TITUS
Vetus Testamentum graece iuxta LXX interpretes
Part No. 916
Previous part

Chapter: 14 
Verse: 0  ῞Υμνος τῷ Σαλωμων.
Verse: 1  Πιστὸς κύριος τοῖς ἀγαπῶσιν αὐτὸν ἐν ἀληϑείᾳ,
τοῖς ὑπομένουσιν παιδείαν αὐτοῦ,
Verse: 2  τοῖς πορευομένοις ἐν δικαιοσύνῃ προσταγμάτων αὐτοῦ,
ἐν νόμῳ, ᾧ ἐνετείλατο ἡμῖν εἰς ζωὴν ἡμῶν.
Verse: 3  ὅσιοι κυρίου ζήσονται ἐν αὐτῷ εἰς τὸν αἰῶνα·
ὁ παράδεισος τοῦ κυρίου, τὰ ξύλα τῆς ζωῆς, ὅσιοι αὐτοῦ.
Verse: 4  ἡ ϕυτεία αὐτῶν ἐρριζωμένη εἰς τὸν αἰῶνα,
οὐκ ἐκτιλήσονται πάσας τὰς ἡμέρας τοῦ οὐρανοῦ·
Verse: 5  ὅτι ἡ μερὶς καὶ κληρονομία τοῦ ϑεοῦ ἐστιν Ισραηλ.
Verse: 6  Καὶ οὐχ οὕτως οἱ ἁμαρτωλοὶ καὶ παράνομοι,
οἳ ἠγάπησαν ἡμέραν ἐν μετοχῇ ἁμαρτίας αὐτῶν·
Verse: 7  ἐν μικρότητι σαπρίας ἡ ἐπιϑυμία αὐτῶν,
καὶ οὐκ ἐμνήσϑησαν τοῦ ϑεοῦ.
Verse: 8  ὅτι ὁδοὶ ἀνϑρώπων γνωσταὶ ἐνώπιον αὐτοῦ διὰ παντός,
καὶ ταμίεια καρδίας ἐπίσταται πρὸ τοῦ γενέσϑαι.
Verse: 9  διὰ τοῦτο ἡ κληρονομία αὐτῶν ᾅδης καὶ σκότος καὶ ἀπώλεια,
καὶ οὐχ εὑρεϑήσονται ἐν ἡμέρᾳ ἐλέους δικαίων·
Verse: 10  οἱ δὲ ὅσιοι κυρίου κληρονομήσουσιν ζωὴν ἐν εὐϕροσύνῃ. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.