TITUS
Mahabharata
Part No. 841
Previous part

Chapter: 178 
Adhyāya 178


Verse: 1  {Bʰīṣma uvāca}
Halfverse: a    tatas tr̥tīye divase   same deśe vyavastʰitaḥ
   tatas tr̥tīye divase   same deśe vyavastʰitaḥ /
Halfverse: c    preṣayām āsa me rājan   prāpto 'smīti mahāvrataḥ
   preṣayām āsa me rājan   prāpto_asmi_iti mahā-vrataḥ /1/

Verse: 2 
Halfverse: a    tam āgatam ahaṃ śrutvā   viṣayāntaṃ mahābalam
   tam āgatam ahaṃ śrutvā   viṣaya_antaṃ mahā-balam /
Halfverse: c    abʰyagaccʰaṃ javenāśu   prītyā tejonidʰiṃ prabʰum
   abʰyagaccʰaṃ javena_āśu   prītyā tejo-nidʰiṃ prabʰum /2/

Verse: 3 
Halfverse: a    gāṃ puraskr̥tya rājendra   brāhmaṇaiḥ parivāritaḥ
   gāṃ puraskr̥tya rāja_indra   brāhmaṇaiḥ parivāritaḥ /
Halfverse: c    r̥tvigbʰir devakalpaiś ca   tatʰaiva ca purohitaiḥ
   r̥tvigbʰir deva-kalpaiś ca   tatʰaiva ca purohitaiḥ /3/ ՙ

Verse: 4 
Halfverse: a    sa mām abʰigataṃ dr̥ṣṭvā   jāmadagnyaḥ pratāpavān
   sa mām abʰigataṃ dr̥ṣṭvā   jāmadagnyaḥ pratāpavān /
Halfverse: c    pratijagrāha tāṃ pūjāṃ   vacanaṃ cedam abravīt
   pratijagrāha tāṃ pūjāṃ   vacanaṃ ca_idam abravīt /4/

Verse: 5 
Halfverse: a    bʰīṣma kāṃ buddʰim āstʰāya   kāśirājasutā tvayā
   bʰīṣma kāṃ buddʰim āstʰāya   kāśi-rāja-sutā tvayā /
Halfverse: c    akāmeyam ihānītā   punaś caiva visarjitā
   akāmā_iyam iha_ānītā   punaś caiva visarjitā /5/

Verse: 6 
Halfverse: a    vibʰraṃśitā tvayā hīyaṃ   dʰarmāvāpteḥ parāvarāt
   vibʰraṃśitā tvayā hi_iyaṃ   dʰarma_avāpteḥ parāvarāt /
Halfverse: c    parāmr̥ṣṭāṃ tvayā hīmāṃ   ko hi gantum ihārhati
   parāmr̥ṣṭāṃ tvayā hi_imāṃ   ko hi gantum iha_arhati /6/

Verse: 7 
Halfverse: a    pratyākʰyātā hi śālvena   tvayā nīteti bʰārata
   pratyākʰyātā hi śālvena   tvayā nītā_iti bʰārata /
Halfverse: c    tasmād imāṃ manniyogāt   pratigr̥hṇīṣva bʰārata
   tasmād imāṃ man-niyogāt   pratigr̥hṇīṣva bʰārata /7/

Verse: 8 
Halfverse: a    svadʰarmaṃ puruṣavyāgʰra   rājaputrī labʰatv iyam
   sva-dʰarmaṃ puruṣa-vyāgʰra   rāja-putrī labʰatv iyam /
Halfverse: c    na yuktam avamāno 'yaṃ   kartuṃ rājñā tvayānagʰa
   na yuktam avamāno 'yaṃ   kartuṃ rājñā tvayā_anagʰa /8/

Verse: 9 
Halfverse: a    tatas taṃ nātimanasaṃ   samudīkṣyāham abruvam
   tatas taṃ na_atimanasaṃ   samudīkṣya_aham abruvam /
Halfverse: c    nāham enāṃ punar dadyāṃ   bʰrātre brahman katʰaṃ cana
   na_aham enāṃ punar dadyāṃ   bʰrātre brahman katʰaṃcana /9/

Verse: 10 
Halfverse: a    śālvasyāham iti prāha   purā mām iha bʰārgava
   śālvasya_aham iti prāha   purā mām iha bʰārgava /
Halfverse: c    mayā caivābʰyanujñātā   gatā saubʰapuraṃ prati
   mayā ca_eva_abʰyanujñātā   gatā saubʰa-puraṃ prati /10/ 10

Verse: 11 
Halfverse: a    na bʰayān nāpy anukrośān   na lobʰān nārtʰakāmyayā
   na bʰayān na_apy anukrośān   na lobʰān na_artʰa-kāmyayā /
Halfverse: c    kṣatradʰarmam ahaṃ jahyām   iti me vratam āhitam
   kṣatra-dʰarmam ahaṃ jahyām   iti me vratam āhitam /11/

Verse: 12 
Halfverse: a    atʰa mām abravīd rāmaḥ   krodʰaparyākulekṣaṇaḥ
   atʰa mām abravīd rāmaḥ   krodʰa-paryākula_īkṣaṇaḥ /
Halfverse: c    na kariṣyasi ced etad   vākyaṃ me kurupuṃgava
   na kariṣyasi ced etad   vākyaṃ me kuru-puṃgava /12/

Verse: 13 
Halfverse: a    haniṣyāmi sahāmātyaṃ   tvām adyeti punaḥ punaḥ
   haniṣyāmi saha_amātyaṃ   tvām adya_iti punaḥ punaḥ /
Halfverse: c    saṃrambʰād abravīd rāmaḥ   krodʰaparyākulekṣaṇaḥ
   saṃrambʰād abravīd rāmaḥ   krodʰa-paryākula_īkṣaṇaḥ /13/

Verse: 14 
Halfverse: a    tam ahaṃ gīrbʰir iṣṭābʰiḥ   punaḥ punar ariṃdamam
   tam ahaṃ gīrbʰir iṣṭābʰiḥ   punaḥ punar ariṃdamam /
Halfverse: c    ayācaṃ bʰr̥guśārdūlaṃ   na caiva praśaśāma saḥ
   ayācaṃ bʰr̥gu-śārdūlaṃ   na caiva praśaśāma saḥ /14/

Verse: 15 
Halfverse: a    tam ahaṃ praṇamya śirasā   bʰūyo brāhmaṇasattamam
   tam ahaṃ praṇamya śirasā   bʰūyo brāhmaṇa-sattamam / ՙq
Halfverse: c    abruvaṃ kāraṇaṃ kiṃ tad   yat tvaṃ yoddʰum iheccʰasi
   abruvaṃ kāraṇaṃ kiṃ tad   yat tvaṃ yoddʰum iha_iccʰasi /15/

Verse: 16 
Halfverse: a    iṣvastraṃ mama bālasya   bʰavataiva caturvidʰam
   iṣv-astraṃ mama bālasya   bʰavatā_eva catur-vidʰam /
Halfverse: c    upadiṣṭaṃ mahābāho   śiṣyo 'smi tava bʰārgava
   upadiṣṭaṃ mahā-bāho   śiṣyo_asmi tava bʰārgava /16/

Verse: 17 
Halfverse: a    tato mām abravīd rāmaḥ   krodʰasaṃraktalocanaḥ
   tato mām abravīd rāmaḥ   krodʰa-saṃrakta-locanaḥ /
Halfverse: c    jānīṣe māṃ guruṃ bʰīṣma   na cemāṃ pratigr̥hṇase
   jānīṣe māṃ guruṃ bʰīṣma   na ca_imāṃ pratigr̥hṇase /
Halfverse: e    sutāṃ kāśyasya kauravya   matpriyārtʰaṃ mahīpate
   sutāṃ kāśyasya kauravya   mat-priya_artʰaṃ mahī-pate /17/

Verse: 18 
Halfverse: a    na hi te vidyate śāntir   anyatʰā kurunandana
   na hi te vidyate śāntir   anyatʰā kuru-nandana /
Halfverse: c    gr̥hāṇemāṃ mahābāho   rakṣasva kulam ātmanaḥ
   gr̥hāṇa_imāṃ mahā-bāho   rakṣasva kulam ātmanaḥ /
Halfverse: e    tvayā vibʰraṃśitā hīyaṃ   bʰartāraṃ nābʰigaccʰati
   tvayā vibʰraṃśitā hi_iyaṃ   bʰartāraṃ na_abʰigaccʰati /18/

Verse: 19 
Halfverse: a    tatʰā bruvantaṃ tam ahaṃ   rāmaṃ parapuraṃjayam
   tatʰā bruvantaṃ tam ahaṃ   rāmaṃ para-puraṃjayam /
Halfverse: c    naitad evaṃ punar bʰāvi   brahmarṣe kiṃ śrameṇa te
   na_etad evaṃ punar bʰāvi   brahma-r̥ṣe kiṃ śrameṇa te /19/

Verse: 20 
Halfverse: a    gurutvaṃ tvayi saṃprekṣya   jāmadagnya purātanam
   gurutvaṃ tvayi saṃprekṣya   jāmadagnya purātanam /
Halfverse: c    prasādaye tvāṃ bʰagavaṃs   tyaktaiṣā hi purā mayā
   prasādaye tvāṃ bʰagavaṃs   tyaktā_eṣā hi purā mayā /20/ 20

Verse: 21 
Halfverse: a    ko jātu parabʰāvāṃ hi   nārīṃ vyālīm iva stʰitām
   ko jātu para-bʰāvāṃ hi   nārīṃ vyālīm iva stʰitām /
Halfverse: c    vāsayeta gr̥he jānan   strīṇāṃ doṣān mahātyayān
   vāsayeta gr̥he jānan   strīṇāṃ doṣān mahā_atyayān /21/

Verse: 22 
Halfverse: a    na bʰayād vāsavasyāpi   dʰarmaṃ jahyāṃ mahādyute
   na bʰayād vāsavasya_api   dʰarmaṃ jahyāṃ mahā-dyute /
Halfverse: c    prasīda mā vā yad vā te   kāryaṃ tat kuru māciram
   prasīda mā vā yad vā te   kāryaṃ tat kuru māciram /22/

Verse: 23 
Halfverse: a    ayaṃ cāpi viśuddʰātman   purāṇe śrūyate vibʰo
   ayaṃ ca_api viśuddʰa_ātman   purāṇe śrūyate vibʰo /
Halfverse: c    maruttena mahābuddʰe   gītaḥ śloko mahātmanā
   maruttena mahā-buddʰe   gītaḥ śloko mahātmanā /23/

Verse: 24 
Halfverse: a    guror apy avaliptasya   kāryākāryam ajānataḥ
   guror apy avaliptasya   kārya_akāryam ajānataḥ /
Halfverse: c    utpatʰapratipannasya   kāryaṃ bʰavati śāsanam
   utpatʰa-pratipannasya   kāryaṃ bʰavati śāsanam /24/

Verse: 25 
Halfverse: a    sa tvaṃ gurur iti premṇā   mayā saṃmānito bʰr̥śam {!}
   sa tvaṃ gurur iti premṇā   mayā saṃmānito bʰr̥śam / {!}
Halfverse: c    guruvr̥ttaṃ na jānīṣe   tasmād yotsyāmy ahaṃ tvayā
   guru-vr̥ttaṃ na jānīṣe   tasmād yotsyāmy ahaṃ tvayā /25/

Verse: 26 
Halfverse: a    guruṃ na hanyāṃ samare   brāhmaṇaṃ ca viśeṣataḥ
   guruṃ na hanyāṃ samare   brāhmaṇaṃ ca viśeṣataḥ /
Halfverse: c    viśeṣatas tapovr̥ddʰam   evaṃ kṣāntaṃ mayā tava
   viśeṣatas tapo-vr̥ddʰam   evaṃ kṣāntaṃ mayā tava /26/

Verse: 27 
Halfverse: a    yudyateṣum atʰo dr̥ṣṭvā   brāhmaṇaṃ kṣatrabandʰuvat
   yudyata_iṣum atʰo dr̥ṣṭvā   brāhmaṇaṃ kṣatra-bandʰuvat /
Halfverse: c    yo hanyāt samare kruddʰo   yudʰyantam apalāyinam
   yo hanyāt samare kruddʰo   yudʰyantam apalāyinam /
Halfverse: e    brahmahatyā na tasya syād   iti dʰarmeṣu niścayaḥ
   brahma-hatyā na tasya syād   iti dʰarmeṣu niścayaḥ /27/

Verse: 28 
Halfverse: a    kṣatriyāṇāṃ stʰito dʰarme   kṣatriyo 'smi tapodʰana
   kṣatriyāṇāṃ stʰito dʰarme   kṣatriyo_asmi tapo-dʰana /
Halfverse: c    yo yatʰā vartate yasmiṃs   tatʰā tasmin pravartayan
   yo yatʰā vartate yasmiṃs   tatʰā tasmin pravartayan /
Halfverse: e    nādʰarmaṃ samavāpnoti   naraḥ śreyaś ca vindati
   na_adʰarmaṃ samavāpnoti   naraḥ śreyaś ca vindati /28/

Verse: 29 
Halfverse: a    artʰe vā yadi vā dʰarme   samartʰo deśakālavit
   artʰe vā yadi vā dʰarme   samartʰo deśa-kālavit /
Halfverse: c    anartʰasaṃśayāpannaḥ   śreyān niḥsaṃśayena ca
   anartʰa-saṃśaya_āpannaḥ   śreyān niḥsaṃśayena ca /29/

Verse: 30 
Halfverse: a    yasmāt saṃśayite 'rtʰe 'smin   yatʰānyāyaṃ pravartase
   yasmāt saṃśayite_artʰe_asmin   yatʰā-nyāyaṃ pravartase /
Halfverse: c    tasmād yotsyāmi sahitas   tvayā rāma mahāhave
   tasmād yotsyāmi sahitas   tvayā rāma mahā_āhave /
Halfverse: e    paśya me bāhuvīryaṃ ca   vikramaṃ cātimānuṣam
   paśya me bāhu-vīryaṃ ca   vikramaṃ ca_atimānuṣam /30/ 30

Verse: 31 
Halfverse: a    evaṃgate 'pi tu mayā   yac cʰakyaṃ bʰr̥gunandana
   evaṃ-gate_api tu mayā   yat śakyaṃ bʰr̥gu-nandana /
Halfverse: c    tat kariṣye kurukṣetre   yotsye vipra tvayā saha
   tat kariṣye kuru-kṣetre   yotsye vipra tvayā saha /
Halfverse: e    dvaṃdve rāma yatʰeṣṭaṃ te   sajjo bʰava mahāmune
   dvaṃdve rāma yatʰā_iṣṭaṃ te   sajjo bʰava mahā-mune /31/

Verse: 32 
Halfverse: a    tatra tvaṃ nihato rāma   mayā śaraśatācitaḥ
   tatra tvaṃ nihato rāma   mayā śara-śata_ācitaḥ /
Halfverse: c    lapsyase nirjitām̐l lokāñ   śastrapūto mahāraṇe
   lapsyase nirjitām̐l lokān   śastra-pūto mahā-raṇe /32/

Verse: 33 
Halfverse: a    sa gaccʰa vinivartasva   kurukṣetraṃ raṇapriya
   sa gaccʰa vinivartasva   kuru-kṣetraṃ raṇa-priya /
Halfverse: c    tatraiṣyāmi mahābāho   yuddʰāya tvāṃ tapodʰana
   tatra_eṣyāmi mahā-bāho   yuddʰāya tvāṃ tapo-dʰana /33/

Verse: 34 
Halfverse: a    api yatra tvayā rāma   kr̥taṃ śaucaṃ purā pituḥ
   api yatra tvayā rāma   kr̥taṃ śaucaṃ purā pituḥ /
Halfverse: c    tatrāham api hatvā tvāṃ   śaucaṃ kartāsmi bʰārgava
   tatra_aham api hatvā tvāṃ   śaucaṃ kartā_asmi bʰārgava /34/

Verse: 35 
Halfverse: a    tatra gaccʰasva rāma tvaṃ   tvaritaṃ yuddʰadurmada
   tatra gaccʰasva rāma tvaṃ   tvaritaṃ yuddʰa-durmada /
Halfverse: c    vyapaneṣyāmi te darpaṃ   paurāṇaṃ brāhmaṇabruva
   vyapaneṣyāmi te darpaṃ   paurāṇaṃ brāhmaṇa-bruva[?] /35/

Verse: 36 
Halfverse: a    yac cāpi kattʰase rāma   bahuśaḥ pariṣatsu vai
   yac ca_api kattʰase rāma   bahuśaḥ pariṣatsu vai /
Halfverse: c    nirjitāḥ kṣatriyā loke   mayaikeneti tac cʰr̥ṇu
   nirjitāḥ kṣatriyā loke   mayā_ekena_iti tat śr̥ṇu /36/

Verse: 37 
Halfverse: a    na tadā jāyate bʰīṣmo   madvidʰaḥ kṣatriyo 'pi vā
   na tadā jāyate bʰīṣmo   mad-vidʰaḥ kṣatriyo_api vā /
Halfverse: c    yas te yuddʰamayaṃ darpaṃ   kāmaṃ ca vyapanāśayet
   yas te yuddʰamayaṃ darpaṃ   kāmaṃ ca vyapanāśayet /37/

Verse: 38 
Halfverse: a    so 'haṃ jāto mahābāho   bʰīṣmaḥ parapuraṃjayaḥ
   so_ahaṃ jāto mahā-bāho   bʰīṣmaḥ para-puraṃjayaḥ /
Halfverse: c    vyapaneṣyāmi te darpaṃ   yuddʰe rāma na saṃśayaḥ
   vyapaneṣyāmi te darpaṃ   yuddʰe rāma na saṃśayaḥ /38/ (E)38



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.