahaṃ mahābāho   pāṇḍavānām anīkinīm
   hanyām ahaṃ mahā-bāho   pāṇḍavānām anīkinīm /
Halfverse: c    divase divase kr̥tvā   bʰāgaṃ prāgāhnikaṃ mama
   divase divase kr̥tvā   bʰāgaṃ prāg-āhnikaṃ mama /11/

Verse: 12 
Halfverse: a    yodʰānāṃ daśasāhasraṃ   kr̥tvā bʰāgaṃ mahādyute
   yodʰānāṃ daśa-sāhasraṃ   kr̥tvā bʰāgaṃ mahā-dyute /
Halfverse: c    sahasraṃ ratʰinām ekam   eṣa bʰāgo mato mama
   sahasraṃ ratʰinām ekam   eṣa bʰāgo mato mama /12/

Verse: 13 
Halfverse: a    anenāhaṃ vidʰānena   saṃnaddʰaḥ satatottʰitaḥ
   anena_ahaṃ vidʰānena   saṃnaddʰaḥ satata_uttʰitaḥ /
Halfverse: c    kṣapayeyaṃ mahat sainyaṃ   kālenānena bʰārata
   kṣapayeyaṃ mahat sainyaṃ   kālena_anena bʰārata /13/

Verse: 14 
Halfverse: a    yadi tv astrāṇi muñceyaṃ   mahānti samare stʰitaḥ
   yadi tv astrāṇi muñceyaṃ   mahānti samare stʰitaḥ /
Halfverse: c    śatasāhasragʰātīni   hanyāṃ māsena bʰārata
   śata-sāhasra-gʰātīni   hanyāṃ māsena bʰārata /14/

Verse: 15  {Saṃjaya uvāca}
Halfverse: a    śrutvā bʰīṣmasya tad vākyaṃ   rājā duryodʰanas tadā
   śrutvā bʰīṣmasya tad vākyaṃ   rājā duryodʰanas tadā / ՙ
Halfverse: c    paryapr̥ccʰata rājendra   droṇam aṅgirasāṃ varam
   paryapr̥ccʰata rāja_indra   droṇam aṅgirasāṃ varam /15/

Verse: 16 
Halfverse: a    ācārya kena kālena   pāṇḍuputrasya sainikān
   ācārya kena kālena   pāṇḍu-putrasya sainikān / ՙ
Halfverse: c    nihanyā iti taṃ droṇaḥ   pratyuvāca hasann iva
   nihanyā\ iti taṃ droṇaḥ   pratyuvāca hasann iva /16/ ՙ

Verse: 17 
Halfverse: a    stʰaviro 'smi kuruśreṣṭʰa   mandaprāṇaviceṣṭitaḥ {!}
   stʰaviro_asmi kuru-śreṣṭʰa   manda-prāṇa-viceṣṭitaḥ / ՙ {!}
Halfverse: c    astrāgninā nirdaheyaṃ   pāṇḍavānām anīkinīm
   astra_agninā nirdaheyaṃ   pāṇḍavānām anīkinīm /17/

Verse: 18 
Halfverse: a    yatʰā bʰīṣmaḥ śāṃtanavo   māseneti matir mama
   yatʰā bʰīṣmaḥ śāṃtanavo   māsena_iti matir mama /
Halfverse: c    eṣā me paramā śaktir   etan me paramaṃ balam
   eṣā me paramā śaktir   etan me paramaṃ balam /18/

Verse: 19 
Halfverse: a    dvābʰyām eva tu māsābʰyāṃ   kr̥paḥ śāradvato 'bravīt
   dvābʰyām eva tu māsābʰyāṃ   kr̥paḥ śāradvato_abravīt /
Halfverse: c    drauṇis tu daśarātreṇa   pratijajñe balakṣayam
   drauṇis tu daśa-rātreṇa   pratijajñe bala-kṣayam /
Halfverse: e    karṇas tu pañcarātreṇa   pratijajñe mahāstravit
   karṇas tu pañca-rātreṇa   pratijajñe mahā_astravit /19/

Verse: 20 
Halfverse: a    tac cʰrutvā sūtaputrasya   vākyaṃ sāgaragāsutaḥ
   tat śrutvā sūta-putrasya   vākyaṃ sāgaragā-sutaḥ /
Halfverse: c    jahāsa sasvanaṃ hāsaṃ   vākyaṃ cedam uvāca ha
   jahāsa sasvanaṃ hāsaṃ   vākyaṃ ca_idam uvāca ha /20/ 20

Verse: 21 
Halfverse: a    na hi tāvad raṇe pārtʰaṃ   bāṇakʰaḍgadʰanurdʰaram
   na hi tāvad raṇe pārtʰaṃ   bāṇa-kʰaḍga-dʰanur-dʰaram /
Halfverse: c    vāsudevasamāyuktaṃ   ratʰenodyantam acyutam
   vāsudeva-samāyuktaṃ   ratʰena_udyantam acyutam /21/

Verse: 22 
Halfverse: a    samāgaccʰasi rādʰeya   tenaivam abʰimanyase
   samāgaccʰasi rādʰeya   tena_evam abʰimanyase /
Halfverse: c    śakyam evaṃ ca bʰūyaś ca   tvayā vaktuṃ yatʰeṣṭataḥ
   śakyam evaṃ ca bʰūyaś ca   tvayā vaktuṃ yatʰā_iṣṭataḥ /22/ (E)22



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.