TITUS
Mahabharata
Part No. 128
Previous part

Chapter: 128 
Adhyāya 128


Verse: 1  {Vaiśaṃpāyana uvāca}
Halfverse: a    tataḥ śiṣyān samānīya   ācāryārtʰam acodayat
   tataḥ śiṣyān samānīya ācārya_artʰam acodayat / ՙ
Halfverse: c    droṇaḥ sarvān aśeṣeṇa   dakṣiṇārtʰaṃ mahīpate
   droṇaḥ sarvān aśeṣeṇa   dakṣiṇa_artʰaṃ mahī-pate /1/

Verse: 2 
Halfverse: a    pāñcālarājaṃ drupadaṃ   gr̥hītvā raṇamūrdʰani
   pāñcāla-rājaṃ drupadaṃ   gr̥hītvā raṇa-mūrdʰani /
Halfverse: c    paryānayata bʰadraṃ vaḥ   sā syāt paramadakṣiṇā
   paryānayata bʰadraṃ vaḥ   sā syāt parama-dakṣiṇā /2/

Verse: 3 
Halfverse: a    tatʰety uktvā tu te sarve   ratʰais tūrṇaṃ prahāriṇaḥ
   tatʰā_ity uktvā tu te sarve   ratʰais tūrṇaṃ prahāriṇaḥ /
Halfverse: c    ācārya dʰanadānārtʰaṃ   droṇena sahitā yayuḥ
   ācārya dʰana-dāna_artʰaṃ   droṇena sahitā yayuḥ /3/

Verse: 4 
Halfverse: a    tato 'bʰijagmuḥ pāñcālān   nigʰnantas te nararṣabʰāḥ
   tato_abʰijagmuḥ pāñcālān   nigʰnantas te nara-r̥ṣabʰāḥ /
Halfverse: c    mamr̥dus tasya nagaraṃ   drupadasya mahaujasaḥ
   mamr̥dus tasya nagaraṃ   drupadasya mahā_ojasaḥ /4/

Verse: 5 
Halfverse: a    te yajñasenaṃ drupadaṃ   gr̥hītvā raṇamūrdʰani
   te yajña-senaṃ drupadaṃ   gr̥hītvā raṇa-mūrdʰani /
Halfverse: c    upājahruḥ sahāmātyaṃ   droṇāya bʰaratarṣabʰāḥ
   upājahruḥ sahāmātyaṃ   droṇāya bʰarata-r̥ṣabʰāḥ /5/

Verse: 6 
Halfverse: a    bʰagnadarpaṃ hr̥tadʰanaṃ   tatʰā ca vaśam āgatam
   bʰagna-darpaṃ hr̥ta-dʰanaṃ   tatʰā ca vaśam āgatam /
Halfverse: c    sa vairaṃ manasā dʰyātvā   droṇo drupadam abravīt
   sa vairaṃ manasā dʰyātvā   droṇo drupadam abravīt /6/

Verse: 7 
Halfverse: a    pramr̥dya tarasā rāṣṭraṃ   puraṃ te mr̥ditaṃ mayā
   pramr̥dya tarasā rāṣṭraṃ   puraṃ te mr̥ditaṃ mayā /
Halfverse: c    prāpya jīvan ripuvaśaṃ   sakʰipūrvaṃ kim iṣyate
   prāpya jīvan ripu-vaśaṃ   sakʰi-pūrvaṃ kim iṣyate /7/

Verse: 8 
Halfverse: a    evam uktvā prahasyainaṃ   niścitya punar abravīt
   evam uktvā prahasya_enaṃ   niścitya punar abravīt /
Halfverse: c    mā bʰaiḥ prāṇabʰayād rājan   kṣamiṇo brāhmaṇā vayam
   mā bʰaiḥ prāṇa-bʰayād rājan   kṣamiṇo brāhmaṇā vayam /8/

Verse: 9 
Halfverse: a    āśrame krīḍitaṃ yat tu   tvayā bālye mayā saha
   āśrame krīḍitaṃ yat tu   tvayā bālye mayā saha /
Halfverse: c    tena saṃvardʰitaḥ snehas   tvayā me kṣatriyarṣabʰa
   tena saṃvardʰitaḥ snehas   tvayā me kṣatriya-r̥ṣabʰa /9/

Verse: 10 
Halfverse: a    prārtʰayeyaṃ tvayā sakʰyaṃ   punar eva nararṣabʰa
   prārtʰayeyaṃ tvayā sakʰyaṃ   punar eva nara-r̥ṣabʰa /
Halfverse: c    varaṃ dadāmi te rājan   rājyasyārdʰam avāpnuhi
   varaṃ dadāmi te rājan   rājyasya_ardʰam avāpnuhi /10/

Verse: 11 
Halfverse: a    arājā kila no rājñāṃ   sakʰā bʰavitum arhati
   arājā kila no rājñāṃ   sakʰā bʰavitum arhati /
Halfverse: c    ataḥ prayatitaṃ rājye   yajñasena mayā tava
   ataḥ prayatitaṃ rājye   yajña-sena mayā tava /11/

Verse: 12 
Halfverse: a    rājāsi dakṣiṇe kūle   bʰāgīratʰyāham uttare
   rājā_asi dakṣiṇe kūle   bʰāgīratʰyā_aham uttare /
Halfverse: c    sakʰāyaṃ māṃ vijānīhi   pāñcāla yadi manyase
   sakʰāyaṃ māṃ vijānīhi   pāñcāla yadi manyase /12/

Verse: 13  {Drupada uvāca}
Halfverse: a    anāścaryam idaṃ brahman   vikrānteṣu mahātmasu
   anāścaryam idaṃ brahman   vikrānteṣu mahātmasu /
Halfverse: c    prīye tvayāhaṃ tvattaś ca   prītim iccʰāmi śāśvatīm
   prīye tvayā_ahaṃ tvattaś ca   prītim iccʰāmi śāśvatīm /13/

Verse: 14  {Vaiśaṃpāyana uvāca}
Halfverse: a    evam uktas tu taṃ droṇo   mokṣayām āsa bʰārata
   evam uktas tu taṃ droṇo   mokṣayām āsa bʰārata /
Halfverse: c    satkr̥tya cainaṃ prītātmā   rājyārdʰaṃ pratyapādayat
   satkr̥tya ca_enaṃ prīta_ātmā   rājya_ardʰaṃ pratyapādayat /14/

Verse: 15 
Halfverse: a    mākandīm atʰa gaṅgāyās   tīre janapadāyutām
   mākandīm atʰa gaṅgāyās   tīre janapada_āyutām /
Halfverse: c    so 'dʰyāvasad dīnamanāḥ   kāmpilyaṃ ca purottamam
   so_adʰyāvasad dīna-manāḥ   kāmpilyaṃ ca pura_uttamam /
Halfverse: e    dakṣiṇāṃś caiva pāñcālān   yāvac carmaṇvatī nadī
   dakṣiṇāṃś caiva pāñcālān   yāvac carmaṇvatī nadī /15/

Verse: 16 
Halfverse: a    droṇena vairaṃ drupadaḥ   saṃsmaran na śaśāma ha
   droṇena vairaṃ drupadaḥ   saṃsmaran na śaśāma ha /
Halfverse: c    kṣātreṇa ca balenāsya   nāpaśyat sa parājayam
   kṣātreṇa ca balena_asya   na_apaśyat sa parājayam /16/

Verse: 17 
Halfverse: a    hīnaṃ viditvā cātmānaṃ   brāhmaṇena balena ca
   hīnaṃ viditvā ca_ātmānaṃ   brāhmaṇena balena ca /
Halfverse: c    putra janma parīpsan vai   sa rājā tad adʰārayat
   putra janma parīpsan vai   sa rājā tad adʰārayat /
Halfverse: e    ahic cʰatraṃ ca viṣayaṃ   droṇaḥ samabʰipadyata
   ahic cʰatraṃ ca viṣayaṃ   droṇaḥ samabʰipadyata /17/

Verse: 18 
Halfverse: a    evaṃ rājann ahic cʰatrā   purī janapadāyutā
   evaṃ rājann ahic cʰatrā   purī jana-pada_āyutā /
Halfverse: c    yudʰi nirjitya pārtʰena   droṇāya pratipāditā
   yudʰi nirjitya pārtʰena   droṇāya pratipāditā /18/ (E)18



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.