TITUS
Mahabharata
Part No. 127
Previous part

Chapter: 127 
Adhyāya 127


Verse: 1  {Vaiśaṃpāyana uvāca}
Halfverse: a    tataḥ srastottara paṭaḥ   saprasvedaḥ savepatʰuḥ
   tataḥ srasta_uttara paṭaḥ   saprasvedaḥ savepatʰuḥ /
Halfverse: c    viveśādʰiratʰo raṅgaṃ   yaṣṭiprāṇo hvayann iva
   viveśa_adʰiratʰo raṅgaṃ   yaṣṭi-prāṇo hvayann iva /1/

Verse: 2 
Halfverse: a    tam ālokya dʰanus tyaktvā   pitr̥gauravayantritaḥ
   tam ālokya dʰanus tyaktvā   pitr̥-gaurava-yantritaḥ /
Halfverse: c    karṇo 'bʰiṣekārdra śirāḥ   śirasā samavandata
   karṇo_abʰiṣeka_ārdra śirāḥ   śirasā samavandata /2/

Verse: 3 
Halfverse: a    tataḥ pādāv avaccʰādya   paṭāntena sasaṃbʰramaḥ
   tataḥ pādāv avaccʰādya   paṭa_antena sasaṃbʰramaḥ /
Halfverse: c    putreti paripūrṇārtʰam   abravīd ratʰasāratʰiḥ
   putra_iti paripūrṇa_artʰam   abravīd ratʰa-sāratʰiḥ /3/

Verse: 4 
Halfverse: a    pariṣvajya ca tasyātʰa   mūrdʰānaṃ snehaviklavaḥ
   pariṣvajya ca tasya_atʰa   mūrdʰānaṃ sneha-viklavaḥ /
Halfverse: c    aṅgarājyābʰiṣekārdram   aśrubʰiḥ siṣice punaḥ
   aṅga-rājya_abʰiṣeka_ārdram   aśrubʰiḥ siṣice punaḥ /4/

Verse: 5 
Halfverse: a    taṃ dr̥ṣṭvā sūtaputro 'yam   iti niścitya pāṇḍavaḥ
   taṃ dr̥ṣṭvā sūta-putro_ayam   iti niścitya pāṇḍavaḥ /
Halfverse: c    bʰīmasenas tadā vākyam   abravīt prahasann iva
   bʰīma-senas tadā vākyam   abravīt prahasann iva /5/

Verse: 6 
Halfverse: a    na tvam arhasi pārtʰena   sūtaputra raṇe vadʰam
   na tvam arhasi pārtʰena   sūta-putra raṇe vadʰam /
Halfverse: c    kulasya sadr̥śas tūrṇaṃ   pratodo gr̥hyatāṃ tvayā
   kulasya sadr̥śas tūrṇaṃ   pratodo gr̥hyatāṃ tvayā /6/

Verse: 7 
Halfverse: a    aṅgarājyaṃ ca nārhas tvam   upabʰoktuṃ narādʰama
   aṅga-rājyaṃ ca na_arhas tvam   upabʰoktuṃ nara_adʰama /
Halfverse: c    śvā hutāśasamīpastʰaṃ   puroḍāśam ivādʰvare
   śvā huta_aśa-samīpastʰaṃ   puroḍāśam iva_adʰvare /7/

Verse: 8 
Halfverse: a    evam utkas tataḥ karṇaḥ   kiṃ cit praspʰuritādʰaraḥ
   evam utkas tataḥ karṇaḥ   kiṃcit praspʰurita_adʰaraḥ /
Halfverse: c    gaganastʰaṃ viniḥśvasya   divākaram udaikṣata
   gaganastʰaṃ viniḥśvasya   divā-karam udaikṣata /8/

Verse: 9 
Halfverse: a    tato duryodʰanaḥ kopād   utpapāta mahābalaḥ
   tato duryodʰanaḥ kopād   utpapāta mahā-balaḥ /
Halfverse: c    bʰrātr̥padmavanāt tasmān   madotkaṭa iva dvipaḥ
   bʰrātr̥-padma-vanāt tasmān   mada_utkaṭa\ iva dvipaḥ /9/

Verse: 10 
Halfverse: a    so 'bravīd bʰīmakarmāṇaṃ   bʰīmasenam avastʰitam
   so_abravīd bʰīma-karmāṇaṃ   bʰīma-senam avastʰitam /
Halfverse: c    vr̥kodara na yuktaṃ te   vacanaṃ vaktum īdr̥śam
   vr̥kodara na yuktaṃ te   vacanaṃ vaktum īdr̥śam /10/

Verse: 11 
Halfverse: a    kṣatriyāṇāṃ balaṃ jyeṣṭʰaṃ   yoddʰavyaṃ kṣatrabandʰunā
   kṣatriyāṇāṃ balaṃ jyeṣṭʰaṃ   yoddʰavyaṃ kṣatra-bandʰunā /
Halfverse: c    śūrāṇāṃ ca nadīnāṃ ca   prabʰavā durvidāḥ kila
   śūrāṇāṃ ca nadīnāṃ ca   prabʰavā durvidāḥ kila /11/

Verse: 12 
Halfverse: a    salilād uttʰito vahnir   yena vyāptaṃ carācaram
   salilād uttʰito vahnir   yena vyāptaṃ cara_acaram /
Halfverse: c    dadʰīcasyāstʰito vajraṃ   kr̥taṃ dānava sūdanam
   dadʰīcasya_astʰito vajraṃ   kr̥taṃ dānava sūdanam /12/

Verse: 13 
Halfverse: a    āgneyaḥ kr̥ttikā putro   raudro gāṅgeya ity api
   āgneyaḥ kr̥ttikā putro   raudro gāṅgeya\ ity api /
Halfverse: c    śrūyate bʰagavān devaḥ   sarvaguhya mayo guhaḥ
   śrūyate bʰagavān devaḥ   sarva-guhya mayo guhaḥ /13/

Verse: 14 
Halfverse: a    kṣatriyābʰyaś ca ye jātā   brāhmaṇās te ca viśrutāḥ
   kṣatriyābʰyaś ca ye jātā   brāhmaṇās te ca viśrutāḥ /
Halfverse: c    ācāryaḥ kalaśāj jātaḥ   śarastambād guruḥ kr̥paḥ
   ācāryaḥ kalaśāj jātaḥ   śara-stambād guruḥ kr̥paḥ /
Halfverse: e    bʰavatāṃ ca yatʰā janma   tad apy āgamitaṃ nr̥paiḥ
   bʰavatāṃ ca yatʰā janma   tad apy āgamitaṃ nr̥paiḥ /14/

Verse: 15 
Halfverse: a    sakuṇḍalaṃ sakavacaṃ   divyalakṣaṇalakṣitam
   sakuṇḍalaṃ sakavacaṃ   divya-lakṣaṇa-lakṣitam /
Halfverse: c    katʰam ādityasaṃkāśaṃ   mr̥gī vyāgʰraṃ janiṣyati
   katʰam āditya-saṃkāśaṃ   mr̥gī vyāgʰraṃ janiṣyati /15/

Verse: 16 
Halfverse: a    pr̥tʰivī rājyam arho 'yaṃ   nāṅgarājyaṃ nareśvaraḥ
   pr̥tʰivī rājyam arho_ayaṃ   na_aṅga-rājyaṃ nara_īśvaraḥ /
Halfverse: c    anena bāhuvīryeṇa   mayā cājñānuvartinā
   anena bāhu-vīryeṇa   mayā ca_ājñā_anuvartinā /16/

Verse: 17 
Halfverse: a    yasya vā manujasyedaṃ   na kṣāntaṃ mad viceṣṭitam
   yasya vā manujasyā_idaṃ   na kṣāntaṃ mad viceṣṭitam /
Halfverse: c    ratʰam āruhya padbʰyāṃ vā   vināmayatu kārmukam
   ratʰam āruhya padbʰyāṃ vā   vināmayatu kārmukam /17/

Verse: 18 
Halfverse: a    tataḥ sarvasya raṅgasyā   hāhākāro mahān abʰūt
   tataḥ sarvasya raṅgasyā   hāhā-kāro mahān abʰūt /
Halfverse: c    sādʰuvādānusaṃbaddʰaḥ   sūryaś cāstam upāgamat
   sādʰu-vāda_anusaṃbaddʰaḥ   sūryaś ca_astam upāgamat /18/

Verse: 19 
Halfverse: a    tato duryodʰanaḥ karṇam   ālambyātʰa kare nr̥pa
   tato duryodʰanaḥ karṇam   ālambya_atʰa kare nr̥pa /
Halfverse: c    dīpikāgnikr̥tālokas   tasmād raṅgād viniryayau
   dīpika_agni-kr̥ta_ālokas   tasmād raṅgād viniryayau /19/

Verse: 20 
Halfverse: a    pāṇḍavāś ca sahadroṇāḥ   sakr̥pāś ca viśāṃ pate
   pāṇḍavāś ca sahadroṇāḥ   sakr̥pāś ca viśāṃ pate / ՙ
Halfverse: c    bʰīṣmeṇa sahitāḥ sarve   yayuḥ svaṃ svaṃ niveśanam
   bʰīṣmeṇa sahitāḥ sarve   yayuḥ svaṃ svaṃ niveśanam /20/

Verse: 21 
Halfverse: a    arjuneti janaḥ kaś cit   kāś cit karṇeti bʰārata
   arjuna_iti janaḥ kaścit   kāścit karṇa_iti bʰārata /
Halfverse: c    kaś cid duryodʰanety evaṃ   bruvantaḥ pratʰitās tadā
   kaścid duryodʰana_ity evaṃ   bruvantaḥ pratʰitās tadā /21/

Verse: 22 
Halfverse: a    kuntyāś ca pratyabʰijñāya   divyalakṣaṇasūcitam
   kuntyāś ca pratyabʰijñāya   divya-lakṣaṇa-sūcitam /
Halfverse: c    putram aṅgeśvaraṃ snehāc   cʰannā prītir avardʰata
   putram aṅga_īśvaraṃ snehāc   cʰannā prītir avardʰata /22/

Verse: 23 
Halfverse: a    duryodʰanasyāpi tadā   karṇam āsādya pārtʰiva
   duryodʰanasya_api tadā   karṇam āsādya pārtʰiva /
Halfverse: c    bʰayam arjuna sāṃjātaṃ   kṣipram antaradʰīyata
   bʰayam arjuna sāṃjātaṃ   kṣipram antar-adʰīyata /23/


Verse: 24 
Halfverse: a    sa cāpi vīraḥ kr̥taśastraniśramaḥ; pareṇa sāmnābʰyavadat suyodʰanam
   sa ca_api vīraḥ kr̥ta-śastra-niśramaḥ   pareṇa sāmnā_abʰyavadat suyodʰanam /
Halfverse: c    yudʰiṣṭʰirasyāpy abʰavat tadā matir; na karṇa tulyo 'sti dʰanurdʰaraḥ kṣitau
   yudʰiṣṭʰirasya_apy abʰavat tadā matir   na karṇa tulyo_asti dʰanur-dʰaraḥ kṣitau /24/ (E)24



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.