TITUS
Mahabharata
Part No. 847
Previous part

Chapter: 184 
Adhyāya 184


Verse: 1  {Bʰīṣma uvāca}
Halfverse: a    tato 'haṃ niśi rājendra   praṇamya śirasā tadā
   tato_ahaṃ niśi rāja_indra   praṇamya śirasā tadā /
Halfverse: c    brahmaṇānāṃ pitr̥̄ṇāṃ ca   devatānāṃ ca sarvaśaḥ
   brahmaṇānāṃ pitr̥̄ṇāṃ ca   devatānāṃ ca sarvaśaḥ /1/

Verse: 2 
Halfverse: a    naktaṃcarāṇāṃ bʰūtānāṃ   rajanyāś ca viśāṃ pate
   naktaṃ-carāṇāṃ bʰūtānāṃ   rajanyāś ca viśāṃ pate /
Halfverse: c    śayanaṃ prāpya rahite   manasā samacintayam
   śayanaṃ prāpya rahite   manasā samacintayam /2/

Verse: 3 
Halfverse: a    jāmadagnyena me yuddʰam   idaṃ paramadāruṇam
   jāmadagnyena me yuddʰam   idaṃ parama-dāruṇam /
Halfverse: c    ahāni subahūny adya   vartate sumahātyayam
   ahāni subahūny adya   vartate sumahā_atyayam /3/

Verse: 4 
Halfverse: a    na ca rāmaṃ mahāvīryaṃ   śaknomi raṇamūrdʰani
   na ca rāmaṃ mahā-vīryaṃ   śaknomi raṇa-mūrdʰani /
Halfverse: c    vijetuṃ samare vipraṃ   jāmadagnyaṃ mahābalam
   vijetuṃ samare vipraṃ   jāmadagnyaṃ mahā-balam /4/

Verse: 5 
Halfverse: a    yadi śakyo mayā jetuṃ   jāmadagnyaḥ pratāpavān
   yadi śakyo mayā jetuṃ   jāmadagnyaḥ pratāpavān /
Halfverse: c    daivatāni prasannāni   darśayantu niśāṃ mama
   daivatāni prasannāni   darśayantu niśāṃ mama /5/

Verse: 6 
Halfverse: a    tato 'haṃ niśi rājendra   prasuptaḥ śaravikṣataḥ
   tato_ahaṃ niśi rāja_indra   prasuptaḥ śara-vikṣataḥ /
Halfverse: c    dakṣiṇenaiva pārśvena   prabʰātasamaye iva
   dakṣiṇena_eva pārśvena   prabʰāta-samaye\ iva /6/ ՙ

Verse: 7 
Halfverse: a    tato 'haṃ vipramukʰyais tair   yair asmi patito ratʰāt
   tato_ahaṃ vipra-mukʰyais tair   yair asmi patito ratʰāt /
Halfverse: c    uttʰāpito dʰr̥taś caiva   mā bʰair iti ca sāntvitaḥ
   uttʰāpito dʰr̥taś caiva   mā bʰair iti ca sāntvitaḥ /7/

Verse: 8 
Halfverse: a    ta eva māṃ mahārāja   svapnadarśanam etya vai
   ta\ eva māṃ mahā-rāja   svapna-darśanam etya vai / ՙ
Halfverse: c    parivāryābruvan vākyaṃ   tan nibodʰa kurūdvaha
   parivārya_abruvan vākyaṃ   tan nibodʰa kuru_udvaha /8/

Verse: 9 
Halfverse: a    uttiṣṭʰa mā bʰair gāṅgeya   bʰayaṃ te nāsti kiṃ cana
   uttiṣṭʰa mā bʰair gāṅgeya   bʰayaṃ te na_asti kiṃcana /
Halfverse: c    rakṣāmahe naravyāgʰra   svaśarīraṃ hi no bʰavān
   rakṣāmahe nara-vyāgʰra   sva-śarīraṃ hi no bʰavān /9/

Verse: 10 
Halfverse: a    na tvāṃ rāmo raṇe jetā   jāmadagnyaḥ katʰaṃ cana
   na tvāṃ rāmo raṇe jetā   jāmadagnyaḥ katʰaṃcana /
Halfverse: c    tvam eva samare rāmaṃ   vijetā bʰaratarṣabʰa
   tvam eva samare rāmaṃ   vijetā bʰarata-r̥ṣabʰa /10/ 10

Verse: 11 
Halfverse: a    idam atraṃ sudayitaṃ   pratyabʰijñāsyate bʰavān
   idam atraṃ sudayitaṃ   pratyabʰijñāsyate bʰavān /
Halfverse: c    viditaṃ hi tavāpy etat   pūrvasmin dehadʰāraṇe
   viditaṃ hi tava_apy etat   pūrvasmin deha-dʰāraṇe /11/

Verse: 12 
Halfverse: a    prājāpatyaṃ viśvakr̥taṃ   prasvāpaṃ nāma bʰārata
   prājāpatyaṃ viśva-kr̥taṃ   prasvāpaṃ nāma bʰārata /
Halfverse: c    na hīdaṃ veda rāmo 'pi   pr̥tʰivyāṃ vā pumān kva cit
   na hi_idaṃ veda rāmo_api   pr̥tʰivyāṃ vā pumān kvacit /12/

Verse: 13 
Halfverse: a    tat smarasva mahābāho   bʰr̥śaṃ saṃyojayasva ca
   tat smarasva mahā-bāho   bʰr̥śaṃ saṃyojayasva ca /
Halfverse: c    na ca rāmaḥ kṣayaṃ gantā   tenāstreṇa narādʰipa
   na ca rāmaḥ kṣayaṃ gantā   tena_astreṇa nara_adʰipa /13/

Verse: 14 
Halfverse: a    enasā ca na yogaṃ tvaṃ   prāpsyase jātu mānada
   enasā ca na yogaṃ tvaṃ   prāpsyase jātu mānada /
Halfverse: c    svapsyate jāmadagnyo 'sau   tvadbāṇabalapīḍitaḥ
   svapsyate jāmadagnyo_asau   tvad-bāṇa-bala-pīḍitaḥ /14/

Verse: 15 
Halfverse: a    tato jitvā tvam evainaṃ   punar uttʰāpayiṣyasi
   tato jitvā tvam eva_enaṃ   punar uttʰāpayiṣyasi /
Halfverse: c    astreṇa dayitenājau   bʰīṣma saṃbʰodʰanena vai
   astreṇa dayitenājau   bʰīṣma saṃbʰodʰanena vai /15/

Verse: 16 
Halfverse: a    evaṃ kuruṣva kauravya   prabʰāte ratʰam āstʰitaḥ {!}
   evaṃ kuruṣva kauravya   prabʰāte ratʰam āstʰitaḥ / {!}
Halfverse: c    prasuptaṃ vā mr̥taṃ vāpi   tulyaṃ manyāmahe vayam
   prasuptaṃ vā mr̥taṃ vā_api   tulyaṃ manyāmahe vayam /16/

Verse: 17 
Halfverse: a    na ca rāmeṇa martavyaṃ   kadā cid api pārtʰiva
   na ca rāmeṇa martavyaṃ   kadācid api pārtʰiva /
Halfverse: c    tataḥ samutpannam idaṃ   prasvāpaṃ yujyatām iti
   tataḥ samutpannam idaṃ   prasvāpaṃ yujyatām iti /17/

Verse: 18 
Halfverse: a    ity uktvāntarhitā rājan   sarva eva dvijottamāḥ
   ity uktvā_antar-hitā rājan   sarva\ eva dvija_uttamāḥ / ՙ
Halfverse: c    aṣṭau sadr̥śarūpās te   sarve bʰāsvaramūrtayaḥ
   aṣṭau sadr̥śa-rūpās te   sarve bʰāsvara-mūrtayaḥ /18/ (E)18



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.