TITUS
Vetus Testamentum graece iuxta LXX interpretes
Part No. 917
Previous part

Chapter: 15 
Verse: 0  Ψαλμὸς τῷ Σαλωμων μετὰ ᾠδῆς.
Verse: 1  ᾽Εν τῷ ϑλίβεσϑαί με ἐπεκαλεσάμην τὸ ὄνομα κυρίου,
εἰς βοήϑειαν ἤλπισα τοῦ ϑεοῦ Ιακωβ καὶ ἐσώϑην·
ὅτι ἐλπὶς καὶ καταϕυγὴ τῶν πτωχῶν σύ, ὁ ϑεός.
Verse: 2  τίς γὰρ ἰσχύει, ὁ ϑεός, εἰ μὴ ἐξομολογήσασϑαί σοι ἐν ἀληϑείᾳ;
καὶ τί δυνατὸς ἄνϑρωπος εἰ μὴ ἐξομολογήσασϑαι τῷ ὀνόματί // σου;
Verse: 3  ψαλμὸν καινὸν μετὰ ᾠδῆς ἐν εὐϕροσύνῃ καρδίας,
καρπὸν χειλέων ἐν ὀργάνῳ ἡρμοσμένῳ γλώσσης,
ἀπαρχὴν χειλέων ἀπὸ καρδίας ὁσίας καὶ δικαίας,
Verse: 4  ὁ ποιῶν ταῦτα οὐ σαλευϑήσεται εἰς τὸν αἰῶνα ἀπὸ κακοῦ,
ϕλὸξ πυρὸς καὶ ὀργὴ ἀδίκων οὐχ ἅψεται αὐτοῦ,
Verse: 5  ὅταν ἐξέλϑῃ ἐπὶ ἁμαρτωλοὺς ἀπὸ προσώπου κυρίου
ὀλεϑρεῦσαι πᾶσαν ὑπόστασιν ἁμαρτωλῶν·
Verse: 6  ὅτι τὸ σημεῖον τοῦ ϑεοῦ ἐπὶ δικαίους εἰς σωτηρίαν.
Verse: 7  Λιμὸς καὶ ῥομϕαία καὶ ϑάνατος ἀπὸ δικαίων μακράν,
ϕεύξονται γὰρ ὡς διωκόμενοι πολέμου ἀπὸ ὁσίων·
Verse: 8  καταδιώξονται δὲ ἁμαρτωλοὺς καὶ καταλήμψονται,
καὶ οὐκ ἐκϕεύξονται οἱ ποιοῦντες ἀνομίαν τὸ κρίμα κυρίου·
Verse: 9  ὡς ὑπὸ πολεμίων ἐμπείρων καταλημϕϑήσονται,
τὸ γὰρ σημεῖον τῆς ἀπωλείας ἐπὶ τοῦ μετώπου αὐτῶν.
Verse: 10  καὶ ἡ κληρονομία τῶν ἁμαρτωλῶν ἀπώλεια καὶ σκότος,
καὶ αἱ ἀνομίαι αὐτῶν διώξονται αὐτοὺς ἕως ᾅδου κάτω.
Verse: 11  ἡ κληρονομία αὐτῶν οὐχ εὑρεϑήσεται τοῖς τέκνοις αὐτῶν,
αἱ γὰρ ἁμαρτίαι ἐξερημώσουσιν οἴκους ἁμαρτωλῶν·
Verse: 12  καὶ ἀπολοῦνται ἁμαρτωλοὶ ἐν ἡμέρᾳ κρίσεως κυρίου εἰς τὸν // αἰῶνα,
ὅταν ἐπισκέπτηται ὁ ϑεὸς τὴν γῆν ἐν κρίματι αὐτοῦ·
Verse: 13  οἱ δὲ ϕοβούμενοι τὸν κύριον ἐλεηϑήσονται ἐν αὐτῇ
καὶ ζήσονται ἐν τῇ ἐλεημοσύνῃ τοῦ ϑεοῦ αὐτῶν·
καὶ ἁμαρτωλοὶ ἀπολοῦνται εἰς τὸν αἰῶνα χρόνον. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.