TITUS
Mahabharata
Part No. 1526
Previous part

Chapter: 198 
Adhyāya 198


Verse: 1  {Manur uvāca}
Halfverse: a    jñānaṃ jñeyābʰinirvr̥ttaṃ   viddʰi jñānaguṇaṃ manaḥ
   jñānaṃ jñeya_abʰinirvr̥ttaṃ   viddʰi jñāna-guṇaṃ manaḥ /
Halfverse: c    prajñā karaṇa saṃyuktaṃ   tato buddʰiḥ pravartate
   prajñā karaṇa saṃyuktaṃ   tato buddʰiḥ pravartate /1/

Verse: 2 
Halfverse: a    yadā karma guṇopetā   buddʰir manasi vartate
   yadā karma guṇa_upetā   buddʰir manasi vartate /
Halfverse: c    tadā prajñāyate brahma   dʰyānayogasamādʰinā
   tadā prajñāyate brahma   dʰyāna-yoga-samādʰinā /2/

Verse: 3 
Halfverse: a    seyaṃ guṇavatī buddʰir   guṇeṣv evābʰivartate
   sā_iyaṃ guṇavatī buddʰir   guṇeṣv eva_abʰivartate /
Halfverse: c    avatārābʰiniḥsrotaṃ   gireḥ śr̥ṅgād ivodakam
   avatāra_abʰiniḥsrotaṃ   gireḥ śr̥ṅgād iva_udakam /3/

Verse: 4 
Halfverse: a    yadā nirguṇam āpnoti   dʰyānaṃ manasi pūrvajam
   yadā nirguṇam āpnoti   dʰyānaṃ manasi pūrvajam /
Halfverse: c    tadā prajñāyate brahma   nikasyaṃ nikase yatʰā
   tadā prajñāyate brahma   nikasyaṃ nikase yatʰā /4/

Verse: 5 
Halfverse: a    manas tv apahr̥taṃ buddʰim   indriyārtʰa nidarśanam
   manas tv apahr̥taṃ buddʰim   indriya_artʰa nidarśanam /
Halfverse: c    na samakṣaṃ guṇāvekṣi   nirguṇasya nidarśanam
   na samakṣaṃ guṇa_avekṣi   nirguṇasya nidarśanam /5/

Verse: 6 
Halfverse: a    sarvāṇy etāni saṃvārya   dvārāṇi manasi stʰitaḥ
   sarvāṇy etāni saṃvārya   dvārāṇi manasi stʰitaḥ /
Halfverse: c    manasy ekāgratāṃ kr̥tvā   tatparaṃ pradipadyate
   manasy ekāgratāṃ kr̥tvā   tat-paraṃ pradipadyate /6/

Verse: 7 
Halfverse: a    yatʰā mahānti bʰūtāni   nivartante guṇakṣaye
   yatʰā mahānti bʰūtāni   nivartante guṇa-kṣaye /
Halfverse: c    tatʰendriyāṇy upādāya   buddʰir manasi vartate
   tatʰā_indriyāṇy upādāya   buddʰir manasi vartate /7/

Verse: 8 
Halfverse: a    yadā manasi sā buddʰir   vartate 'ntaracāriṇī
   yadā manasi sā buddʰir   vartate_antara-cāriṇī /
Halfverse: c    vyavasāya guṇopetā   tadā saṃpadyate manaḥ
   vyavasāya guṇa_upetā   tadā saṃpadyate manaḥ /8/

Verse: 9 
Halfverse: a    guṇavadbʰir guṇopetaṃ   yadā dʰyānaguṇaṃ manaḥ
   guṇavadbʰir guṇa_upetaṃ   yadā dʰyāna-guṇaṃ manaḥ /
Halfverse: c    tadā sarvaguṇān hitvā   nirguṇaṃ pratipadyate
   tadā sarva-guṇān hitvā   nirguṇaṃ pratipadyate /9/

Verse: 10 
Halfverse: a    avyaktasyeha vijñāne   nāsti tulyaṃ nidarśanam
   avyaktasya_iha vijñāne   na_asti tulyaṃ nidarśanam /
Halfverse: c    yatʰa nāsti padanyāsaḥ   kas taṃ viṣayam āpnuyāt
   yatʰa na_asti pada-nyāsaḥ   kas taṃ viṣayam āpnuyāt /10/

Verse: 11 
Halfverse: a    tapasā cānumānena   guṇair jātyā śrutena ca
   tapasā ca_anumānena   guṇair jātyā śrutena ca /
Halfverse: c    ninīset tatparaṃ brahma   viśūdʰenāntarātmanā
   ninīset tat-paraṃ brahma   viśūdʰena_antarātmanā /11/

Verse: 12 
Halfverse: a    guṇahīno hi taṃ mārgaṃ   bahir samanuvartate
   guṇa-hīno hi taṃ mārgaṃ   bahir samanuvartate /
Halfverse: c    guṇābʰāvāt prakr̥tyā ca   nistarkyaṃ jñeya saṃmitam
   guṇa_abʰāvāt prakr̥tyā ca   nistarkyaṃ jñeya saṃmitam /12/

Verse: 13 
Halfverse: a    nairguṇyād brahma cāpnoti   saguṇatvān nivartate
   nairguṇyād brahma ca_āpnoti   saguṇatvāt nivartate /
Halfverse: c    guṇaprasāriṇī buddʰir   hutāśana ivendʰane
   guṇa-prasāriṇī buddʰir   huta_aśana\ iva_indʰane /13/

Verse: 14 
Halfverse: a    yatʰā pañca vimuktāni   indriyāṇi svakarmabʰiḥ
   yatʰā pañca vimuktāni indriyāṇi sva-karmabʰiḥ /
Halfverse: c    tatʰā tatparamaṃ brahma   vimuktaṃ prakr̥teḥ param
   tatʰā tat-paramaṃ brahma   vimuktaṃ prakr̥teḥ param /14/

Verse: 15 
Halfverse: a    evaṃ prakr̥titaḥ sarve   prabʰavanti śarīriṇaḥ
   evaṃ prakr̥titaḥ sarve   prabʰavanti śarīriṇaḥ /
Halfverse: c    nivartante nivr̥ttau ca   sarvaṃ naivopayānti ca
   nivartante nivr̥ttau ca   sarvaṃ na_eva_upayānti ca /15/

Verse: 16 
Halfverse: a    puruṣaḥ prakr̥tir buddʰir   viśeṣāś cendriyāṇi ca
   puruṣaḥ prakr̥tir buddʰir   viśeṣāś ca_indriyāṇi ca /
Halfverse: c    ahaṃkāro 'bʰimānaś ca   saṃbʰūto bʰūtasaṃjñakaḥ
   ahaṃkāro_abʰimānaś ca   saṃbʰūto bʰūta-saṃjñakaḥ /16/

Verse: 17 
Halfverse: a    ekasyādyā pravr̥ttis tu   pradʰānāt saṃpravartate
   ekasya_ādyā pravr̥ttis tu   pradʰānāt saṃpravartate /
Halfverse: c    dvitīyā mitʰuna vyaktim   aviśeṣān niyaccʰati
   dvitīyā mitʰuna vyaktim   aviśeṣān niyaccʰati /17/

Verse: 18 
Halfverse: a    dʰarmād utkr̥ṣyate śreyas   tatʰāśreyo 'py adʰarmataḥ
   dʰarmād utkr̥ṣyate śreyas   tatʰā_aśreyo_apy adʰarmataḥ /
Halfverse: c    rāgavān prakr̥tiṃ hy eti   virakto jñānavān bʰavet
   rāgavān prakr̥tiṃ hy eti   virakto jñānavān bʰavet /18/ (E)18


Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.