TITUS
Mahabharata
Part No. 836
Previous part

Chapter: 173 
Adhyāya 173


Verse: 1  {Bʰīṣma uvāca}
Halfverse: a    sā niṣkramantī nagarāc   cintayām āsa bʰārata
   sā niṣkramantī nagarāc   cintayām āsa bʰārata /
Halfverse: c    pr̥tʰivyāṃ nāsti yuvatir   viṣamastʰatarā mayā
   pr̥tʰivyāṃ na_asti yuvatir   viṣamastʰatarā mayā /
Halfverse: e    bāndʰavair viprahīnāsmi   śālvena ca nirākr̥tā
   bāndʰavair viprahīnā_asmi   śālvena ca nirākr̥tā /1/

Verse: 2 
Halfverse: a    na ca śakyaṃ punar gantuṃ   mayā vāraṇasāhvayam
   na ca śakyaṃ punar gantuṃ   mayā vāraṇa-sāhvayam /
Halfverse: c    anujñātāsmi bʰīṣmeṇa   śālvam uddiśya kāraṇam
   anujñātā_asmi bʰīṣmeṇa   śālvam uddiśya kāraṇam /2/

Verse: 3 
Halfverse: a    kiṃ nu garhāmy atʰātmānam   atʰa bʰīṣmaṃ durāsadam
   kiṃ nu garhāmy atʰa_ātmānam   atʰa bʰīṣmaṃ durāsadam /
Halfverse: c    āhosvit pitaraṃ mūḍʰaṃ   yo me 'kārṣīt svayaṃvaram
   āhosvit pitaraṃ mūḍʰaṃ   yo me_akārṣīt svayaṃ-varam /3/

Verse: 4 
Halfverse: a    mamāyaṃ svakr̥to doṣo   yāhaṃ bʰīṣmaratʰāt tadā
   mama_ayaṃ sva-kr̥to doṣo   yā_ahaṃ bʰīṣma-ratʰāt tadā /
Halfverse: c    pravr̥tte vaiśase yuddʰe   śālvārtʰaṃ nāpataṃ purā
   pravr̥tte vaiśase yuddʰe   śālva_artʰaṃ na_apataṃ purā /
Halfverse: e    tasyeyaṃ pʰalanirvr̥ttir   yad āpannāsmi mūḍʰavat
   tasya_iyaṃ pʰala-nirvr̥ttir   yad āpannā_asmi mūḍʰavat /4/

Verse: 5 
Halfverse: a    dʰig bʰīṣmaṃ dʰik ca me mandaṃ   pitaraṃ mūḍʰacetasam
   dʰig bʰīṣmaṃ dʰik ca me mandaṃ   pitaraṃ mūḍʰa-cetasam /
Halfverse: c    yenāhaṃ vīryaśulkena   paṇyastrīvat praveritā
   yena_ahaṃ vīrya-śulkena   paṇya-strīvat praveritā /5/

Verse: 6 
Halfverse: a    dʰiṅ māṃ dʰik śālvarājānaṃ   dʰig dʰātāram atʰāpi ca
   dʰiṅ māṃ dʰik śālva-rājānaṃ   dʰig dʰātāram atʰa_api ca /
Halfverse: c    yeṣāṃ durnītabʰāvena   prāptāsmy āpadam uttamām
   yeṣāṃ durnīta-bʰāvena   prāptā_asmy āpadam uttamām /6/

Verse: 7 
Halfverse: a    sarvatʰā bʰāgadʰeyāni   svāni prāpnoti mānavaḥ
   sarvatʰā bʰāga-dʰeyāni   svāni prāpnoti mānavaḥ /
Halfverse: c    anayasyāsya tu mukʰaṃ   bʰīṣmaḥ śāṃtanavo mama
   anayasya_asya tu mukʰaṃ   bʰīṣmaḥ śāṃtanavo mama /7/

Verse: 8 
Halfverse: a    sā bʰīṣme pratikartavyam   ahaṃ paśyāmi sāmpratam
   sā bʰīṣme pratikartavyam   ahaṃ paśyāmi sāmpratam /
Halfverse: c    tapasā vā yudʰā vāpi   duḥkʰahetuḥ sa me mataḥ
   tapasā vā yudʰā vā_api   duḥkʰa-hetuḥ sa me mataḥ /
Halfverse: e    ko nu bʰīṣmaṃ yudʰā jetum   utsaheta mahīpatiḥ
   ko nu bʰīṣmaṃ yudʰā jetum   utsaheta mahī-patiḥ /8/

Verse: 9 
Halfverse: a    evaṃ sā pariniścitya   jagāma nagarād bahiḥ
   evaṃ sā pariniścitya   jagāma nagarād bahiḥ /
Halfverse: c    āśramaṃ puṇyaśīlānāṃ   tāpasānāṃ mahātmanām
   āśramaṃ puṇya-śīlānāṃ   tāpasānāṃ mahātmanām /
Halfverse: e    tatas tām avasad rātriṃ   tāpasaiḥ parivāritā
   tatas tām avasad rātriṃ   tāpasaiḥ parivāritā /9/

Verse: 10 
Halfverse: a    ācakʰyau ca yatʰāvr̥ttaṃ   sarvam ātmani bʰārata
   ācakʰyau ca yatʰā-vr̥ttaṃ   sarvam ātmani bʰārata /
Halfverse: c    vistareṇa mahābāho   nikʰilena śucismitā
   vistareṇa mahā-bāho   nikʰilena śuci-smitā /
Halfverse: e    haraṇaṃ ca visargaṃ ca   śālvena ca visarjanam
   haraṇaṃ ca visargaṃ ca   śālvena ca visarjanam /10/ 10

Verse: 11 
Halfverse: a    tatas tatra mahān āsīd   brāhmaṇaḥ saṃśitavrataḥ
   tatas tatra mahān āsīd   brāhmaṇaḥ saṃśita-vrataḥ / ՙ
Halfverse: c    śaikʰāvatyas tapovr̥ddʰaḥ   śāstre cāraṇyake guruḥ
   śaikʰāvatyas tapo-vr̥ddʰaḥ   śāstre ca_āraṇyake guruḥ /11/

Verse: 12 
Halfverse: a    ārtāṃ tām āha sa muniḥ   śaikʰāvatyo mahātapāḥ
   ārtāṃ tām āha sa muniḥ   śaikʰāvatyo mahā-tapāḥ /
Halfverse: c    niḥśvasantīṃ satīṃ bālāṃ   duḥkʰaśokaparāyaṇām
   niḥśvasantīṃ satīṃ bālāṃ   duḥkʰa-śoka-parāyaṇām /12/

Verse: 13 
Halfverse: a    evaṃgate kiṃ nu bʰadre   śakyaṃ kartuṃ tapasvibʰiḥ
   evaṃ-gate kiṃ nu bʰadre   śakyaṃ kartuṃ tapasvibʰiḥ / ՙ
Halfverse: c    āśramastʰair mahābʰāgais   taponityair mahātmabʰiḥ
   āśramastʰair mahā-bʰāgais   tapo-nityair mahātmabʰiḥ /13/

Verse: 14 
Halfverse: a    sā tv enam abravīd rājan   kriyatāṃ madanugrahaḥ
   sā tv enam abravīd rājan   kriyatāṃ mad-anugrahaḥ /
Halfverse: c    pravrājitum iheccʰāmi   tapas tapsyāmi duścaram
   pravrājitum iha_iccʰāmi   tapas tapsyāmi duścaram /14/

Verse: 15 
Halfverse: a    mayaivaitāni karmāṇi   pūrvadeheṣu mūḍʰayā
   mayā_eva_etāni karmāṇi   pūrva-deheṣu mūḍʰayā /
Halfverse: c    kr̥tāni nūnaṃ pāpāni   teṣām etat pʰalaṃ dʰruvam
   kr̥tāni nūnaṃ pāpāni   teṣām etat pʰalaṃ dʰruvam /15/

Verse: 16 
Halfverse: a    notsaheyaṃ punar gantuṃ   svajanaṃ prati tāpasāḥ
   na_utsaheyaṃ punar gantuṃ   sva-janaṃ prati tāpasāḥ /
Halfverse: c    pratyākʰyātā nirānandā   śālvena ca nirākr̥tā
   pratyākʰyātā nirānandā   śālvena ca nirākr̥tā /16/

Verse: 17 
Halfverse: a    upadiṣṭam iheccʰāmi   tāpasyaṃ vītakalmaṣāḥ
   upadiṣṭam iha_iccʰāmi   tāpasyaṃ vīta-kalmaṣāḥ /
Halfverse: c    yuṣmābʰir devasaṃkāśāḥ   kr̥pā bʰavatu vo mayi
   yuṣmābʰir deva-saṃkāśāḥ   kr̥pā bʰavatu vo mayi /17/

Verse: 18 
Halfverse: a    sa tām āśvāsayat kanyāṃ   dr̥ṣṭāntāgamahetubʰiḥ
   sa tām āśvāsayat kanyāṃ   dr̥ṣṭa_anta_āgama-hetubʰiḥ /
Halfverse: c    sāntvayām āsa kāryaṃ ca   pratijajñe dvijaiḥ saha
   sāntvayām āsa kāryaṃ ca   pratijajñe dvijaiḥ saha /18/ (E)18



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.