TITUS
Mahabharata
Part No. 1530
Previous part

Chapter: 202 
Adhyāya 202


Verse: 1  {Yudʰiṣṭʰira uvāca}
Halfverse: a    pitāmaha mahāprājña   yudʰi satyaparākrama
   pitāmaha mahā-prājña   yudʰi satya-parākrama /
Halfverse: c    śrotum iccʰāmi kārtsnyena   kr̥ṣṇam avyayam īśvaram
   śrotum iccʰāmi kārtsnyena   kr̥ṣṇam avyayam īśvaram /1/

Verse: 2 
Halfverse: a    yac cāsya tejaḥ sumahad   yac ca karma purātanam
   yac ca_asya tejaḥ sumahat   yac ca karma purātanam /
Halfverse: c    tan me sarvaṃ yatʰātattvaṃ   prabrūhi bʰaratarṣabʰa
   tan me sarvaṃ yatʰā-tattvaṃ   prabrūhi bʰarata-r̥ṣabʰa /2/

Verse: 3 
Halfverse: a    tiryagyonigataṃ rūpaṃ   katʰaṃ dʰāritavān hariḥ
   tiryag-yoni-gataṃ rūpaṃ   katʰaṃ dʰāritavān hariḥ /
Halfverse: c    kena kāryavisargeṇa   tan me brūhi pitāmaha
   kena kārya-visargeṇa   tan me brūhi pitāmaha /3/

Verse: 4  {Bʰīṣma uvāca}
Halfverse: a    purāhaṃ mr̥gayāṃ yāto   mārkandeyāśrame stʰitaḥ
   purā_ahaṃ mr̥gayāṃ yāto   mārkandeya_āśrame stʰitaḥ /
Halfverse: c    tatrāpaśyaṃ munigaṇān   samāsīnān sahasraśaḥ
   tatra_apaśyaṃ muni-gaṇān   samāsīnān sahasraśaḥ /4/

Verse: 5 
Halfverse: a    tatas te madʰuparkeṇa   pūjāṃ cakrur atʰo mayi
   tatas te madʰu-parkeṇa   pūjāṃ cakrur atʰo mayi /
Halfverse: c    pratigr̥hya ca tāṃ pūjāṃ   pratyanandam r̥ṣīn aham
   pratigr̥hya ca tāṃ pūjāṃ   pratyanandam r̥ṣīn aham /5/

Verse: 6 
Halfverse: a    katʰaiṣā katʰitā tatra   kaśyapena maharṣiṇā
   katʰā_eṣā katʰitā tatra   kaśyapena mahā-r̥ṣiṇā /
Halfverse: c    manaḥ prahlādinīṃ divyāṃ   tām ihaikamanāḥ śr̥ṇu
   manaḥ prahlādinīṃ divyāṃ   tām iha_eka-manāḥ śr̥ṇu /6/

Verse: 7 
Halfverse: a    purā dānavamukʰyāhi   krodʰalobʰa samanvitāḥ
   purā dānava-mukʰyāhi   krodʰa-lobʰa samanvitāḥ /
Halfverse: c    balena mattāḥ śataśo   narakādyā mahāsurāḥ
   balena mattāḥ śataśo   naraka_ādyā mahā_asurāḥ /7/

Verse: 8 
Halfverse: a    tatʰaiva cānye bahavo   dānavā yuddʰadurmadāḥ
   tatʰā_eva ca_anye bahavo   dānavā yuddʰa-durmadāḥ /
Halfverse: c    na sahante sma devānāṃ   samr̥ddʰiṃ tām anuttamām
   na sahante sma devānāṃ   samr̥ddʰiṃ tām anuttamām /8/

Verse: 9 
Halfverse: a    dānavair ardyamānās tu   devā devarṣayas tatʰā
   dānavair ardyamānās tu   devā deva-r̥ṣayas tatʰā /
Halfverse: c    na śarma lebʰire rājan   viśamānās tatas tataḥ
   na śarma lebʰire rājan   viśamānās tatas tataḥ /9/

Verse: 10 
Halfverse: a    pr̥tʰivīṃ cārtarūpāṃ te   samapaśyan divaukasaḥ
   pr̥tʰivīṃ ca_ārta-rūpāṃ te   samapaśyan diva_okasaḥ /
Halfverse: c    dānavair abʰisaṃkīrṇāṃ   gʰorarūpair mahābalaiḥ
   dānavair abʰisaṃkīrṇāṃ   gʰora-rūpair mahā-balaiḥ /
Halfverse: e    bʰārārtām apakr̥ṣṭāṃ ca   duḥkʰitāṃ saṃnimajjatīm
   bʰāra_ārtām apakr̥ṣṭāṃ ca   duḥkʰitāṃ saṃnimajjatīm /10/

Verse: 11 
Halfverse: a    atʰāditeyāḥ saṃstrastā   brahmāṇam idam abruvan
   atʰa_āditeyāḥ saṃstrastā   brahmāṇam idam abruvan /
Halfverse: c    katʰaṃ śakyāmahe brahman   dānavair upamardanam
   katʰaṃ śakyāmahe brahman   dānavair upamardanam /11/

Verse: 12 
Halfverse: a    svayambʰūs tān uvācedaṃ   nisr̥ṣṭo 'tra vidʰir mayā
   svayambʰūs tān uvāca_idaṃ   nisr̥ṣṭo_atra vidʰir mayā /
Halfverse: c    te vareṇābʰisaṃmattā   balena ca madena ca
   te vareṇa_abʰisaṃmattā   balena ca madena ca /12/

Verse: 13 
Halfverse: a    nāvabʰotsyanti saṃmūḍʰā   viṣṇum avyaktadarśanam
   na_avabʰotsyanti saṃmūḍʰā   viṣṇum avyakta-darśanam /
Halfverse: c    varāharūpiṇaṃ devam   adʰr̥ṣyam amarair api
   varāha-rūpiṇaṃ devam   adʰr̥ṣyam amarair api /13/

Verse: 14 
Halfverse: a    eṣa vegena gatvā hi   yatra te dānavādʰamāḥ
   eṣa vegena gatvā hi   yatra te dānava_adʰamāḥ /
Halfverse: c    antar bʰūmigatā gʰorā   nivasanti sahasraśaḥ
   antar bʰūmi-gatā gʰorā   nivasanti sahasraśaḥ /
Halfverse: e    śamayiṣyati śrutvā te   jahr̥ṣuḥ surasattamāḥ
   śamayiṣyati śrutvā te   jahr̥ṣuḥ sura-sattamāḥ /14/

Verse: 15 
Halfverse: a    tato viṣṇur mahātejā   vārāhaṃ rūpam āśritaḥ
   tato viṣṇur mahā-tejā   vārāhaṃ rūpam āśritaḥ /
Halfverse: c    antar bʰūmiṃ saṃpraviśya   jagām aditijān prati
   antar bʰūmiṃ saṃpraviśya   jagām aditijān prati /15/

Verse: 16 
Halfverse: a    dr̥ṣṭvā ca sahitāḥ sarve   daityāḥ sattvam amānuṣam
   dr̥ṣṭvā ca sahitāḥ sarve   daityāḥ sattvam amānuṣam /
Halfverse: c    prasahya sahasā sarve   saṃtastʰuḥ kālamohitāḥ
   prasahya sahasā sarve   saṃtastʰuḥ kāla-mohitāḥ /16/

Verse: 17 
Halfverse: a    sarve ca samabʰidrutya   varāhaṃ jagr̥huḥ samam
   sarve ca samabʰidrutya   varāhaṃ jagr̥huḥ samam /
Halfverse: c    saṃkruddʰāś ca varāhaṃ taṃ   vyakarṣanta samantataḥ
   saṃkruddʰāś ca varāhaṃ taṃ   vyakarṣanta samantataḥ /17/

Verse: 18 
Halfverse: a    dānavendrā mahākāyā   mahāvīryā baloccʰritāḥ
   dānava_indrā mahā-kāyā   mahā-vīryā bala_uccʰritāḥ /
Halfverse: c    nāśaknuvaṃś ca kiṃ cit te   tasya kartuṃ tadā vibʰo
   na_aśaknuvaṃś ca kiṃcit te   tasya kartuṃ tadā vibʰo /18/

Verse: 19 
Halfverse: a    tato 'gaman vismayaṃ te   dānavendrā bʰayāt tadā
   tato_agaman vismayaṃ te   dānava_indrā bʰayāt tadā /
Halfverse: c    saṃśayaṃ gatam ātmānaṃ   menire ca sahasraśaḥ
   saṃśayaṃ gatam ātmānaṃ   menire ca sahasraśaḥ /19/

Verse: 20 
Halfverse: a    tato devādi devaḥ sa   yogātmā yogasāratʰiḥ
   tato deva_ādi devaḥ sa   yoga_ātmā yoga-sāratʰiḥ /
Halfverse: c    yogam āstʰāya bʰagavāṃs   tadā bʰaratasattama
   yogam āstʰāya bʰagavāṃs   tadā bʰarata-sattama /20/

Verse: 21 
Halfverse: a    vinanāda mahānādaṃ   kṣobʰayan daityadānavān
   vinanāda mahā-nādaṃ   kṣobʰayan daitya-dānavān /
Halfverse: c    saṃnāditā yena lokāḥ   sarvāś caiva diśo daśa
   saṃnāditā yena lokāḥ   sarvāś caiva diśo daśa /21/

Verse: 22 
Halfverse: a    tena saṃnādaśabdena   lokāḥ saṃkṣobʰam āgaman
   tena saṃnāda-śabdena   lokāḥ saṃkṣobʰam āgaman /
Halfverse: c    saṃbʰrantāś ca diśaḥ sarvā   devāḥ śakrapurogamāḥ
   saṃbʰrantāś ca diśaḥ sarvā   devāḥ śakra-purogamāḥ /22/

Verse: 23 
Halfverse: a    nirviceṣṭaṃ jagac cāpi   babʰūvātibʰr̥śaṃ tadā
   nirviceṣṭaṃ jagat cāpi   babʰūva_atibʰr̥śaṃ tadā /
Halfverse: c    stʰāvaraṃ jaṅgamaṃ caiva   tena nādena mohitam
   stʰāvaraṃ jaṅgamaṃ caiva   tena nādena mohitam /23/

Verse: 24 
Halfverse: a    tatas te dānavāḥ sarve   tena śabdena bʰīsitāḥ
   tatas te dānavāḥ sarve   tena śabdena bʰīsitāḥ /
Halfverse: c    petur gatāsavaś caiva   viṣṇutejo vimohitāḥ
   petur gata_asavaś caiva   viṣṇu-tejo vimohitāḥ /24/

Verse: 25 
Halfverse: a    rasātala gatāṃś caiva   varāhas tridaśadviṣaḥ {!}
   rasātala gatāṃś caiva   varāhas tridaśa-dviṣaḥ / {!}
Halfverse: c    kʰuraiḥ saṃdārayām āsa   māṃsamedo 'stʰi saṃcayam
   kʰuraiḥ saṃdārayām āsa   māṃsa-medo_astʰi saṃcayam /25/

Verse: 26 
Halfverse: a    nādena tena mahatā   sanātana iti smr̥taḥ
   nādena tena mahatā   sanātana\ iti smr̥taḥ /
Halfverse: c    padmanābʰo mahāyogī   bʰūtācāryaḥ sa bʰūtarāj {!}
   padmanābʰo mahā-yogī   bʰūta_ācāryaḥ sa bʰūta-rāj /26/ {!}

Verse: 27 
Halfverse: a    tato devagaṇāḥ sarve   pitāmaham upābruvan
   tato deva-gaṇāḥ sarve   pitāmaham upābruvan /
Halfverse: c    nādo 'yaṃ kīdr̥śo deva   nainaṃ vidma vayaṃ vibʰo
   nādo_ayaṃ kīdr̥śo deva   na_enaṃ vidma vayaṃ vibʰo /
Halfverse: e    ko 'sau hi kasya vā nādo   yena vihvalitaṃ jagat
   ko_asau hi kasya vā nādo   yena vihvalitaṃ jagat /27/

Verse: 28 
Halfverse: a    etasminn antare viṣṇur   vārāhaṃ rūpam āstʰitaḥ
   etasminn antare viṣṇur   vārāhaṃ rūpam āstʰitaḥ /
Halfverse: c    udatiṣṭʰan mahādevaḥ   stūyamāno maharṣibʰiḥ
   udatiṣṭʰan mahā-devaḥ   stūyamāno mahā-r̥ṣibʰiḥ /28/

Verse: 29  {Pitāmaha uvāca}
Halfverse: a    nihatya dānava patīn   māhā varṣmā mahābalaḥ
   nihatya dānava patīn   māhā varṣmā mahā-balaḥ /
Halfverse: c    eṣa devo mahāyogī   bʰūtātmā bʰūtabʰāvanaḥ
   eṣa devo mahā-yogī   bʰūta_ātmā bʰūta-bʰāvanaḥ /29/

Verse: 30 
Halfverse: a    sarvabʰūteśvaro yogī   yonir ātmā tatʰātmanaḥ
   sarva-bʰūta_īśvaro yogī   yonir ātmā tatʰā_ātmanaḥ /
Halfverse: c    stʰirī bʰavata kr̥ṣṇo 'yaṃ   sarvapāpapranāśanaḥ
   stʰirī bʰavata kr̥ṣṇo_ayaṃ   sarva-pāpa-pranāśanaḥ /30/

Verse: 31 
Halfverse: a    kr̥tvā karmātisādʰv etad   aśakyam amitaprabʰuḥ
   kr̥tvā karma_atisādʰv etad   aśakyam amita-prabʰuḥ /
Halfverse: c    samāyātaḥ svam ātmānaṃ   mahābʰāgo mahādyutiḥ
   samāyātaḥ svam ātmānaṃ   mahā-bʰāgo mahā-dyutiḥ /
Halfverse: e    padmanābʰo mahāyogī   bʰūtātmā bʰūtabʰāvanaḥ
   padmanābʰo mahā-yogī   bʰūta_ātmā bʰūta-bʰāvanaḥ /31/

Verse: 32 
Halfverse: a    na saṃtāpo na bʰīḥ kāryā   śoko vā surasattamāḥ
   na saṃtāpo na bʰīḥ kāryā   śoko vā sura-sattamāḥ /
Halfverse: c    vidʰir eṣa prabʰāvaś ca   kālaḥ saṃkṣaya kārakaḥ
   vidʰir eṣa prabʰāvaś ca   kālaḥ saṃkṣaya kārakaḥ /
Halfverse: e    lokān dʰārayatānena   nādo mukto mahātmanā
   lokān dʰārayata_anena   nādo mukto mahā_ātmanā /32/

Verse: 33 
Halfverse: a    sa eva hi mahābʰāgaḥ   sarvalokanamaskr̥taḥ
   sa\ eva hi mahā-bʰāgaḥ   sarva-loka-namaskr̥taḥ /
Halfverse: c    acyutaḥ pundarīkākṣaḥ   sarvabʰūtasamudbʰavaḥ
   acyutaḥ pundarīkākṣaḥ   sarva-bʰūta-samudbʰavaḥ /33/ (E)33


Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.