TITUS
Mahabharata
Part No. 126
Previous part

Chapter: 126 
Adhyāya 126


Verse: 1  {Vaiśaṃpāyana uvāca}
Halfverse: a    datte 'vakāśe puruṣair   vismayotpʰullalocanaiḥ
   datte_avakāśe puruṣair   vismaya_utpʰulla-locanaiḥ /
Halfverse: c    viveśa raṅgaṃ vistīrṇaṃ   karṇaḥ parapuraṃjayaḥ
   viveśa raṅgaṃ vistīrṇaṃ   karṇaḥ para-puraṃ-jayaḥ /1/

Verse: 2 
Halfverse: a    sahajaṃ kavacaṃ bibʰrat   kuṇḍaloddyotitānanaḥ
   sahajaṃ kavacaṃ bibʰrat   kuṇḍala_uddyotita_ānanaḥ /
Halfverse: c    sadʰanur baddʰanistriṃśaḥ   pādacārīva parvataḥ
   sadʰanur baddʰa-nistriṃśaḥ   pāda-cārī_iva parvataḥ /2/

Verse: 3 
Halfverse: a    kanyā garbʰaḥ pr̥tʰu yaśāḥ   pr̥tʰāyāḥ pr̥tʰulocanaḥ
   kanyā garbʰaḥ pr̥tʰu yaśāḥ   pr̥tʰāyāḥ pr̥tʰu-locanaḥ /
Halfverse: c    tīkṣṇāṃśor bʰāskarasyāṃśaḥ   karṇo 'rigaṇasūdanaḥ
   tīkṣṇa_aṃśor bʰāskarasya_aṃśaḥ   karṇo_ari-gaṇa-sūdanaḥ /3/

Verse: 4 
Halfverse: a    siṃharṣabʰa gajendrāṇāṃ   tulyavīryaparākramaḥ
   siṃha-r̥ṣabʰa gaja_indrāṇāṃ   tulya-vīrya-parākramaḥ /
Halfverse: c    dīptikānti dyutiguṇaiḥ   sūryendu jvalanopamaḥ
   dīpti-kānti dyuti-guṇaiḥ   sūrya_indu jvalana_upamaḥ /4/

Verse: 5 
Halfverse: a    prāṃśuḥ kanakatālābʰaḥ   siṃhasaṃhanano yuvā
   prāṃśuḥ kanaka-tāla_ābʰaḥ   siṃha-saṃhanano yuvā /
Halfverse: c    asaṃkʰyeyaguṇaḥ śrīmān   bʰāskarasyātmasaṃbʰavaḥ
   asaṃkʰyeya-guṇaḥ śrīmān   bʰāskarasya_ātma-saṃbʰavaḥ /5/

Verse: 6 
Halfverse: a    sa nirīkṣya mahābāhuḥ   sarvato raṅga maṇḍalam
   sa nirīkṣya mahā-bāhuḥ   sarvato raṅga maṇḍalam /
Halfverse: c    praṇāmaṃ droṇa kr̥payor   nātyādr̥tam ivākarot
   praṇāmaṃ droṇa kr̥payor   nātyādr̥tam iva_akarot /6/

Verse: 7 
Halfverse: a    sa sāmāja janaḥ sarvo   niścalaḥ stʰiralocanaḥ
   sa sāmāja janaḥ sarvo   niścalaḥ stʰira-locanaḥ /
Halfverse: c    ko 'yam ity āgatakṣobʰaḥ   kautūhalaparo 'bʰavat
   ko_ayam ity āgata-kṣobʰaḥ   kautūhala-paro_abʰavat /7/

Verse: 8 
Halfverse: a    so 'bravīn megʰadʰīreṇa   svareṇa vadatāṃ varaḥ
   so_abravīn megʰa-dʰīreṇa   svareṇa vadatāṃ varaḥ /
Halfverse: c    bʰrātā bʰrātaram ajñātaṃ   sāvitraḥ pākaśāsanim
   bʰrātā bʰrātaram ajñātaṃ   sāvitraḥ pāka-śāsanim /8/

Verse: 9 
Halfverse: a    pārtʰa yat te kr̥taṃ karmaviśeṣavad   ahaṃ tataḥ
   pārtʰa yat te kr̥taṃ karma-viśeṣavad   ahaṃ tataḥ /
Halfverse: c    kariṣye paśyatāṃ nr̥̄ṇāṃ   mātmanā vismayaṃ gamaḥ
   kariṣye paśyatāṃ nr̥̄ṇāṃ   mā_ātmanā vismayaṃ gamaḥ /9/

Verse: 10 
Halfverse: a    asamāpte tatas tasya   vacane vadatāṃ vara
   asamāpte tatas tasya   vacane vadatāṃ vara /
Halfverse: c    yantrotkṣipta iva kṣipram   uttastʰau sarvato janaḥ
   yantra_utkṣipta\ iva kṣipram   uttastʰau sarvato janaḥ /10/

Verse: 11 
Halfverse: a    prītiś ca puruṣavyāgʰra   duryodʰanam atʰāspr̥śat
   prītiś ca puruṣa-vyāgʰra   duryodʰanam atʰa_aspr̥śat /
Halfverse: c    hrīś ca krodʰaś ca bībʰatsuṃ   kṣaṇenānvaviśac ca ha
   hrīś ca krodʰaś ca bībʰatsuṃ   kṣaṇena_anvaviśac ca ha /11/

Verse: 12 
Halfverse: a    tato droṇābʰyanujñātaḥ   karṇaḥ priyaraṇaḥ sadā
   tato droṇa_abʰyanujñātaḥ   karṇaḥ priya-raṇaḥ sadā /
Halfverse: c    yatkr̥taṃ tatra pārtʰena   tac cakāra mahābalaḥ
   yat-kr̥taṃ tatra pārtʰena   tac cakāra mahā-balaḥ /12/

Verse: 13 
Halfverse: a    atʰa duryodʰanas tatra   bʰrātr̥bʰiḥ saha bʰārata
   atʰa duryodʰanas tatra   bʰrātr̥bʰiḥ saha bʰārata /
Halfverse: c    karṇaṃ pariṣvajya mudā   tato vacanam abravīt
   karṇaṃ pariṣvajya mudā   tato vacanam abravīt /13/

Verse: 14 
Halfverse: a    svāgataṃ te mahābāho   diṣṭyā prāpto 'si mānada
   svāgataṃ te mahā-bāho   diṣṭyā prāpto_asi mānada /
Halfverse: c    ahaṃ ca kururājyaṃ ca   yatʰeṣṭam upabʰujyatām
   ahaṃ ca kuru-rājyaṃ ca   yatʰā_iṣṭam upabʰujyatām /14/

Verse: 15  {Karṇa uvāca}
Halfverse: a    kr̥taṃ sarveṇa me 'nyena   sakʰitvaṃ ca tvayā vr̥ṇe
   kr̥taṃ sarveṇa me_anyena   sakʰitvaṃ ca tvayā vr̥ṇe /
Halfverse: c    dvandvayuddʰāṃ ca pārtʰena   kartum iccʰāmi bʰārata
   dvandva-yuddʰāṃ ca pārtʰena   kartum iccʰāmi bʰārata /15/

Verse: 16  {Duryodʰana uvāca}
Halfverse: a    bʰuṅkṣva bʰogān mayā sārdʰaṃ   bandʰūnāṃ priyakr̥d bʰava
   bʰuṅkṣva bʰogān mayā sārdʰaṃ   bandʰūnāṃ priyakr̥d bʰava /
Halfverse: c    durhr̥dāṃ kuru sarveṣāṃ   mūrdʰni pādam ariṃdama
   durhr̥dāṃ kuru sarveṣāṃ   mūrdʰni pādam ariṃ-dama /16/

Verse: 17  {Vaiśaṃpāyana uvāca}
Halfverse: a    tataḥ kṣiptam ivātmānaṃ   matvā pārtʰo 'bʰyabʰāṣata
   tataḥ kṣiptam iva_ātmānaṃ   matvā pārtʰo_abʰyabʰāṣata /
Halfverse: c    karṇaṃ bʰrātr̥samūhasya   madʰye 'calam iva stʰitam
   karṇaṃ bʰrātr̥-samūhasya   madʰye_acalam iva stʰitam /17/

Verse: 18 
Halfverse: a    anāhūtopasr̥ptānām   anāhūtopajalpinām
   anāhūta_upasr̥ptānām   anāhūta_upajalpinām /
Halfverse: c    ye lokās tān hataḥ karṇa   mayā tvaṃ pratipatsyase
   ye lokās tān hataḥ karṇa   mayā tvaṃ pratipatsyase /18/

Verse: 19  {Karṇa uvāca}
Halfverse: a    raṅgo 'yaṃ sarvasāmānyaḥ   kim atra tava pʰalguna
   raṅgo_ayaṃ sarva-sāmānyaḥ   kim atra tava pʰalguna /
Halfverse: c    vīryaśreṣṭʰāś ca rājanyā   balaṃ dʰarmo 'nuvartate
   vīrya-śreṣṭʰāś ca rājanyā   balaṃ dʰarmo_anuvartate /19/

Verse: 20 
Halfverse: a    kiṃ kṣepair durbalāśvāsaiḥ   śaraiḥ katʰaya bʰārata
   kiṃ kṣepair durbala_āśvāsaiḥ   śaraiḥ katʰaya bʰārata /
Halfverse: c    guroḥ samakṣaṃ yāvat te   harāmy adya śiraḥ śaraiḥ
   guroḥ samakṣaṃ yāvat te   harāmy adya śiraḥ śaraiḥ /20/

Verse: 21  {Vaiśaṃpāyana uvāca}
Halfverse: a    tato droṇābʰyanujñātaḥ   pārtʰaḥ parapuraṃjayaḥ
   tato droṇa_abʰyanujñātaḥ   pārtʰaḥ para-puraṃjayaḥ /
Halfverse: c    bʰrātr̥bʰis tvarayāśliṣṭo   raṇāyopajagāma tam {!}
   bʰrātr̥bʰis tvarayā_āśliṣṭo   raṇāya_upajagāma tam /21/ {!}

Verse: 22 
Halfverse: a    tato duryodʰanenāpi   sabʰrātrā samarodyataḥ
   tato duryodʰanena_api   sabʰrātrā samara_udyataḥ /
Halfverse: c    pariṣvaktaḥ stʰitaḥ karṇaḥ   pragr̥hya saśaraṃ dʰanuḥ
   pariṣvaktaḥ stʰitaḥ karṇaḥ   pragr̥hya saśaraṃ dʰanuḥ /22/

Verse: 23 
Halfverse: a    tataḥ savidyutstanitaiḥ   sendrāyudʰa puro javaiḥ
   tataḥ savidyut-stanitaiḥ   sa_indra_āyudʰa puro javaiḥ /
Halfverse: c    āvr̥taṃ gaganaṃ megʰair   balākāpaṅktihāsibʰiḥ
   āvr̥taṃ gaganaṃ megʰair   balākāpaṅktihāsibʰiḥ /23/

Verse: 24 
Halfverse: a    tataḥ snehād dʰari hayaṃ   dr̥ṣṭvā raṅgāvalokinam
   tataḥ snehādd^hari hayaṃ   dr̥ṣṭvā raṅga_avalokinam /
Halfverse: c    bʰāskāro 'py anayan nāśaṃ   samīpopagatān gʰanān
   bʰāskāro_apy anayan nāśaṃ   samīpa_upagatān gʰanān /24/

Verse: 25 
Halfverse: a    megʰac cʰāyopagūḍʰas tu   tato 'dr̥śyata pāṇḍavaḥ
   megʰac cʰāyā_upagūḍʰas tu   tato_adr̥śyata pāṇḍavaḥ /
Halfverse: c    sūryātapaparikṣiptaḥ   karṇo 'pi samadr̥śyata
   sūrya_ātapa-parikṣiptaḥ   karṇo_api samadr̥śyata /25/

Verse: 26 
Halfverse: a    dʰārtarāṣṭrā yataḥ karṇas   tasmin deśe vyavastʰitāḥ
   dʰārtarāṣṭrā yataḥ karṇas   tasmin deśe vyavastʰitāḥ /
Halfverse: c    bʰāradvājaḥ kr̥po bʰīṣmo   yataḥ pārtʰas tato 'bʰavan
   bʰāradvājaḥ kr̥po bʰīṣmo   yataḥ pārtʰas tato_abʰavan /26/

Verse: 27 
Halfverse: a    dvidʰā raṅgaḥ samabʰavat   strīṇāṃ dvaidʰam ajāyata
   dvidʰā raṅgaḥ samabʰavat   strīṇāṃ dvaidʰam ajāyata /
Halfverse: c    kuntibʰojasutā mohaṃ   vijñātārtʰā jagāma ha
   kunti-bʰoja-sutā mohaṃ   vijñāta_artʰā jagāma ha /27/

Verse: 28 
Halfverse: a    tāṃ tatʰā mohasāmpannāṃ   viduraḥ sarvadʰarmavit
   tāṃ tatʰā moha-sāmpannāṃ   viduraḥ sarva-dʰarmavit /
Halfverse: c    kuntīm āśvāsayām āsa   prokṣyādbʰiś candanokṣitaiḥ
   kuntīm āśvāsayām āsa   prokṣya_adbʰiś candana_ukṣitaiḥ /28/

Verse: 29 
Halfverse: a    tataḥ pratyāgata prāṇā   tāv ubʰāv api daṃśitau
   tataḥ pratyāgata prāṇā   tāv ubʰāv api daṃśitau /
Halfverse: c    putrau dr̥ṣṭvā susaṃtaptā   nānvapadyata kiṃ cana
   putrau dr̥ṣṭvā susaṃtaptā   na_anvapadyata kiṃcana /29/

Verse: 30 
Halfverse: a    tāv udyatamahācāpau   kr̥paḥ śāradvato 'bravīt
   tāv udyatamahācāpau   kr̥paḥ śāradvato_abravīt / ՙ
Halfverse: c    tāv udyatasamācāre   kuśalaḥ sarvadʰarmavit
   tāv udyata-samācāre   kuśalaḥ sarva-dʰarmavit /30/

Verse: 31 
Halfverse: a    ayaṃ pr̥tʰāyās tanayaḥ   kanīyān pāṇḍunandanaḥ
   ayaṃ pr̥tʰāyās tanayaḥ   kanīyān pāṇḍu-nandanaḥ /
Halfverse: c    kauravo bʰavatāṃ sārdʰaṃ   dvandvayuddʰaṃ kariṣyati
   kauravo bʰavatāṃ sārdʰaṃ   dvandva-yuddʰaṃ kariṣyati /31/

Verse: 32 
Halfverse: a    tvam apy evaṃ mahābāho   mātaraṃ pitaraṃ kulam
   tvam apy evaṃ mahā-bāho   mātaraṃ pitaraṃ kulam /
Halfverse: c    katʰayasva narendrāṇāṃ   yeṣāṃ tvaṃ kulavardʰanaḥ
   katʰayasva nara_indrāṇāṃ   yeṣāṃ tvaṃ kula-vardʰanaḥ /
Halfverse: e    tato viditvā pārtʰas tvāṃ   pratiyotsyati vā na vā
   tato viditvā pārtʰas tvāṃ   pratiyotsyati vā na vā /32/

Verse: 33 
Halfverse: a    evam uktasya karṇasya   vrīḍāvanatam ānanam
   evam uktasya karṇasya   vrīḍā_avanatam ānanam /
Halfverse: c    babʰau varṣāmbubʰiḥ klinnaṃ   padmam āgalitaṃ yatʰā
   babʰau varṣa_ambubʰiḥ klinnaṃ   padmam āgalitaṃ yatʰā /33/

Verse: 34  {Duryodʰana uvāca}
Halfverse: a    ācārya trividʰā yonī   rājñāṃ śāstraviniścaye
   ācārya trividʰā yonī   rājñāṃ śāstra-viniścaye /
Halfverse: c    tat kulīnaś ca śūraś ca   senāṃ yaś ca prakarṣati
   tat kulīnaś ca śūraś ca   senāṃ yaś ca prakarṣati /34/

Verse: 35 
Halfverse: a    yady ayaṃ pʰalguno yuddʰe   nārājñā yoddʰum iccʰati
   yady ayaṃ pʰalguno yuddʰe   na_arājñā yoddʰum iccʰati /
Halfverse: c    tasmād eṣo 'ṅgaviṣaye   mayā rājye 'bʰiṣicyate
   tasmād eṣo_aṅga-viṣaye   mayā rājye_abʰiṣicyate /35/

Verse: 36  {Vaiśaṃpāyana uvāca}
Halfverse: a    tatas tasmin kṣaṇe karṇaḥ   salāja kusumair gʰaṭaiḥ
   tatas tasmin kṣaṇe karṇaḥ   salāja kusumair gʰaṭaiḥ /
Halfverse: c    kāñcanaiḥ kāñcane pīṭʰe   mantravidbʰir mahāratʰaḥ
   kāñcanaiḥ kāñcane pīṭʰe   mantravidbʰir mahā-ratʰaḥ /
Halfverse: e    abʰiṣikto 'ṅgarājye sa   śriyā yukto mahābalaḥ
   abʰiṣikto_aṅga-rājye sa   śriyā yukto mahā-balaḥ /36/

Verse: 37 
Halfverse: a    saccʰatravālavyajano   jayaśabdāntareṇa ca
   sac-cʰatra-vāla-vyajano   jaya-śabda_antareṇa ca /
Halfverse: c    uvāca kauravaṃ rājā   rājānaṃ taṃ vr̥ṣas tadā
   uvāca kauravaṃ rājā   rājānaṃ taṃ vr̥ṣas tadā /37/

Verse: 38 
Halfverse: a    asya rājyapradānasya   sadr̥śaṃ kiṃ dadāni te
   asya rājya-pradānasya   sadr̥śaṃ kiṃ dadāni te /
Halfverse: c    prabrūhi rājaśārdūla   kartā hy asmi tatʰā nr̥pa
   prabrūhi rāja-śārdūla   kartā hy asmi tatʰā nr̥pa /
Halfverse: e    atyantaṃ sakʰyam iccʰāmīty   āha taṃ sa suyodʰanaḥ
   atyantaṃ sakʰyam iccʰāmi_ity   āha taṃ sa suyodʰanaḥ /38/

Verse: 39 
Halfverse: a    evam uktas tataḥ karṇas   tatʰeti pratyabʰāṣata
   evam uktas tataḥ karṇas   tatʰā_iti pratyabʰāṣata /
Halfverse: c    harṣāc cobʰau samāśliṣya   parāṃ mudam avāpatuḥ
   harṣāc ca_ubʰau samāśliṣya   parāṃ mudam avāpatuḥ /39/ (E)39



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.