TITUS
Mahabharata
Part No. 115
Previous part

Chapter: 115 
Adhyāya 115


Verse: 1  {Vaiśampāyana uvāca}
Halfverse: a    kuntīputreṣu jāteṣu   dʰr̥tarāṣṭrātmajeṣu ca
   kuntī-putreṣu jāteṣu   dʰr̥tarāṣṭra_ātmajeṣu ca /
Halfverse: c    madrarājasutā pāṇḍuṃ   raho vacanam abravīt
   madra-rāja-sutā pāṇḍuṃ   raho vacanam abravīt /1/

Verse: 2 
Halfverse: a    na me 'sti tvayi saṃtāpo   viguṇe 'pi paraṃtapa
   na me_asti tvayi saṃtāpo   viguṇe_api paraṃtapa /
Halfverse: c    nāvaratve varārhāyāḥ   stʰitvā cānagʰa nityadā
   na_avaratve vara_arhāyāḥ   stʰitvā ca_anagʰa nityadā /2/

Verse: 3 
Halfverse: a    gāndʰāryāś caiva nr̥pate   jātaṃ putraśataṃ tatʰā
   gāndʰāryāś caiva nr̥pate   jātaṃ putra-śataṃ tatʰā /
Halfverse: c    śrutvā na me tatʰā duḥkʰam   abʰavat kurunandana
   śrutvā na me tatʰā duḥkʰam   abʰavat kuru-nandana /3/

Verse: 4 
Halfverse: a    idaṃ tu me mahad duḥkʰaṃ   tulyatāyām aputratā
   idaṃ tu me mahad duḥkʰaṃ   tulyatāyām aputratā /
Halfverse: c    diṣṭyā tv idānīṃ bʰartur me   kuntyām apy asti saṃtatiḥ
   diṣṭyā tv idānīṃ bʰartur me   kuntyām apy asti saṃtatiḥ /4/

Verse: 5 
Halfverse: a    yadi tv apatyasaṃtānaṃ   kunti rājasutā mayi
   yadi tv apatya-saṃtānaṃ   kunti rāja-sutā mayi /
Halfverse: c    kuryād anugraho me syāt   tava cāpi hitaṃ bʰavet
   kuryād anugraho me syāt   tava ca_api hitaṃ bʰavet /5/

Verse: 6 
Halfverse: a    stambʰo hi me sapatnītvād   vaktuṃ kunti sutāṃ prati
   stambʰo hi me sapatnītvād   vaktuṃ kunti sutāṃ prati /
Halfverse: c    yadi tu tvaṃ prasanno me   svayam enāṃ pracodaya
   yadi tu tvaṃ prasanno me   svayam enāṃ pracodaya /6/

Verse: 7  {Pāṇḍur uvāca}
Halfverse: a    mamāpy eṣa sadā mādri   hr̥dy artʰaḥ parivartate
   mama_apy eṣa sadā mādri   hr̥dy artʰaḥ parivartate /
Halfverse: c    na tu tvāṃ prasahe vaktum   iṣṭāniṣṭa vivakṣayā
   na tu tvāṃ prasahe vaktum   iṣṭa_aniṣṭa vivakṣayā /7/

Verse: 8 
Halfverse: a    tava tv idaṃ mataṃ jñātvā   prayatiṣyāmy ataḥ param
   tava tv idaṃ mataṃ jñātvā   prayatiṣyāmy ataḥ param /
Halfverse: c    manye dʰruvaṃ mayoktā sā   vaco me pratipatsyate
   manye dʰruvaṃ mayā_uktā sā   vaco me pratipatsyate /8/

Verse: 9  {Vaiśampāyana uvāca}
Halfverse: a    tataḥ kuntīṃ punaḥ pāṇḍur   vivikta idam abravīt
   tataḥ kuntīṃ punaḥ pāṇḍur   vivikta\ idam abravīt /
Halfverse: c    kulasya mama saṃtānaṃ   lokasya ca kuru priyam
   kulasya mama saṃtānaṃ   lokasya ca kuru priyam /9/

Verse: 10 
Halfverse: a    mama cāpiṇḍa nāśāya   pūrveṣām api cātmanaḥ
   mama ca_apiṇḍa nāśāya   pūrveṣām api ca_ātmanaḥ /
Halfverse: c    matpriyārtʰaṃ ca kalyāṇi   kuru kalyāṇam uttamam
   mat-priya_artʰaṃ ca kalyāṇi   kuru kalyāṇam uttamam /10/

Verse: 11 
Halfverse: a    yaśaso 'rtʰāya caiva tvaṃ   kuru karma suduṣkaram
   yaśaso_artʰāya caiva tvaṃ   kuru karma suduṣkaram /
Halfverse: c    prāpyādʰipatyam indreṇa   yajñair iṣṭaṃ yaśo'rtʰinā
   prāpya_ādʰipatyam indreṇa   yajñair iṣṭaṃ yaśo_artʰinā /11/

Verse: 12 
Halfverse: a    tatʰā mantravido viprās   tapas taptvā suduṣkaram
   tatʰā mantravido viprās   tapas taptvā suduṣkaram /
Halfverse: c    gurūn abʰyupagaccʰanti   yaśaso 'rtʰāya bʰāmini
   gurūn abʰyupagaccʰanti   yaśaso_artʰāya bʰāmini /12/

Verse: 13 
Halfverse: a    tatʰā rājarṣayaḥ sarve   brāhmaṇāś ca tapodʰanāḥ
   tatʰā rāja-r̥ṣayaḥ sarve   brāhmaṇāś ca tapo-dʰanāḥ /
Halfverse: c    cakrur uccāvacaṃ karma   yaśaso 'rtʰāya duṣkaram
   cakrur ucca_avacaṃ karma   yaśaso_artʰāya duṣkaram /13/

Verse: 14 
Halfverse: a    sā tvaṃ mādrīṃ plaveneva   tārayemām anindite
   sā tvaṃ mādrīṃ plavena_iva   tāraya_imām anindite /
Halfverse: c    apatyasaṃvibʰāgena   parāṃ kīrtim avāpnuhi
   apatya-saṃvibʰāgena   parāṃ kīrtim avāpnuhi /14/

Verse: 15 
Halfverse: a    evam uktābravīn mādrīṃ   sakr̥c cintaya daivatam
   evam uktā_abravīn mādrīṃ   sakr̥c cintaya daivatam /
Halfverse: c    tasmāt te bʰavitāpatyam   anurūpam asaṃśayam
   tasmāt te bʰavitā_apatyam   anurūpam asaṃśayam /15/

Verse: 16 
Halfverse: a    tato mādrī vicāryaiva   jagāma manasāśvinau
   tato mādrī vicārya_eva   jagāma manasā_aśvinau /
Halfverse: c    tāv āgamya sutau tasyāṃ   janayām āsatur yamau
   tāv āgamya sutau tasyāṃ   janayām āsatur yamau /16/

Verse: 17 
Halfverse: a    nakulaṃ sahadevaṃ ca   rūpeṇāpratimau bʰuvi
   nakulaṃ sahadevaṃ ca   rūpeṇa_apratimau bʰuvi /
Halfverse: c    tatʰaiva tāv api yamau   vāg uvācāśarīriṇī
   tatʰaiva tāv api yamau   vāg uvāca_aśarīriṇī /17/

Verse: 18 
Halfverse: a    rūpasattvaguṇopetāv   etāv anyāñ janān ati
   rūpa-sattva-guṇa_upetāv   etāv anyān janān ati /
Halfverse: c    bʰāsatas tejasātyartʰaṃ   rūpadraviṇa saṃpadā
   bʰāsatas tejasā_atyartʰaṃ   rūpa-draviṇa saṃpadā /18/

Verse: 19 
Halfverse: a    nāmāni cakrire teṣāṃ   śataśr̥ṅganivāsinaḥ
   nāmāni cakrire teṣāṃ   śata-śr̥ṅga-nivāsinaḥ /
Halfverse: c    bʰaktyā ca karmaṇā caiva   tatʰāśīrbʰir viśāṃ pate
   bʰaktyā ca karmaṇā caiva   tatʰā_āśīrbʰir viśāṃ pate /19/

Verse: 20 
Halfverse: a    jyeṣṭʰaṃ yudʰiṣṭʰirety āhur   bʰīmaseneti madʰyamam
   jyeṣṭʰaṃ yudʰiṣṭʰira_ity āhur   bʰīma-sena_iti madʰyamam /
Halfverse: c    arjuneti tr̥tīyaṃ ca   kuntīputrān akalpayan
   arjuna_iti tr̥tīyaṃ ca   kuntī-putrān akalpayan /20/

Verse: 21 
Halfverse: a    pūrvajaṃ nakulety evaṃ   sahadeveti cāparam
   pūrvajaṃ nakula_ity evaṃ   sahadeva_iti ca_aparam /
Halfverse: c    mādrīputrāv akatʰayaṃs   te viprāḥ prītamānasāḥ
   mādrī-putrāv akatʰayaṃs   te viprāḥ prīta-mānasāḥ /
Halfverse: e    anusaṃvatsaraṃ jātā   api te kurusattamāḥ
   anusaṃvatsaraṃ jātā api te kuru-sattamāḥ /21/

Verse: 22 
Halfverse: a    kuntīm atʰa punaḥ pāṇḍur   mādry artʰe samacodayat
   kuntīm atʰa punaḥ pāṇḍur   mādry artʰe samacodayat /
Halfverse: c    tam uvāca pr̥tʰā rājan   rahasy uktā satī sadā
   tam uvāca pr̥tʰā rājan   rahasy uktā satī sadā /22/

Verse: 23 
Halfverse: a    uktā sakr̥d dvandvam eṣā   lebʰe tenāsmi vañcitā
   uktā sakr̥d dvandvam eṣā   lebʰe tena_asmi vañcitā /
Halfverse: c    bibʰemy asyāḥ paribʰavān   nārīṇāṃ gatir īdr̥śī
   bibʰemy asyāḥ paribʰavān   nārīṇāṃ gatir īdr̥śī /23/

Verse: 24 
Halfverse: a    nājñāsiṣam ahaṃ mūḍʰā   dvandvāhvāne pʰaladvayam
   na_ajñāsiṣam ahaṃ mūḍʰā   dvandva_āhvāne pʰala-dvayam /
Halfverse: c    tasmān nāhaṃ niyoktavyā   tvayaiṣo 'stu varo mama
   tasmān na_ahaṃ niyoktavyā   tvayā_eṣo_astu varo mama /24/

Verse: 25 
Halfverse: a    evaṃ pāṇḍoḥ sutāḥ pañca   devadattā mahābalāḥ
   evaṃ pāṇḍoḥ sutāḥ pañca   deva-dattā mahā-balāḥ /
Halfverse: c    saṃbʰūtāḥ kīrtimantas te   kuruvaṃśavivardʰanāḥ
   saṃbʰūtāḥ kīrtimantas te   kuru-vaṃśa-vivardʰanāḥ /25/

Verse: 26 
Halfverse: a    śubʰalakṣaṇasaṃpannāḥ   somavat priyadarśanāḥ
   śubʰa-lakṣaṇa-saṃpannāḥ   somavat priya-darśanāḥ /
Halfverse: c    siṃhadarpā maheṣvāsāḥ   siṃhavikrānta gāminaḥ
   siṃha-darpā mahā_iṣvāsāḥ   siṃha-vikrānta gāminaḥ /
Halfverse: e    siṃhagrīvā manuṣyendrā   vavr̥dʰur deva vikramāḥ
   siṃha-grīvā manuṣya_indrā   vavr̥dʰur deva vikramāḥ /26/

Verse: 27 
Halfverse: a    vivardʰamānās te tatra   puṇye haimavate girau
   vivardʰamānās te tatra   puṇye haimavate girau /
Halfverse: c    vismayaṃ janayām āsur   maharṣīṇāṃ sameyuṣām
   vismayaṃ janayām āsur   maharṣīṇāṃ sameyuṣām /27/

Verse: 28 
Halfverse: a    te ca pañcaśataṃ caiva   kuruvaṃśavivardʰanāḥ
   te ca pañca-śataṃ caiva   kuru-vaṃśa-vivardʰanāḥ /
Halfverse: c    sarve vavr̥dʰur alpena   kālenāpsv iva nīrajāḥ
   sarve vavr̥dʰur alpena   kālena_apsv iva nīrajāḥ /28/ (E)28




Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.